影片
以上资料只供参考，请与餐厅确认详情
-
网上订座服务暂停
今晚同朋友去了这间位于大鸿辉(荃湾)中心12楼全层嘅常满百家菜食饭，这里最大卖点，除了有任食火锅外，还有另一个选择，就系任食小菜，在无限时任点任食，在点菜纸上嘅几十款小菜及点心放题，对于平时喜欢食开火锅任食嘅朋友又多了个新选择，落单后店员即按人数上了弹牙爽口嘅蚝皇扣鲍鱼及口感滑润及浓郁的奶香嘅蒸双皮奶一份本身喜欢食点心，佢嘅选择亦十分大路，有大大只又弹牙嘅虾饺皇、同样份量十足嘅鲜虾蒸烧卖，多点几次就已经返了本，而其他点心同样出色，炸云吞、咸水角、萝卜丝酥饼、芋丝炸春卷，亦十分香口，所有点心落单先蒸，够晒新鲜！而今晚除了点心外就系任点任食小菜，今次点了外脆内软酸甜醒胃嘅菠萝咕噜肉、樟茶鸭皮脆肉腍，肉质色泽亦较深，香气浓郁、获气十足嘅京葱爆牛肉，入口牛肉嫩滑京葱爽脆，带有甜香和咸香、粟米鱼柳，鱼柳炸到外脆内软，再淋上粟米粒芡汁，非常开胃、京式赛螃蟹入口鲜嫩爽滑，碟碟分量都唔算大，但要样样食就真系未必得，人多想试多啲就冇问题，如果人少少，都系重点选择，以上菜式都系口味不错嘅选择！店内亦有个熟食小区，都系酒楼内常见食物，落单前亦可取小吃，而这里还有任饮汽水啤酒，最爱就系佢嘅樽装汽水！十分传统！整晚感觉食物质素绝对满意，上菜速度快，点心即点即蒸，所以时间会耐少少，但绝不走单！一个价钱绝对超值！
继续阅读
收工打算同个朋友饮夜茶， 朋友有间好嘢推介， 佢话又有得食点心又可以打埋边炉，仲要好抵食， 任饮任食冇限时。呢到好中式茶楼feel，咁夜都咁多食客，都坐满咗8/9成。乜嘢都系自助嘅，坐低即刻调返个酱料先，呢啲都系基本嘢，重点系佢有桶自制豆腐花，仲有黄糖可以自己落，豆香十足，好滑。火锅配料主要都喺自助区 自提自取，有部分可以用纸落单，选择都几多，除咗一般嘅丸类/蔬菜之外，我觉得佢嘅牛舌/海虾/鱼头，都很新鲜值得一食。选择真系包罗万有，一定要留肚，食多啲，冇限时嘅火锅点心放题，回本冇难度。海虾还是活的，好生猛。不得不提呢到嘅点心，全部即点即蒸，虾饺/烧卖劲出色，馅料真材实料，好巨型。炸馒头都系即叫即炸 入口嘅时候热辣辣，配埋炼奶系最佳配搭。饮品竟然有一支支嘅玻璃樽汽水提供， 好耐都未饮过玻璃樽嘅汽水，好够气，冻冰冰，好爽。 啤酒都系无限量供应，任饮的。甜品方面有自家制糕点及啫哩，仲有一杯杯唔同口味嘅雪糕提供。
继续阅读
以前成日睇宣传易都有呢间餐厅嘅广告😂标榜任食点心同自助火锅，两样都系我钟意嘅嘢，所以间唔中都会去吓。老实讲，其实佢只系一间好普通同埋古旧，仲有少少麻甩嘅酒楼，环境有啲残旧同嘈吵。但系价格同埋食物我都觉得几好。夏天周围打边炉都有提供冬瓜盅/冬瓜汤底，呢度都唔例外。但系估唔到一间咁随意嘅餐厅，佢都会将个冬瓜摆得咁精美俾我哋。而且店员仲会周不时过嚟提醒我哋冬瓜要煲腍啲先切，如果唔系好易整亲。食物方面其实选择唔系好多，都唔系话好精美好高级。有部份系自己剔纸仔叫嘅，另外丸菜𠮶啲就喺出面自助吧自己拎。🐂肥牛方面本身对佢完全冇期望嘅，但今次竟然出乎左我意料。啲肥牛完全唔似平时啲cheap牛一大块肥膏连住少少肉，入口有牛味而且唔鞋。（请原谅我挂住食唔记得影😂）🐟平时喺出面叫鱼头都会斩到好细旧或者叫好多转先嚟一转。但系呢度好大方，斩到大大嚿，而且长叫长有，我哋都encore咗好多次。🦑我最欣赏嘅系佢啲手打墨鱼丸。入边有粒粒墨鱼肉，食得出佢系真材实料。🐗另外仲有得叫滑牛，虽然明显有乸过，但系都依然有肉既口感。除咗火锅之外，呢度都仲有得任食点心，不过其实食吓食吓都好饱，食唔到几多点心。我哋净系叫咗虾饺🥟虾饺虽然皮唔薄，但系馅几靓，入面好多虾，而且好爽口。大大只咁都几好食。之前嚟都有食过佢其他点心全部都很不错🤤我自己比较建议平日嘅晚上呢度，会好过星期六日，人多起上嚟呢度都真系几嘈同埋成日漏单嘅。
继续阅读
常满百家菜📍荃湾众安街55号大鸿辉(荃湾)中心12楼一大班朋友聚会之选，茶楼气氛热热闹闹，有无限时点心火锅放题，入座就送羊腩煲一大锅，份量超足！最惊喜系每晚8点后自助区会仲有片皮鸭拎🤤点心任食划纸点完一笼笼热辣辣上枱，连小笼包都有😋啲点心好高质，全部大大件好抵食，味道一啲都唔逊色，食到好饱😋点咗个鸡煲，食完可以加汤打边炉！自助区有各种小食、菜、面、饮品、甜品，连啤酒！樽装汽水同维他奶有feel！
继续阅读
同事上个月食过，今日翻寻味荃湾大鸿辉中心嘅常满百家菜，作为好同事一于奉陪，酒楼晚市主要分小菜放题及火锅放题，我地拣咗火锅放题。双冬羊腩煲香港人除咗全年都钟意打边炉，喺呢到全年都食到羊腩煲，火锅汤底可选择羊腩煲，羊腩煲足料质素好，食完羊腩加汤进入火锅环节。火锅配料选择多，除肥牛外更有牛展牛脷、海生虾、脆肉鲩、手打墨鱼滑及一般火锅配料都应有尽有。点心放题放题提供近廿款点心即叫即制保证新鲜，点心绝不马虎，大部分都系酒楼必点嘅热门点心，虾饺烧卖小笼包、排骨凤爪、牛肉球、咸水角、炸云吞、春卷，平时叫一碟都廿几三十蚊，呢到可以任食，重点必食巨型虾饺啖啖虾仁超级正。自助区有多款熟食，盐水鸭、猪脚姜、椒盐猪排、碗仔翅、糖水，重点推介炸鸡翼，炸得超香脆，不断推出，销量冠军，大约八点会有即开片皮鸭，老细仲亲自操刀，热辣辣加青瓜及鸭酱一定要食。甜品雪糕选择都好多，更有马豆糕、桂花糕、芒果布丁等自家制甜品，饮品有啤酒、玻璃樽装汽水、樽装维他奶，坊间少有出售呢到都饮到。呢到任饮任食无限时，食物选择超多质素好，重点系连加一每人只系二百三十六个半，真系约朋友饮饮食食倾谈嘅好地方。
继续阅读