影片
营业时间
今日营业
11:30 - 23:30
星期一至日
11:30 - 23:30
以上资料只供参考，请与餐厅确认详情
有关奖赏计划
台式火锅吃了几间，但这次的值得推荐入座前先点好汤底，这次我点了鸳鸯锅，包含两款汤底：牡丹美人锅（靓靓花胶）喝汤也觉得自己变美了，十分浓郁好味道海带鱼骨豆腐清汤（全新汤底限时免费）这款是店员推介，味道不错这两款汤底各有特色，牡丹锅的香浓与海带清汤的清新互补不足呢。套餐包括的澳洲和牛我点了2遍，肉质鲜嫩，非常适合火锅的烹煮方式，瞬间吸收汤底的精华，跟朋友都吃过不停这里的小食选择相当丰富，特别是推广的澎湖美食，我特别推荐的几款：夜市盐酥鸡：外脆内嫩，香气四溢。鬼马油炸鬼：口感独特，令人惊喜。金沙虾球：鲜虾搭配金沙，味道绝佳。黄金酥虾：外皮酥脆，虾肉鲜美。脆炸鸡卷：搭配特制酱汁，风味十足。山见和牛蛋饺：薄薄肉馅多，值得一试。黑糖豆腐花：甜而不腻，是完美的甜品选择。眷村-台湾拔丝葱抓饼：嚼劲十足，口感层次丰富。芝麻虾多士：搭配香脆的多士，令人回味无穷。火赏梳打：清新解腻，完美的搭配，火锅非常适合。还有可以自助的超大饮品柜，各款甜品，不同小吃，多种类雪糕，及火锅品... 这次的台式火锅体验非常满意，汤底与食材都让人惊喜啊！结帐后，还有金币夹波波，有不同的优惠券啊。📍山见台式火锅葵芳兴芳路223号新都会广场4楼484-487号舖
继续阅读
餐厅主要以传统台式装修为主，门口有个火车邮筒，劲似去到九份十分火车站咁嘅场景。咁啱餐厅做紧以台湾澎湖为主题嘅「澎湖游」，会再有多啲特色台湾地道小食可以选，汤底就可以加钱拣古早药膳牛骨汤。钟情台湾小食嘅我，一于入去试试。我哋拣咗level 4特选澳洲和牛海鲜120分钟吃到饱套餐，有成74款选择，汤底就拣咗鸳鸯汤底，分别系养生药膳鸡汤汤底及椰子鸡汤底。养生药膳鸡汤底材料有当归、枸杞、人参及红枣等，味道浓郁，补身一流。另外椰子鸡汤底加入椰青水及片片椰子🥥，鸡肉清甜嫩滑，感觉冇咁热气。澳洲和牛肩胛肉眼开我嘅至爱，放入汤底熨四至五秒食得，肉质嫩滑，牛香味浓。其他牛主要有几种：封门牛柳、卡乐beef(牛五花)、牛扑肉及牛小排。海鲜方面，选择亦好多，我特别点咗鲍鱼、海参、墨鱼滑、澎湖虾滑、大虾、鲩鱼片及花胶等。打边炉材料方面，一般嘅丸及蔬菜都有，我觉得较特别嘅系竹笙配虾滑及响铃鱼子虾滑卷，出边比较少见，个人较喜爱麻辣鸭血。熟食区选择繁多，包括台式卤肉饭、台式烤肠、茶叶蛋、咖喱角、卤水豆腐、面线、澎湖海鲜粥及炒饭等。除咗熟食区，钟情台式小吃嘅我点了多款台式小食，即叫即做，例如蚵仔煎、葱抓饼、盐酥鸡块、一口生煎包、荔枝虾球、鹅肝酱多士、芝麻虾多士、金沙虾球及黑糖豆腐花等。当中，我特别喜欢澎湖海鲜粥，足料之余入面好多蚵仔，粥煲得绵绵的，诚意之选。食完埋单，原来唔同嘅Level套餐可以得到唔同嘅代币去玩夹公仔，食饱饱有得玩，最后夹到小匙扣一个。店员仲俾咗一张明信片我哋，入落佢哋呢个邮箱可以帮我哋寄俾朋友，成个体验唔止饮食咁简单，充满着种种台湾风情。
