廉記冰室 (環翠商場) (已結業)

哈哈真係自打嘴巴🤣上星期寫左篇食評話食早餐唔想黎廉記因為貴又唔好食(因為之前食過常餐沙嗲牛肉麵認真麻麻埋單都要$4x🤔)所以去左對面食大快活(味道普通但價錢平奶茶認真難飲)今日星期一monday blue好想飲杯正既奶茶😭唔想過威xx咁遠咁環翠商場都冇乜選擇😂只好俾多次機會廉記😂😂😂睇睇餐牌其實早餐價錢都可以接受咁樣一個餐都係$34（以下既相唔知點解轉晒打直😭)炒蛋食落冇加奶 但都算滑係油左少少餐包正正常常但個底有d硬火腿通粉份量夠大食得飽🤣🤣入面夾雜著幾條米粉唔講以為自己食緊兩溝既喇沙😹奶茶呢...中規中矩囉😭咁就一定好過大快活架喇但同’正’都仲有好一段距離囉😂

自從環翠商場翻新有左foodie hub 就多左好多餐廳，有得揀總好過無得揀，今次到訪廉記冰室，店鋪很大，以茶記來說算很花錢在裝潢，可能因為咁，食物都不可太平，食物名都特別改，例如「男人的浪漫」等等.....星期日下午䞟幫襯，食叉燒蛋飯（餸有啲少）、葡汁雞飯（呢個餸幾夠），味道正常，沒什麼特別，可能叫指定午餐份量會大啲

垃圾+貴+員工互罵食物質素極其低劣、價錢偏貴、期間員工互相責罵.....唔怪得星期日12點半仲有大把位⋯⋯上次買外賣菠蘿包幾好食，所以今次先上來食...結果係: 絕對冇下次！

今朝陪老公去左柴灣 係環翠見到間幾光猛既廉記冰室 入左食個早餐先揭一揭個早餐牌 都幾貴架啵一個麵三十幾蚊跟個傳統包一個類似all day breakfast既既 收四十八有幾把炮呀？叫左一個福仔早餐 揀左港人最愛沙爹牛肉 煎蛋做餸 跟餐揀左蛋撻老公就食左個吉列魚柳全餐我個福麵就淋曬 陰公啲餸份量ok 都有成6-7塊牛肉雖然牛肉係醃到淋曬再黎老公個餐 真係比較誇張有條吉列魚 薯餅 茄汁豆 煎雙蛋 餐包男人都食唔曬要提一提 成件事係無服務如果淨係想食飽又唔重視質素既話 可以試下

垃圾！收到單才知被人轉左個餐！仲要同我講「冇雞俾，同你轉左雞扒」？？？ 轉咩唔係要問過我咩？依家係你食還是我食呀？呢個情況真系得呢間極品餐廳才會有！叫左奶茶小冰，張單都寫埋，野飲拿黎，有大半杯都係冰！前台同後廚係冇溝通嘠，叫左轉汁，單都改埋，都可以出錯兩次野食。真系垃圾！

廉記冰室登陸柴灣環翠商場，菠蘿油包最出名，必要試一下，菠蘿油包早餐，菠蘿油包包身暖，有質感，😋，但炒蛋乾身，不熱，凍檸茶檸檬乾乾地，不新鮮，沙爹牛肉米份量很少，除了個包外，其他失望

之前試過下午茶，都知中㑀，但街坊話晚市六十幾蚊有個套餐，都ok, 諗住再試多次！唉……真係想講粗口！！！就咁叫左兩個飯……無叫套餐，'急凍硼砂蝦仔炒蛋，連蛋都慳，水汪汪的炒蛋，勁大pat芡，勁垃圾！一間冰室竟然連炒蛋都整到咁！頹到咁！！！極度令人失望失望失望失望！ 椒鹽豬扒係炸豬扒再灑上炸蒜加辣粉，以炸豬扒來講味道還可以，但份量少，大概一塊豬扒份量。以此價錢，我寧願食對面大快活！無下次！無下次！無下次！

由香港仔過來探親戚，經介紹之下食依家，叫個下午茶餐，想話飲杯凍檸茶少的冰，什麼叫少冰？唔講可能會少啲，講左要少冰，仲來大大杯冰。要求換個杯飲品，點知服務態度寸寸共，仲話比隻杯你攞走的冰，咁我便問改其他熱飲得嗎？仲扮聽唔到唔想換，只想杯檸茶好飲的，唔希望用冰來沖淡左，奕唔係話想飲多的而少的冰，最後焗住要飲，點知飲落去無茶味不得只，糖水仲好難飲；另外西多士的糖醬又係怪怪地，總知就唔好食，下次唔會再幫親。

話說我同老公諗住試下呢間新野，見佢今次冇咩人就去排下隊啦，排左10分鐘左右，有一個接待阿姐走出嚟點人數，再過左5分鐘，個阿姐又出嚟，不過態度極差，我地後面就有兩個男人同阿姐講話有位比佢地入去，跟住個阿姐態度仲差，勁大聲，再過多一陣，點知個阿姐比我地後面兩個男人入先，佢兩個男人，我地又係兩個，點解我地又吾入得呢？係咪吵下就可以入呢？咁點解要排隊呢？

