巷仔冰室 (已結業)

轉工後嚟到荃灣區，超多平民美食derr🤩今次嚟到尼間lunch hour會排哂隊既餐廳，主打既係平靚正快既西餐，尼度每個餐平均都係40-60蚊就已經有，選擇都算多😗今次試左個肉醬意粉，簡簡單單，焗到熱辣辣出餐，一夾起好多醬又有芝士好好味，而且唔會調味好重真係唔差，份量又係岩岩好👅💦💦最好仲係排隊既時候叫定野食，一入去坐低就即刻上湯，效率非常高，野食又幾好，價錢又抵食，簡直係港奴既聖地呀🥳

Corner Kitchen = 巷仔冰室 😃運動完了，特別肚餓，約會家人，火速去吃🏃🏻‍♀️6:00 前趕去吃個下午茶，晚餐不吃了，節儉的人日式咖哩牛筋腩飯 $42嘩！辣傻了， 你吃吧！馬蘇芝士焗吞拿魚意粉 $35特愛吃芝士，滋味、惹味份量挺多的朱古力蛋白 一口西多士 $32👍創意設計 “巷仔‘’ 細細件西多士，清淡可口有三款醬可試試： 糖漿、朱古力、煉奶太甜，一丁點 算了餐飲： 凍檸茶 走甜熱好立克（我可以飲兩杯）埋單（三個下午茶餐）共 $112

幸好今天早了到巷仔，不用排隊就有座位了！ 平常晚了點，都要大排長龍！我點了全日早餐，他們餐廳我最愛吃了，價錢$55，如果我沒有記錯！ 有多士、黑松露炒蛋、芝士蘑菇、煎蕃茄、腸仔、煙肉和納豆！ 基本一個all day breakfast 應該有的，他都有啦！ 而且全部都煎的很香👍🏻👍🏻👍🏻可惜沒有套餐，飲品要另外單點，就變得不劃算了！ 不過總體也是不錯的！

每日午餐時間經過呢間冰室都係排晒長龍，難得今日遲左落去食飯終於唔洗點排隊，可以試下點解日日咁多日排隊食入到去餐廳環境其實算唔錯，餐廳黎講佢的卡位比例算多，坐得好舒服。本身以為好貴，一睇餐牌同呢個格局完全唔成正比，一個字好平，開頭都諗緊會唔會有伏，但入到黎點都要試下，我地叫左兩個餐-珍珠帶子蛋包飯-芝士蘑菇忌廉汁焗三文魚粒飯兩個餐黎到，份量正常，唔似得有d餐廳表面平俾你，實質份量小得很。賣相都唔錯味道比我想像中好，不過味道略嫌有點淡但用料足已經加晒分整體而言性價比十分高

食物質素尚可，但店員服務反應較差，入座個陣只有三成客人，落單後等咗35分鐘連杯野飲都無，問個餐仲有幾耐可以上，無人回應，最後個晚餐送到黎，份量較少，正常成年男性飯量只可以半飽...唔會再食第二次，除非佢店員服務水準提高，送餐速度加快，食物份量加大，否則不值港幣100-200既消費

有次經過見到大排長龍，再睇到門口個menu覺得幾吸引，所以今次一於去試下。果然舖頭門外都係人山人海，但都好快入到去。餐廳雖然細，要同人搭枱，但都幾舒適。我哋叫咗西冷牛扒配薯菜加豬仔髀扒配薯菜。每個set都包餐湯同熱飲，我哋兩個都揀咗 磨菇忌廉湯同熱杏仁霜。磨菇忌廉湯都幾好飲，唔夠creamy但幾重磨菇味，仲食到少少磨菇粒。西冷牛扒有驚喜，好大塊又厚身，好腍好易切。但豬仔髀扒就薄到好似豬肉片咁…不過有好多片就算佢啦🤣，同埋個茄茸汁真係有粒粒蕃茄粒，酸酸甜甜好好味。另外，兩份餐嘅薯角都新鮮即炸好香口，雖然有啲汁浸住但都仲係脆嘅。個菜亦有落啲酸酸哋嘅沙律醋調味，好有誠意。👍杏仁霜係其他餐廳少見嘅選擇，個杏仁味好濃，加糖之後幾好飲。兩個餐有齊主菜、餐湯同飲品都只係$108，真係好抵！😊

