展興扒王餐廳 (已結業)

碗餐湯和沙律都係無味我要咗個西冷同牛柳啲嘢咸到出汁尤其係個羅宋湯超級無敵勁咸啲洋蔥汁又加咗牛油（中式人似西式又唔似）朱古力又啲粉未溶晒環境又嘈啲嘢又污糟好鬼多男人

今日已經遲食飯，所以先入咗間茶餐廳，點知上餐速度慢到一個點！！！叫咗個鴕鳥肉雞扒，配意粉，羅宋湯加熱檸水。8點10分飮完湯之後，熱檸水我又熱變動了， 8:20連鄰座的飯腳也知道我等了很久，建議我問是否漏單，舉手示意叫了5分鐘也沒有人應，最後戴上口罩走到水吧問是否漏單？再強烈表示不滿之下他說煎緊；件扒差不多8:40才到！跟本係漏單，件扒都唔熟！意粉唔得！太稔又斷開哂！羅宋湯係可以，都好飲！雞扒皮脆，係件鴕鳥肉唔熟！

一晚隨便亂入，全場好生剛陽味，食客大半是男人，有卡座、衞生普通、裝修、食物亦感覺氣粗。於是點的菜也就佬也...魚香茄子煲，油膩，我接受到，但我接受不來是茄子皮9成是燶的！我可是在吃魚香茄子是會連皮吃而非碳燒茄子預算走皮，唯有是很滋may咁用剪刀自行去皮...豉汁蒸倉魚，寫單姐姐力推說是日魚很鮮，還好是事實；黑椒牛柳鐵板都是挺夠份量，意粉是另碟上，薯菜很多，然而主腳 牛柳很不牛味，肉質亦偏硬；意外地竟是跟餐的配角 羅宋湯，有幾舊大大牛腩，蕃茄蔬菜等亦多料，味道還不錯。

非常推薦這間餐廳皇牌早餐- 壹膽拖兩腳。$35有很多野食，非常抵食我最愛吉列豬扒，厚切配上沙律醬，非常好食。除了吉列豬扒，還有雞扒牛扒魚柳多種選擇。此外也可選擇兩款腸仔雞蛋等食物而麵食方便，可選擇羅宋湯湯底。湯底不算太濃，酸酸甜甜，不會太辣，但有些雜菜附上。店舖內有一個大電視，通常我們會坐卡座。一邊看電視，一邊享受早餐。老闆娘也很親切。間中會和食客聊天，也會記着常客的喜號。不過注意，這早餐定要在11:30前食，否則下午的價錢會貴了

土瓜灣可能係被發展的地區中的最後基地，所以仍然可以找到一些小店，展興絕對是其中一家。去展興，唯一的要求就是便宜，不過現時的價錢已不及當年的物超所值。雖然如此，但他的扒餐仍比很多有供應扒餐的茶餐廳高，就如今次點的牛扒餐，真心大大份，而且有牛肉味，不像外間很多地方用過量梳打粉令肉質鬆化從而令肉味消失。當然如果打算要五成熟七成熟，展興不是你該去的地方，而去展興亦該要求全熟。

住係土瓜灣既朋友應該對呢間餐廳唔陌生事關呢間餐廳都開左好耐下隔一條街都有佢地既分店佢地既賣點就係鐵板燒据扒而且個價錢都十分大眾。當我首次步入呢間餐廳，啲姐姐都好好招呼好快已經問我想食咩我毫不猶豫咁就即係點左個T骨鐵板好可惜...賣曬。咁我唯有點份鐵板西冷牛扒姐姐落單時無問我要幾多成熟牛扒上台時好彩無咁熟（大約7成）當倒汁上鐵板時都能夠發出jar jar聲（證明夠熱）牛扒唔會太老，咬落去唔會太韌但餐廳整體整潔求唔夠 呢點有待改善。

從未食過咁難食既干炒牛河！簡單既菜式 已經可以睇得出依間茶記有幾多斤兩～ 成碟河粉 碎濕濕 無一條係完整夾得起既， 用匙羹食啦！ 仲有鑊屎 又咸。一路食一路講粗口！ 食左兩啖，我投降！已經直接掉入垃圾桶！

以前成日經過呢間茶記，都無幫襯過，今日諗五到食咩，就黎試試！話明扒王，甘係試下個扒餐。扒餐中午價位around 66-70元，包餐湯，熱飲。我要左個西冷牛扒，配薯條（餐牌只寫可配飯或意粉或沙律，我問待應可否配薯條，佢話可以）西冷牛扒份量大，大過手掌！鐵板上菜，感覺良好。可惜味道令人失望，牛扒完全沒有牛味，而且非常多筋，好多位置都咬不下！薯條另上，似是翻炸，所以口感偏硬！ 凍鴛鴦！店員未搞混d奶同咖啡，所以第一啖飲落去，全是煉奶味道，十分甜但搞混左，都係偏甜。

