尚苑京滬川菜

营业中

休息中

尖沙咀南洋中心地庫原來有間酒樓，都係第一次發現，但係就勝在夠靜，環境光猛，坐得舒服除左有點心，仲有唔少招牌菜套餐，都好抵食椒鹽九肚魚一入口就食到魚嘅鮮嫩滑脆，椒鹽調味帶點微辣同微鹹嘅味道，令魚肚更加香脆，而且無魚骨人參湯鮮蝦餃餃子皮薄透明，蝦肉鮮甜彈牙。而湯底以人參熬煮而成，滋味鮮醇濃厚，充滿著鮮蝦同人參嘅香氣。每一口都能夠感受到湯汁嘅溫潤炸銀絲卷外層酥炸至金黃酥脆，銀絲魚嘅鮮味同蛋白質豐富，加上炸得恰到好處，即刻入口即化，點埋煉奶絕配!鴛鴦肚滑雞扎雞扎鮮嫩多汁，加上魚肚嘅滑嫩質感，醬汁綿密濃郁，特別地加左金錢肚，帶有微辣同微甜嘅味道，完美地融合咗雞扎嘅鮮味原隻鮮蝦燒賣皇燒賣皮薄滑嫩，內餡以鮮蝦為主，質地鮮甜鮮嫩。每一粒燒賣皇都以一隻完整嘅鮮蝦點綴，令外觀更加吸引人，咬落鮮蝦汁水四溢豉汁醬皇蒸鳳爪鳳爪經過蒸煮後，肉質鮮嫩彈牙，配上豉汁醬皇，帶出濃郁嘅醬汁香氣。豉汁醬皇嘅味道鹹香，稍微帶點甜味同微辣

🦆 北京填鴨半隻見到塊塊填鴨皮 已經流曬口水，鴨皮入口唔太油膩，肉質又唔會乾又唔會柴，d包皮又足夠。初時以為會食唔曬，結果大家一路包一路食，津津有味😋💟 活大元貝揀左蒜蓉蒸，因為想食蒜蓉粉絲😌。一上台，已經覺得物超所值，＄28 一隻，仲有啲粉絲好多，好滿足😋，元貝又厚身又新鮮，厨師要中間切一刀去蒸，整體味道好好味🥰 尚苑小炒皇wow，配料 多過菲菜花，象拔蚌又大大塊，又唔un，仲有蝦，魷魚，帶子粒，蝦乾，好豐富，啲配料多到令到個菜式變得好 colourful，有d賞心悅目😍🌿 蒜蓉炒菜心入口嫩口，蒜蓉味剛剛好得嚟又夠味🐰 玉兔 凍入口以為內裏係芒果餡，原來係乳酪，好好味，每人送一件，真係想外賣打包走😆

屋企人鍾意飲茶，去咗紅磡科學館之後搵到呢一間係南洋中心既尚苑中菜廳。環境都有少少充滿中式風情，晚市唔算多人。**菠蘿拔絲咕嚕肉**：菠蘿嘅清甜同咕嚕肉嘅香脆結合得好好，欣賞佢真係每一舊咕嚕肉都係脆口，愈放得耐反而仲脆，菠蘿嘅特別之處在於佢係放喺隔黎，可以只食菠蘿清甜味道，平時嗰啲都係炒埋一碟。**椒鹽一字骨**：一字骨肉質鮮嫩，外面炸得好酥脆，椒鹽嘅微辣味道好香，唔會太乾身。**魚香茄子煲**：茄子勁香，用煲上熱辣辣，煮得入口即化，醬汁好香濃，送飯一流。尚苑中菜廳嘅餸菜對我黎講其實係喜出望外，價錢抵食，估唔到係呢個地點都有質素唔錯嘅中菜廳。👍🏻

今日同屋企人去咗尖東呢間酒樓飲茶，之前係OpenRice 睇到D 食評幾好，又多套餐選擇，價錢相宜，就係OpenRice 訂位，超方便。我哋就點咗個套餐有 必食酸菜魚，小籠包，同埋蛋白海鮮炒飯。必食酸菜魚，酸辣到適中，愉快也很爽滑，內裏還有很多萵筍和水晶粉。小籠包，小籠包裏面有好多湯汁，皮薄餡靚，好好味。紅油抄手，酒樓係用咗小雲吞去做，但係我個人覺得太厚，味道一般。蟲草花菜苗餃，好香蟲草花的味，味道很好。奶黃糯米糍，皮很煙靭，不算太甜，好好味。抵食套餐

