康源車仔麵

营业中

休息中

路過見到車仔麵都想試吓入去見到價錢都好平，所以叫咗五個餸，連一杯凍奶茶都係$50食物送到枱面時，發現份量比正常的少了一些，但對比坊間隨便叫也收$9-$15，那麼，這個份量似乎正常，$6 的蘿蔔，當然比$10的少，反而份量少，可以多試不同餸菜我點的餸菜：油面底 - 覺得份量正常，味道都正常通菜 - 盡量正常，味道都可以鯪魚肉 - 應該都幾新鮮，沒有腥味貢丸 - 味道幾好，又彈牙菜肉雲吞 - 有三粒，比較細粒，味道都幾好凍奶茶，味道都正常$50 已經算好好

無論，呢間車仔面係平，我用$28叫左個5號餐，面底係河粉。個車仔面一上枱，我睇，哇，得隻碗大，Ｄ料咁少，Ｄ河粉又少又硬，都算，Ｄ蘿蔔個心係凍的，未熱就俾客人食，係咪價錢平就可以咁求其。ok ，冇下次。

入到去唔知係坐低寫紙仔點餐，定係要在收銀處點餐，禮貌問一句應該如何點餐？問了第一次佢不回應，以為佢聽唔到，再問多次…..結果個呀叔(可能是老闆)大聲喝罵叫等等啦😡😡😡🤬🤬🤬態度非常惡劣…….🙈🙈🙈明白得佢一個人做嘢，當然要等……大家香港人，明架啦😑但當時其實只係想知道應該點樣落單……然後會繼續等….講真佢係平既，但味道就真係好一般，而且店舖𥚃有大量曱甴行來行去‼️⚠️😱🙈要知道食物衛生，對於飲食業來說，相當重要😪呢間野開左好多年，都係打算去食回憶…..因為當年仲係學生無咩錢，就焗住去食，雖然而家唔係發咗達😅但亦都唔想為咗慳十蚊八蚊而受氣😔人生苦短唔想食嘢食到好似乞衣咁😔真心建議不要幫襯😖不過如果真係經濟環境唔掂就無辦法啦🤪呢度祝大家早日可以脫離貧窮😛唔洗幫襯呢啲受氣鋪頭🙈

行開旺角見到有間車仔麵店諗住試下啦舖面好細，得幾張櫈同埋得一個呀姐煮緊野位又要自己搵 我唔見張枱有落單紙俾人填間舖要去收銀嗰度俾錢先即係我搵到個位又要出去落單我企係個收銀位等呀姐落單（我明白得一個人做野，所以我照等冇出聲）佢就淨係埋爐煮麵 煮完一碗又準備煮另一碗頂佢又唔出聲 你唔得閒都叫人等等丫我等左一陣有個男仔又入黎本身嘟左安心我都出返走左出去食另一間間野好唔好食就唔知 不過咁樣既話幾平幾好食我都唔會幫襯

見食友A咁識食，照跟：沙爹牛麵(走湯)每條麵都沾滿沙爹醬，寧舍滿足😋👍🏻🐢  吃完后感觉精力充沛（我觉得）龟苓膏🏺🏺味道比我想象的更顺滑，可能是因为还有糖浆🥄店里的气氛很好，有一种会再去的感觉😆

因為好想食菜嘅關係😂，就想食車仔麵～第一次去咗旺角呢間車仔麵店。.題外話：望到餐牌，發現好有趣！「牛肉類」獨立咗，唔列入肉類🤣🤣🤣..食菜係基本啦～分別係生菜同通菜，都好新鮮爽口🥬🥬個人覺得個辣醬好好味！偏向似沙嗲味，唔算好辣，應該係自家調製的，我點咗要少少辣，後悔呀～（應該要多d🤤🤤).朋友嘅豬腸配沙嗲辣都好夾，唔會臭！豬肚都一樣爽。然後到我哋Share食嘅「炸魚片」(姐係炸魚皮)，真係最有驚喜😍😍一包咁上，自己決定幾淋～我哋發現咗樣好神奇嘅事，就係魚皮一浸完湯，就會發聲😱😱😱pok pok pok…. 「啪嘢啪喇」咁…真係有聲！！我哋都聽到🤔🤔點解嘅呢？？(然後我哋Google過都搵唔到原因）講番先，個魚皮非常之脆，鹹香味超好食！！浸湯都唔會好快淋，keep住脆身👍🏻👍🏻..我哋食完之後都話會因為想食個🐟魚皮下次再嚟～🙋🏻‍♀️如果有人知點解會發聲/ 同樣試過咁樣不妨留言話我知🤣🤣..小店一間，坐位唔多！比較適合外賣。價錢親民，而且食材處理得好～真係最推薦試吓炸魚皮！👍🏻

