峇里餐廳 (已搬遷) 新店位置

因為一行十人一齊食飯。如果去MK果d實要等位等好耐。咁就黎呢間，有得book位。唔錯。(但佢一係卡位一係長台，傾計可能無咁方便)咁一坐低，老板就已經話左 d 食物 可能要等好耐。建議我地一次過叫晒d 野，唔洗等咁耐。最後，發現老板講得好岩，真係要等好耐。耐到，我見隔離台，叫左野食，等唔切就走左。因為d 野食既份量好少，所以叫極都唔太夠。所以，又要等等等等。我覺得如果得幾個人，唔想叫太多野。可以唔叫 所謂 好出名既巴東牛肉。而叫黃姜飯，因為其實個黃姜飯既伴碟之一就係巴東牛肉巴東牛肉我覺得味道一般，唔係大家講得咁好味。因為人多，叫左好多款食物，發現有幾款既伴碟就係巴東牛肉。其實，我覺得其他野都係一般。但蜜糖雞翼同埋羊肉餅真係好好味，值得一試。

可能係我唔慣食印尼野啦,,,我覺得d curry味怪怪地所以有咖哩既野我都覺得麻麻only....不過黃薑飯就quite nice=]蜜汁燒雞翼是必試的!!我食過最好食的了串燒...羊肉好so不過waiters好有趣.熱情抵讚

由於蝦子餅要去QE被講學，所以出了佐敦找吃其實以前都有吃過印尼菜，很喜歡加多加多.....因為我很喜愛用花生做的食物；舊年因為媽媽入院，經同事介紹而知道這間食店，跟姪女們已經幫襯過，真的很有風味....很回味終於今天帶蝦子餅試試，由於是午餐，我們只點了黃薑飯和羊肉煎餅。看見黃薑飯有2個價錢(HKD58和HKD48)，侍應叔叔很細心解釋HKD58是包括8款餸菜，而HKD48只有5款餸菜 (什菜、蛋、牛肉(腱)、雞和蘿白豆干)，每款餸菜都好入味；另外羊肉煎餅是倆塊煎餅夾住羊肉碎和洋蔥粒，雖然羊肉有少許羶，但加上洋蔥粒和醬汁炒，很好味由於容量有限，還有很多款食物未能嘗到，我們必定再次光臨，實在好好味﹗

考完試同honey試印尼菜好好生意, 伙計就比較少~巴東牛肉($48): 味道好好, d汁好有椰汁味, 有d花生碎, d牛展好淋, 入曬味, 不過份量真係好少, 如果一個人食剛剛好架咋...串燒($43半打): 要左3串羊, 3串雞, 即燒熱辣辣有炭燒味, 羊唔蘇, 燒得唔乾, 有肉汁, d醬又好好味, 有花生碎, 辣辣地, 要黎送飯又得corn餅+牛肉餅各3件($38): 兩樣係即炸既, 牛肉餅入面撈左薯蓉+免治牛, 麻麻地, corn餅入面有蝦膠, corn, 都係麻麻地~要加一, 可能伙計真係比較少, 叫左好耐waiter都冇人應...............

我昨天看了此餐廳的食評, 決定今天去佐敦嘗試一下食物有幾好味.因為不肯定是否真的好食,所以只有我一人去"冒險"試食,如果好食才"拉大隊"叫齊親朋好友去食!地點是在橫街窄巷,不難尋找.不過, 是我不會去佐敦逛街經過的地方.我在約下午1:30入去後發現地方有點黑暗陰沈,可能營造浪漫氣氛吧!(個人認為適合情侶去的好地點).一位好像是印尼人侍應生把餐牌給我看,我說想吃巴東牛肉.他說巴東牛肉飯(說廣東話)是$48元,沒有飲品送贈.如果叫巴東牛肉餐是$69元(要加一)完全不同了,有湯,巴東牛肉(他說牛肉份量多過只叫牛肉飯),一碟白飯,印尼沙津,栗米炸餅,甜品和飲品.嘩! 我聽了後,覺得牛肉餐很吸引我.(他很懂得做生意),當然選擇牛肉餐.湯- 像是羅宋湯,但是不辣,甜甜酸酸,幾好味.巴東牛肉 - 煮得好淋又入味和不辣,絕對值得食..栗米炸餅 - 是熱氣些,但是香口鬆化,好味.印尼沙津 - 有點奇怪,用食沙爹的有花生粒的汁淋在雞蛋,青瓜,生菜和蝦片上,帶甜味的沙津.甜品- 是雞蛋布丁,有像是雜果罐頭裡有些硬的黃色生果粒在布丁入面(不知道是芒果或是哈密瓜)飲品 - 咖啡/奶茶/可樂, 最好是要凍咖啡/奶