如果平時係尖東返工，有一間酒樓係南洋中心嘅尚苑京滬川菜可以試試，主要係貪佢價錢實惠價錢同點心水準唔錯。呢間茶樓主打京滬川菜，但同時都有好多精緻嘅點心，環境算係唔錯，係附近飲茶嘅好選擇，平時同同事落黎順便飲個快茶都方便。  兩個人大約點左7款點心，我自已最鐘意既係黑金流沙包，呢個真係必試，輕輕一咬，果種奶黃就咇晒出嚟，正到不得了。另外，熱烈推介佢既紅米銀蘿脆脆腸，外面軟糯，入面又脆卜卜，呢種口感對比真係一試難忘。至於蝦餃皇就真係大大粒，入面啲蝦肉新鮮彈牙，都係必試！   至於其他點心，例如話，燒賣、小籠包同牛肉球都係正常發揮，雖然冇乜特別，但都唔錯。燒賣啲豬肉鮮嫩，小籠包就湯汁豐富，皮薄餡多；牛肉球嘅味道同質感都穩定，食落去都幾滿意。最後嘅甜品紅棗糕，甜度啱啱好，食完啱啱好為個餐畫上句號。 

呢度係傳統嘅酒樓環境都幾闊落，坐得幾舒服有脆皮香茅乳鴿，呢隻乳鴿一開為四 皮簿多汁啲肉質幾嫩滑一咬落去啲汁咇晒出嚟有乳鴿嘅香味 熱辣辣加多少少鹽調味回憶返晒嚟花膠紅燒豆腐 豆腐燒得好滑份量都唔少有冬菇有蔬菜，仲有滑捋捋嘅花膠啲汁幾好味，撈埋啲飯一齊嚟食蜜桃柚子骨 醬汁幾入味份量都幾多排骨嘅肥瘦適中慢慢啜吓，啜吓都好滋味啲蜜桃好甜 仲有啲柚子蜜糖喺面 甜甜酸酸嘅感覺零舍開胃 飯都食多幾粒食埋前菜嘅青瓜零舍開胃下次可以嚟呢度食圍菜

✨朋友去完歐洲旅行，話好想食中菜，今日特登去尖東行街，順便嚟幫襯尚苑中菜廳，已經第二次食啦😋✨蘇格蘭大蟶子皇：每隻$68 ：揀左豉椒炒。大大條蟶子肉配豉椒汁，廚師仲落左唔少三色椒、薑同洋蔥一齊炒，好有鑊氣，真係冇得頂👍🏼👍🏼👍🏼最後我連薑都食埋🤭✨活大元貝：每隻$28 ，揀咗用金銀算粉絲清蒸。個人認為粉絲略為有啲韌，再腍少少就正啦，用蒜蓉蔥花蒸真係好香👍🏼👍🏼✨黑糖金鑽豆腐：外皮脆脆的，非常之香口，一定要趁熱食😋✨蜜桃柚子骨：淨係賣相都已經值滿分。廚師用足一個蜜桃分開八件；燒排骨大大件好有咬口，甜酸汁味道恰到好處；仲有粒粒嘅柚子肉，又飽肚又清新👍🏼👍🏼👍🏼✨餐廳嘅裝修同燈飾都好靚，仲用左海洋生物做裝飾添。估唔到第二次食都仲係咁有驚喜😋

友誼套餐包括半隻燻香樟茶鴨和酸菜魚，另外八款點心選兩款，流沙包和鹹水角這些熱門點心都可以選擇，這次我和朋友選了牛肉球和小籠包。燻香樟茶鴨看到他的賣相還以為入口會很乾，但實際入口皮脆肉香，不會很鹹，煙燻香味齒頰留香。酸菜魚酸菜魚大份，魚肉嫩滑可口，娃娃菜和魚肉都煮得入味，酸酸辣辣；酸菜魚下有薯粉，吸收了酸菜魚湯的精華。灌湯小籠包熱騰騰的小籠包，一口一個🙊薑牙牛肉球牛肉球下放薑，牛肉球腍身，牛肉味香濃。👍🏻

