川燒王

营业中

休息中

【川燒王｜🔥串燒和快樂一樣是會傳染的！】荃灣區原來都有街坊串燒，近劉德華公園對面，喺秘密少少嘅位置，地膽帶路無難度！食咗咩？🌽原條粟米唔乾，甜甜地👌🏻..🌽原條蒜蓉茄子🍆（❤️‍🔥必食）惹味，燒起啲肉仲好有肉汁，最欣賞個皮唔燶。..🌽雞中翼味道唔錯，雞翼控朋友大讚👍🏻..🌽bb蕃薯細細粒過吓口癮，不錯之選..🌽火箭魷魚廚師細心地剪好，仲排返個隊型！本身好鍾意食魷魚嘅我，梗係收貨啦！..🌽蒜蓉扇貝（❤️‍🔥必食）蒜蓉好食已經係成功嘅一半，扇貝亦新鮮，水份依然！..🌽加多寶涼茶解熱氣清清喉嚨，飲完幾舒服😌..呢間串燒店唔止串燒得，其實佢哋個炒飯、炒米都好得！枱枱都點，外賣單又點….可惜今晚我肚仔Full晒，下次下次下次大概可以😌🔥川燒王📍荃灣德海街18號富利達中心地下F2號舖#荃灣美食 #荃灣串燒 #宵夜時間 #串燒 #下次再約 #蒜蓉茄子好好食 #蒜蓉扇貝好食 #川燒王

荃灣呢間串燒小店價錢平民，平時串食串燒，人均無200-300都食唔飽，都質素又高，款式多，食得好滋味👍🏼👍🏼鹽燒白鱔白鱔外皮香脆，內裡鮮嫩多汁。啲白鱔肉質鮮美，結合燒至微微焦香嘅外皮燒雞中翼燒雞中翼外皮烤得香脆，肉質鮮嫩多汁，同埋烤至略微焦香嘅香味厚切牛舌心牛舌心好厚身，好有咬口，肉質鮮嫩，配上啲調味料，好味蒜蓉原條茄子茄子好軟淋，一啲都唔乾，蒜蓉同茄子好夾川式炒飯炒飯粒粒分明，飯有好多配料，炒得好有獲氣

假期總會比較晚睡，肚子總是覺得餓。口痕的我去了荃灣搵食醫肚😂剛好經過德海街看到有間川燒王主打串燒，夜晚吃串燒也是一個不錯的選擇。店舖雖小，但都吸引不少人來吃串燒，亦發現都多人買外賣回家吃。串燒的種類算多，有海鮮、肉類、蔬菜。如果覺得食串燒唔夠飽，可以點主食和甜品。🌟鹽燒多春魚 $45/6條多春魚燒至金黃色，肉質嫩滑，魚骨已經煎酥，配上椒鹽，味道十分鮮美！🌟韭菜 $15仍然保持韭菜本來的水份，不會燒得很乾。🌟蒜蓉原條茄子 $38茄子口感軟綿綿，蒜香味濃郁，非常惹味。🌟沙嗲雞肉串 $28/2串雞件不算大，沙嗲味不太濃。🌟厚切牛舌心 $45超好吃😋肉質軟腍爽口，有濃郁的牛味，越嚼越香。 加上少少鹽， 味道更有層次。🌟日本一口和牛粒 $38🌟豬大腸 $28口感香脆，肥而不膩。

上次食咗串燒心思思又想食係荃灣有冇呢？Yeah Search到係德海街有，咁就緊係去食啦😋😋 雖然地方細細 ，但係坐得又幾舒服㗎喎😍仲越坐越多人添 證明我冇揀錯啦一定係好味先至越嚟越多人😄😄上次食過燒饅頭今次都叫返燒饅頭， 係估唔到今次係三個饅頭仔呀($25)三個，每個都燒到外脆內軟淋淋勁好味呀😋😋蜜糖多士($13)好似去bbq自己燒嘅蜜糖多士❤️佢呢塊仲脆仲甜仲軟熟呀 👍👍一串魷魚鬚($25)好惹味好大串仲好彈牙添“正”呀 👍👍司華力腸($25)估佢唔到咁大條呀😍😍份量好捉😋咬落啖啖肉外面又脆卜卜 ‘’一流 ‘’💯雞皮雞($28)呢個價錢係兩串嚟㗎喎👏👏雞皮脆卜卜好好味㗎 🥰雞軟骨($28)都係兩串㗎 👏佢真係燒得好惹味😋雞中翼($36)勁抵呀💯有成四隻㗎❤️外脆內又有好多雞肉汁添 五花腩有三串($42)👍👍串串都好juicy好惹味好爽口😋😋唔怪之得真係越食越多人啦💯我唔知點解啦 👍👍我都要下次再encore❤️❤️川燒王地址: 荃灣德海街18號富利達中心地下F2號舖

