開心小敘

营业中

休息中

今日放假同屋企人行咗落元朗雞地唔知食咩嘅時候見到有間好多人排隊嘅餐廳咁就入去試吓見到佢原來有面有飯食 我就諗咗好耐到底食咩好因為佢有豬扒同牛扒都好吸引 我最後叫咗個豬扒雙蛋飯一嚟到去個雙蛋係燶邊蛋好正！啲蛋黃仲要係流心 你可以揀唔同汁我就揀咗豉油汁佢豉油會放喺枱面俾你自己任家 之後我仲加咗杯華田雪山跟餐淨係加$8都幾抵 杯華田雪山喺出邊比較少機會有得飲呢度竟然可以試到！ 我仲見到出邊可以同寵物一齊食，下次要帶返自己隻狗嚟先！

放假瞓醒覺，專登走咗去元朗食心心念念嘅豬扒飯。一嚟到餐廳，已經聞到陣陣香氣，令人食指大動。豬扒煎得金黃香脆，外皮微微焦香，咬落去卻出奇地腍滑，肉汁豐富，完全唔會乾柴。最正係佢哋嘅半熟荷包蛋，蛋黃流心，撈埋飯一齊食，簡直係絕配！再加埋佢哋特製嘅豉油，味道濃郁得嚟唔會太鹹，將成碟飯嘅味道提升到另一個層次。整體嚟講，呢碟豬扒飯真係冇得輸，豬扒嘅火候掌握得恰到好處，荷包蛋同豉油嘅搭配更加係畫龍點睛。雖然價錢唔算平，但絕對物有所值。如果你係豬扒飯嘅粉絲，呢間絕對值得一試！

嚟到客滿個個都係食豬扒煎蛋飯，飲凍檸茶或者奶茶。我今次就試咗雞扒豬扒煎蛋飯！估唔到地飯底好食豉油都好正！加埋佢塊煎豬扒真係超好食，反而雞扒有啲失色，只有一陣香料味。試埋佢個茶走真係冇得輸。不過我呢度咁樣加埋嘢飲都差唔多$80，作為午市有啲貴

好耐冇食過成記，因為成記退步咗好多，呢排最多食嘅豬扒就係開心豬扒，每一次嚟到呢間舖都勁多人我每一次都叫過豬扒蛋飯，今日又嚟到開心小聚又係食必食嘅開心豬扒蛋飯，呢間嘢豬扒算係元朗頭三，佢嘅豉油呢係特別甜嘅襯埋啲蛋黃撈飯味道一流，咁環境就好似普通茶餐廳咁啦，員工嘅服務態度都正正常常啦，豬扒扒講真係比成記薄嘅，但係都係好好食，成記嗰啲比較多鬆肉粉，有興趣嘅朋友可以帶三拼，豬扒餐肉蛋飯都係好好食嘅，呢個係我嘅推介

今次下午茶淨係嗌咗豬扒米線正餐嗌飯會飽啲，不過啲飯都幾多會食晒，細食嘅可以叫少飯豬扒係呢間店嘅招牌，過嚟一定係要叫豬扒，肉身好腍好嫩滑，又夠厚，而且比嘅份量超多，咁樣一碗$41😋不過聽店員同啲食客講今日啲菜已經冇晒，所以豬扒俾得更加多🤣米線都好滑，好食😄

簡簡單單在附近餐廳食個靚早餐~這家小店做開街坊生意，雖然店舖細位置不多但人流都有不少。重點是平民價又抵食，姐姐們都好人👍🏻🍴沙嗲牛肉餐肉米粉 + 凍檸茶沙嗲牛味道剛好，牛肉軟嫩不會有過多的醃製，餐肉大塊又不會太咸而且罕有的有幾條生菜送耶~正常發揮凍檸茶，味挺濃不太苦澀🍴豬扒 配 方包 + 凍奶茶豬扒挺大塊的，肉質還可以蠻腍的啖啖肉不過不失，看著以為會不夠但食著食著已經差不多最後加上方包夠晒飽凍奶茶，茶香濃又滑叫了少甜也不錯

咁啱行開雞地諗唔到食咩兜個圈嘅時候就突然間醒起呢度有間開心豬扒飯所以就衝左入去食啦😁≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣#HK_gfoodie元朗食好西#Hk_gfoodiein元朗≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣開心豬扒飯太陽蛋配豬扒真係最正吉穿隻太陽蛋同豬扒一齊食再喺上面加啲豉油，咁就最好食！-豬扒回鍋肉飯豬扒煎得好趣，入邊都好嫩回鍋肉有啲凍，直接開咗罐罐頭倒落去咁不過好彩啲飯好熱撈埋一齊就ok嘅-嘢飲叫咗凍奶茶同凍檸茶-凍奶茶重奶味🤤茶記奶茶真係世一-凍檸茶凍檸茶落咗好多塊檸檬😋茶底都少澀 真係茶記先會飲到呢啲味道😝≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣開心小敘 (元朗)元朗鳳攸南街3號好順景大廈地下43號舖

