巧手製作

营业中

休息中

無記錯嘅話，佢係唐記嘅副線，發現佢啲包點比起地鐵站嘅唐記平$2，所以買埋先搭車返工，買曬兩個都係$14，同埋啲包都熱辣辣，啱晒冬天做早餐！#馬拉糕 $7雖然覺得比以前好似細咗啲啲，但都仲係大個嘅，夠鬆軟同彈，而且唔會過甜，係我鍾意嘅甜包之一！不過大食嘅我，當然要叫多個包先夠，通常我會揀款鹹包，而 #榨菜肉包 係呢類連鎖中式包點店中較少有，有榨菜就當然食落「索索聲」，非常有咬口啦，連埋肉，佢舊饀都唔細嘅，又唔會過鹹，所以好多時都揀佢。

有時OT夜咗，經過呢個站附近，見到「巧手」仲有開，就會買佢嘅點心止下餓！加上我呢個環保L，通常自備餐盒，佢都好樂意放入我餐盒！今次叫咗 #翠玉瓜水晶餃 $18$18有3粒，算幾大粒同足料，同埋佢係由蒸籠拎出嚟，所以返到去食都仲熱辣辣！皮唔會過厚，一咬開，入面有蝦同木耳絲，所以食落好爽口！加上平時食餃淨係得肉，好似唔夠纖維咁，今次有埋蔬菜🥬，仲要幾有特色，揀出面平時少見嘅翠玉瓜做饀！其實佢餐牌仲有 #羅漢齋水晶餃 ，不過兩次去都賣曬，希望下次試到再話大家知！

好多時6點幾已經無晒蒸包，無哂馬拉糕，成個蒸櫃都係吉嘅。你唔好以為返唔切貨，佢同你講有凍嘅，可以返去自己蒸。6點幾已經好似等收工咁，乜都唔加蒸，買乜無乜，都唔係做生意。

份量少，之前買過多次都無咁少份量，但聽到職員之間對話，有個話邊個裝，裝得咁少，另一位就話不嬲都係8成滿，但我眼見最多都係2/3滿，但佢無打算refill 返正常份量就俾個客

朝早出門趕頭趕命，屋企附近開左一排既蒸包蒸飯點心店，買左幾次野食，真係好方便！直到呢次買早餐飲阿華田奶茶先知道原來係同唐記同一集團😂話說回來，阿華田奶茶，唔太飲到茶味，連阿華田味又俾奶茶溝淡左，下次飲返正常奶茶應該好好多！

真係去到邊都有我最鍾意嘅點心蒸飯專門店，今次就買晒一家大細嘅份量，返屋企同屋企人食飯。啱啱做完嘢就有一間巧手製作在附近，就根據家人的指示買了幾款蒸飯和包類、點心。餐牌非常清晰，分門別類列明食物及圖片，原來包類都有超過十多款，多款選擇。我們就一口氣點了差不多$200的美食，非常豐富！奶皇包表面都見到係奶黃色，一眼就認得出佢。食落去奶黃帶一點流心質感，味道香濃。還有菜肉包及番薯包，拿上手還是很熱的！蒸飯一共有八款選擇，我們分別叫了四款，當中的北菇雞飯雞件非常多，整盒飯是滿滿的，雞肉質感滑嫩，味道很新鮮。最後我和家人都食到捧住肚，非常飽及滿足！

我是巧手製作的粉絲，去到邊就會食到邊買到邊，今次就來到大圍顯徑商場買外賣。同樣地餐牌清晰可見，圖文並茂。先不忘叫了這裏出名的點心，鮮竹卷、鳳爪和金錢肚都是我至愛的點心🥧。鳳爪份量都幾多，而且外皮非常入味。這裏還有套餐選擇，只需以優惠價錢就可以換購各款的飲品，好抵食！我們就揀選了兩個蒸飯，一大盒非常有份量，我同家人就Share食，滑雞同埋鳳爪排骨蒸飯味道入味新鮮。熱賣的糯米雞很大隻，荷葉味道濃郁，而且入面真係食到大大件雞肉架，足料！這一餐飯我和家人都很滿足，而且食物款式多，很快我們會再幫襯！

有時唔想食茶記，見呢間有點心同蒸飯所以試吓。食完發現燒賣係必點㗎！入口唔會太肥膩，爽口大大粒，好香好鍾意食雞札好抵食，有兩件，又唔會乾爭爭。搭車順路嘅話，落黎買燒賣當做早餐都好適合。腸粉好滑，配蝦米有口感，豉油係另上，好窩心呀，同埋又係好大碟😂 窩貼就一般。廿幾蚊個飯出面真係未必買到，超多飯，下次要叫少飯，完全食唔晒呀。叫左咁多野食，$100竟然有得找，價錢親民呀，最緊要呢樣。題外話，職員嘅服務態度尚算友善，屋村有人情味。

上懶鬼朋友屋企之前收到佢call，叫我係佢樓下商場買盒腸粉俾佢食見到有四款腸粉就再打去問佢要邊款，佢又話是但叫我揸主意......佢真係懶到一個點！！我諗左陣就決定買盒蝦腸$19 俾佢，我呢個包控見到啲包有優惠，蒸包同煎包都係15蚊有三個啵，咁就順手買三個上去做下午茶啦原來啲腸粉係即製架，所以要等多幾分鐘先有得拎去到懶鬼屋企之後，佢就即刻開黎食上到去啲腸粉都仲係暖既，望落又幾晶瑩剔透啵而醬油係獨立包裝既，可以食之前先加，唔怕浸到咸淋淋試左舊又真係唔差啵，腸粉皮頗滑兼有米香原來呢間既蒸包係出至唐記既，應該係同一集團叉燒包料多唔太甜，而且肉粒唔會係好得人驚既肥豬肉，唔怪得間唔中都會見到家父買返黎做早餐啦而香芋包就一直係我既寵兒足料兼夾香軟甜糯既芋泥配上鬆軟包身，真係幾時食到咁正而個蕃薯包就係我食梗香芋包既期間落入懶鬼朋友既手中加口中