今日係荃灣行街。原先想食米線…見到排長龍…見對面間串燒舖頭嗰樣好地道…咁不如嘆下串燒點左好多野…燒茄子…韭菜…粟米…翠肉瓜…薯片…豆卜…雞翼…雞軟骨…墨丸…雞肉棒…饅頭等等每樣食物既燒法真係幾地道…加辣的話有大量辣粉同孜然粉…調得好惹味。東北燒烤好唔好…我覺得要睇茄子燒成點…呢度都燒得都ok…夠火喉…如果加調味粉外再加d蒜蓉/油就perfect呢度串燒燒得唔錯…最緊要價錢唔貴…另一優勢就開得夜…咁就宵夜唔驚無地方食

荃灣夜晚真是越夜越精彩!今晚來到平常黃昏5:30pm便開門的川燒王食串燒。不知是否老闆臨時有事，我和老公6pm去到仍未開舖，便決定先去附近商場逛逛，閒逛完大約7pm，見到店舖已開門做生意，我們便一於入內嘆幾串串燒。由於我們下午遲吃午餐，不是太餓(只是想過吓口癮)，結果只點了以下串燒：🍢🍡海蝦2隻～蝦肉彈牙鮮甜。🍡🍢多春魚6條～多春魚燒得香脆惹味。🍡🍢錫紙金菇～金菇充滿牛油香，份量十足。🍢🍡秋葵1串🍢🍡雞軟骨2串🍡🍢厚切牛舌芯1串～牛舌芯厚切得來一點也不靱，燒得剛剛好。🍢🍡紫薯1串～紫薯連皮燒，外皮香脆，內裡香甜。為了迎合不同客人的口味，這裡的串燒可選不辣、小辣，中辣及大辣，夠貼心。川燒王可說是荃灣一眾夜歸人或宵夜一族的食堂。

行開附近想搵間餐廳食串燒, 見呢間幾多好評就入嚟試下, 店舖面積比較少, 只有3-4張枱, 人多要坐門外, 唔算舒適~蒜蓉扇貝/雞中翼/墨魚丸✨扇貝煮既時間剛好, 唔會好韌, 蒜蓉分量好多, 加埋味道唔錯✨雞翼會皮好脆, 肉唔痴骨, 好入味✨墨魚丸表面充滿味粉, 好彈牙魷魚鬚/土豆片✨魷魚鬚好有咬口, 味道令人驚喜✨土豆片薄切, 片片都夠味錫紙花甲粉✨味道唔算太辣, 相比串燒較為失色食物味道唔錯, 不過追求坐得舒適既話, 外賣會比較好，因為要坐門口既話，衛生唔太好，有經過既路人吐痰🥶。

平時黎開呢條街食米線，今次見到喺米線舖隔離開咗間串燒小店，行過就聞到陣陣串燒嘅香味👃。店舖座位不多，主打外賣。見到門口都有啲枱同椅，應該夜晚多人嗰陣時可以喺出面擺枱食。🍢 雞軟骨$28/2🍢沙嗲雞肉串$28/2 🍢 雞全翼 $36/2🍢 豆卜$13🍆蒜蓉燒原條茄子$38食串燒必點系列💯，同樣係勁多蒜泥🧄，燒到火喉岩岩好🔥，而且食落好夠味又香口。🍢燒韭菜$15、虎皮青椒$13大推👍👍👍👍👍最入味的兩款🍢燒台灣腸$22🍢燒墨魚丸$22🍢司華力腸 $25勁大條🫣抵食之選。📝整體而言：幾有驚喜的小店，燒烤選擇多，全部即叫即燒。全程等咗15分鐘。燒的火候都啱啱好，勁多調味粉😍😍夠晒味！價錢都合理，肉類特別抵食。以後宵夜又多個地方去☺️！✏️沒有其他分店✏️沒有加一服務費📍 川燒王 (荃灣)荃灣德海街18號富利達中心地下F2號舖