继续阅读
夜晚同朋友嚟咗山见打边炉，拣咗LV.4嘅特选澳洲和牛海鲜吃到饱套餐($388@)，包两个钟任食一共104款嘢饮嘢食，当中梗系唔少得有澳洲和牛同唔同种类嘅海鲜。依家火锅店做紧港式主题，我哋就拣咗芫荽皮蛋猪骨锅拼上品虫草木耳锅嘅鸳鸯汤底。芫荽皮蛋猪骨锅一上桌就香气扑鼻，猪骨汤底呈奶白色。至于上品虫草木耳锅就够晒养生，汤头清澈，带有菌类的天然鲜香。除咗有港式火锅汤底，仲有多款港式主题食物。好似黄金蒜茸烤扇贝，鲜味扇贝吸收晒蒜蓉嘅香味；仲有爆浆咖喱鱼蛋，弹牙得嚟入面仲有浓郁咖喱浆；另外又有街头格仔饼，外脆内软加上蛋香浓郁嘅格仔饼配埋炼奶同花生酱，超邪恶；唔少得仲有情怀红豆冰，奶香顺滑，甜度适中。🥩肉类方面当然有必食嘅澳洲和牛肩胛肉眼，油花分布均匀，只需轻涮几秒就食得，肉质细腻软腍，充满和牛嘅脂香。月见封门柳亦都非常高质，牛横隔膜肌肉肉质紧致肉味浓郁。另外仲有口感爽脆弹牙嘅薄切牛舌芯同其他唔同部位嘅牛肉同猪肉。🐟海鲜嘅种类亦都有好多，好似新鲜弹牙嘅原只鲍鱼、爽脆鲜甜嘅白鳝片、饱满水嫩嘅福隆沙白。另外仲有响铃鱼籽虾滑卷同竹笙抱虾滑呢d特色嘅创意火锅配料。火锅料上菜速度快，加上仲有自助嘅蔬菜、小食、饮品同甜品吧，两个钟食得非常饱。。。山见台式火锅 (葵芳)葵芳兴芳路223号新都会广场4楼484-487号舖。。
继续阅读
嚟到山见，店舖充满台湾风格，今个月仲系港式情怀主题😍🍲 火锅必试汤底• 芫荽皮蛋猪骨锅：猪骨汤浓郁，加上芫荽+皮蛋令到层次提升• 上品虫草木耳锅：虫草+木耳，底汤滋润养身！港式小食亮点• 咖喱鱼蛋：咖喱收系鱼蛋入面，食时小心咬开爆汁！• 格仔饼：夹花生酱+奶油，酥脆香甜，过下口瘾！🥞• 黑白煎堆：外层金黄香脆，铺满黑白芝麻，咬开芝麻馅，• 碗仔翅：用料丰富，怀旧味道重现，暖心一啖！私心大推• 麻辣鸭血：鸭血Q弹滑嫩，吸满花椒香同微辣，食唔停• 竹笙虾包：清脆竹笙包住弹牙虾滑，外形似小福袋，爽口又Juicy！🎮 食完凭单换币玩小游戏，食得又玩得，好过瘾！
继续阅读
真系火都嚟！同朋友去食LV5，一入座已经觉得唔对路。有个着黑色恤衫嘅女员工（短头发𠮶个），由我哋坐低开始就全程黑面怒啤，眼神凶狠到好似我哋欠佢钱咁！明明餐厅唔算忙，但啲用过嘅碟同碗堆到成枱都冇人收，举手叫埋单，叫极都唔理，当我哋透明。点解我哋要受差别待遇？ 服务态度差到爆灯！人均消费唔平，我过嚟都唔系受气，完全破坏晒食饭心情，以后绝对唔会再帮衬，亦会同身边朋友讲千祈唔好中伏！
继续阅读