終於都同男朋友去試,食左三樣野!串燒牛:嘩,個沙嗲真係好正,係帶椰香甜味o既沙嗲!我最鍾意!蜜糖雞翼:個皮脆脆地,蜜糖好香甜,好食!巴東牛肉飯:其實都唔差,我男友就嫌佢小汁,多汁餸飯更好味!我地只能夠食倒三樣野,已經好飽!下次我會試其他,例如:粟米餅,黃薑飯...(期待...)服務都唔差,會問你夠唔夠,好唔好味!!

到佐敦領信用咭禮品，順道在佐敦搵食。一打開OpenRice，就被這個店名吸引了──峇里餐廳，直接而簡單，吃的就是峇里菜。其實吃之前對峇里菜沒有什麼concept，點菜的時候也只好憑直覺了。結果選了黃薑飯、峇里拼盤和峇里炒娃娃菜。先上檯的是黃薑飯，身穿短袖夏威夷恤的侍應叔叔一放下，便忍不住「嘩」一聲叫了出來，連侍應叔叔也不禁一笑了。這是我見過最多色彩的黃薑飯！飯放中央，被各種不同的配料圍繞著，包括炸蛋、肉鬆、青瓜、豆角、雞肉，以及我個人最愛的巴東牛肉！二話不說便將配料和黃薑飯撈起來吃，配料的味道不錯，只是略嫌黃薑飯味道偏淡。差不多同一時間，峇里拼盆也上檯了。峇里拼盆包括海蜇、燻魚、扎肉、豬頸肉、蟹柳、鹵蛋、炸蟹鉗、炸帶子，還有再次登場的巴東牛肉！除了炸蟹鉗和炸帶子比較失色之外，其他都很有特色，尤其是大夥兒吃的時候，必定出現爭食的情況！峇里炒娃娃菜相隔了差不多二十分鐘才上檯，而且已經吃得很飽了。吃起來其實像蝦醬炒娃娃菜。餐廳的裝飾也如店名一樣簡單，是否正宗的「峇里風情」就不得而知了，還未到過峇里嘛！但是看見侍應的招待，便真的想到峇里感受一下。

This is a Hong Kong Style Indo Food, a bit disapointed. They have alter the spicy level to fit hong kong people.The satay chicken/ pork is the best among all.The butter chicken that they higly recommended was shit. It is just a honey lemon chicken.The ginger rice is ok la , The deep fried egg with sambal sauce was very disappointed. The randen beef was not spicy at all , am I eating Indo food ??

第一次寫食評,點解呢間會成為我既第一次寫食評餐廳. . .因為呢間餐廳既食物很有水準之餘,我同男友都食得好開心入到去餐廳,感受到很濃烈的懷舊味道,裝修雖然古舊,但坐得幾舒服.我地點左:巴東牛肉飯--個汁好好味,似沙嗲,一d都唔辣,仲有d甜甜地;牛肉係牛展,好腍,好好味!!蜜糖雞翼--有6隻,隻隻都好大隻;蜜糖味唔算好重,但都好好味!!粟米蝦餅--好多粟米,咬落去會見到有新鮮蝦粒,味道ok.我真係覺得有一陣忌廉粟米湯味,但男友唔覺得,haha羊肉烤餅--個烤餅夾雜住d蔥一齊整,好香蔥味;d羊肉有dd羶味,平時唔受得羶味既我都接受到,味道ok.珍蜜冰--$28一杯,貴左dd,但同平時飲開的珍多冰好唔同;因為佢d糖唔係用白糖水,而係用蔗糖,所以甜得黎好香,仲有d似咖啡糖味;d大樹菠蘿都好好味,好好飲!!侍應態度好好,有個上左年紀既男侍應仲主動幫我地影相~果度有人食生日飯,餐廳仲播左生日歌tim~有特色=]今餐同男友食得好開心,佢仲同老闆講:你間餐廳d野好好食!!!