今日就去咗串燒王食宵夜, 餐廳環境幾有風味, 串燒款式都唔少我就叫咗碗花甲粉, 粉質比較彈牙, 面頭仲有唔少花甲, 望落紅卜卜好似好恐怖, 但係食落又好香口🤣另外都叫左幾款唔同嘅串燒. 每串即叫即燒, 面頭嘅調味料, 越食越過癮, 整體嚟講價錢都好親民, 全部都叫咗小辣, 輕輕將調味昇華燒茄子超大條, 面頭放滿蒜蓉, 仲保留左juicy 嘅口感燒羊肉, 食落有啲羶味, 但肉質幾有咬口燒墨魚咀, 幾爽脆, 燒雞全翼, 雞翼都幾大隻, 外皮燒香左, 唔會好乾燒饅頭, 面頭燒香左, 加埋孜然粉幾夾燒香蕉係川式小店比較少見, 將原條香蕉燒熱, 再加埋朱古力醬, 岩岩好

荃灣友又去搵食,今日夜左少少,諗住去路德圍,點知俾我搵到間新野,佢開到3:30am 就試下佢花甲粉🍜 ($65)花甲勁多,朋友唔食辣,湯底叫咗小辣唔算好辣,粉絲索哂湯勁好味😋。法式焦糖鵝肝多士 ($68/份）好鐘意個佢個蜜糖多士底,燒野食係一定要有蜜糖包,再加上鵝肝🤤味噌蟹蓋🦀 ($45/隻）宜個係打星星,唔係唔試下掛,勁濃嘅蟹膏味好足料‼️脆香雞皮🐔 ($28/2串）雞皮擺咗一陣先食都仲好脆,好似食薯片咁美國特級牛小排🐮 ($98/份）牛小排以為會好鞋身,但食落又唔會,好重牛味,唔錯|蒜蓉原條茄子🍆 ($38/條）串燒必叫, 舖滿蒜蓉,勁香。厚切牛舌心 ($45/串）本身我麻麻地厚切牛舌,我嫌會騷,但宜個食落ok,我幾滿意甜蜜玉子燒 ($28/份）佢唔似日式個d甜蛋,佢陣甜味係面頭個d蜜糖,BBQ其實蜜糖味係好重要韭菜 ($15/串）🦑汁燒火箭魷魚筒 ($68/條）鮮冬菇 ($16/串）🍍有機菠蘿 ($22/串）鹽燒白鱔魚（$55/串）

同fd子👯‍♀️玩夜咗，餓餓地想搵d嘢食下，捐窿捐罅下向荃灣大鴻輝附近搵到呢間串燒店，5點半開到成3點半，玩得再夜都唔怕😌🔥花甲粉 ($65)除咗串燒，呢度都有唔同🍜粉麵選擇👍花甲好多有成十幾廿隻，湯底叫咗小辣唔算好辣，粉絲索哂湯幾好味😋。🦑汁燒火箭魷魚筒 ($68/條）魷魚筒食落新鮮爽口，切件上好貼心。🔥味噌蟹蓋 ($45/隻）充斥住濃濃嘅蟹膏味☺️ 味噌蟹膏份量仲好足料‼️鹽燒白鱔魚（$55/串）白鱔魚皮少脆，魚肉算厚身。🍆蒜蓉原條茄子 ($38/條）串燒必叫, 茄子肉夠淋容易夾起，再加上表面舖滿蒜蓉，不得了。🔥厚切牛舌心 ($45/串）大推item🙌厚切食落爽口易咬，調味又啱啱好。韭菜 ($15/串）韭菜冇渣幾新鮮，孜然味好夠。鮮冬菇 ($16/串）孜然味夠，但唔會遮到冬菇味。🐔脆香雞皮 ($28/2串）雞皮擺咗一陣先食都仲好脆，配啤酒一流。🍍有機菠蘿 ($22/串）菠蘿仔夠甜而且食落冇鞋口👏🔥美國特級牛小排 ($98/份）第一次見串燒店有牛小排食🤣幾特別。牛味重，肉質幾靚。甜蜜玉子燒 ($28/份）超厚嘅玉子燒‼️冇日式甜蛋咁甜，但甜度係恰到好處。🥖法式焦糖鵝肝多士 ($68/份）

下班後在荃灣食飯，在千色店後方有間串燒店。串燒店家庭式經營，價錢合理，選擇多。即叫即燒熱辣辣，等了大約10多分鐘就有~ 開支啤酒，一路食一路飲好享受~▫️雞軟骨 $28/2串特別推薦他們的雞軟骨，點了四串。咬落卜卜脆!!! 而且不會很乾 口感不錯!!必食!!▫️ 有機菠蘿 $22推薦!!串燒菠蘿好甜!!!有嚇親😹😹估唔到咁甜，可以再encore!▫️ 日本一口紫薯 $18推薦!!好軟糯香甜，食到紫薯味，淡淡紫薯香會令人忍唔住一口接一口~▫️ 雞中翼 （4隻）$36推薦!!撒上辣椒粉，香口惹味。雞翼都飽滿，而且食落唔會鞋口。▫️烧免治雞肉棒 $28/2串口感豐富，夾雜着雞軟骨，必食!!▫️ 厚切牛舌心 $45串燒火喉控制適宜，唔會燒得太乾太燶。厚切口感幾好。▫️ 沙嗲雞肉串 $28/2串醃得好入味

