廣東名門 (青山公路-潭尾段)

营业中

休息中

假日好去處，一家揸架車游車河到元朗名門，舒服靚環境飲茶放鬆下，點心整體做得不錯，特別係奶皇流沙包，小朋友至爱。腸粉和其它餃的皮夠薄，其它點心味道都不錯，夠熱、煎炸的點心不会太油。好食！服務水平算可以了。有免费泊車！

今日有大陸客到港，從皇岗關囗，5：30就帶他到名門食饭先，這店的裝俢有贵氣，消费亦合理，不会亂来收费！新界区，我會在這店，假日都幾多人的，平日好點，有好多Vip房，客人想食芝士，店员介绍脆皮芝士蝦，在外面很少有，當然叫比客人試下，大家都覺得好食和特别，芝士好香，讓在蝦肉上再焗，好味，蒜蓉蒸新鲜墨魚加勝瓜，绝！勝瓜好好味，蒜蓉香加鲜魷鮮甜，鲍汁柚皮好好味，無想到呢到有得食，無苦澀味，鲍汁再多D更GOOD！加油！無意中見到下月6號正式開張！

母親節快到了，得知三勝開分店在元朗，聽聞還要係豪裝，趁着假期帶老媽子一起過來見識下，有免費泊車，門口開始已經真係好靚，擺設品多及名貴，真係有園林美景之稱！海鮮價錢不貴，好低食亦好新鮮，睇得出決心剎入元朗！價格平過買完海鮮再收加工👍🏻薑蔥蟹炒得很好，出來還熱，有鑊氣！海立魚豉油分開上，魚味特佳。聽聞此店有自家㸃心、炭燒燒味、乳豬、燒鵝，下次聚餐約多D人再來，可以叫多D菜式試下。

得知三勝村分店開左響元朗，又有新鮮雞食，免費泊車，入去試試，環境好靚，豪裝價錢低食，元朗店跟屯門店有點不同，不是收加工費，係自己點菜的，可能是新開，價格比加工還要平！！！講返食物：雞肉質好食，實！豉油味好香又不會太咸，㰖角排骨好食好特別，帶點㰓香甜，海立魚約2斤半，都係$450！！！有魚味，豉油另上！煎墨魚餅彈牙，有墨魚味！甜品燉椰皇，好香椰香，沒有燉過火！好滑，壽包大大隻，內多蓮䆟，熱辣辣！會再來。

週日經朋友介紹下，全家人去到呢間 位於元朗 廣東名門 酒家食晚飯， 果然冇令我失望， 實在環境好優美，無論擺設、裝修看出來，係落咗一番功夫， 講返食物， 本人特別介紹乳豬和荔枝柴叉燒， 乳豬皮脆，叉燒不肥不瘦配合得非常好， 另外海鮮大家一定要試下呢个好似叫芝士蝦， 呢個芝士蝦不同出面海鮮酒家做的一樣， 外邊是炸過的，裏面還留有芝士汁， 口感很好 ，芝士汁又好味值得推介大家， 最後介紹一個甜品，叫椰皇燉奶……呢個真係冇得輸， 聽說好像淨係星期六日先有得賣， 大家一定要試下， 服務都好好 值得畀五個like

假日飲茶又落雨，當然方便在附近廣東名門，在家開車數分钟就到，有免费泊车，所以星期日好多人，老火汤無味精，足料好憹，海鲜亦出名，大小姐叫碟白灼蝦，无影，牛柳粒味道不錯，肉能鬆多少少更佳，煎墨魚餅必食推荐！弾牙，創意點心细宝至愛，可愛又好食，其他點心都做得很好，肠粉皮滑，我們一家常在此店晚飯，服务亦不错的

環境真係好靚，今次入來睇下先，下次先入來試海鮮，今次試下新鮮雞，好食，豉油味香，雞肉好實，有雞雜上，亦很好味，麻辣牛腩就一般，麻香不夠，又不太辣，牛腩有點過火了，焼鵝做得不錯，出來還熱底味不太咸，海哲味很香麻油味及爽口，瀨粉用上湯，好味，有免費停車

新開海鮮專門店！就叫幾條海魚仔凍食！清蒸乜都唔落，加少量冰底加保鮮紙！原汁原味，有魚味！另外點了新鮮走地雞，實肉有雞味，欖角骨好味！檻角香味帶點蜜糖，肉質鬆！鴛鴦炒飯多汁，適合小朋友，特別係茄汁果邊，成人就蛋白海鮮，妙！最後壽挑夠熱，內有超多蓮容，不太甜！

三勝邨分店,過來捧場，地方大好多，裝修用豪華來形容，星期日比較多人，脆皮芝士蝦好食，香濃芝士味在內，食落不會太膩，砵酒蠔亦很野味，沒有過火！煎墨魚餅好好食，濃墨魚味，食落彈牙！正正正！奄仔蟹爆羔！！！羔好香味！！！芝士海鮮伊面亦不錯，芝士焗過香，味道亦很香濃，價錢合理！算低食，有免費泊車！

