川香苑麻辣雞煲火鍋 (已結業)

之前去過其他地方食麻辣雞煲不過呢間係第一次試感覺上與別的雞煲食店比隻雞好似有少少雪味但整體上既食物都可以啦雖然食品選擇不是太多但勝在個湯底味道濃郁取勝!那天可能與朋友沒有預約既關係, 真係等了很久門口真係很多入等候...如果門口有安排更多坐位比顧客坐會更好!***一定要試牛肉粒!!味道不錯!

其實係同事介紹, 所以星期五放工同男友大戰呢間食店既麻辣雞煲一開頭食真係幾辣, 不過好彩食食下都適應到個辣度, 如果呢間食店有得叫埋食海鮮會仲正正子law魚滑: 好好味, 大家一定要試麻辣雞煲: 叫左小辣, 開頭真係食唔到, 不過慢慢食都易入口左, 味道幾好! 湯底幾濃!隻雞真係幾入味紅薯粉, 粉絲: 一定要叫, 因為好入味!羅漢果茶: 飲完個人既感覺好舒服!豆腐: 幾滑!不過好似普通左少少墨丸+黑椒牛丸: 個味唔錯!幾正!

話說同老公行行街即慶打邊爐, 行行下又比我搵到呢間雞煲,老實說, 環境真的很一般但食物總算過得去, 最特別都係個麻辣雞, 哈哈~!雖然怕食到生瘡, 但都食左少少, 個味道唔錯!本身我唔係好食得辣, 所以叫左鴛鴦湯底, 老公就係好鍾意食辣, 所以我地叫左一半辣一半係清湯!食物選擇方面都ok啦, 平時打邊爐既食物都有, 丸類, 炸魚皮, 肥牛同埋紅薯粉一定走唔luc之後老公叫左支啤酒, 而我就叫左支黃老吉解解熱氣!整體上, 食物服務都唔錯!

天氣涼左少少個人都幾想打下邊爐, 其實食得多沙嗲湯底, 清湯, 皮蛋豆腐湯底都有d悶, 所以楝左呢間川香苑雞煲,雖然環境方面有o的狹窄, 不過係呢d環境食都算有d風味!我地叫左一個小辣味的雞煲, 同埋豚肉片, 肥牛, 金菇, 腐皮, 紅薯粉, 蟹柳, 牛肉粒, 生蠔等等個湯底真是不輕易看小, 味道濃郁! 配合雞肉的味道不錯!上菜時間都ok快, 不會送錯或是送漏單!由於我今次惠顧係有6個人, 所以之前個星期已book位! 好彩我地book左位..因為我見出面等食的人真係多到不得了, 如果冇book的朋友可能要等1個2個鐘..所以想食的朋友, 我建議大家食之前個幾日book定位! 否則真係要等好耐!

尋日同朋友係MK行街...行行下見到呢間＜川香＞其實一入到去, 我都麻麻地鍾意個環保, 因為D位比較窄..幸好，＜川香＞又唔係想像中咁差，ｄ野食都幾好！我同朋友叫左幾串燒雞軟骨, 麻辣雞煲, 羊肉, 豬紅, 荀同埋炸魚皮1) 串燒雞軟骨: 都幾新鮮! 可能即叫即整!有雞味!可以比你楝辣定唔辣2) 羊肉: 幾好味, 食唔到有So味, 同個湯底都ok夾3) 豬紅: 味道夠咸, 幾滑, 口感不錯4) 筍: 筍始終唔係太多人鍾意食, 但我覺得襯個麻辣雞煲都唔錯!!(記住唔好煮太耐呀!因為會變色)5) 炸魚皮: 都幾好食..同平時打邊爐點個d差唔多6) 雞:　入口幾滑，唔覺有雪味！同埋個幾入個麻辣味麻辣湯底個味唔錯，有幾隻味選擇！（小，中，大），我地楝左小辣，味道幾好！又唔覺好易口乾！

前晚同男友行行下街比我地搵到呢間麻辣雞煲，本身我地係未食過麻辣雞煲一直都好想試，所以就膽粗粗試左呢間麻辣雞煲食店la! 其實我地見呢間既麻辣雞煲好得意wo…可以比你楝要咩辣，結果我同男友唔敢take risk，結果試左個小辣，雖然賣相麻麻，但係食店既火鍋料都ok，平時食開個d都會有，我男友仲幫我叫左我最愛的豬皮，因為平時食車仔麵一定要食佢，同埋我見個湯底個樣好似幾濃幾入味，所以專登叫佢。結果唔知係咪我同男友都係食得辣，個湯底好似唔夠辣，anyway個湯係好麻香同埋濃既，我同男友講: 下次可以試下中辣，再挑戰我地既味覺神經!仲有呀!原來呢間食店係有得叫串燒架，男友都叫左兩串雞翼，個味道都唔錯，有d似譚仔隻麻辣雞翼咁，不過個賣相似去食放題個d雞翼，因為會開邊的，味道都可以接受!值得一試!食左成晚都覺得呢間麻辣雞煲唔錯，不過如果食得比較辣既朋友，我建議一開始試下食中辣!

