康和閣酒家

营业中

休息中

11月24日晚餐，屋企人話想飲杏汁白肺湯，所以去咗呢度食飯，作為紅磡老街坊，來呢度一個星期最少都有2次，知杏汁白肺湯唔係日日有同埋賣得快，所以預先問好知客今日燉湯係咪杏汁白肺湯同埋有冇賣晒，知客同埋剛好行出來去廁所既經理都話仲有一個，我即刻請佢幫我起住個湯跟住落座。落座後第二位經理來幫我地落單，我請佢幫我起咗湯先，佢話燉湯賣晒。我同佢講剛剛特登問咗知客同埋另一位經理，確定話有燉湯我先入來既，但依家又冇。咁唔緊要啦咁我地下次先來，因為屋企老人家今日唔係好舒服冇乜胃口，主要就係想飲個湯。我一番解釋話唔緊要咁我地下次先來。個經理即刻話，得啦得啦，有啊有啊，幫你起咗喇。杏汁豬肺既燉湯上來，明顯唔係白色，啲杏粉一舊舊咁浮係啲暗綠色既清湯裡面，有煲到已經暗綠色既南北杏已經霖爛，竟然有碎既蜜棗。自詡剛剛撈起既湯渣竟然係凍既。啲湯寡淡得來成陣金銀菜味⋯推理應該係將一個燉湯加例湯勾成兩個燉湯賣出。我相信飲開杏汁白肺湯既各位Ching 靚靚如果遇到勾過水或者其他湯水既杏汁白肺湯唔會飲唔出分別。所以唔駛多講喇。經理其實冇你可以坦白講，我地可以下次先來唔緊要。但你地唔應該講大話。我駛燉湯錢你俾例湯質素既食物敷

吃了這間酒樓快20多年了 老闆是同一個人只是酒樓名字改了，水準也很不錯啦 晚餐越嚟越進步 今天吃了這個阿拉斯加長腳蟹，肉質10分鮮甜，這個蟹10分新鮮，很值得吃呢！ 然後這個無花果炸蝦帶子蘆筍也很新穎，味道也是不錯的呢！無花果10分新鮮，而炸蝦也炸得剛剛好，食過返尋味他們的蔥油雞也是頂呱呱的，用新鮮雞，有晒新鮮雞嘅內臟，每次吃都食三碗飯！他們的燉湯也是十分一流，好棒！然後他們的冰鎮鮑魚也好好味，最好的就是大連鮑魚因為夠大隻 入哂味鮑魚也可以用果皮蒸，味道也是超正他們的煲仔臘味飯也是超級正，有飯焦㗎！

康和閣其實嘢食都ok，嗰區嚟講唔太平唔太貴，但D侍應態度差到不得了，催嘢食一係無反應一係就話幫你跟跟，再催就黑你面，但其實就無落單，直到埋單都無講碟點心去咗邊，眼見係忙嘅，但見侍應人手足夠架喎，但全部人黑口黑面，黑得好緊要，D點心亞姐收碟亞姐叫借借，都未比得切反應就撞埋嚟，仲駁咀話返你轉頭，以前幫佢買年糕買月餅就稱呼前稱呼後，近依幾年屋企人老人家年紀大無幫手買嘢，D侍應態度360度急變！最終利是都慳返！如果唔係就老人家一早唔幫襯啦！

母親大人生日之喜，點都要一家人約埋吃餐飯。聽說康和閣的全包宴份量足，味道不錯，於是便訂咗一圍試吓。訂咗$4980全包宴，可入廳房。去到廳房很寛敞，枱面足夠14位坐都們有空位置上菜，我哋12人坐，所以大家都坐得很舒服。廳房內有位女侍應專人服務，很殷勤且笑容可掬。乳豬溫熟皮脆帶子好大隻，好味！千絲大蝦脆卜卜，蝦肉彈鮮，有趣又好吃，再加沙律，年輕人很愛吃。魚翅不多，而花膠絲多些，吃時唔覺稀。大海班，魚肉蒸到剛好，不錯。個個有鮑魚吃，正。炸子雞皮很脆肉亦嫰，但大家都開始放慢夾菜的速度了。由頭到尾，碟碟份量都很大，嚟到砂鍋鱆魚雞粒飯和伊麵時，都免不了部分要打包提走了。因為要等肚叫今次的主角：桃包，都係好大個，料又多，真是由頭好味到尾了。