以前係旺角返工💼，Lunch會去康源車仔麵🍜，今日難得出開旺角，一於支持下小店💪🏻。.叫左🍜柱候豬什粉、🍜柱候牛什粉同熱好克力，腩汁湯底夠濃郁勁惹味😋，豬什有豬肺、豬腸、豬肚等等，入味得嚟又軟腍👍。而另外一碗牛什有牛肺、牛腩等等。.每一碗都材料十足，樣樣都有齊，但價錢💰$32就有交易，真係好抵食。.小本經營，全部都係店主一手一腳處理，係呢個環境真係唔容易💪🏻，要多多支持先得。.好味指數：😋😋😋😋4/5推介指數：😋😋😋😋4/5抵食指數：😋😋😋😋😋5/5.🍽康源車仔麵📍旺角新填地街475號地下

咁平嘅車仔麵真係買少見少喇 不過竟然比我係旺角搵到一間！廿零蚊有兩餸咁抵食 唔洗猶疑即刻試下啦😂 店入面比較細 得一個姐姐煮麵落單 不過佢都幾落力幾快手 落咗單好快就有得食見d餸咁抵 忍唔住叫多幾款😛 有豬紅 韭菜餃 鮮蝦雲吞 魷魚 我朋友就叫咗豬手 墨魚丸 芝士腸 個鮮蝦雲吞真係冇得頂 大大隻蝦完隻包喺入面朋友話豬手都好好食 大件 好腍 入味 而且無毛! 平時食豬手真係最驚見到成堆毛未清乾淨枱面都放咗辣椒醬 辣椒油 豉油 醋任用最後飲埋杯檸茶 成餐飽晒!發掘都呢間咁抵食嘅車仔面 下次喺旺角肚餓想平平地醫肚嘅話一定再嚟幫襯!😋

💥隱世車仔面📍 康源車仔面｜旺角📍人均消費 $ 4 X - 5 X⚪️⚪️⚪️⚪️⚪️⚪️⚪️⚪️⚪️⚪️成個星期WFH無出街…今日星期六出去旺角做物理治療🤓做完兩條友又想食LUNCH又唔想咁多人…所以就行左朗豪坊後面啲行仔搵食🙆🏻‍♀️ 見到呢間康源 好似好耐冇食車仔麵就入左去😂💟 牛腩牛雜米湯底好濃郁😍牛腩炆得勁淋好正！牛磅都俾咗兩舊（聽講好貴咖）另外仲有啲牛肚咁，唔錯👍🏻💟 魚皮餃豬手河有兩舊大豬手，好入味同埋勁軟身😬有入口即溶嘅感覺🤣魚皮餃👦🏻讚不絕口因為入面有湯汁有大大嚿，腌尖嘅👦🏻食完仲想再叫多份😂😂另外仲叫咗油菜同埋炸魚皮 ，菜心正常發揮，魚皮係勁大嚿又超級脆，跟餸去叫只係$8😍🤟🏻不負責任點評✌🏻好味道🌕🌕🌕🌕🌑性價比🌕🌕🌕🌕🌑回頭率🌕🌕🌕🌕🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

下午茶時間路經呢間小小麵店 (康源車仔麵)，就同友人入去食個車仔麵～免得要等到夜晚嘅飯局驚餓暈….店面細細，乾淨企理，大約容納到6-8位客人左右，只有一位姐姐煮麵執枱一腳踢。望望個餐牌，一般車仔麵有嘅餸呢到都有～而且價錢平民～最少兩餸一麵，最低消費$20～堪稱糧尾恩物～叫咗兩碗車仔麵—沙爹魷魚、墨丸、貢丸、龍蝦丸、牛柏葉、加幼麵 ＆ 芝士腸、菜肉雲吞、龍蝦丸、菜心、辛辣拉麵～ 芬達、可樂 $8一罐。車仔麵嘅餸新鮮，口感彈牙～尤其魷魚、牛柏葉非常爽口～而沙爹醬味道濃郁～令到成碗麵有少少辣口，相當惹味～～食咗咁多，最後都只係盛惠$90有找～～大家路經呢頭，行過路過，唔好錯過呀～～～～～

