影片
港铁荃湾站 B1 出口
继续阅读
电话号码
31889978
营业时间
今日营业
06:30 - 00:30
星期一至日
06:30 - 00:30
以上资料只供参考，请与餐厅确认详情
-
网上订座服务暂停
嚟食過常滿好多次，小菜圍餐食過，火鍋點心放題都食過，多數食圍餐，一家人連埋老人家嚟食都岩食。今次都係食圍餐，但就特登訂咗個海鮮餐，第一次食海鮮餐，估唔到都幾新鮮，本身唔係特別大期望，諗住普普通通就ok，點知意外地好食。海鮮份量/隻數係按人頭比鮑魚海鮮拼盤係冰鎮的，下面有一大堆冰鎮住，好好有包保鮮紙，唔洗驚啲冰污糟，亦唔洗驚啲冰溶咗啲水整到落啲海鮮度。鮑魚已去除乾淨啲腸，好大隻，好彈牙有口感，亦都鮮甜。蝦都好大隻，有蝦膏，好鮮甜。豉椒炒蟶子王下面用啲殼墊住，其實啲肉已經起晒出嚟炒，好大隻，好彈牙，豉椒炒好惹味。薑蔥蟹炒飯底隻蟹超多膏，揭開蟹蓋好多蟹膏食，隻蟹都好大隻。好食在個炒飯，吸晒啲蟹汁好鮮味。粉絲蒸元貝都好大隻，粒肉好大，唔會痴晒殼起唔到，肉唔靭，唔會咬唔開，有好多粉絲，夠淋，仲吸晒汁，好多蒜蓉好夠味。當紅炸子雞酒樓先有嘅經典配蝦片，炸子雞皮好脆清蒸海斑好大條，蒸得剛好，熟，又滑瑤柱蛋白炒飯炒得粒粒分明，唔油，個碟底都唔會有油紅燒海王翅芝麻拼盤蒸芝麻卷好滑，除咗面頭好多芝麻之外，芝麻卷都好濃黑芝麻味馬拉糕好鬆軟，不過有啲甜糕好彈牙福祿壽桃蒸得好軟熟
继续阅读
今時今日餐飲業生意難做，傳統酒樓都要搞搞新意思🤗🤗🤗 ，破格大玩 點心🥟🥟🥟+火鍋放題 （無限時）🥘🥘🥘，咁有趣我哋都決定去試試佢～ 呢間位於荃灣大鴻輝12/F嘅酒樓，係一間傳統舊式酒樓，早、午市飲茶嗰種 ☕️☕️☕️ 以每位$208無限時任食作招徠～ 價格平、又飲又食、又可以坐成晚，又係一個另類玩法禾 👍👍👍 入到場，待應安排左我哋坐低之後，就可以填紙仔點嘢食 📝📝📝 點心、湯底 （有10款左右選擇，仲可以揀雞煲）、鮮肉 & 海鮮可以填紙仔點，而其他都係自助形式自己拎：汁醬、飲品、菜、熟食、丸餃、甜品………🧐🧐🧐 食後感係以點心做主力，再配火鍋食材陪襯，達至增添多元味覺感受 😊😊😊 以下幾款食物比較推介 ：1.） 支裝汽水，仲有支裝維他奶 🥰🥰🥰2.）點心全部都唔錯、尤其有蝦嘅點心，d蝦大隻得嚟又彈牙 👍👍👍 特別推介 ⭐️炸雲吞，又脆又香，點埋甜酸汁，正！😋😋😋3.）薑蔥牛扒葉，蒸得幾林幾入味～ I like ❤️❤️❤️ 鍾意食爽口嘅就未必鍾意 4.） 火鍋料 ： 手打雙丸幾好味 😋😋😋 本地滑牛 👌👌👌5.） 雪糕 🍧 海鹽味 👌👌⭐️⭐️⭐️ 8pm前埋單每位 -$20⭐️⭐️⭐️ 9pm後入座每位 -$20
继续阅读
好多人嚟香港旅行，原來第一時間係會食點心！點心真係香港嘅特色，不過而家飲茶真係好鬼貴，食幾籠點心閑閑地一舊水，勁奢侈！呢間可以無限時任食點心真係啱晒我，原來仲可以打邊爐，一次過滿足兩個願望😍呢度每晚都好多街坊幫襯，食足五個鐘人均$200咋，咁抵食，梗係爆場啦！點心即叫即蒸夠晒新鮮，而且係用件數嚟到落order，大食座細食座都可以滿足。我發現佢啲蝦餃同燒賣用料好足，大大粒蝦餃裏便竟然有三隻蝦😍非常高質好味！豉汁蒸鳳爪同埋排骨夠惹味，牛柏葉、牛肉球、豆沙包呢啲真係經典點心，亦都不能錯過！