峰味清雞湯米線

营业中

休息中

食過呢間好多次，因為佢嘅餃子皮薄爽脆，雞湯好清甜，餃子嘅椰菜好爽，加韭菜同小小豬肉，食起上嚟係索索聲，佢嘅碗清湯雖然份量唔多，但食得出係冇味精同埋係老闆用心嘅製作，每次食親都覺得佢嘅食材好新鮮，食完唔會口渴，佢仲有賣涼茶，買過佢嘅蘋果雪梨木瓜茶同竹庶茅根，清甜好味，拎上手仲係暖嘅，感覺好新鮮！又試過買一打餃子返屋企煮面，老闆會悉心講解要點樣煮， 餃子可以放幾多日， 點樣存放，又好好禮貌！感覺上啲餃子就係老闆嘅命根，所以經過都會嚟食吓，覺得係一間好用心嘅小店！

清雞湯餃子。放工行經鱟地坊，見到有間主打湯餃子既小店😏價格唔貴廿幾蚊有八大件😏食落味道唔錯，個Size大大粒，粒粒都飽滿，而且真材實料，無味精，絕對值得一試😎

我發現佢嘅時候大約係兩三年之前 , 間鋪頭嘅位置好隔涉喺一條捐窿捐罅都睇佢唔到嘅一條巷仔入面。 呢間餃子當已經食咗好多次啦， 最近推出咗暑期優惠， 七點之前 六隻雞湯餃子烏冬 有優惠做緊 30 hkd炸。老闆唔係好多講嘢，最多都係介紹下自己啲產品。 老闆都對周圍嘅街坊 老人家同學生都幾眷顧 ,有特別嘅優惠畀佢哋。呢度有連住幾間嘅食店， 大家幾間舖頭一齊share四張枱仔，兩個垃圾桶， 非常簡陋。老闆應該係一啲好傳統嘅人，唔會用電腦佢全部嘢都係自己公公整整用顏色筆手寫，連 招牌都唔例外。1. 呢六粒餃子；用心去包嘅，冇味精之餘， 少肉，多菜，健康，美味2, 面頭；仲洒咗啲係醃好既雞肉碎3, 湯；係呀啲 清雞湯4, 煮得好快；企咗三分鐘就已經到手，食得5, 烏冬；好煙靭， 口感似日本手打烏冬6, 性價比高yummy 下次會再繼續食， 食過返尋味大家，下次食嘅時候都建議自備餐具同碗筷，一齊支持環保！！！！老闆加油！

行過呢間舖頭仔見肚餓，見到佢有好多自家製餃子嘅相幾吸引，就決定叫個雞湯餃子烏冬同煎餃食下。餃子皮非常薄，係我食過最薄皮嘅餃子，名符其實水晶餃佢皮薄得黎仲要好多餡，大大隻，筷子夾大力啲都會爛。雞湯味道比較清唔算好濃味，但係飲完之後都唔口渴證明冇落味精。餃子多菜少肉夠健康，食多幾隻都唔會膩 。湯餃出色，煎餃亦都唔輸蝕。餃子皮咁薄佢哋都可以煎得咁靚，金黃色微焦，認真好功夫。鋪頭仔仲有生餃外賣，下次黎荃灣可以買返打返屋企煮麵食

在士林食街中、尋找到這裡有足料的雞湯餃、仲有自家製涼茶。講湯餃先、餃子🥟皮薄餡靚、雞湯又很足火。好好味道呀到講涼茶、佢門面放哂佢煲涼茶的材料熱滾滾的 很足料很夠火喉買左支 竹䉀茅根 清下熱毒 好好飲 又吾甜無添加的感覺之後又買左支蘋果雪梨 都係不錯的有凍有熱選擇如果有更熱就好、嘻嘻。

🥟🐥清雞湯餃子（$20/6隻)另一間喺鱟地坊既街坊小店係呢間 #峰味清雞湯米線 ，門面大大隻字「一口餃子，七年心血」，店員話佢哋嘅手藝係師承日本，未食都感受到佢哋嘅用心🙈落左單之後即叫即整，都要等成10分鐘先食得㗎，每隻餃子都超級大粒😍😍 仲要皮薄餡靚，未食都見到入面好多料，每隻餃子都由新鮮嘅蔬菜同埋豬肉做成，入口好滿足，再飲一口清雞湯，鮮甜美味，就好似屋企煮嘅味道。你可能覺得佢既味道同平時食開嘅餃子有少少唔同，係因為佢冇落味精 ☺️ 呢間小店非常推介，經過荃灣就支持下啦😉

