山崎麵飽

营业中

休息中

四色麻糬波波球的味道包括：1. 芝士（我們的最愛）2. 草莓（味道淡淡清香）3. 抹茶（大概是低糖的）4. 芝麻（略有黑芝麻的香味）一般而言，山崎的麻糬波的體積稱不上「大」，大約比一個乒乓球再大少少。味道一般，也許是出爐太久，由朝早擺放至晚上的收工時段，不太香，食起上來味道略淡。價錢方面HK$20.00六個，跟市面上的差不多。這間勝在地點就腳，方便！而且放餐盆和夾夾的位置附有溫馨提示，實屬良心企業，抵贊！

平時出咗街 想買定啲飽肚又簡單嘅小食傍身?可以考慮買依個吞拿魚沙律方塊 $9.5一件唔算好大 所以唔heavy (佢話lunch pack...一定唔夠 早餐都勉強可以)不過入面吞拿魚料就超足👍🏻就咁食 麵包超級軟身 薄得黎鬆軟😍好好味亦試咗攞返屋企自己加工 烘咗佢做飛碟 完全係另一種口感 麵包外脆內軟 入面吞拿魚醬暖暖地 爆曬出黎兩種方式同樣好食 睇個人喜好 同埋起唔起屋企🙈雖然$9.5貴咗少少 但係間中買黎做小食係唔錯嘅選擇

由細到大都好鐘意食麻糬波波，煙煙韌韌，細細粒😋今日經過山崎麵包舖就入去睇下有無麻糬波波啦~俾我發現到一共有5款唔同嘅口味😍有綠茶🍵朱古力🍫芝士🧀紅莓同黑芝麻🤗$9.5可以揀3粒...我揀咗綠茶、芝士同紅莓☺️呢個嘅麻糬都幾大粒，漲卜卜，唔會淋哂好扁咁👍🏼外層有少少脆添💯綠茶味入面會有少少紅豆🤓唔洗多講...綠茶加紅豆呢個組合真係無得輪🤩芝士咸香味十足🥰紅莓味就酸酸甜甜😊全部都好好味啊🙌🏼

有日游完水經過諗住咬個包，可能因為臨收鋪，Ｄ麵包都唔係新鮮出爐，所以都凍晒，又無咁香。芝士麥包 $11 呢個質素來講，我又覺得貴左少少，麥味OK，但芝士份量就少左ＤＤ，我諗最重要都係唔新鮮哈哈。下次拎番屋企叮熱食應該會好好多！麻薯波波 $11/3 呢個真係非常非常一般，可以話係我食過既bakery最唔好味的 lol 不過個牛角包不過不失....咁就是但啦 

由細到大都好鐘意山崎啲麻糬波波同蛋糕仔，大大下開始買佢啲包既時候，先知原來質素差得咁遠。。。之前試過買芝士條，食落又硬又少芝士，今次俾多次機會佢買個好少會中伏既pizza包，點知一樣係咁差。.買完個包，行番公司只係5分鐘路程，點知一番到去睇一睇個膠袋，成個膠袋都係油😨🤯無誇張真係成個膠袋每一個角落都係油。呢個都算，因為有芝士，但啲芝士都唔係咩好野，鹹到飛起！尤其係喺包邊燶燶地、脆脆地嗰啲，真係好鹹，好彩既係有啲位有番茄片既酸甜抵消咗陣鹹味。仲有個包一啲都唔鬆軟！最基本既都做唔到，以後食包都係買返東海堂同美心穩陣🥺

忌廉藍莓芝士蛋糕包每一次入到山崎, 唔洗左揀右揀,都一定係揀佢 就係鍾意佢, 夠軟夠鬆脆，入面仲有濃濃嘅 忌廉醬同藍莓醬 ，幸福嘅味道就是這麼簡單 平平地，12蚊， 當下午茶一流

其實我係一個超级鍾意食麵包嘅女仔！！話個秘密俾你知！！瘋狂嘅程度可以一日三餐都食麵包！！哈哈！！今日係山崎麵飽買左三個迷你麵包！！葡式小紅苺球最精彩！！出面同入面都係粉紅色！！颜色上巳經赢左！！有D紅苺肉！！抵讚！！不過無乜紅苺味！！只剩甜味！！迷你牛角酥，有少少牛油味！！都算香脆！！最失色嘅係迷你腸仔卷！！無乜特別！！迷你麵包嘅好處係一次過可以食好多唔同款式嘅麵包！！

