山崎麵飽 (已結業)

見到山崎有新產品,叫焦糖厚燒,外形同佢另一款三角形蛋糕一樣,只不過係變左啡色,我諗住應該唔差,因為焦糖味似拖肥,應該好好味。點知,原來呢款新產品一d都唔好味,無論口感定係味道, 竟然都同白糖糕一模一樣!完全無焦糖香,亦無蛋香,奇奇怪怪咁,下次唔買喇!

買左個家庭裝切片德國麵包係因為佢成份寫明只有全麥粉,酵母,鹽等等既材料完全無糖無奶好似健康d食落只得酵母既酸味咁係因為完全無糖未必個個接受到但個人黎講覺得幾特別食左都無咁內疚嘛

經過聞到香噴噴真係忍唔住要去買架, 食過幾次, 由於佢自己工場做飽, 保證新鮮!迷你包個d芝士球唔駛多講啦, 太多人講過啦, 水準都同其他分店一樣, 無問題. 買過一個迷你飽係火腿芝士酥飽, 個樣好正好吸引, 但係料太少啦, 同埋酥皮出爐太耐就唔夠脆啦大個個d飽都好正, 食過一個雙重朱古力卷, 個賣相係一圈圈的朱古力飽夾住普通飽, 食落個朱古力味勁濃, 朱古力愛好者必食之選, 有個牛油芝士卷, 望落似咸但食落係甜的, 牛油極重同埋有勁多椰子味, 太甜, 有d失望. 不過佢呢間野d 朱古力飽都好正, 男友同我都好鐘意