小店位置喺荃灣千色店和大鴻輝附近，雖然位置隱蔽但係去到已經幾乎坐滿客人，餐廳為了保持質素堅持每樣串燒都即叫即燒款式比一般串燒店多款，除左一般海鮮、蔬菜、雞/牛/羊/豚肉類，仲有錫紙烤焗、甜品、玉子燒，亦都有冷盤小吃同主食等外賣大概等了15分鐘，店員好好仲提醒我下次可以WhatsApp落單就唔使等候土豆片好有特色，孜然粉香味好重，但係唔會蓋過土豆燒香既味道薯仔燒到表面微微脆口，食落唔會乾身唔會覺得冇哂水份，個人最中意呢個覺得最有特色雞中翼燒得夠乾身，肉身肥美大隻，好夾孜然粉味，推介娃娃菜燒得有香味之餘保持到juicy，好惹味原條茄子好多蒜蓉😆蒜蓉啱晒鍾意食蒜味既人

店鋪屬於家庭式經營，位於荃灣千色店後面四坡坊里面，唔算太難搵😌小店裝修一般，仲有懷舊燈箱展示店鋪串燒相，👷🏻‍♀️細孖諗番起細細果去快餐店嘅點點滴滴，鋪頭一路播住啲經典舊歌🥰幾有風味，落單後老闆會即叫即燒串燒，保證上檯熱辣辣，每樣串燒都可以揀辣度👭🏻孖妹食唔到辣，就叫唔辣😅主要面有少少辣粉同孜然粉調味，食唔到辣都一樣惹味㗎❤️🔸🔹🔸🔹🔸🔹🔸🔹🔸🔹🔸🔹🔸🔹🥢鹽燒大海蝦 💰45/2隻✨海蝦都算大隻，有手掌咁長，蝦身外殼脆肉質鮮甜，連蝦殼都可以食埋，不過蝦頭冇咩蝦膏🥢魷魚鬚 💰25/串✨用上大量孜然粉、五香粉同豆瓣醬醃製，魷魚本身尚算鮮甜彈牙，而豆瓣醬既辣味令味道更加豐富🥢惹味台灣腸 💰21/條✨ 呢款屬於台式粗身香腸，比較甜，烤過既香腸有少少焦糖味，而且肉汁多油脂分怖平均，如果鐘意食台灣腸既朋友仔一定要叫✅🥢雞中翼(4隻) 💰36/2串✨雞翼醃料同魷魚醃料差唔多，用左黑椒代替豆瓣醬，一串有兩隻，咁孖妹就唔洗爭食✨👭🏻孖妹一向都唔食雞皮，而減緊重既朋友仔都減少食💁🏻‍♀️如果雞翼醃製時間長啲會入味啲🥢日本一口和牛粒 💰38/串✨牛肉每嚿都幾大粒，但冇咩油脂感，👭🏻孖妹覺得似普講牛柳粒✨燒既時間可能

位於荃灣德華公園附近, 店鋪細小, 並不起眼, 我都兜了幾個圈才找到確實位置。由於店鋪細小, 發現有不少外賣單, 可見味道有保證 😌蒜蓉原條茄子 $38吃串燒茄子是我必叫食物之一 😆 面頭鋪滿辣椒粉, 茄子裡面又有大量蒜蓉, 燒得非常香口惹味 😋 朋友說唯一的問題是茄子皮比較煙韌雞中翼 $36/2串豬頸肉 $35/串牛肉串 $28/串惹味燒雞子 $35/串全部都曬上惹味辣粉, 加上燒得恰到好處, 基本上全都是好吃的, 尤其雞翼和豬頸肉 🤗 牛肉串就稍為韌了點, 而本身我對雞子沒興趣, 所以未能評價。鍚子燒雜菇 $42多款菇菌, 有金菇, 雞脾菇, 冬菇, 味道也不錯, 微微辣, 只是略嫌濕了點。蒜蓉燒大海蜆 $58/份普遍外面的炒蜆都會有一半左右單純是貝殼, 這裡絕對沒有這個問題, 份量十足 😁 幸好這個比茄子的蒜蓉少, 不會太搶蜆的鮮味 😃整體食物是不錯的, 只是店舖比較細小, 有點狹窄。