差不多隔日就會來山崎麵包店買包做早餐，此店在apm, 鄰近港鐵觀塘站，超方便👍黑糖香軟方包-- 這款方包的比一般方包細，尺寸剛剛好適合小朋友拿著來吃👍食落吾多覺有黑糖味，但就真係超軟熟店內亦有多款迷你麵包及迷你蛋糕，一次過可以買不同口味，讓我家小主子(我個囝)慢慢選擇😂我最喜愛的芝麻牛角包，其他麵包店較少有這款，好香口😍記得申請做會員呀! 每購物$10便有1分，儲滿5分可當作$5使用，都慳到少少l

呢間 d麵包 係我至喜愛的，每次當我經過既時候一定入去巡遊 一下，睇下有無我想食既野？今次我買咗丹麥式麵包，之前我食過無數次，但係我仍然鐘意食！麵包外形一層一層，又軟熟又鬆化，食既時候我喜歡一層層食！加上一杯熱齋啡，就無得彈！舖內還有不同款式麵包，我曾經食過波士波波，小牛角包仔等等。

星期日1點，肚仔餓餓，就去左山崎睇下有咩食。去到，一如既往聞到好香麵包味之前試過好多次山崎麻糬，都覺得好硬，味唔夠，唔煙韌...但今次我好快已經比漲卜卜麻糬吸引左，買左$16/6！芝麻味-淡淡芝麻香，幾岩唔好甜嘅人食！綠茶味-有驚喜，真係有綠茶味，入面有一兩粒紅豆。朱古力味-我最中意！雖然佢冇另一間大型連鎖麵包店嘅咁足料，冇一粒粒嘅朱古力。但正因為咁，唔太甜，食多d都唔覺膩今次咁岩撞正新鮮出爐，麻糬全部外脆內煙韌！正呀！

這店舖不起眼，位於商場樓梯小角落，縱使經過也未必注意到。不知怎樣，從地鐵走入商場時，不自覺地向左望，便見到了它。由於已經是晚上9時多，可選擇的也不多，於是便買了金文拔芝士包。以$25買6片麵包，相信品質應該較好，但是，事實上並不如是。麵包的質感頗重，沒有太多空氣，可以用真材實料來形容，但是口感卻偏硬，不夠鬆軟。雖然見到芝士散佈在包上，但是芝味嚴重不足，差點兒忘了這是個芝士包。付款時，見到有promotion, $18便可買到安怡牛奶，比平日在超市的價格平很多，於是亦買了一pack.

放工出APM拎野, 臨走時見到Yamazaki Bakery (其實佢的位置一啲都唔好搵...)原本想買上次係港鐵九龍塘站的窩夫點知佢依間無....轉移視線去左 >>> 綠茶味的包點身上麻糬本身煙韌 , 聞落有淡淡的綠茶味 , 食落就無味.....中間夾雜的紅豆不多 , 微甜...整體不過不失餅面有粒合桃 , 一咬落去.....硬到爆!!!! (咬到牙血都出埋......)我諗佢新鮮出爐會好好多.......中間的紅豆餡都算多 , 個皮就....結尾: 我諗Yamazaki Bakery 既麵包真係新鮮出爐個時食就最好食....見佢冷左呢.....就真係要諗諗報告完畢~~~

走過香噴噴既麵包店為自己物色一份動人早餐左挑右選下找來了有獨立包裝的中型size 麵包一咬落去就有一陣陣杏仁香，但唔會好濃佢既杏仁唔係好似杏仁茶既藥水味而係放係甜品上面果隻炒香杏仁~麵包軟林林，帶點濕潤，這是我食麵包從未食過既感覺，有d 得意因為係中型size，以一個早餐的話食完都已經夠飽再加埋一杯飲品就會好perfect 了

芝士扭紋花$15見到有芝士覺得應該會幾好味，所以買左黎試但見到每一包都係壓到偏哂，都唔明點解，係本身係咁，定點？我覺得本身應該唔係咁試個味道，原來又真係冇咩特別，我唔係好食到有芝士味我覺得口感同味道都好似我最唔中意食的排包所以我覺得呢個一d都唔好食，而且好失望咁貴買個冇味，又偏的包反黎

又黎左啦我，發覺我都幾經常黎芝士條，其實我覺得呢間野D芝士真係好好食，好香，不會太鹹芝士牛油卷，其實冇乜牛油味，只係普通芝士包，不過都好好味士多啤利蛋糕，好甜牙佢中間D醬，所以不滿意，而且$10個都幾貴芝士火腿包好好味.因為佢D芝士，@@同埋都好大個叉燒酥，個皮幾好食既，不過內裡D料少得可憐，仲衰過普通包店，好少叉燒芝士千層，呢個好正，好香芝士味，煙煙 UN UN，口感好正！