與朋友聚舊，去咗呢度飲茶一睇點心紙，發現好多懷舊點心款式魚翅餃熱辣辣，啲蝦仲幾爽口...但以我記憶，以前好似無蝦😂干蒸牛肉賣！又係依家好少有得食！好懷念芝麻卷兒時記憶！酥脆韮菜餃，可惜唔熱，但個餡都好好食咸菜豬肚，都好味鮑汁鳳爪味濃，夠入味，膠質重釀茄子，有四件架！味道都好好！又夠熱咖哩魷魚份量較少腸粉好正，又夠滑，混醬又夠多涼瓜魚餅，我唔食苦瓜無試芋茸千層糕，但食唔到芋頭味嘅點心好多款式，而且水準幾好，值得推介

今次寫下我屋企人至愛茶樓之一，「康和閣」！其實十年前都有間叫康和既酒樓，可惜經營不善倒閉了！上兩年突然在附近開了一間同名茶樓，我猜是同一個老闆吧! 舊店重開有很多老顧客！今晚叫了幾個小菜: 首先出場係一班兩味: 份量可以，味道還好。然後出場有柚子排骨: 甜甜酸酸相當醒胃再來蔥油雞半隻: 全晚的驚喜！雞相當滑同入味😍😍

飯茶係香港人生活嘅文化，家庭聚會，朋友聯誼，無論早中午餐，得閒就會飲茶。今天我就應朋友邀請，到了黃埔花園嘅康和閣飲茶。酒樓在商場地面直到，唔駛搭電梯左轉右轉，地方唔算大，勝在燈光火著好醒晨。環境枱布食具都好乾淨，值得一讚灌湯鮮竹卷係灌湯餃同鮮竹卷混合版，鮮竹卷吸收左上湯，食落唔駛乾爭爭，確係一個好嘅變化。芝麻馬碲糕，混入了芝麻醬嘅馬碲糕，既有芝麻香又有馬蹄糕嘅原汁原味，又係一個成功嘅配搭。重點推介：擂沙煎堆仔，其實係芝麻湯丸上面灑滿芝麻粒，如此二合為一外型激似煎堆，味道好得令我們再次追加。值得一提係假日繁忙，服務員都招呼周到，就是連送餐的姐姐都相當貼心，能夠如此上下一心，管理層應記一功。

新正頭大年初三，香港親戚唔多，除左自家人都唔係點使拜年(搵朋友逗利拜是除外)，訓醒起身已經係12點無咩野做，電視又無野睇，樓下好多茶記都收左爐，屋企除左朱古力都無其他飽肚野食，唯有拉大隊叫齊屋企人去飲茶，都明知新年飲茶有排排隊架喇，不過當應下節，同有世藝順手醫下個肚。不過真係估唔到咁多人，羅飛等7人位，由12點45分一等就等左個半鐘，2點鬆d先就坐(不過新年都有晒心理同生理準備等)，我既早午餐變左下午茶，不過唔緊要大年初四放假無樹幹，都係意頭意頭同家人飲下茶做下孝順兒。係等位既悠長時段已剔好想食既野，埋位就CALL屋企人落黎飲茶，辦事迅速。上點心好快，坐低到落單都係10分鐘內就已陸續上枱，飲茶來去點都係大路野食，差別在於間酒樓既點心品質控制同入貨好唔好味。野食新鮮同夠熱辣係必要條件，呢間酒樓可能人流多，所以食物流量來去快，所以食物熱度入口感覺煮理新鮮同冒晒煙程度既熱。炸雲吞夠脆，新鮮炸野唔會差得去邊既，除非用萬年油炸啦。又係炸物，咸水角又係夠熱夠新鮮，外皮脆脆，但頗細隻，一啖就無九菜炸蝦角都好香好脆口，不過炸得好油，有點少膩。馬拉糕好抵，估唔到係用大籠，包仲咁大隻。椰汁紅棗糕，夠綿同彈