Daddy Mommy平時都成日煮印尼菜，今日就帶佢地試下出面的印尼菜係點樣啦！佢地食慣正宗的都個得這兒的食物不過不失，但對於平時無幾可食咁濃味的我們，就覺得味蕾大受新刺激，好多道菜的沙爹醬，甜酸醬，花生醬之類都覺得好特別同好野味。仲有餐廳內的環境好懷舊，又有班印藉人仕唱生日歌開party，我朋友話好似去左旅行咁，好攪笑。

今天再去試一下黃薑飯,之前試過巴東牛肉飯是好好味.因昨天去此店之前,已食左下午茶,所以有點飽,故此只是叫o左以下食品來品嚐:1) 黃薑飯(大- $58) : 料有好多,但只有巴東牛肉是最出色,其他就普通一點.黃薑飯就無o麥黃薑味,只有飯色(黃色),所以有點失望. 但這個價錢都算有點貴.....o架. 後話 : 如叫細的黃薑飯($48)只有四種料,這個價錢更加唔吸引. 所以可以選擇叫其他比較化算.2) 蜜糖雞翼 ($48) : 仍然是必叫的,始終我真是覺得好好味,故此每次來到一定想住它的味道. 熱騰騰的雞翼,配上蜜糖香味,還加上一點點的檸檬清香. 好~好~味~呀!!今天都好滿足,試過新菜,還有蜜糖雞翼. 好開心地離開此店.

黃薑飯：分量多，味道普通，有期望而去，所以較高要求牛腱的確唔錯飯粒軟硬適中奶茶：...... 不該與茶餐廳比較

睇完OpenRice介紹，同女友走去試下…去到大約夜晚九點左右，客人唔係太多，環境一d都唔嘈，雖然裝修舊一d，但係都好舒服…伙計招呼都ok，好nice又講得笑！我地兩個人叫左三樣野：黃薑飯、羊肉餡餅同埋蜜糖鳮亦，三樣野都好好食，但比較起黎，鳮亦就差少少，因為d蜜糖只可以係表面，入面d肉完全無味…但總括都算~~正！兩個人、三個餸，埋單$140

經開飯查一下佐敦有什麼好野食,發現此店,故此和家姐試一下,進入此店充滿古舊傢俱,有點80年代的餐廳感覺. 此晚(5月16日)人山人海,好在找有卡位坐.我立即叫了以下食品來品嚐一下:蜜糖雞翼($48.00) : 正呀!!! 熱騰騰....充滿蜜糖及檸檬香味, o個雞翼好入味,食完1隻又1隻. 好好味呀!!! 羊肉餡餅($19.00) : 雖然唔算大件,但d羊肉同咖哩好正,一d都唔穌. o個又夠鬆軟. 好味!!山東牛肉飯($48.00) : 山東牛肉是少了點(是細碟o左d),同價錢相比是有點貴,但d牛肉及汁好鬼死好味,攪到食完還想再食.服務態度真的不錯(還有糖食). 廁所有點古舊,但清潔度還算可以. 下次一定再來~~~I will be back!!!

琴日睇openrice 介紹後走去試下嘢食都算係好好味呀!!沙嗲餐加錢轉黃薑飯:沙嗲餐叫左串燒羊和牛,都幾好味,但凍左就有d 鯹鯹地,而黃薑飯就失色左少少la....但味道一般,太少椰汁味另外仲有加錢轉餐飲做珍蜜冰:同珍多冰有少少分別...就係多左菠蘿蜜,但一樣價錢,所以叫左呢個,飲品上有雪球,自己可調整個冷凍程度,味道都幾特別!!!飲得過呀!餐湯有個好似蕃茄水煮湯咁....本人就唔太好散叫有蜜糖雞亦:蜜糖汁好正,雞亦又大大隻脆脆地咁,要落埋手去食~另外還叫了牛肉餅拼粟米餅:本身一碟上ga,但職員話可叫一半一半試下個味,咁就當然要試下la,粟米餅係認真好味,又好香!牛肉餅就係免治牛餅咁....不過都唔錯本身7點幾唔太多人,估唔到坐坐下越來越多~侍應唔夠,搞到揮手好耐先有人理但有一樣嘢好差...就係衛生我個茶杯有未洗乾淨的...唇膏印....好核突!!!p.s. 入去有少少味道.....有人可能不習慣但坐坐下就聞慣~