巧手製作

营业中

休息中

諗住去飲茶點知排哂長龍🤣🤣但又俾我發現新開左哩間蒸飯同點心既舖頭😍仲有即拉腸粉😉😉😉即刻轉陣外賣上朋友度食先，哩度啲蒸飯好有誠意喎，全部都係有煲仔瓦煲蒸出黎架啵，重點係好平，又大煲，師奶仔mod上身，我地嗌左「鳳爪排骨飯」「北菇蒸雞飯」「秘製金錢肚」「雞扎」「蝦米腸」同埋「香菇雞包」全部野加埋都唔洗$100🥰🥰🥰🥰番到屋企打開仲係熱辣辣架「鳳爪排骨飯」好足料，好多排骨🤩🤩🤩而且蒸得好入味，配埋袐製豉油，好正！「北菇蒸雞飯」啲雞好嫩滑呀😋😋😋「秘製金錢肚」果然入味，炆得夠淋「雞扎」啲料都係好大份。。。「蝦米腸」我就睇住職員拉，好新鮮，好治療哩度真心性價比好高！！可以keep住買外賣同朋友食

夜晚如果屋企冇飯開，巧手製作真係我首選，平得黎又方便快捷，今次發現原來藍田分店仲平。每日都有每日精選，分別係唔同款嘅蒸飯，羞家只係$17，呢個年頭，$17有一碗飯，真係平到笑。我當日係星期日去買，係章魚肉餅飯，肉餅雖然份量唔多，但絕對唔少，仲有豉油同椰菜，真係好抵食。蒸包種類越出越多，仲出埋香煎包蔥油餅同鍋貼等等。我就分別買咗兩款煎包試下，拎到返屋企仲好脆。另外仲叫咗一個糯米雞，糯米雞好足料，入邊有雞翼，豬肉等等，食一個做晚餐夠晒飽肚。鍾意食包嘅我仲買多咗三款包，特登叫姐姐比凍包我，方便擺落雪櫃過幾日先食。當中最鍾意呢個麻蓉包，芝麻味好香好濃郁，蒸8分鐘就有得食，做早餐又平又快捷又方便！見佢仲有出即叫即整嘅手工腸粉，不過今次就無試到，$19一份又真係幾平。見到新出左兩款飲品，$9平平哋所以買咗嚟試。細細樽幾清甜幾開胃。

日日返工咁辛苦，放假都想休息下!雖然煮飯都係種樂趣，不過以巧手製作呢個價錢，又慳功夫真係好吸引😆😆😆是日偷懶所以買咗少少點心，加2個包就當咗一餐!! 唔係間間分店都有即製腸粉，所以嗌咗一個嚟 試下。店員即叫即整，啲皮都算薄。點少少豉油好啱啱好! 醬汁金錢肚入味而且一啲都唔韌😋鵪鶉蛋燒賣係香港已經買少見少，雖然話佢膽固醇高所以漸漸地被淘汰🙈🙈但佢又真係好好食!! 久唔久試下滋味無窮😋當然亦都唔少得我最愛嘅香芋包一攞上手就忍唔住就咬一啖， 熱辣辣香芋蓉香氣撲鼻，而且非常濃郁!! 今次仲試埋個紅豆包㖭😝最後仲加咗砵仔糕做甜品😍超級多豆!!!!! 但又不失砵仔糕本身嘅滑溜，有時食得多日式西式甜品多，好易唔記得呢啲傳統野原來又好食又抵食😂😂😂 $6.5就有交易😋海鹽檸檬柚子蜜喺甜中帶少少鹹味好清新，like 👍

巧手真係平靚正，價錢比唐記平$2-8不等。唔怪得得知今日黎到又係大排長龍，等左15分鐘先買到早餐比屋企人食！是日精選係章魚肉餅飯（$17），平時$24的！有肉有菜就咁可以一餐！是日凍包係震撼價$10三個！！！平時一個包賣6.5，宜家$3個！今日係香菇雞包。海鹽檸檬柚子蜜（$9）- 好似係新野。蕃薯粟米粥（$12）- 健康既粥，無肉的。糯米雞（$24）- 好大隻！巧手磨米腸（$13）- 齋腸經濟實惠。香蔥蝦米腸（$15）- 幾多粒蝦米幾足料！

平時早餐除左食唐記之外，巧手製作亦都係不二之選，款式多，價錢平，足料又抵食，今日同朋友夾份買左幾款包點，平均一人都唔洗30蚊！翡翠鮮蝦腸好大份既腸粉，口感滑溜，每條腸粉都食到有鮮蝦，味道唔錯！足料糯米雞名副其實、份量十足既糯米雞，餡料豐富，仲有原隻雞翼，食完已經飽左7成！馬拉糕口感鬆軟，味道不過不失！香煎牛肉包、香煎蔬菜香菇包、鍋貼餡料幾特別，煎得好香好脆，$15/3個好抵食！燒賣一份有4粒，味道唔錯，口感彈牙！