放假約閨蜜飲茶，佢話想飲茶，就近佢搵間酒樓，住紅磡嘅阿頭介紹呢間，9點幾去到要等位，5分鐘後有枱入得，一張靠牆細枱，場內光猛乾淨！餐具乾淨！環境唔錯，不過我哋個位完全零網絡，係附近幾張枱都無訊號（其他客都講緊）店員就承認要近出口先會好啲！點心款式幾多，有啲都幾特別！落單耐心等待！慢慢就上菜！羅漢齋春卷（$13）炸得金黃色，好香脆，餡料食唔出齋味！主要都係喼汁味！金網蒜茸鮮蝦腸粉（$38）腸粉滑，脆片脆口，蝦肉爽口！索啲甜豉油，整體好味！雪場蟹腳肉花膠灌湯餃（$27）蟹柳索晒湯，花膠細細塊彈牙，餃皮嫩滑，餡料蝦爽口，不過都撈咗好多肥豬肉，湯底幾清甜，加醋提味開胃！自選孖寶（$29）軀寒蒸薑茶榚：新鮮蒸好，榚身彈牙，每層都可以撕開食！幾香薑汁味！唔太甜！好味！瑤柱銀杏粥：幾綿幾滑，加了腐竹同白果幾淋，不過有落味精幫手！好在唔算重手茶（$8/位）叫了香片，茶都幾香，食物好味，不過服務比較亂！門口入客，但我又見到旁邊嘅枱，客人食完埋單pass比自己朋友又無人理，照執枱比佢哋！埋單嗰個店員就幾惡！放低張無皮夾嘅列印單！粗聲粗氣咁講：'$165蚊'！收走咗張卡就走！好無禮！其他店員就正常！味道唔錯

我們一家本想到附近的茶樓享用一個下午茶，結果即使是部長亦無法安排座位！我們由後門進入，無論支客或部長見到我們都沒有打算要帶位，這樣都不要緊，我們13:49找到位置坐下開位！正當我們要點餐，總會有位職員一聲不響取走點餐紙，總共2次！而13:53 終於有位好心的職員告訴我們，下午茶需在正門取號碼籌的，當然，我們知道後，便到正門取籌並告知門口的支客，我們已坐在172號枱。但支客說已安排112號枱，那我們便轉枱，但發現枱已安排食客！找到部長詢問，說已有入座時間，並收走我們的號碼籌。當然我們以為部長會根據籌號，重新安排入座也好，總會給我們一個安排吧！沒想到，這安排就是沒安排！作為食客，我們只需要一張枱！作為一個部長，餐廳位置有前後門，這已是事實！相信同樣問題不會只有我們這一次，何況我們亦有按照規定去拿籌號吧的！不就是在系統取消入座後，再重新安排入座，這麼簡單嗎？即使我們離座，難道系統就是取消不了，不能再安排入座嗎？作為一個無法解決問題的職員，還指著門口張貼的大字布，説已點明要前枱取籌。逆地而處，你作為顧客時，進入餐廳是看牆的嗎？要是貼，不是貼門口嗎？作為一間餐廳，食物品質再好，要贏得商譽也不及口

呢間野食物ok, 但啲人不知所謂。 不斷俾枱啲熟客， 同訂枱客。 你啲walk in要等佢俾哂呢班人先到你 火都黎埋。 仲要講明係俾佢地先。 就算你來先都冇用! 呢世都唔會再去!