朋友住附近，介紹元朗有間食海鮮出名平靚正，仲要環境特別優雅，當然要一試，未入到門口，已經見到2棵松樹，行多2步见到1對石馬，入到大廳，好多名貴玉石擺設品！坐位宽敞舒適，講返海鮮，到魚池點菜，見到有幾條海方利，不貴650斤，算平！但我們人多點左條海立鱼，都係550元，低食！蒸得刚好有魚味、唔鞋，南非蚌好似158元1份，算好大碟！肉質嫩滑、無沙，聖子皇38元隻，大大隻，蒸得刚好，唔哽！蒜茸味亦好香，沒有太咸，伴上粉絲一配，燒味用炭燒，夠熱，亦不會太咸，最後介紹一個必食煎墨魚餅，超好食，入口彈牙就知無溝其他野在內，今餐好好食，每人约45O元，下次有機會再來。

有免費泊車，當然入來試點心同叉燒，見到有海哲分蹄忍唔住就點了，唔錯分蹄肉質感剛好、海哲爽帶著麻油香，叉燒入口肉質亦很鬆，帶多點肥更佳，咸水角皮脆、內熱、足料，其他點心亦不錯，椰皇燉奶很香，在這店環境下食野，真的很舒服！

小女牛一，特意開車入來試試，聽說這店有幾個特別菜式，外面很少店有，乳豬是用炭燒，還要係即燒，果然無失望！乳豬皮脆，入口不會太硬，乳豬肉底味濃，不太咸，出來夠熱！另外特意叫2個芝士小女至愛！第一個叫青山灣芝士蝦，又名脆皮芝士蝦，其他店想叫都難，好味👍好香濃芝士，配上鮮蝦肉，正！無得輸！第二味正常海鮮伊面（生日）必叫長壽面！好多芝士汁！合格，可能先食左個濃味脆皮芝士蝦，感覺好像沒什麼味，是我個人比較喜歡濃味，芝士味亦很香，這店環境非常優美，真的可以用園林美境來形容，又免費泊車，下次帶老媽子入來飲茶，聽經理介紹這店還有點心和炭燒叉燒、燒鵝都好正的。

去到鄉村地方 搵靚嘅飲茶地方唔容易 搵到呢呢間無論裝修 食物招呼 都一流嘅酒家 非常難得一定要介紹呢個鮑魚海鮮炒飯 一大碟 148蚊 但係幾乎每一啖都搵到鮑魚粒 仲有佢係用大蝦炒 隻蝦大到要起雙飛挑蝦腸再切粒 仲有其他粒粒海鮮 師傅功架十足 你睇下下一張相 個炒飯碟第一滴油都冇大師傅盡顯功架 鄉村酒樓地方收148蚊 你唔好以為好貴 大家睇番呢間酒樓嘅裝修 根本係中環酒店水準另外一定要提第二樣炸食椒鹽鮮魷魚鬚 正到不得了 香脆爽滑鮮味 完全唔使點任何一個醬 碟底又係非常乾身一啲油都冇雖然呢間酒樓價錢係尖沙咀價錢 但係非常之值得順帶一提大家一定要試下佢杯茶 完全唔係出面五蚊位茶嘅酒樓可以媲美 大家試下鐵觀音 嗰種回甘係幾十蚊兩茶葉嘅質素極度推介十萬個讚

周末日子，偷得浮生半日閒，同老婆嘆茶食點心，享受鄉效悠閒樂趣。廣東名門有代客泊車，環境及裝修在鄉效酒樓來說算是高檔的了。先來一壺鐵觀音，再叫幾味點心。炸鮮蝦春捲春捲皮脆，蝦十分新鮮彈牙，很好味。牛肉腸粉皮造得比較厚，牛肉涵料新鮮，但份量有點少。鮑汁鳳爪鮑汁十分惹味，鳳爪腍滑之餘有彈力，喜歡有骨落地既食客不容錯過。小籠包皮薄涵靚多汁，放涼一點後原粒放入口，將上湯一滴不漏吞噬，滿足感爆燈。蘿蔔清湯牛腩牛坑腩配清湯蘿蔔，經典配搭，本土風味十足。整體環境雖然不錯，食物及點心質素亦優質。唯冷氣不夠凍，怕熱的朋友要選沒那麼熱的日子來比較好。

廣東名門 @ 元朗朋友話約食個便飯再去睇波喎🙂🙂…咁就當然好啦！朋友話黎呢間廣東名門食飯。我就最就得人,最緊要得食…而且仲有專車去…幾遠都跟啦😂😂 廣東名門係元朗錦繡附近…到左時感覺都幾有返左大陸咁。坐低點野食…我地點左叉燒,燒鵝,豉椒炒聖,蒜蓉粉絲蒸扇,老虎班兩,啫啫通菜煲...最尾補多碗上湯米粉😋整體野食都唔錯…老虎班有d“沙皮”唔錯…係個扇貝唔知係咪蒸得過左龍黐哂殼埋單人頭$275...價錢都算合理