之前成日聽朋友講旺角有間好正食麻辣雞煲舗頭叫<川香苑>, 今次真係試到啦好彩我朋友冇<掍>我jie!首先, 講一講等位方面, 可能我同我既朋友比較夜食啦...晚上九點幾食...所以唔洗點等位!基於我地肚餓的關係, 所以我地一坐低就叫左個例牌麻辣雞煲做左個湯底先,之後我同我幾個朋友點左d單點食物..有肥牛(真係必叫, 因為好match個湯底), 春卷, 丸類, 牛柏葉, 炸魚皮, 腐皮等等至於味道方面, <川香苑>的麻辣好易入口, 好正!有少少似譚仔隻味! 如果鍾意食譚仔米線的朋友仔, 值得一試!有樣東西真的不得不介紹就係<川>店的肥牛真係好吸引! 佢地碟肥牛幾新鮮, 無論肥牛的顏色, 味道都好香口! Waiter哥哥仲同我地講叫我地點d <索> 味的食物會仲正, 佢仲提議我地叫粉絲試下, 試左真係覺得入口既味道真係正到暈! 至於價錢方面, 都算reasonable!不會太貴..平民價錢都食到咁正的食物, 真係唔錯! 我地6個人請埋生日個位都係$180到啦!總括,<川香苑>真係一間食完佢地既食

住在咐近的友人說晚上這裡非常旺場,門口總是有一群圍著等位的食客.不如去試試這店如何?反正最近吃過幾家店的雞煲是水準不錯!也樂於看看這店有沒有帶來驚喜.有頗多火鍋配料供選擇,看看價錢也尚算合理.已穩陣地不一次點太多配料但竟然也中伏羅漢果茶----由這支室溫的羅漢果茶為這個這餐掀開序幕!問侍應有沒有冰塊供應因羅漢果茶是完全唔凍,答案是無喎!轉身便走!第一次吃雞煲需要用上大量調味料來混醬!真想不到原來是必需的!以往吃雞煲也是上檯後先滾一會才吃,故習慣了先點些小吃邊吃邊等.涼拌雲耳----這個涼拌是暖的!雲耳不太爽口,調味是只吃到酸醋.麻辣豬耳----切成幼絲的豬耳沒甚問題,醬汁又是不麻不辣!此時已有點吃至火起.雞煲上檯沒有傳來預期的香味,只嗅到淡淡近似藥材的味道.湯底不麻亦不辣在煲內不斷的撈也只是看見少許配料在內,與平常吃到的麻辣雞煲相去甚遠.雞件是完全浸在那深色的湯汁中.雖然是一隻雞的份量但也要打撈才看得見雞件的出現!雞肉像沒有經過和香料一同下鑊爆炒,吃起來是烚熟的質感,軟腍沒有彈性及完全不入味.煲內的雞愈滾愈老愈難吃結果是吃剩半隻雞!$48四寶丸----以這價錢實在想不到出現眼前的,竟是

對於我地d雞王黎講,最鐘意就係周圍食雞煲今次經朋友介紹走黎依間試下一入去感覺舖面幾光鮮企理,同我之前去開果d好唔同講返個雞煲,我地嗌左勁辣個煲都好足料配菜ok多選擇,不過可能我地得幾個人,所以除返開個價錢略嫌有d貴d丸幾十蚊得幾粒最驚喜係有蠔食,隻隻都好大隻好肥,唔錯見隔離枱食果條魚仲誇張,勁大條睇落去勁辣,下次有機會一定搵多d人黎試下都係果句一分錢一分貨,睇佢舖面都知唔平得去邊,如果可以平少少我一定會成日黎