然後自助區仲有一啲特色嘅美食，醉雞腳夠晒入味，輕輕咬骨肉分離👍豬腳薑亦都係馳名小菜，豬腳炆到非常之淋同Q彈，而且用上等甜醋，食落冇咁酸，入晒味嘅雞蛋好正！除此之外，仲有紅腸啊、腸粉啊、雞肉串、豬皮豬紅、酸辣湯、粟米湯、紅豆沙、桂花糕，勁多款式！打邊爐方面可以自選湯底打邊爐或者叫個雞煲都得！肥牛，豬肉雞件海蝦等等之外，自助區各款蔬菜、丸類、菇類、仲有水魷魚、豬紅、豬皮、豬潤等等新鮮食材，大把時間可以吃到夠為止！鍾意啤番兩杯嘅，呢度有多款啤酒供應👍各款汽水冷熱飲品都齊全，性價比真係好高！走之前仲可以食杯雪糕😆
继续阅读
同朋友每月相聚，黎到荃灣大鴻輝中心十二樓的「常滿百家菜」大快朵頤，貪其可容納咁大班人同時又可以坐得舒服，佔地全層，枱與枱之間闊落。呢間酒樓晚上主打無限時任飲任食點心+火鍋放題，最長食足5.5 小時，真係好誇張！除了點心外，自助區會有少量熱食、小食、飲品，湯，火鍋配料同糖水甜品🍮，好適合一家大細同朋友聚會🎈。有多款火鍋湯底可選麻辣、沙嗲、香茜皮蛋等，重點竟然有椰子燉雞湯鍋，可以先飲湯後打邊爐，真係好足料，大大舊雞髀肉熬煮，仲有新鮮椰子肉增加甜度，越滾越清甜。火鍋配料最回本絕對是海蝦、本地肥牛，色澤均勻，而且仲有老人家最愛的脆鯇魚，仲有不同的手打魚丸，都夠曬飽，但仲要留肚食點心，不得了!點心有超過20款，全部即叫即整，上枱時熱辣辣，一定要趁熱食，個人最鍾意蝦餃皇，裡面有三大粒爽口彈牙嘅蝦，皮晶凝通透。鮮竹牛肉球肉嫩多汁加上大量蔥花，好有咬口！叉燒包軟熟多餡。炸雲吞酥脆美味，蘸上甜酸汁，回味無窮。燒賣又係大大粒，仲有香菇蟹籽點綴。鳳爪蒸得好軟焾，懷舊馬拉糕好有層次，邪惡練奶小饅頭都好正，物有所值，點心質素有保證。記得要留肚食自助區嘅食物呀！有炸至外脆內嫩嘅雞翼、行氣活血的入味豬腳姜、泡椒鳳爪。甜品方面：熱辣辣嘅姜汁蕃薯糖水同紅豆沙，杯裝雪糕、啫喱、布甸、馬豆糕等。一個價錢就包埋啤酒汽水任飲。有好少見玻璃瓶維他奶、可樂、大量啤酒等，真心性價比極高。總結：食到棒住個肚走性價比高 點心+火鍋+飲品放題只需二百多元
继续阅读
呢間酒樓最近進行小型內部翻新，晚上主打無限時任食點心小菜或火鍋放題，加$10仲包埋任飲、呢度主要用紙仔Tick食物，而自助區會提供少量熱食、小食、飲品、湯、火鍋料理同甜點，好適合帶埋一家大細或朋友仔嚟Gathering。點心有超過20款，有部份可以一件件叫，十分貼心。全部即叫即整，上枱時熱辣辣，一定要趁熱食，個人最鍾意蝦餃皇，裡面有三大粒爽口彈牙嘅蝦，皮唔算好厚、鮮竹牛肉球肉嫩多汁且帶點咬口、叉燒包軟熟多餡、炸雲吞酥脆美味、燒賣，鳳爪同蘿蔔絲酥餅都唔錯，可以試試。肉類方面有齊豬牛雞海鮮，影響深刻嘅有菠蘿咕嚕肉酸甜開胃、豉汁蒸魚雲非常入味、芝士斑塊肉質滑溜、菜品仲有驚喜，台式茄子、奶油扒津白、白灼菜喵，超級無敵新鮮，健康又好味。若唔夠飽嘅可以叫埋炒粉麵飯，有經典嘅上海粗炒、潮州蠔仔粥等，見隔籬枱有叫到，個樣都唔錯。最後記得要留肚食自助區嘅食物呀，老實講雖然個擺盤唔係真係咁靚，但味道比想像中出色，尤其是係炸至外脆內嫩嘅雞翼、熱辣辣嘅姜汁蕃薯糖水同紅豆沙，絕對可以當水飲、完全唔甜且Q彈嘅雙皮奶，難怪每位得一份。飲品仲有玻璃瓶維他奶、可樂、大量啤酒等，真心性價比極高。
继续阅读