今日嚟呢邊上堂，約埋2個同學仔去呢間酒樓飲茶，見佢有個孖寶都幾抵，大家又鐘意飲茶。估唔到食物質素咁高，好食。酒樓用上粉藍色裝修，睇落和諧舒適。點左2份午市孖寶，再加銀芽肉絲炒麵，鮑魚燒賣同鮮蝦腐皮卷。呢個孖寶套餐價錢非常實惠：孖寶-紅棗鮮蝦燒賣個燒賣好食，食落好彈牙，脹卜卜，蝦肉滿滿，夠大粒，好食。孖寶-紅油抄手抄手美味，少少辣，食落夠曬開胃，辣椒味香。孖寶-生薑牛肉球牛肉球看似同平時茶樓嘅相似，但食落好味道好多，芫茜味突出而且又有馬蹄增加咬口，食起嚟又無咁粉。孖寶-牛肉腸粉腸粉皮薄，入面嘅餡牛肉餡料好多而且芫荽香味，正鮑魚燒賣做緊推廣，上面有隻小鮑魚，夠晒份量，價錢又唔貴，重點係燒賣嘅餡料非常之彈牙，唔會蒸到過曬火喉，好味！鮮蝦腐皮卷炸得非常之脆，外面咬落薄脆，入面餡料又夠香，有紅蘿白，芹菜，蝦膠等等，好味道！銀芽肉絲炒麵一定要介紹，炸脆面底令人難忘，薄脆得嚟又唔會好油膩，咬落脆卜卜，加埋少少嘅銀芽同肉絲醬汁，多重口感，份量又多，絕對推介！佢呢個價錢同好多平價中式酒樓接近，但係佢嘅食物質素係非常之高水準完全超出預期！

🌟 北京填鴨半隻半隻嘅份量都好多，塊塊都有肉有皮。鴨皮脆口又唔油膩，肉質唔會乾柴。配大蔥絲，青瓜同醬，真係一件接一啖咁食😋🌟 蒜蓉活大元貝＄28/隻，unexpected 咁大隻，又厚身，蒜蓉粉絲份量又好足，元貝肉質食得出新鮮，味道好有兒時食過 嘅滋味🤤，真係好好味，CP 值極高👍🏻🌟 尚苑小炒皇好味又好多料，有蝦，魷魚，帶子粒，象拔蚌，魷魚，蝦乾，腰果，超多配料，象拔蚌好大塊，又爽口，平時其他地方食嘅小炒韭菜皇係韮菜佔多比例，呢個簡直係👍👍🌟 蒜蓉炒菜心蒜蓉味夠，菜心嫩🌟 免費 甜品 玉兔夠凍，咬落內裏係乳酪，酸酸甜甜，完美句號❤想講講：男經理 好有耐心，有 heart女職員 好有責任心仲有 哩度可以跳舞💃，但我哋唔係 舞林人士😆，離開時忘記去睇下值得支持💪

屋企人好鍾意食傳統中國菜，今晚呢一日嚟到尖沙咀行街，見到呢間餐廳喺Openrice評價相當唔錯，就一於決定試吓！餐廳裝修幾光猛，坐得好舒服。另外，店員殷勤有禮，所以整體用餐體驗都係相當唔錯嘅。食物方面，呢度有個餐牌係專門比歌舞廳嘅客人選用。但由於我哋當晚只係大廳堂食，所以我哋係用另一套餐牌嘅。俾大家睇吓個menu：我哋當晚就嗌咗一個非常之抵食嘅套餐， $288就可以享用一條蒸沙巴龍躉，以及半隻鴨。條魚唔會太細條，而且蒸嘅火候啱啱好，所以肉質非常滑！隻鴨嘅調味好出色，忍唔住食多幾舊！咕嚕肉賣相一流，最值得一讚嘅係啲菠蘿好鮮，好適合同啲咕嚕肉一齊食！金銀蛋時蔬鹹香十足，啲菜條條都好嫩！正！

俾老闆依依哦哦咗成兩個鐘，無晒胃口，午餐諗住簡單啲，去中式茶樓，食幾個點心，又返去再繼續做過。好心嘅同事話同我一齊去啦，個人冇咁depressed，點知佢陪我不特止，仲原來帶咗我去食好嘢，等我放鬆心情。同樣中式茶樓，同樣系點心食個飯，佢點到又龍蝦又鮑魚咁，窩心到死！ 🍖唔知係咪因為佢呢份真心，一開始上嘅呢個菜心特別甜。又或者可能其實係個子發揮功效。菜葉同埋菜筐，佢又幫我哋剪好分開曬，搞到鬼咁易食。 🍖跟住就係兩個點心牛肉球同埋菜苗餃，我鍾意個菜苗餃嘅皮口薄適中，所以可以食到裏面啖啖嘅菜苗。不過其實反而個牛肉球先至正，佢下面系用咗紫薑唔係用山竹，再加埋理所當然嘅喼汁，感覺系牛肉球食落好有鬆軟嘅感覺，唔似一般嗰啲硬到死。再勁啲就係鮑魚燒賣，成隻鮑魚放上個燒賣面，燒賣足料又勁多蝦，係啊，工作咁辛苦， 其實就係為咗食餐安樂啲嘅茶飯。 🍖最感謝同事安排咗龍蝦伊麪，唔係話未食過，只係喺咁嘅心情之下，食到一個咁好味嘅伊麪，半隻龍蝦啖啖肉，獻汁啱啱好掛喺伊麪之上，食左餐好，下晝個心情即刻靚翻曬。 重點系佢嘅價錢一啲都唔貴，我諗呢度好容易就成為我以後嘅comfort food。