我是麵控也是餃子控。多年前，荃灣有間海記菜餃，好食到不得了，重香蝦味的湯，菜比肉多的新鮮薄皮餃一直想再食返呢種菜餃，但十幾年都食唔返。荃灣民X又大退步大長龍，令我卻步。荃灣街市有個賣上海水餃雲吞的店，初初好好食但後來越來越差。無意間見到呢間無味精每日新鮮做，見佢七八點就賣曬，所以就試試。真係似家庭式的餃子，皮夠薄，食得出菜肉新鮮，無雪到實曬，質感好。真係無味精又好味，真材實料雞湯。每次買都要等好耐，因為個哥哥真係慢慢煮，煮到剛剛好，最好立即食。呢位哥哥應該係店主，好有禮貌同好好人。因周圍環境較差，無可能拎住企响度食，所以如果浸耐左，餃子會爛，買左幾次之後，我每次一拎左就要飛車返屋企食！

有時想食清清地 我都幾鍾意食餃子☺️不過男朋友就話出邊啲餃子舖好多時湯底/包餡都落咗好多味精 食完會好鹹🤦‍♀️🤦🏻‍♂️但呢間就主張無味精清雞湯手工包餃子💁‍♂️ 仲話唔用肥豬肉而用新鮮瘦肉！💁‍♂️［一口餃子七年心血］吹到咁勁我哋就試吓啦😂😂😂我哋要咗個清雞湯餃子烏冬 第一啖飲落清清地好似冇乜味咁🤔🤔 不過飲多兩啖就真係飲到啲雞嘅味道 雖然淡淡地但又幾香喎🙆‍♂️ 男朋友仲幾鍾意個清雞湯嘅味道tim🙆‍♂️🙆‍♂️ 餃子真係好大粒喎 女仔嘅話都可能要兩啖先食完一隻 入邊嘅餡料好充足好飽滿！！💁‍♀️💁‍♂️真係落咗好多菜同埋瘦肉喎！食落絕對唔係肥豬肉嘅感覺！加分！！💁‍♀️💁‍♀️ 味道都調得好正 就算空口食都唔算好咸！同埋仲有一樣要讚嘅就係佢個皮係手工包嘅 都做得好薄下！因為師傅話手藝係傳承日本 所以我哋就試吓佢個烏冬啊💁‍♂️烏冬嘅口感都幾煙un嘅 有啲似讚岐烏冬 不過要烏冬都要+十幾蚊🤔 試吓就無妨既~ 不過我覺得CP值都係餃子高啲！！鍾意食烏冬或者唔想單食餃子嘅嘅都不妨一試~不過佢餃子嘅款剩係得一款餡料或者要煎餃🙈雖然話高質嘅餐廳都係主打一款食物 不過作為顧客就希望佢多多一兩款餡料揀呀！我就鍾意食粟

《餃子驚喜》呢四隻餃子真係皮薄餡靚！佢的餃子偏多不同嘅菜，老人家未必啱嘅，嗰陣係好健康同埋好好味，自己煮應該冇咁好食，你咪係個雞湯非常清甜煮嘅時候已經入晒餃子汁，唔知食落去好有驚喜！🐔🐥雞湯好清！真係好正，我真係好想問點解我屋企隔離無一間咁樣餃子店囉🙈想學師添😿橫街窄巷企正食餃子真係別有風味，冷風吹，熱辣辣，都係覺得好食，正正子！老闆加油！真係好撐得！😭荃灣人一定要食！👅😍次次我去荃灣，一定會食！#峰味清雞湯米線 #荃灣 #荃灣必吃 #好想食多幾隻 #一定要幫襯多啲 #你唔食走寶 #餃子控

每次途經峰味清雞湯米線 我都很想吃，不過朋友都說很飽，叫我不要吃太多東西，所以都吃不到。昨晚我終於突破重圍，一嚐這街坊推介的雞湯菜肉餃子。這裡除了主賣餃子和其他熟食外，還有一煲煲的蘋果雪梨，竹蔗茅根，都是峰味清雞湯米線親自所熬煮出來，看起來挺滋潤的。不過今次的重點是餃子，下次再買來試試這些滋補飲料。我的雞湯餃子也到手了，雞湯色澤透亮，一點多餘的浮油也沒有，從這可看到店主的細心處理食材，也配合店主張美味的健康。先喝一口湯，很清甜啊，還有絲絲的雞肉，果然真材實料。餃子皮薄透非常，可清楚看見內裡餡料。峰味另一主張餃子必定以新鮮蔬菜和瘦肉包製，我亦能感受到它的鮮美，蔬菜帶點爽脆，瘦肉肉味濃厚。不過真的要趁熱吃，才可吃到最滋味。另外餃子只賣22元8隻，實在太便宜了，現在很多地方都不能以這好康價錢買到這麼優質的餃子吃呢。

