影片
营业时间
今日营业
全日休息
星期一
全日休息
星期二至日
07:00 - 17:00
*只提供外卖
以上资料只供参考，请与餐厅确认详情
元朗一向都有唔少高质又平民嘅餐厅，喺鸡地呢区尤其多选择。但偏偏有间茶餐厅成日大排长龙，门口望Menu都唔觉得有咩特别，食物种类甚至比一般茶记仲少，当时都唔明点解咁受欢迎。直到有一日路过，见唔使排队，心思思想试下。见佢招牌主打系猪排，就叫咗个猪排米线试试。一食之下真系有惊喜！猪排非常Juicy，肉质啱啱好，唔会韧，但又唔会过腍，外皮微微煎香，咬落去好香口。加埋杯饮品，埋单都系 $50 内，真系抵食。终于明白点解成日咁多人排队，重点系性价比极高。
继续阅读
今日放假同屋企人行咗落元朗鸡地唔知食咩嘅时候见到有间好多人排队嘅餐厅咁就入去试吓见到佢原来有面有饭食 我就谂咗好耐到底食咩好因为佢有猪扒同牛扒都好吸引 我最后叫咗个猪扒双蛋饭一嚟到去个双蛋系㶶边蛋好正！啲蛋黄仲要系流心 你可以拣唔同汁我就拣咗豉油汁佢豉油会放喺枱面俾你自己任家 之后我仲加咗杯华田雪山跟餐净系加$8都几抵 杯华田雪山喺出边比较少机会有得饮呢度竟然可以试到！ 我仲见到出边可以同宠物一齐食，下次要带返自己只狗嚟先！
继续阅读
放假瞓醒觉，专登走咗去元朗食心心念念嘅猪扒饭。一嚟到餐厅，已经闻到阵阵香气，令人食指大动。猪扒煎得金黄香脆，外皮微微焦香，咬落去却出奇地腍滑，肉汁丰富，完全唔会干柴。最正系佢哋嘅半熟荷包蛋，蛋黄流心，捞埋饭一齐食，简直系绝配！再加埋佢哋特制嘅豉油，味道浓郁得嚟唔会太咸，将成碟饭嘅味道提升到另一个层次。整体嚟讲，呢碟猪扒饭真系冇得输，猪扒嘅火候掌握得恰到好处，荷包蛋同豉油嘅搭配更加系画龙点睛。虽然价钱唔算平，但绝对物有所值。如果你系猪扒饭嘅粉丝，呢间绝对值得一试！
继续阅读
嚟到客满个个都系食猪扒煎蛋饭，饮冻柠茶或者奶茶。我今次就试咗鸡扒猪扒煎蛋饭！估唔到地饭底好食豉油都好正！加埋佢块煎猪扒真系超好食，反而鸡扒有啲失色，只有一阵香料味。试埋佢个茶走真系冇得输。不过我呢度咁样加埋嘢饮都差唔多$80，作为午市有啲贵
继续阅读
好耐冇食过成记，因为成记退步咗好多，呢排最多食嘅猪扒就系开心猪扒，每一次嚟到呢间舖都劲多人我每一次都叫过猪扒蛋饭，今日又嚟到开心小聚又系食必食嘅开心猪扒蛋饭，呢间嘢猪扒算系元朗头三，佢嘅豉油呢系特别甜嘅衬埋啲蛋黄捞饭味道一流，咁环境就好似普通茶餐厅咁啦，员工嘅服务态度都正正常常啦，猪扒扒讲真系比成记薄嘅，但系都系好好食，成记𠮶啲比较多松肉粉，有兴趣嘅朋友可以带三拼，猪扒餐肉蛋饭都系好好食嘅，呢个系我嘅推介
继续阅读
您可能会有兴趣的...