本人和太太點晚餐小菜鼓汁蒸倉魚，到上桌面時發現是紅油辣椒豆鼓蒸倉魚，叫伙記問是否上錯時伙記說沒錯鼓汁是辣的，本人和太太不能吃辣的而且我第一次知道鼓汁是辣椒油整出來。伙記又串串貢鼓汁是辣你下次叫菜前要叫不要用辣椒。我食左十年的老字號令我覺得下次請我都唔会再去

今日晚餐自己一個人去左呢間展興食小菜，呢間餐廳地方算大，位夠多同有電視睇，環境衛生都唔錯。今日我就叫左個咕嚕班塊小菜食，等左大約10分鐘左右就有得食了，目測幾大碟下，夠哂送飯。個咕嚕班塊味道唔錯，剛剛炸起，酸甜汁既酸甜味道剛剛好，可惜配料既洋蔥就好生下，我食左一片就冇再食了，而菠蘿就有小小酸，可以接受，整體黎講還是要俾個佢。另外飲品我就叫左杯凍奶茶多奶，杯奶茶飲落唔錯，夠滑同有茶味，係我鐘意飲既味道。

呢間食店衛生真係好差 食完經常肚痛 但無奈住附近有外賣既又無乜選擇......之前已經試過幾次小菜外賣有小強 碟頭飯亦試過 俾小強嚇完唔記得影底 打去投訴就話換過俾我 大佬呀 仲邊敢食呀......今次諗住叫個通粉食應該無問題喇掛 都一樣中招 雖然細隻d 但其實長時間咁樣 都真係好過份 之前直情大大隻......

Asked for two cups of water with ice for 5-6 times. Waiter delivered it to the wrong table, hence order again.  It never arrived. They know my companion so once he joined they delivered the cold water right away. (that means they ignored my request).Ordered a dish of fried rice with shredded chicken. It's OBVIOUSLY overcooked to the level you can TASTE and SMELL it. The rice also appeared black in color, I requested to change but my companion asked to remain silence and ate the dish. (Honestly I

見餐廳大大個正宗海南雞，試下先第一次食依度海南雞，例湯羅宋湯，番茄味重不酸，飯要左油飯，完全冇味，只係白飯加左D油，雞滑。醬汁也可以，不似食薑容，價錢合理，建議下次叫白飯吧，起碼健康一點

家中沒有安裝有線電視，想看愛隊的比賽，一定要出外看。酒吧之外，現今茶餐廳播球賽也是主流。當約不到腳去酒吧，便獨個兒走到家中附近的茶餐廳。方圓一公里內的茶餐廳，只得土瓜灣道的展興，才有足球轉播。最低消費四十塊，基本上你點一個海南雞飯餐，已經達標。任你看足全場，當然比去酒吧便宜。要了個海鮮焗意粉，包例湯，餐飲，＄47一客。例水是青紅蘿蔔豬展湯，還算清甜。不會寄望個焗意粉會好吃，白汁水汪汪，海鮮是雪藏貨，意粉又軟又淋，很難吃。酒館與茶餐廳的客路，完全南轅北轍，酒館的老外是真心擁護自己的球會，茶餐廳的麻甩佬，對球會沒有感情，只是建基在博彩上，像嫖客與妓女的關係一樣。全靠馬會，坐在我後面的一班麻甩，連那些低組別如Stevenage，MK Dons等球會名也瑯瑯上口，當然他們說的是中文名。整場比賽悶出個鳥來，最後總算小勝一球，作為球迷，你想自己擁護的球會，踢得轟轟烈烈，最後輸波，抑或悶悶地贏一場？求學不是求分數，求贏就是求比數，新一年，總有個好開始。

地產霸權趕絕小店，領匯將屋邨一體化，打造成十九區所有屋村商場，一式一樣連鎖店，還有甚麼特色可言？土瓜灣正在新舊交替，而且沒有港鐵，物價方面，還是較便宜。好像在土瓜灣道的"展興"，在中午至下午茶時間，吃一個鐵板餐，只是＄29.8，加多兩毫服務費，剛好＄30，是連鎖快餐做不到的平價。晚市來吃，收正價＄42，凍飲加＄2。鐵板西冷牛扒配意粉，包一個餐湯。羅宋湯甜味大過天，俗不可耐。鐵板扒的西冷扒，不要期望很高質素，付得這個價錢，真不要有甚麼遐想，只要吃得下肚，不大難吃，還得神落。如果與其他老派豉油西餐廳比，這塊西冷算是非常超值。肉質一如所料的軟淋，邊位的肥膏位帶點韌，蒜蓉汁夠惹味，牛扒下的波浪薯條，吸收了蒜汁，是另一番滋味。意粉只是加些茄醬炒，當然是很普通的味道。味道而言，是意料中事，看到大集團對小店大石責死蟹，封殺供應可樂等新聞，燃起大家鋤強扶弱的心，寧願光顧這一類小資茶餐廳，也不要助長連鎖大集團之氣焰。幸好，今日的土瓜灣，仍是窮鬼覓食之樂土，但當沙中線一通車，那就。。。。。