康和閣酒家

营业中

休息中

Foodie Client birthday dinner. The owner of the resto is Client’s friend’s relative who has connection with the Ap Lei Chau seafood market. Like Saito San in Japan, owner goes to the market everyday at wee hours to choose seafood himself. Quality seafood is therefore a guarantee here. Here’s what we had.Geoduck. The faint hearted preferred it lightly cooked in the broth. I prefer it raw with soy sauce and wasabi. Very fresh and crispy. The broth was a umami bomb after all the geoduck was finish

作為紅磡街坊，呢間茶樓係我比較推薦嘅一間，首先環境企理，光猛乾淨，服務亦唔錯，令外就係夠大，坐得舒服點心選擇當然亦都好多啦，今次兩個人叫咗好幾樣餐前小食，白雲鳳爪好入味，滷水拳翼亦都炆得夠晒淋，另外韭菜豬紅有驚喜，原來係辣辣地嘅，豬紅亦都好軟滑仲有百花蒸魚肚，大大份又足料，蝦膠好彈牙，魚肚亦都整得好乾淨蒸蘿蔔糕亦都係我推薦之一，唔似其他酒樓剩係得粉，佢呢度有好多蘿蔔條，而且蘿蔔一啲都唔苦雜菌春卷反而就有少少失望，因為入邊有大量雜豆，得好少雜菌但係整體嚟講係有質素嘅街坊茶樓

喺呢間餐廳，每款菜都食得出主廚嘅心思。翡翠花枝蝦仁嘅蝦仁爽彈得嚟，真係夠晒鮮。冰梅柚子骨那個清新嘅柚子香氣，酸酸甜甜，令人頓時胃口大開🍋！而脆皮燒雞簡直係皮脆肉嫩，啖啖肉嘅質地，真係做得幾好。㗎啦，金銀蛋菜心味道普通啲，不過食落地道，滋味十足。來到甜品，那個有米紫薯流沙果就真係出彩—外層嘅脆米喺口裡面咔吱咔吱響，再嚟個溫暖嘅紫薯奶黃，糖尿精神响晚上😋🍰！整體體驗裏面，可能最失色嘅就係花枝切得太薄，口感唔夠正。但總體來說，每樣食物都有驚喜嘅地方，係一個適合一家大細、尤其母親節嚟享受嘅好地方👨‍👩‍👧‍👦。食貨嘅你唔該試吓，可能會搵到你新嘅口福之選！

整體既點心份量，都比起之前食既細份左。🥲 同埋晏3點去，所有大排檔美食既都已經賣哂，冇得叫了。鮮蝦餃🙃皮較厚，但內餡係爽口。蟹籽香茹滑燒賣🙃厚實嚡口鬆軟蜜汁叉燒包🙃唔太鬆軟，內餡較小，味道正常，感覺蒸耐左，個包底有D濕時令豆苗彎梳餃❤最好食! 大愛，皮薄多餡懷舊香芋鴨腳扎🙃所有配料整體都細份，味道正常鮮冬茹蟹棒棉花雞🙃賣相有D頹黑椒面筋蒸爽肚❤幾惹味，份量都算多，豬肚唔算好肥，好食!南洋咖哩蒸土魷❤好香口，咖哩汁較稀身，份量正常薑米鮮茹雞包仔🙃感覺都係蒸耐左，個包底有D濕明太子百花釀魚肚❤呢個點心係我地一直都好中意鳳爪排骨飯❤必點飽肚之選，飯粒粒粒分明，鳳爪排骨都好香口生菜鮮蝦水🙃 同超市買既某個黃綠包裝牌子既鮮蝦水餃冇咩分別。韭黃原隻鮮蝦腸🥲皮厚，蝦細隻~