環境：ok.地方細細------------------------------服務k.但我好討厭佢班女waitress一路食下私人野一路拎下歺，拎下飲管甘．可吾可以行埋一邊食晒、洗個手先正式工作！？見到好吾衛生，又嘔心．你D手指有你D口水囉！做做下野又冇啦啦拎鏡出來照．------------------------------食物：weekend同weekday D lunch set 是一樣的．雞扒飯：雞扒幾好味．份量ok.哩個歺等左超耐．起碼25分鐘．什扒歺：有豬扒（但menu本身寫係豬脾！冇都冇通知聲）、雞扒、火煺、腸仔．可配飯/意粉或薯菜．跟燒汁哩個歺都等得耐，約20分鐘．蒜焗牛扒意：冇蒜蓉味．牛ok.意粉编林．份量多．lunch set包歺湯和熱飲．凍飲加$3特飲加約$8

見到呢間間唔中都有人排隊咁就試下，質素就一般，不過服務態度差。。。係門口排左陣就有位。想舉手示意落單既時候，個眼鏡女侍應就無咩禮貌語氣講等陣，之後又無禮貌語氣咁話講食咩，其實我唔要求講請問食咩，不過語氣會影響感覺，其他侍應都無講唔好意思不過語氣正常點感覺已經好好多了。食物方面，點了蕃茄汁雞扒意粉，羅宋湯，熱檸檬茶。羅宋湯，味道還好，唔算太油。雞扒意粉，份量少了一點，一塊雞扒，整體還可以，不過雞扒得一塊又唔夠厚身，對於我就唔飽了。熱檸檬茶，正常。總結食物無特別，服務差，唔值得等位了。無下次

服務態度極差, 去茶記都好佢唔少咁既服務態度，食物ok 都無用試一次唔會有下次侍應哥哥仔行catwalk,一路行路單手插褲袋果下正，單手比野攞野”pink pink 鵬鵬” ，支匙羹可以跌落野食到，3位侍應大哥大姐，木無表情，講野無尾音，問野回覆用單字應你，重有係聽到侍應講緊其他客人點點點，我覺得講還講，入番入面你地自己慢慢講飽佢，唔係係其他客人面前講下話食晚餐, 公屋街市隔離，唔係貴價地段，所以食物價錢唔貴, 每人百一蚊多d不過咁既服務態度，食茶記好過，茶記阿姐好態度過佢地唔少

趁著CNY 假期來趟全港最文青的新據點，The Mills南豐紗廠，新春新氣象，萬象更新啊，看見香港老工廠的活化與活力，雖然紗廠內亦開了許多茶館、餐廳，風格好似日本，但價位頗高，所以，當然還是離開這試試街坊的地道小食啦。往荃灣西站的方向前去，這家有著復古門面的港式西餐，扒餐都只要50多元，超划算，店內空間，抬與抬間以復古的花窗做屏，拍照起來好美啊～整個牆面亦走美式的紅磚風格，用餐環境今天點了一個Set Meal，紅湯+豬肉眼扒飯+熱檸檬茶，仲只要50元，而且飯還是我超愛軟彈的珍珠米，Cp超高，為2019🐷年新春最好的開始

係香港食扒閒閒地都幾百蚊，好平既又唔好食。想食下扒又唔想食咁貴，就行左入巷子，之前都有聽過朋友講唔差。兩個人就叫左兩個餐啦，估唔到星期日晚都有餐叫。叫左兩個扒餐。雜扒同T骨其實好大碟以咁既價錢黎講。雜扒d扒都幾好食，唔會話好流。薯菜都係有誠意，個沙津清下口感都唔錯，唯一就係個牛扒有d太熟，太有口感其他都不錯的。而個t骨，叫左5成，但切落有d部分就d生，似三成多d，但味道係ok。而個意粉就有super, 好有味同唔會太軟。

