峇里園印尼餐廳 (已結業)

今晚行過，見到其他地方好多人，這裡人算比較少，所以決定一試登記幾位后，排隊的方法是留貴姓和電話，不明白爲何不派籌，可能有特別原因導致十分很亂，出現有人冇枱坐，有枱冇人坐的情況環境：幾好，但有點兒嘈吵服務： 點菜的時候，WAITER一定要你講NUMBER，好多WAITER都是生手，態度都OK 食物：點了一個湯，一個咖喱魚柳，一個印尼炒貴刁湯普普通通，但好咸，炒貴刁完全同茶餐廳干炒牛河味道一樣，可能我好少吃印尼野，不知道香港的干炒牛河是印尼傳過來另外咖喱魚柳亦是和我平時中午茶餐廳吃的快餐一樣，非常失望真的不會再光顧寧願去花園吃干牛河好過

從新包裝的印尼餐廳，成功再戰香港，這一回來到了旺角。吃晚飯好，非常好的情調，食物保持一貫1968印尼餐廳的水準。我們吃了……※Gado Gado：蔬菜新鮮，Dressing很香，但吃不到辣的朋友，可能怕辣。※咖哩牛肉配蒜蓉包：吃得出是印尼咖哩，特別的香料。※串燒牛肉：絕對沒有梳打牛肉，燒的時間恰到好處，一定要食！ 成日飲青檸梳打，今次所以試熱咸檸檬蜜，飲完喉嚨好舒服！

响雜誌見到印尼三兄弟的型仔訪問，得知他們在旺角新世紀廣場開了新分店，正就近我家，而且不用等位，二話不說立即去試試。其實素聞尖沙 咀店經常Book爆，一直未有機會試，令我非常期待。我一家四人去食，埋單$570，都幾貴，每碟份量很少，我們四人都食唔飽。不過的確有值得食的菜式，串燒牛肉和咖喱牛尾非常好味，肉汁豐富，十分惹味。此外，辣鷄肉沙律，自問已非常食得辣，仍有噴火感覺，雖然沙律汁很好味，但嫌太辣了，沙律始終都是清新啲好啲。還有，服務員很忙，沒有人招乎，斟水、攞Menu也要叫多次。座位方面也不太滿意，枱太細，椅太窄了，即使環境裝修很好很relex很有風格也難加回分數呢！

呢間印尼野都係麻麻, 我食set lunch0既，包括有自助湯同沙律，main course再加特飲，例如青檸梳打，茘枝梳打之類。我地開頭諗住叫三個lunch，但諗下有自助湯同沙律，三人餐都好難分，就叫佐四個lunch，有海南雞飯，豬手飯，甜酸魚塊同印尼炒面。湯係清紅蘿蔔煲雞腳，沙律得生菜，泰國木瓜，紅蘿蔔，就係得呢三樣，仲要係全部切絲。到main course，係好細碟，個印尼炒面得個兩箸仔。好彩叫佐四個0者。我就飲印尼咖啡，都係一般。我就會無下次啦。

沒有預早訂枱, 只是路過, 望落幾吸引, 就入去幫襯了,環境幾暗但很有氣氛, 時間尚早, 坐場中間的位也不算太迫太嘈, 不過, 如果坐滿人, 枱與枱的距離近, 就比較難傾心事了,當然, 望到其他客人坐在窗口位也蠻舒服的 (所以下次要記得訂枱呢),人少少, 叫了三個餸, 1) 椰汁雜菜, 椰汁像湯一樣浸著雜菜, 有椰子的清香, 不甜, 正正常常, 2) 海鮮喇沙湯米, 有大隻蝦和魷魚仔, 不辣, 3) 咖哩魚柳配鬆餅, 咖哩汁又香又滑, 試勻了三種東南亞既風味, 味覺都亂成一團, 所以, 再叫了一杯石榴汁, 好味, 不過, 和其他的餸有同一個問題, 就是份量較細啊.整體來說, 食品有水準, 環境有特色, 值得再去,題外話, 那個相信是老闆的人兄, 又有型又靚仔, 仲要著deepV, 攪到友人成晚眼金金咁望佢, 哈哈.

5月12日, 因前天已訂位, 所以唔洗等位, 就有窗邊位座, 又唔會望住對面大廈食飯, 因為出面係巴士站上蓋, 這裡環境好舒服, 燈光昏暗, 又有蠟燭點綴, 拍拖最好, 有情調.必試南瓜海鮮雞湯 – 好味, 好滑, 南瓜唔會蓋海鮮味, 總之好好飲加多加多 – 蔬菜新鮮, 盛載的碗好細心, 將醬汁同蔬菜分開, 鍾意落幾多醬汁都得咖哩雞 - 咖哩汁帶椰奶味, 所以係甜甜地, 少少辣, 重有d雞好嫩, 無骨蒜蓉包 – 用黎點咖哩食, 但如果用長法包, 就一定好過用方包薄餅 – 唔好食, 唔夠鬆, 唔新鮮, 好似一個壓平左的麵包炒什菜 – 因為無咩特別, 所以連個名都唔得直得一提, 和前食評一樣, 侍應很有禮貌, 不齗主動幫我地添水, 及問我地的對食物的意見(我想佢係前食評話的公子), 証明佢地對餐廳的誠意和要求 「讚」。

上星期五我們打電話去尖沙咀打算星期日母親節訂位吃晚飯,點知佢話將會在星期六搬遷到旺角新世紀廣場所以我們才在旺角吃晚飯.我們8人 7:00來到裡面已經非常多人,而且環境比之前尖沙咀鋪更加浪漫.不過當我們坐下看餐牌就覺得燈光不足好難才見到個餐牌寫什麼.我們叫左個母親節套餐$988其中沙 爹串燒,巴東牛肉好好味! 而且咖哩海鮮,南瓜海鮮雞湯,印尼拼盤用正正正正來形容就最貼切不過.唯一要彈便是通菜太老.另外由於是星期六才開張這晚很多人都在追查自己叫的菜為何遲遲不到,而且好混亂,雖然是這樣,但見到兩位公子( 之前在電視台教煮野食)及在場其他侍應很有禮貌地招待,就算吧啦! 我們此晚埋單$1086.8 .在母親節來講8個人每人都是大約136元都ok la ! 總之一句這間餐廳下次一定再去過幫襯.