好耐都冇星期六飲茶🫖 今日去咗呢間位於黃埔嘅新式酒樓 ，星期六嘅12點 已經滿座而且超多人排隊。 最後等咗半小時可以入座。牛肉腸粉皮嘅厚度適中，牛肉夾住咗啲芫荽 好清新 餡料都多！ 咸菜豬肚 推介豬肚有好多舊， 有啲厚有啲薄 厚嘅就更加肥美 。 仲有腐皮白果鹹菜，整體個湯唔錯 ，幾入味 。 燒味雙飯 叉燒叉燒半肥瘦 但係肥同瘦就分明小小 ，但都幾軟 唔會好柴。燒肉 推介👍🏻一層肥一層肉，個皮仲脆卜卜 。 調味方邊唔會好得鹹，仲有豬肉嘅油香。 檬粉蒸蘿蔔糕裏面有蘿蔔絲同埋粗條蘿蔔 令到成個蘿糕幾有咬口。 仲有瑤柱蝦米， 記得問佢攞豆瓣醬 。 ❤️鮮蝦豆苗餃👍🏻家人至愛個皮好薄，餡料豐富。 裏面嘅菜唔會岀太多汁 搞到好水 ， 亦唔會太乾。 可以話恰到好處。d 蝦亦好鮮甜。PS : 佢都屬於黃埔地段，所以有泊車優惠。

2023年11月22日午茶體驗極差！上餐員態度很惡及無理，動作粗野⋯⋯將2籠點心很粗嚕的推上餐枱，完全不理會食客的用餐餐具是否推掉。去到買單時更加難以接受！我們發現帳單有問題，我們點咗一碟蒸柏葉，但是一直未上菜，上啦另一碟極難食的牛柏葉，卻收足2碟的錢；另外還點咗一個甜點，也一直未上餐，但是仍照收費。向經理查詢，該男士經理全程無一句Sorry ，表情麻木，更新完餐單完事，多一句都免講的態度，很令人不舒服！

今晚到黃埔朋友家聚會，晚飯就到他們樓下附近的康和閣酒樓吃一餐便飯。這處環境可以，多是街坊，高談闊論，非常非常热闹。點了餸菜中，豉汁帶子蒸豆腐和咕噜肉很好吃，值得推薦給大家

實在不吐不快。康和閣的侍應愈來愈囂張。經常到康和閣飲茶，早茶頭一輪因為茶樓未準備好派籌輪候，食客一直都是自己找枱。以往看到到處都是“留枱”，機次看見食客派利是，好奇老闆喜好此等員工福利。早上8時未到，等待兩位家人的時候，找到一張路旁實際只可以坐三邊容得下四位的枱。等了半小時終於叫了茶，仕應走來要求搭枱，可以啊！且看你坐得下幾位。進而要求搬另一張四人枱和人併枱，那我不接受併枱了!囂張的侍應竟然要求出去派籌處再輪籌!如此待客之道，不禁嘆為觀止。

剛剛八月初裝修完工，服務保持一貫良好。街坊價錢，小菜味道感覺少少偏咸，不過純粹個人口味。回港飯聚首選中餐，黃埔區美食多亦有港鐵站，約朋友非常方便，就算要過海路程亦唔算遠。10人晚飯，早輪六點半較少人傾偈方便，八點左右開始客似雲來；但唔會要你限時間交檯，食完可以慢慢坐。晚飯送紅豆沙，值得一提無落粉漿，透著微微陳皮香。埋單 $1300.00 十人晚餐，真心覺得抵食。

食開呢一間酒樓，尤其是下午茶嗰陣時好抵食，街坊都知呀排晒長龍，有好多點心選擇，煮得唔差嘅一間茶樓，啲嘢熱辣辣，環境唔差。而且有一啲比較有特色嘅點心，不如藥膳蒸魚頭。

價錢非常平， 價錢同質素掛鉤。如你去開有質數酒樓，呢度真係唔好選擇，由門口帶位多次比人插隊, 又插得唔醒目畀人看到， 環境枱櫈餐具 油淋淋要洗多幾次餐具，好處你可以自助拿熱水洗多幾次餐具。食物上枱8樣點心全部和暖，人多但是點心唔熱，味道偏淡。 發現好多人排隊細問之後原來又有網上youtuber推薦。 街坊酒樓其實冇乜特別特色唔需要一窩蜂走去試， 紅磡都屬於舊區非常之多老人家， 家有老人去到要注意衛生。