我都唔想寫太多開場白，睇圖啦！主菜一上枱，第一眼望落去都可以，但其實都見到雞扒無汁嘅部份好似燶燶哋，不以為然！開始食雞扒時，就發覺原來中伏了！上面雞皮部份正常，但原來另一面雞肉部份就........ 所以立刻將塊雞扒反轉，真係有D唔敢相信會咁燶囉！然後，自己都掙扎咗一陣間，請佢哋換過一塊雞扒俾我定係算數，結果都係選擇咗後者。今次唯有就當自己唔好彩啦！唯有一邊食，一邊將燶嘅位置片走。但把刀又鈍，所以好唔容易先片走晒燶嘅位置！到最後，我都想搵老闆或經理反映一吓，希望佢哋注意吓上枱食品嘅質量。廚師煮燶嘢，無理由要食客去承擔啩！ 但問服務員，佢話老闆/經理都不在。我都希望佢哋會睇到呢篇食評，可以改善一吓啦！

住咗喺荃灣咁耐佢屋企樓下有間咁嘅嘢，一直都冇食過，今日放假一個人冇嘢做落嚟食lunch,omg好平，入到去裝修唔錯，舒服嘅！不過佢廚房油煙味比較大，跟住叫咗一個西冷，賣相幾好，size細不過50幾蚊你想點？揀咗個羅宋湯，同埋凍檸茶牛扒講真冇乜味，好普通，比大家樂好，但係薯角就真係唔得，好奇怪口感亦都好奇怪。唔識形容羅宋湯唔好飲，不足料凍檸茶正常總括來講特別推介就唔會，但係經過入去試吓可以，賣相幾好，經濟

今日朝早系巷仔食佐个早餐。今日周六好似都几多人，不过出餐速度都算快，等10分钟左右就有得食啦。差唔多满座两个侍应做嘢都几快手，人多果陣可以做得有條不紊就算唔錯了。。。今次第三次去，我都發現一個問題：我覺得巷仔既侍應國語講得好標準。切換自如，佢地同事之間有時用國語交流，不過落單果陣同我講粵語。其實我都想佢地同我講國語，因為有家鄉既熟悉感。以後會經常去食，因為覺得好親切。身為中國人我覺得好驕傲～內部裝飾好溫馨，適合喜歡浪漫feel既小情侶。係一個有特色既西餐廳。。。

早餐無午餐咁好，巷仔終於在今年12月11日有早餐啦！以前午餐下午茶都排曬隊，可能剛剛開始有早餐，無乜人知道和不順路返工，去街市的人也應該不會來食，我8點食到9點都無幾枱，靜靜地，幾好。餐牌選擇無茶餐廳咁多，價錢，34到48，中等價錢，同backyard差不多，加上位置亦系可能影響早餐客源的原因啦！叫了兩個餐，等了7，8分鐘就來啦，豬扒火腿太陽蛋牛角包～ 豬扒邊有帶肥，早餐難得，肉質鬆嫩，上面有些香草；火腿基本野；太陽蛋變了煎蛋，剛剛和另一個餐掉轉，有一點蛋香；牛角包有牛油香味和熱的，但不送牛油或果醬。上面帶些沙拉，但無乜才味。雞扒火腿煎蛋意粉～雞扒鬆軟，煎得好香，煎蛋搞錯變了太陽蛋；意大利粉林左D，湯也不太熱。兩位講普通話的後生靚女，服務就好像比茶餐廳要差小小，拿東西來也沒有說是什麼，放下就走，埋單給錢後也沒有多謝，一點笑容都沒有。比較環境，位置，服務，味道，應該backyard全勝