今日同fd慶祝生日.....有fd提議唻哩間食.....老實講初時都冇太大期望.....因為我本身麻麻地鐘意食雞....去到見環境都唔錯,我初頭諗食雞煲都係大排檔咁款...但係哩間佈置同裝修都幾靚幾舒服....一坐低叫左超多野食....除左打邊爐d配料仲有d熟食....配料都算多選擇....生蠔好大隻好新鮮,仲有墨魚滑...炸魚皮....肥牛....丸類等等我最鐘意食佢個涷豆腐,烚完索哂d湯好正同埋有我至愛ge炸腐皮到主角雞煲,佢地知我唔食得辣所以嗌左少辣....我係完全唔食得辣,不過少辣我都接受到d雞都幾入味,啖啖肉好正配埋佢果兜唔知咩醬類似芝麻醬點唻食好好食...食哩餐我地足足食左兩個鐘....下次再唻mk我都會帶朋友唻返哩間食

叫咗 :麻辣雞煲一隻(小辣) 雞肉切得都幾大件,之前喺旺角另外一間食過啲雞好細件,冇咗啖啖肉嘅感覺雲耳 : 普普通通墨魚咀 : 個人好鍾意食墨魚咀,貪佢夠爽口,之前買過啲炸嘅好好食,;但今次放落啲湯焯兩焯即食就唔得入味紅薯粉 : 普普通通,一開頭食好彈牙,浸耐咗開始淋 不過通常都係咁腐皮卷 : 放落湯度索晒啲湯3秒就OK,好食牛栢葉 : 唔岩食豬紅 普普通通魚皮餃 - 朋友話鹹咗啲,我食得濃,所以OK涼茶: 應用係自己煲0既? 幾好食完呢餐之後決定去返MK 另一間食.除左D雞唔夠佢大件外 其它嘢其實同呢度差唔多,但係坐就可以坐得舒服啲,嗰度有卡位架;最重要係啲嘢平過晒呢度,

天時熱, 本身都唔係咁想食一煲煲架啦, 仲要係辣..就更加....不過大班人話食就是但啦~結果...幾好喎~好似譚仔咁, 有得揀辣 level我地叫小辣, 對於唔太食辣ge我, 完全ok入到口其實我覺得佢個煲係香多過辣好多..哈哈雖然d雞係冇乜雞味, 但湯汁入哂去..勁正呀.!冬天食, 用黎打邊爐就真係超正喇..另外叫ge一d燒物都幾好..GOOD 呀.燒得好透..平時最怕食完咁濃味野之後成晚口乾 但成成晚冇乜飲水, 仲要一路狂講野都冇事!雞煲唔錯~~燒果D出奇地都好ok~

因為唔想打邊爐但又想食雞煲 叫左一個唔辣既茶樹菇煲 都OK 不過食食下想食辣就問下員工可唔可以加辣員工比左碟麻辣醬我地 點左0的0的落筷子試 好麻 但之後放落煲雞度就中和左D麻辣味 第一次見呢D醬 都幾SPECIAL雞肉質都唔錯 但茶樹菇就冇乜味道 好似用黎煲湯好過 如果變做冬菇應該好好多其他串燒都OK 但唔算特出 不過D料都新鮮

一早訂左位佢個雞煲真係唔錯 肉質軟熟 份量夠多 入味 一個字good!要讚下佢d 墨魚咀 好爽 入哂味之後都唔會變林 好好味個烤魚就一般 同埋好似用鯇魚 太多骨 但佢個湯好似正過雞煲 都值得一吃 蠔美味 唔腥 4寶丸真係好一般 好似凍肉鋪買果d咁 冇咩特別 ,但係魚腐個樣雖然同出面果d一樣 但食落同 好有魚味同彈牙 讚!食完之後同朋友都滿意 因為唔太貴 本來想叫串燒但大家都好飽 所以冇叫, 但見格離枱果d好似ok

星期日同朋友8個人一齊出去食飯，阿Dick帶咗我地間叫川香苑的食雞煲，去到叫咗兩個煲，一個麻辣雞煲，一個藥膳雞煲，其他的仲叫左肉眼邊啦，燒墨魚丸啊，雞腸，水魷，鮮支竹等的配菜。麻辣雞煲D味道幾唔錯的，夠香夠辣，而且D雞好爽好滑，正啊~~；藥膳雞煲就夠曬滋補，不僅湯鮮，香，潤；D雞肉仲嫩，滑，甜；雞腸就嫩滑軟熟；仲有D水魷就夠曬新鮮，唔錯。最後要講下D肉眼邊，真系鮮甜都不得了，肉味又夠，超正~墨魚丸就一般般啦啦，都還可以的（影個時已經食左粒，所以少左）。