平日嘅下午茶下晝兩點開始，但係生意好到不得了，就算係閒日都最好一點半就排定隊，如果唔係起碼都要等半個鐘先可以入座下午茶嘅點心價格我諗係正茶時段嘅三分一左右啦， 其中孖寶非常抵食，33蚊可以揀兩款點心我哋叫咗鴨掌，白雲鳳爪，蒸蘿蔔糕，炸蝦角，蝦腸，牛肉球鴨掌同白雲鳳爪都好入味，蒸蘿蔔糕個人覺得個味有啲太重，但係有好多粗條蘿蔔炸蝦角係兒時嘅味道，外皮好脆亦都好足料蝦腸都有大大隻蝦，冇因為係下午茶特價時段而偷工減料整體嚟講呢間街坊茶樓嘅下午茶非常抵食

康和閣酒家，係紅磡都有一段歷史，好多老街坊都會幫襯佢，早茶同下午茶都好抵飲，我今日就幫襯咗下佢嘅下午茶，😝其實康和閣嘅點心一向都好食嘅，如果星期六日就會比較冇咁抵食，因為冇乜特價！2:00去到酒樓，其實已經好人等攞位！我哋等咗15分鐘，然後就可以有位入去坐！點心種類都好多，叫咗特價點心😋苗菜餃：皮好薄裏面嘅蝦肉好大粒👍🏻叉燒包:叉燒包一向都好食沙律明蝦角：值得推介！鳳爪排骨飯：份量徧少，但係味道唔錯！黑椒爽肚：好入味又彈牙😊總括嚟講水準係不過不失😊

中午一行九人到康和閣飲茶，叫左兩個四人餐加少量點心，一個四人餐包三個點心，三款菜式，菜式有炒粉麵飯、燒味、小菜，選擇都幾多，燒味叫左叉燒同燒肉，份量好足，燒肉皮勁脆，有少量肥膏，正，叉燒就瘦左少少但都夠淋，另外小菜叫左鎮江骨同芥蘭炒豬頸肉，鎮江骨入味，豬頸肉就普通啲冇乜味。另外，叫左鹹魚雞粒炒飯同乾炒牛河，炒飯過咸，牛河就不過不失。點心就正正常常，起碼唔重味精。座位有啲迫，服務都可以，揚手好快有人招呼，人均消費$140，尚算合理。

今日出邊好大雨，一入到去酒樓冷氣超級無敵凍，即刻叫佢哋可唔可以收細啲個冷氣講咗好幾次先冇咁凍。入邊嘅員工都好快手問飲咩茶安排好所有座位。但係冷氣好大建議各位帶多件外套食飯。等齊人之後就先來一大碟大閘蟹，😍蟹膏多到隻腳都流晒啲黃油出嚟。一人食咗兩隻。蟹醋一人兩碟先夠。跟住嚟咗啲薑茶飲落好舒服。跟住上咗我好鍾意食嘅炒魚片✨。因為冇晒骨，而且肉都好結實好新鮮，唔係嗰啲林啤啤嘅冰鮮魚。再嚟就係一大碟粒粒飽滿嘅蒜頭炒菜，啱晒啲未必會食蒜頭嘅朋友，又或者啱晒啲好鍾意食蒜頭嘅朋友。因為如果係蒜蓉炒菜唔食蒜頭嘅朋友就唔會食㗎啦。鍾意食蒜頭嘅可以成粒啪。叉燒係半肥瘦。佢未去到話肥到流晒啲油出嚟入口即化果種，但係食落去口感好好，肉實淨得來有啲油脂包住啲半肥瘦肉。枝竹羊腩煲一打開個煲蓋即刻話一聲，因為真係好有秋天嘅感覺。可能再凍啲更好食😋枝竹魚腩煲個人覺得更加啱啲鍾意食魚嘅朋友。因為好入味得來，肉一啲都唔會柴。佢落咗啲粉漿包住啲魚肉炸完再炆所以入邊好滑好肥又好香好入味。🫶最緊要啲枝竹煲入邊啲枝竹吸晒入邊啲汁嘅精華，食到sharp sharp聲，正😄最後嚟咗一大碟秋天必備嘅臘味飯，落埋啲豉油撈飯真係完美嘅句號