幸福

营业中

休息中

認真我有幾個月冇去食過小菜或打冷今日真好豐富兩個晚市套餐1）姜蔥霸皇雞半隻$88雞的肉質細嫩，滋味鮮美💕2）京都骨$78咸香微甜 肉質嫩滑💕兩個餐都跟埋白飯同例湯🧋天氣太熱，忍唔住叫咗杯凍飲🧊特飲：椰汁涼粉紅豆冰(少甜） +$13🧊凍飲：凍檸水走甜 +$6🌟幸福招牌牛雜-牛腩撈麵$50之前聽聞呢度嘅牛雜好好食，一向唔食牛雜嘅我都試吓。果然冇令我失望，下次都會叫呢個小菜-潮式煎蠔餅$88皮酥脆爽口，裡層鮮嫩柔軟，融入了微微的蛋香又不失海鮮的味道😋呢度冇收加一服務費太好了

此店個豬雜湯飯，俾YT兩位夫妻檔KOL讚到上天花板，好食內臟嘅揾食肥華在12月27日，就同靚媽到此店一試呢客豬雜湯飯，睇吓喺咪嗰兩位夫婦食評家所講咁高？此客豬雜湯飯一上枱即即獲肥華好感，因佢喺湯和飯分開湯碗和飯碗上，啲白飯唔會俾啲湯浸到漲晒，加上碗豬雜湯内有，豬潤，豬心，豬肚，豬腰，粉腸，再加一粒肉丸和一塊潮式魚片和唐生菜，真喺真材實料，而且味道又佳，難怪獲兩位食評家高度評價。而今餐另一款食品，菜遠牛肉炒米粉，亦喺有水準之作，米粉煎得夠脆，配料牛肉份量多又好味，菜心又夠淋甜，又喺一個貨真價實食品而此店供應食品繁多，由潮洲打冷到廣式小炒及粉麵，及連坊間茶餐廳一般西式食品都有得供應，以今餐食物水準來計，揾食肥華和靚媽會再來，光顧此店嘅晚飯小菜。👍👍👍👍👍😋😋😋😋😋

今日同小朋友去深水埗經過一間叫幸福的舖頭，入去食左個下午茶☕️，小朋友叫佐一個炸雲吞，我就叫佐碗豬雜河，味道都唔錯，碗豬雜湯河真的好鮮甜，香港好少地方有得食，值得品嚐

🐯懶新鮮試食 潮式打冷小菜🐭 ⭐️按「更多」睇詳細食評😋懶惰二人組其實真係幾鍾意飲茶、食小菜同打冷😂 今日去開深水埗就睇下有咩新餐廳。有間新既餐廳，有潮洲小菜，咁就入去食返幾味啦！🍽️ 如果你都鍾意飲飲食食，個人平時又鍾意耍懶，follow我地啦！🍻🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟《椒絲腐乳炒通菜》 $68都幾重腐乳味，不過唔太夠鑊氣喇！食啫啫煲應該會香口惹味啲？！《蜆仔肉(潮州“紅”肉)》 $68呢個係冷盤黎既，唔算太大碟。成碟都係細細蜆仔肉，同少少辣椒碎炒埋一齊。食入口都真係成啖蜆肉。就咁食就未到一般，點啲潮州辣椒醬好味好多。《滷水大拼盤+鵝片》 $178潮州打冷必備！比起平時食既潮式拼盤，唔算太重滷水味。但有醋、豉油同埋辣椒醬加埋一齊都唔錯。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道味道偏淡，重口味既就未必咁啱喇！💚環境方面，店舖裝修都好新淨。不過啲凳就唔係咁好坐。💛服務方面，員工服務算係唔錯，比較殷勤有禮。衛生方面就去翻我哋social media睇啦Rating： 懶惰鼠😻😻+0.5懶惰虎 🤩🤩+0.5📍幸福深水埗汝州街289-291號地舖港鐵深水埗站C2出口,步行

點咗蠔仔粥，韭菜豬紅，通菜煲。。。。 冇豬紅。。。所以改蒜蓉開邊蝦128蚊得6隻（都唔係好大隻咁）本來想點2杯飲品。。。 見普通中式飯或炒飯套餐都有+6熱飲，+8凍飲。。或半價優惠，我點280+價錢嘅嘢都冇得半價或優惠價，只有正價（我就覺得咁好奇怪） 好啦，上菜啦，啫啫通菜煲啲菜勁濕答答，浸菜浸得太耐啦。。唉，味道還可以。 到蠔仔粥嚟喇，冇味嘅？？ 試真啲，真係得蠔仔味咁囉！ 最後係要自己加啲豉油先有返啲味。加啲胡椒粉咁啦。都可以入到口嘅。  最後到開邊蝦，得瘦小嘅6 隻海中蝦，粉絲底又乾又有啲未熟。豉油底色又冇，再一次唔夠味。 蝦係新鮮嘅，咁有啲對唔住個價錢囉。 唉，我覺得應該冇下次。。。 有都係因為有啲友人一齊去先會有可能 or 未必參與i。。 感覺有啲未夠班開呢類餐廳。 附近有幾間都好過佢，滬海港，九龍餐室， 華園，或隔離有間上1樓嘅餐廳剛轉手冇耐都唔錯。 點都好，經濟唔好，生意係難做，搵食好難，肯俾呢啲價錢食個晚飯，都要俾返啲誠意嘛。 希望日後有所改善啦。