放假難得一到荃灣， 行行街覺得有啲口痕，上網search下附近有咩小食，就見到呢一間主打健康嘅餃子。但鱟地坊呢個地點實在有d 難搵，連名都唔識讀，想問下路都唔得好彩皇天不負有心人，終於搵到，22蚊8隻餃子真係街坊價，見佢舖頭都貼左好多話餃子真材實料既報導，真係要一食先知龍與鳳一打開，都有d雞湯味，餃子皮薄餡量適中，調味亦恰度好處，清得黎都夠味，至於到湯頭喇，食得出係真材實料煲既雞湯，好健康既感覺但美中不足既係湯頭唔夠熱，勉強稱得上暖，希望下次食可以改善下呢方面，就very good la

經過見到間以雞湯做賣點既餃子店就諗住試下雞湯餃子老闆好體貼 仲話餃子入面有多菜 健康為主餃子好足料 個雞湯仲有雞絲比你食原來雞湯同餃子配埋一齊係好好食 另外個竹蔗矛根水都好香 感覺好住家feel ☺️☺️小店一定會支持☺️☺️

是日餃子控來到荃灣呢條美食巷仔..發現有間貼滿採訪既💁🏻峰味清雞湯米線手工包餃子標謗「新鮮健康」就買了雞湯餃吃 $18六隻十分抵~先試餃子 人手加工的餃皮透薄滑溜內裡的餡顯得非常透徹😍餡料是極小肥的新鮮豬肉 混合手切即日蔬菜 調味不重 味道輕盈😋菜多特別爽脆;雞湯用原隻雞三隻餚製而成 清甜不油膩 還有絲絲雞肉 一定要一飲而盡!!個人覺得比荃灣另一間響當當餃子店還要好吃👍🏻缺點只是慢工出細貨和沒有堂食趕時間的心急一族可以先致電老闆下單後取喔~(老闆很有禮貌的🙊)支持良心小店🙌🏻

諗起之前見過報章報導呢間店, 今日中午一個人搵食就去睇睇啦。原來係外賣店黎, 無得堂食既。黎到時客人唔多, 我諗左陣先叫野食, 老闆就忙住邊問客人食咩, 邊同疑似佢仔仔一齊煮野。竹庶茅根馬蹄紅蘿蔔$20有兩款自家煲製飲品賣, 真材實料煲, 煲完既渣都放左出黎display, 見大部份人都揀竹庶茅根馬蹄紅蘿蔔我都要左1支, 真心唔錯,飲到各種材料味道, 而且少糖, 清熱健康。清雞湯餃8隻$22用左自備既玻璃盒比佢裝餃子, 比較環保, 裝完後我關上蓋拎走, 老闆細心提醒要快食, 否則餃子皮會淋爛, 我去到附近開左盒黎食, 個皮超薄, 甚至透出餡裡面既材料顏色, 係日式餃子做法, 餡料有韮菜椰菜同瘦肉, 多菜少肉, 無肥肉係無左浸油香, 但係新鮮蔬菜同肉味好出, 唔需要太多調味已經好食, 個湯係精華所在, 好夠火喉, 清清的唔油膩, 不過份量唔多, 唔知有冇得買多d湯走呢?生餃$30/12隻食到一半已經返返店舖, 因為想買生餃子, 都幾多客等緊單, 我就邊立食邊等, 無咩所謂啦, 如果唔係住附近, 喺返店前立食似乎仲舒適, 問一問老闆餃子點煮, 佢好詳細咁解說, 水大滾, 落餃子, 再滾起計

今日食晏四圍行見到呢間店，見到佢貼晒啲訪問相，先醒起我之前上網見過想試既！第一次試呢間野，等佢由生煮成熟都要等十分鐘左右，但得另一個人等緊，所以唔耐，有個辣醬可以點既，老闆話有啲花生同魚肉，係佢自家制既，個味好香好好食，店舖食品價錢都好平，好抵食，$42/8隻連烏冬，仲要有雞湯底，個雞湯同我媽煲既足料雞湯味好似，應該隔左油既，個湯唔多油，烏冬好入味同係靚少少既烏冬黎。餃子有唔同數量簡，價錢就唔記得影，推薦大家去試。個醬係必試，有魚香，唔算辣，十分最辣，我諗佢得兩分，但好味既。$42呢個價去啲咩堂買碗湯都要呢個價，抵食既。個餃多菜少肉，唔覺有肥豬肉，好清既。重口味人士就唔多啱食，可能要食煎餃。整碗味道有八分，配埋醬仲好食，誠意十分！佢間野只供外賣，老闆熱情地叫我唔介意可企住食，仲問我係咪第一次試，我話好味，佢個樣仲好滿足咁笑。