由於母親節將至，酒樓暫停日定餐牌，只提供母親節套餐及此餐單上的菜式翡翠花枝蝦仁 以花枝和蝦仁鋪面，勝瓜在底。花枝切得太薄，吃下去口感欠佳。蝦仁亦只得四隻，不過勝在夠大隻，質感亦頗爽脆。勝瓜就一般，沒什麼特別。冰梅柚子骨 起初以為是凍食，且料上菜後是熱騰騰的。吃下去，柚子的味道頗重，酸酸甜甜的很開胃。但汁的味道有點過濃，配飯一起吃就剛剛好。另外外層的炸餅十分好吃，脆脆的，配上柚子汁來吃十分美味。脆皮燒雞 一般脆皮燒雞的質素往往取決於其雞皮，如炸得𣎴夠香口，便令燒雞大大失色。而這間酒家的雞皮就燒得很脆，而且脂肪比例剛剛好，令人吃了也不會覺得很膩。雞肉不算太滑，但醃得頗入味，整體來說質素十分不錯。金銀蛋菜心 味道一般，份量算大，以$78的價錢來說是合理的一道菜。另外亦有甜品餐牌，上面的甜品種類十分多，對比起其他酒樓款式亦很特別，值得一試。有米紫薯流沙果 一口咬下，外層是炸得脆卜卜的脆米，包著內層熱騰騰的紫薯容和奶黃，是名符其實的外脆內軟。說是流沙果，但紫薯容並不流沙，不過吃下去口感算頗細滑。此甜品屬坊間少見，若飯後想吃點甜點就可以一試。

黃埔三期, 之前都有一間酒家, 應該係”紫荊火鍋”, 一樣有午市飲茶, 從未見過要等位, 晚市更差, 基本上只有四成坐滿, 假期入座率好一點, 也都只是六成坐滿. 而這間新開酒家, 已兩個月, 午市飲茶要排隊, 照理水準應該唔差吧.蝦餃, 中型, 大少不是問題, 最緊要好食. 皮薄, 透明度高, 內裡蝦仁餡未算出眾, 但也不差, 我給70分.叉燒包, 雖然賣相唔得, 又細隻, 但入口軟熟, 內餡超熱, 叉燒瘦多肥少, 醬汁適中, 滿意.四川口水雞, 用了我最不喜歡的杰杰醬汁, 而不是四川麻辣紅油汁. 但辣度夠, 麻味也不差, 雞皮唔厚, 皮肉間還有透明啫喱, 水準好, 收貨啦.紅豆椰汁糕, 寫明係用”十勝紅豆”, 係未?? 真係天知地知佢知, 我就梗係唔知啦, 哈哈… 味道少甜, 入口軟滑, 沒有一粒粒的紅豆, 應該都被磨碎了, 有微微的粉粉口感, 好味.餐紙上寫著”梅子排骨鳳爪飯”, 上檯時, 變咗”豉汁排骨鳳爪飯” (唔知點解要寫”排骨鳳爪”, 而唔係”鳳爪排骨”, 有些少挭耳, 哈哈..), 鳳爪無爛, 排骨中等, 肥肉略多. 但飯身夠乾, 粒粒唔痴底, 唔淋, 好滿意(只係飯物

大年初一去佐呢間新開既酒樓食野 , 好彩有book 位 唔係要等幾個鐘 有幸坐到獨立房 , 隔音好好 重有free wifi ! 野食方面,值得一試既有: 1. 馬拉糕 份量好大 好鬆化 重要唔係豬油整出黎 2. 叉燒 肥瘦適中 好好食 3. 小籠包 一直係我最愛 湯汁好多好好味 有得同台灣某著名小籠包比 4. 法式焦糖布甸一定要食!! 超好食 5. 楊滋甘露 用料好足 唔會太甜~ 6.腸粉 皮薄 料多 一般既食物: 咖哩魷魚 一般 唔太入味 待應態度好好!入到黎房都主動打招呼^^ 價錢都好低 新年都無加價

良心企業，新年都無特別加價👍👍👍👍佢個魚茸腸粉，十分好食，正呀！推介也！棉花雞已經唔係間間酒樓有得食，有嘅，但果D棉花都已經唔好食了！唔夠鬆化，但佢好鬆化，好入味！喊水角脆卜卜，放左半個鐘都仲脆！正！