又一間元朗朋友仔介紹我食、鑊氣十足嘅茶餐廳豬扒好大塊，估唔到廚師又幾細心會剪開再配2塊豬柳漢堡都好正，煎得好香，又唔會油冧冧，送飯一流！中午時段去食全場滿坐，深受街坊捧場！

🔴元朗除咗天奴之外一樣好出名嘅豬扒飯相信就係開心小敘嘅開心豬扒飯啦🐷🟠今次嗌咗豬扒煎蛋飯同豬扒沙嗲牛肉米粉🫧🟡 豬扒大塊腌得夠味唔會過鹹/冇味🫧又唔會整到佢太淋🫧其實你問我😋我係唔知點講佢有乜咁好食🤔😂但係就係會吸引到你久唔久想行入去食個飯咁囉🤣

一直有聽過「元朗開心豬扒飯」大名，細個住元朗無食過，大左搬返黎終於有機會一試！😜我同男朋友分別叫左個就咁豬扒飯同一個雙併（午餐肉）。叫完先知雙併原來同價錢，都係$47。份豬扒超大塊！大塊得黎又煮得好冧。佢仲預先切好豬扒做幾細份，就無餐具無刀都好容易進食。咁大塊扒可以煮到全塊都咁冧咁入味，難怪可以憑一個豬扒飯就咁出名。另外每枱仲有支鼓油，可以自己任加。不過食食下先知最正宗既「開心豬扒飯」係應該加埋雙蛋，撈埋蛋汁食。今次唔識貨，下次可以再試過！

以前成日去街市熟食中心食頹飯，多肉、煎蛋、夠汁、飽肚缺一不可，元朗呢間開心小敘就係主打雙蛋煎豬扒飯。太陽蛋煎得唔錯，蛋黃流心得嚟蛋白唔會太生，豉油汁甜甜哋唔太咸，煎豬扒連骨，鬆軟香口，亦唔會感覺太多鬆肉粉，最緊要係抵食！⁣⁣Apparently, this small restaurant specializing in fried pork chop rice is a “must-eat” when you visit Yuen Long.⁣

呢間開心小敘係我以前出國前好鍾意既餐廳😍😍😍佢既豬扒飯係必必必食的🤩🤩🤩🤩🤩豬扒好大塊,煎得又唔會令肉好硬!!!另外我鍾意食佢既雞翼🤤🤤🤤🤤🤤好入味,份量好多, 抵食之選😋😋😋可以簡咖哩,沙爹汁/黑椒汁, 我自己就鍾意普通豉油汁, 因為本身豬排都好有味!!!!!!

聽聞係全元朗最好食嘅豬扒飯當然要試吓啦其實我係一個唔食白飯嘅人當喺出面排隊等位嘅時候見到坐喺出邊嘅人食呢個開心煎蛋飯上面有豉油汁，仲有蛋汁我就覺得應該要食飯先係最地道嘅食法叫咗呢個開心豬扒飯仲要係雙太陽蛋自己加豉油汁起初我以為佢嘅時候一定係甜豉油但係原來佢嘅事又係偏淡所以即使個飯好似索咗好多豉油但係都唔會好鹹加埋啲蛋汁撈埋白飯食真係好正到佢嘅主角豬扒其實份量都幾大塊豬扒好淋，而且夠味😍唔錯

聽朋友講話呢間啲豬扒雙蛋飯大碟兼好食,見落嚟元朗就去食,依間舖頭唔算大,做街坊生意為主。同一般茶餐廳款式差唔多,但大部份人都叫豬扒雙蛋飯豬扒大塊,煎得好香,肉質夠嫩太陽蛋煎得黃黃,把蛋汁加埋鼓油汁撈飯超正

今日行完山，喺屋企好肚餓，點知我朋友屋企係冇嘢食囉 ╮(￣▽￣"")╭ 於是乎我哋下午三點幾出咗嚟食下午茶。星期日嘅元朗好塞車亦根本唔會有位泊車。我哋兜左一陣間見到呢間嘢嘅門口有個位，於是乎就諗住快快脆脆攪掂佢。本來諗住坐門口，但點知冇位咁就唯有入去坐。我個朋友話呢間嘢原先係喺雞地嗰邊，好出名好多人排隊，搬咗嚟呢度都好多人。但我諗因為疫情嘅關係，入邊都係得兩三枱客。坐低睇過Menu下午茶餐得幾個選擇，於是乎我就揀咗好似最抵食嘅豬扒厚多士。我個friend都食咗好簡單嗰個午餐肉炒蛋腸仔好多士。我嗰個豬扒質地係幾好嘅，幾鬆軟唔係好硬，但豬扒係偏鹹。份多士嘅麵包幾新鮮。我個friend嗰份就唔使講啦好普通，不值一提。題外話啦，呢度呢星期六日係冇西多士嘅，咁我明啦，但唔知點解我哋個餐要收$36！原價$30(凍飲加一蚊)。我唔明點解會加我$5，雖然佢下面嗰度有寫明T1-T4要加$5(for 全日供應)，但我哋去嘅時候係三點幾，唔應該要加我哋$5囉。呢個我都係啱啱先留意到，算啦冇下次！