這間食店, 開店初期一個蒸飯賣24元, 其實都唔算貴, 但開業不足半年就將蒸飯減價至19元一個! 不過低處未算低, 最近就將蒸飯減至17元! 只能說, 在百物騰貴的情況下, 我當然樂於見到啦！當然, 除了價錢外味道都十分重要! 說實在若果不好食, 幾平都不會有人惠顧! 而此店每晚都有長長的人龍, 就知佢不差! 聚多蒸飯款式中, 個人最喜歡鳳爪排骨飯! 首先要講, 一般蒸飯只要米靚，水足和蒸得火喉足, 飯底一定香和腍，會比飯煲煮的飯好食! 而此店做到此點! 另外, 餸的份量雖然不多, 但用料算新鮮, 所以蒸出來的蒸飯好好食! 所以現時間中也會刻意買個蒸飯食! 而食過幾款後, 還是覺得鳳爪排骨飯是最好食! 只能就, 有時平野都有好味之選!

餐廳位於啟田商場，鄰近港鐵站，地理上十分方便，由地鐵站過去，路程約需五分鐘左右。剛好經過巧手製作，餐廳有很多點心和腸粉選擇，突然想吃蒸飯，蒸飯也有很多選擇，今次選擇了排骨飯。排骨飯份量非常充足，飯粒鮮明，不會一嚿嚿，味道非常濃郁， 加上排骨經過店舖的廚師醃製，令味道更加豐富， 配合店舖的獨特風格，令整個蒸飯更有層次。價錢只若$20,性價比非常高。餐廳像包點先生一樣，以先買後拿的形式。下次必定再次一試其他的點心選擇.

今日weekend唔想煮，所以落街買個外賣🥡番屋企食，巧手係唐記包點既集團成員，所以包點同飯都有保証既！ 佢每日都有精選，今日係星期日就有梅菜肉餅飯$19（原價：$24）梅菜肉餅飯$19: 佢係用瓦煲蒸既飯，飯特別粒，唔會太腍身，肉餅都好腍身，仲浸透出梅菜既香味，撈埋飯一齊食更滋味！香煎蔬菜🥬香菇包$14/3個： 包都幾大個，健康飲食之選，有蔬菜🥬同香菇做材料，淡淡地唔會太咸，料都幾多下！抵食！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

啟田商場又開左間新野，感覺有d 似包點先生，又係食包同蒸飯。今日點零鐘去到，好多野都賣晒，想食粥但全部都沽清。章魚肉餅飯（$24): 個肉餅幾好食，都食到章魚粒同佢既香味。不過個飯就乾乾地，豉油又唔夠多，感覺有點dry~~燒賣（$16)：成舊都係肉，實的的，食得多有d 漏，不過就幾飽肚。之後加多個叉燒包，7蚊大大個幾抵食，個包幾鬆軟，而且仲好多饀，成餐最鍾意食係佢。

內容 星期日放假，見近排天氣咁好，秋高氣爽，最好就係約埋朋友去屋企附近行下山吸收下維他命D，對身體都有好處。因為朋友一家已經食左早餐，咁我就買兩個蒸包做早餐邊食邊等佢地喇。去左呢間叫巧手製作，平時都有買開佢地嘅腸粉同飯都好好食嫁。但今次冇得坐，要企定定食就買蒸包算喇。買左菜肉包同叉燒包，熱辣辣新鮮出籠，個菜肉包好鬆軟，餡料都算多有豬肉又有椰菜，比例啱啱好。而個叉燒包如果唔話你知係到買嘅話其實同酒樓係完全冇分別，佢d叉燒有陣獨特嘅燒烤味，加埋蜜汁直情係完美，食兩個係行山前打定個底都好夠飽，食完會合埋朋友就可以出發喇。

平時lunch多數買附近包點先生既蒸飯，見呢間新開又平少少，所以今日就行多少少路黎呢間買咗盒章魚肉餅飯試一試佢。要讚既係，有堆菜係側邊，同埋比較少油，感覺上健康一點。章魚肉餅望落色澤較燶，但食落不錯，唔韌同好味。飯就要加上豉油會好啲，否則較乾，但豉油唔似一般豉油，好似有陣薑定唔知咩味，冇一般豉油咁正。但總括黎講係可以再encore既，反正價錢平少少。同埋呢間野除左蒸飯之外，仲有包點同其他點心，腸粉睇落都幾吸引，下次試埋佢