喺尖東放工和朋友相聚此酒樓，裝修好新淨環境好靚，咁啱撞到有人開生日會氣氛好熱鬧晚市餐牌選擇唔少，我哋兩個人嗌咗三個餸。首先黑松露蝦仁炒蛋有驚喜，一上枱好香黑松露味，蝦仁好彈牙冇雪藏味，滑蛋炒得啱啱好，屬於大人小朋友都好鍾意嘅菜式。份量都唔少，好啱送飯食乾煸四季豆，口味鹹香唔會辣，份量都幾多，肉碎好足北京填鴨中規中矩整體嚟講酒樓環境幾好，好啱同朋友慢慢飲茶慢慢傾偈。服務態度都幾好，餐後仲有送甜品點心。

餐廳環境好新淨好靚，唔知餐廳係新開定新裝潢呢～餐牌上嘅晚市孖寶好抵食，見其他枱幾乎全部都食龍蝦伊麵，我哋都被引誘得垂涎三尺🤤 於是揀咗嗌海鮮孖寶C $468：半隻燻香樟茶鴨同一斤二上湯西澳龍蝦伊麵🤩龍蝦伊麵好快上枱，縮短我哋期待嘅時間😂龍蝦件件切得好大塊，啖啖肉，鮮味又爽口，食落非常之咁爽😎 伊麵吸晒龍蝦精華，食到 lam lam 脷😋燻香樟茶鴨同樣份量足，富煙熏茶香，鴨肉嘅香味同鮮味都好濃👍🏻 外皮脆，令道菜錦上添花😍 食完後上網翻查燻樟茶鴨嘅資料，先知原來係四川經典名菜😮 嗌親民嘅孖寶都食到，喜出望外🤗臨尾仲送免費甜品紅棗糕😆 紅棗味清香、煙煙靭靭，開心😙餐廳服務好好，喺主動換碟、適當時候送上甜品嘅細節就見微知著🥹 加上環境靚，適合舉辦唔同類型活動，包廂打麻將又得、大型派對又得、大型活動又得，例如金曲夜🥳 是晚咁啱有人搞大型生日會，聽到好多人唱歌狂歡，音響好靚好正，氣氛一流✨  交通便利、環境又好又新淨，仲可以容納得多人，咁正嘅宴會派對場地，真係可遇不可求 📌尚苑京滬川菜📍尖沙咀麼地道75號南洋中心LG樓 

呢個星期日我地在尖沙咀麼地道尚苑京滬川菜食午餐，餐廳在商場的地庫位置餐單上邊有好多套餐好抵好吸引！我哋兩個人選擇食點心，但如果多啲人嗌佢啲套餐係好抵食點心拼盤呢個點心拼盤超值！各點心味道也不錯！我哋兩個人可以一齊每樣點心分一半食，多樣化唔同嘅點心！裏邊我哋特別喜歡菜苗餃，所以之後另外嗌咗一籠菜苗餃菜苗餃裏面嘅菜苗同蝦肉味道好配合矜貴嘅鮑魚燒賣有個細蒸籠裝住呢一粒矜貴嘅鮑魚燒賣，賣相一流！鮑魚都幾入味，燒賣餡料豐富，呢個好出色雪山叉燒包皮薄餡靚，好多餡小籠包裏面嘅湯汁幾多，配合埋黑醋一齊食好好味紅油抄手汁都幾好味，係好好嘅配合菜心雖然而家夏天，但係個菜心都幾香甜，仲好大碟紅棗糕酒樓上每台客紅棗糕，超正！令成餐飯嘅感覺更加分整體嚟講，呢日午餐感覺不錯，坐得舒服，職員十分友善，食物質素都唔錯下次約親戚朋友一齊傾偈聚餐，呢度絕對係一個好地方