我06:45pm買個外買，07:10pm先攞比我囉‼️等到07:05pm我去問個疑似男經理(頭髮產青扎辮)我個外買有未😩😩佢啲服務態度勁差，非常不滿咁幫我睇個外買有未🤦🏻‍♂️🤦🏻‍♂️最後佢攞個外買比我個時仲想兇我😡😡，眼神十分凌厲咁叫我攞個外買🤬🤬搞到我勁唔想要個外買☹️☹️勁唔開心囉😒😒

客人唔多，見新開業試一試。一入到去冇人執野，坐低左就當透明。入面唔係冇人手只係兩個人係度傾計睇唔到客人有需要。叫人執野真係只係執走上手碗碟就算，張枱有咩都唔理，唔會抹台。冇人理你落唔落單，叫左好耐先有人慢條斯理過黎落單。到野食黎到，個菠蘿油黎到完全唔熱，叫人幫手整番熱佢啫，晒唔晒咁既態度好似係我問題咁話今次唔忙先幫你整熱下次忙唔幫你整。其實你咪由只係放入微波爐叮熱，想問菠蘿油唔熱點整融舊牛油，咁我不如分開食啦。呢度同小姐你補番句：「放心，下次請我都唔黎！」走去隔離快餐會比較好

夜晚來柴灣探朋友原本打算回家食飯但又覺得肚餓朋友話開左間新冰室可以試試於是就一齊去試啦試業都好多人幫襯排左大約5-10分鐘被安排入坐望了望menu我們都選了中式晚餐叫了兩個set dinner有小菜、中湯、白飯、餐飲點知一上小菜就感到中伏貴妃雞：望落正常，但一食就怪怪，朋友話好難吃蘿蔔豬軟骨：hea餸一碟，蘿蔔當然多過豬軟骨，但豬軟骨少到得4小件都算，完全不是軟骨，個味唔好食....個中湯正常有湯渣，ok la最後湯送飯咁食呢餐感覺不值..唯一好的是凍飲不用加錢加上好嘈吵的環境，快快趣食完就走

剛剛試業新開店，環境也算大，舒適。可能打風前一天開業，所以餐廳都忙過不停。而且運作也不太順暢，可能服務員也暫時未能適應。看見餐牌， 款式也算多，價錢也大眾化。我們第一次試食，緊係試啲最簡單野食啦。就點選了晚餐兩份，一份是咖喱牛腩和魚香茄子。這個晚市快餐，都算實惠抵食。包一碗例湯，白飯和冷熱飲品一杯。先來例湯一碗，例湯味道也很清甜，牛腩就堅韌了點，咖喱汁味道也唔錯。魚香茄子煲也都可以。今天又再去食，等打風過後再試下。今天試了一個晚餐，北菇蒸雞，而另一個就是海鮮白汁焗飯。試了兩天，味道不是太濃味，而且不太油膩👍👍👍，而焗飯也很好，焗飯不是太乾身，而且配料非常多，炸魚，炸蝦，炸帶子，還有些微碎配料，（蝦仁，蜆肉，尤魚，帶子粒）非常之適合老人家食。不過有點就有待改善，盛飯有點不夠平均，一時大一時小🤔🤔🤔，如果再加多點一些配套，散叫煲菜，可以用某價錢轉為套餐或叫某些種類美食，可以用特惠價錢享用湯，飯或飲品，應該更為多些選擇，這樣更可以配合這區。總括來說，味道服務態度款式都唔錯👍👍👍

為求新屎坑去試食。排隊安坐入內。不倫餐桌坐位都是非常狹窄。看看餐牌早餐，下午茶價格貴過午餐。 唯有選午餐，碟頭飯只是餘溫上碟(明顯飯餸都是涼伴了)。味道重回70~80代快餐店。。。飯後感不值，柴灣居民之苦。

最近冰室風又再流行起來不止是屋邨商場連一些大型的地標商場也紛紛有不同品牌的冰室進駐今次所到的柴灣廉記冰室與大部份新興冰室一樣燈火通明而且更有出爐麵包售賣可算是一個加分位早餐的食物相當豐富除了一般的牛麵,奄列和飲品更有一個即製波蘿油在凍飲不另收費下$45的價錢也算是合理波蘿油微暖未足以把牛油溶化然而總算是新鮮貨色味道合格有餘反倒是奄列頗有驚喜件頭大，火腿亦足蛋的生熟程度亦剛剛好絕對是水準之作吃第一口沙嗲牛麵時竟然有似曾相識的長沙灣新華的味道可惜沙嗲味後勁不繼入口後只餘咸味牛肉口感不錯，份量亦足反而是公仔麵"淋"了一點煮短一點時間會更好飲品點了凍奶茶茶味不錯整體而言屬水準以上難怪新開張已要排隊入座