我媽媽最近關節痛，帶她到旺角看醫生，順便食個麵飽肚，但有驚喜，原來旺角都有平靚正的車仔麵店，而且係老店，我見好像店員得一位，麵店傳出好香的味道，吸引我們幫襯下呢！我和媽媽渣點了分別豬手、芝士腸、九菜餃子麵 和冬菇、韮菜、豬腸麵！配料全部有眼見數十樣野選，而且全部都係$10 左右的配料，真心平價之選！而且食物好味冇味精，豬手腍又入味，餃子是自家製，所以配料新鮮又好味，埋單兩碗車仔麵再加野飲都係$80 左右，呢個選擇旺角少見！

今日同朋友去上海街睇裝修物料，行到餓餓到，係隔離街見到大大個「麵」字！原來有間地道車仔麵小店【康源車仔麵】小店唔算多座位 全部都係面壁嘅座位好岩自己一個人獨食🙂快靚正呢道有最低消費二餸一麵不過我地好餓所以都叫咗三至四餸麵。🔸沙嗲魷魚，牛栢葉，牛腩 & 米粉沙嗲汁主要融入湯底內所以呢碗米粉偏辣好惹味牛腩入味軟腍 牛栢葉爽口🔸 牛腩，牛肚，雞翼，通菜 & 米粉牛肚切得細件 亦同牛腩一樣非常入味腩汁湯底好香 加埋通菜就完美

月月都係長期糧尾子手上一定有一張 月尾食飯好去處等自己月尾都可以唔使日日食麵包咁慘啦🥲平時食車仔麵 樣樣都想食又有最低消費 冇40幾50都唔使指意出到門口但依間最低消費只有20蚊 絕對可以平平哋食一碗車仔麵店舖行街坊平實路線只有一個員工 煮野、收錢、送餐、收枱 都係佢 所以餐廳行先收錢後送餐的路線唔好要求有五星級的服務今次叫左車仔麵+牛雜車仔麵 麵的份量足夠 餸的份量符合價錢 雞翼同雲吞必食 雞翼滷得入味 雲吞內的蝦大大隻但魷魚略嫌未入味 🥺 可以做洗試 牛雜 處理唔錯 冇腥臭味味道唔過鹹款式多 亦唔會切到太細一件 散收收不過我愛的牛肚位份量偏少都係果句 糧尾唔使食麵包已經好好架啦！

親民的價格，🥰還有很貼心的味道。這一家旺角的車仔麵店，人情味非常濃厚。☺️和朋友來試了一下，他們的麵條和小吃都非常的不錯。👍🐷豬手很喜歡，因為燜得非常軟淋，🥢而且食起來起來很有醬料的香味，❣️滿滿的骨膠原，口感非常滿足。咖喱魚旦非常爽口，而且咖喱汁很香濃。🤓他們的雲吞應該是自己包，🥳餡料很豐富。鮮蝦雲吞口感彈牙，🦐而且有肉碎的香味。🥬韭菜雲吞，吃起來也很清新，😘雲吞皮夠薄，好好食。

漆黑嘅街道中出現亮眼嘅招牌👀原來係久違嘅車仔麵🍜鋪面係好港式地道小店，店內更係傳統小店嘅感覺，食物價錢超平民😳二餸一麵都只需要20幾蚊‼️😱由於店鋪空間唔算大，所以都係店主姨姨一腳踢😮‍💨希望大家可以多啲嚟叫外賣🥡支持香港小店💪🏾💪🏾不過講到車仔麵😙餸越多先越滿足😆所以我地分別叫左4餸同5餸😋夾埋$100蚊都仲有找🤩🤩超抵食🤤❣️4餸一麵(冬菇 蘿白 牛腩 九菜配幼生麵) $36冬菇蘿白牛腩絕對係必食配搭‼️冬菇夠淋夠入味😋蘿白冇渣仲吸曬腩汁嘅精華🤩牛腩唔會韌又香🤤濃郁嘅腩汁湯底好天然唔會有味精味☺️☺️👍🏼👍🏼食到最後真係連湯都飲埋🤣🤣❣️5餸一麵 (沙爹尤魚 墨魚丸 鮮蝦雲吞 豬紅 豬粉腸配油麵) $47呢個價錢真心超抵👍🏼尤魚夠爽口😙墨魚丸唔會腥🤤鮮蝦雲吞好足料😍其餘都有正常水準😌再加小小辣😋味道更香更吊引🤤🤤