Tastes: 4/5Environment: 3 /5Service:3 /5平時識開麻蓉包既我 諗住今次都係order返麻蓉包 點知麻蓉包賣晒 呢點真係有點可惜 唯有試吓其他既包點啦 今次就試咗香芋包啦 芋頭包咬落去都食到芋頭蓉 甜度適中 可能啱啱蒸熟既關係 個包都幾鬆軟 另外原來仲有冷涷包選擇 於是就買咗幾個涷包翻屋企 做聽日既早餐 蒸包同涷包都係同價 只需$5.5炸 都幾抵食架 另外仲嗌左個蝦米腸粉 新鮮出爐 仲係熱烚烚架 而且腸粉嘅皮都幾薄 唔會有厚粉既感覺 入面有蝦米仔、䓤花等 係傳統既蝦米腸味道

平時都唔會食中式,因為對中式包印象一般,但係我D同學成日讚麻蓉包好食,作為一個芝麻控既我,於是買左第一個麻蓉包食。呢個包真係好好食，充滿住芝麻味，每一啖都有好濃厚既芝麻味 食完之後個口仲好香添，食到上癮 而且都係$5.5炸！！！無論新嘅精選蒸包或者涷包都係又平又抵食！另外就order咗個鳳爪排骨飯黎食 以前細個成日同屋企人食飯，都會叫一個盅頭飯黎食，不過入面既材料就得好少。但係估唔到巧手製作既飯係咁足料，而且味道的確唔錯，同茶樓食到既味道差唔多，都係買$22 真係平飯難求 估唔到係度揾到！

放假一早去買早餐同屋企人食，附近有巧手製作，唔使特登去酒樓都有點心蒸飯食😎叫咗雞扎、燒賣、秘製叉燒腸。雞扎一盒兩件，脹卜卜好大件🤗燒賣係杞子燒賣，豬肉冇肥膏，而且夠爽口，好食😋秘製叉燒腸，似手拉腸粉腸粉，夠滑，叉燒夠味，加埋啲蔥花好香😗包類點咗菜肉包、香菇雞包及黑麻蓉包🙂啲包全部都大大嗰，夠份量，包咬落去軟綿綿，因為新鮮蒸起。 菜肉包同香菇雞包都非常多料。黑麻蓉包食落去，唔係太甜所以唔錯。煎包類嗌咗香煎韭菜包，韭菜包好香，個底煎得香脆。蔥油餅都好大件，而且唔算好油 有蔥油香味☺️加埋個鳳爪排骨飯，鳳爪排骨夠多飯，加咗啲豉油， 朝早唔想去酒樓就可以買呢啲點心蒸飯返屋企同屋企人一齊食，方便又抵。加咗支紅棗生薑蜂蜜茶，真材實料，薑味夠 ，而且仲有啲紅棗渣，好潤😋

本來覺得顯徑冇乜好野食，但眼見越嚟越多餐廳開幕，路過決定試下呢間外賣點心！🛍 細個跟屋企人飲茶，一定會食一盅盅嘅蒸飯、腸粉、同我至愛嘅生竹牛肉！今次試咗蒸飯同腸粉先 😋·🔸 鳳爪排骨飯（$22）8/10原盅蒸飯🍲有2款選擇，我揀咗鳳爪排骨，份量都幾多！有2隻鳳爪，入味又大隻，絕對唔似有d餐廳，1隻鳳爪分一半當2隻！仲有大概4舊大排骨，半肥瘦，肉腍身，好味，送飯食一流！👍🏻·🔸 翡翠鮮蝦腸（$19）7/10有5款手工腸粉揀，我揀咗鮮蝦腸🦐。職員會預先切開腸粉，方便客人進食！有唔少蝦，算幾大隻，不過個人略嫌太過生，如果煮熟少少會好d。😎·一路keep住有客人嚟落order，我等咗大概3-4分鐘就拎到外賣，算幾快手！👏🏻

今早去探姨媽，在她家附近找到一間又平又好食小店。(巧手衰製作 )有大眾化的点心外，還有香脆內軟的葱油餅。夾膜。見到忍不往買了一個日式牛肉夾膜。但我最喜歡大大粒燒買，有蝦肉夾豬肉非常鮮味。鳳爪排骨飯也出色。

家住大圍顯徑邨，早前領展把樓下的商場大翻香，因此不少新的食店進駐商場，但我就遲遲未試。巧手製作取代了原來的麵包店，每次經過，都見到店舖那張推介夾膜的海報，今天終於有機會一嚐。夾膜其實是中式包點的其中一種，有點像生煎包，厚厚的包煎香後，中間夾著肉餡，今次我選了牛肉。包的表皮很軟熟，牛肉餡也很足料，另外也有洋蔥、生菜做配菜。牛肉加了黑淑，很香口，牛肉的肉味沒有被掩蓋，反而被提吊了。夾雜的洋蔥和生菜也很脆爽，吃下去索索聲，很有口感。惟一不足的是，牛肉在煎的過程加了很多油，肉餡略嫌有d 油，幸好沒有油益味。因為新店開張，夾膜系列現在只售19元，這個價錢，吃到咁大咁足料的夾膜，我覺得很抵食！