影片
以上资料只供参考，请与餐厅确认详情
招牌菜
次次去明日世界食飯都係去火箭餐廳，最近先知原來仲有一間彗星餐廳。佢開嘅位置比較入，又冇火箭餐廳一支大火箭做招牌，餐廳亦比較細，人亦少啲。離遠睇我會以為佢係小食站😅餐廳係賣亞洲菜。有分兩條隊攞餐。一邊飯類、一邊麵類。攞好哂再一次過排收銀俾錢。今次就去咗飯類。飯類唔計兒童餐得三個選擇。今次就叫咗焗植物肉燥珍珠飯套餐同日式咖喱豬扒飯套餐。焗植物肉燥珍珠飯味道唔錯，有唔少芝士，加埋素肉醬配珍珠米好唔錯。可惜本是米奇頭形狀嘅黃色芝士片焗溶後已變樣，唔講唔知佢曾經係米奇。日式咖喱豬扒飯朋友食過話就係一般日式咖喱豬扒飯嘅味道。彗星餐廳嘅環境就好一般，冇咩特別設計，就好似一般快餐店咁。而佢亦都冇室內座位。只有半露天室外用餐區。秋涼都還好，夏天就真係……衛生就都一般，職員收拾打掃唔算太勤。地下亦有少許垃圾。我有迪士尼金卡，生日有一次指定餐廳(皇室宴會廳、笑匠歡宴坊、火箭餐廳、彗星餐廳、碧林餐廳)主食套餐買一送一優惠。呢兩個餐正價都係$135，所以今次用埋生日優惠就等於半價，人均$67.5，真係超抵。就算冇生日優惠，正價$135一個飯連飲品喺迪士尼嚟講都好似已係最平？佢飯嘅份量唔少，食完真係會好飽，味道都算唔錯，唔嫌環境唔夠靚嘅話，迪士尼嚟講佢性價比都算好唔錯。
继续阅读
又係迪士尼用餐了。這一次，我們就決定去試下場內的其他餐廳。那天，又是晚餐。一行六人的我們，有些想吃漢堡，也有些想試試新的。那就問問《彗星餐廳》可不可以外賣。然而，店員說，可以買了拿過去 "火箭餐廳" 那邊食。咦! 咁既安排幾好播。咁大家就可以一齊坐低食兩間唔同餐廳既野。而這《彗星餐廳》的出品，是日式飯麵的快餐。今時今日，在迪士尼樂園內的每一家餐廳，都有素食的選擇。而《彗星餐廳》的素食餐就是焗植物肉燥珍珠飯。這是一個快餐店式的焗飯，勝就勝在是有植物肉，吃起來有香味，也有夠濃郁的蕃茄味，但飯底只有珍珠米飯，而且幾硬下，若沒有沾汁吃，本身亦無味道，有點點的失敗。仔仔試的，是珍寶蟹棒，海鮮蕃茄龍蝦湯讚岐烏冬。感覺上，這《彗星餐廳》的麵食是比較對板的。湯烏冬做到好似日式拉麵咁，以濃濃的蕃茄湯底及海鮮本身的味道，把整個烏冬麵的味道大大提升。如果烏冬麵條可以正宗一點的話，一定會更好食。我試的，是浦燒鰻魚滑蛋珍珠飯。同焗飯一樣，珍珠飯比較硬。令我相信，有機會係當日當次的飯出左事。鰻魚味道好，但係個汁就咸左少少，而且落得也太多了，令到成個飯好甜，好甜。而麵豉湯就太淡口了。一般般啦，又未去到唔好食既。不過，花同樣既價錢，食美式主題公園既套餐。好似真係西餐會比較好。園內其他餐廳，慢慢再試。
继续阅读
📍彗星餐廳最近好多人都話Disneyland變咗Duffyland，嗰「七寶」宜家非常受歡迎，趁假期梗係要入去見識下la😬順便去試埋彗星餐廳，呢間唔係成日都開，所以淨係食過一次，仲要已經係n年前嘅事😅🐟饅魚滑蛋珍珠飯配麵豉湯 $140喺網上睇到好多人都話呢樣唔錯✨條饅魚比想像中仲大😍肉質唔乾，尚算嫩滑，𣎴過魚骨比較多，有大有細，所以吞嘅時候要小心d😌醬汁甜度啱啱好，亦唔會太鹹，撈埋落飯一齊食超級開胃～另外跟餐仲有一碗麵豉湯，可以解去口中嘅油膩感，夠晒解渴呀💗🦞珍寳蟹棒·海鮮蕃茄龍蝦湯讚岐烏冬 $140呢樣係signature dish之一✨未食就已經聞到好香嘅龍蝦味，而且望落都好足料🤤配料方面有蝦x2🦐扇貝x2🐚湯底啖啖散發龍蝦香味，但冇想像中咁濃🥲另外，湯底亦有蕃茄蓉，所以飲落酸酸甜甜，同樣開胃😋而烏冬嘅質感順滑彈牙，唔會浸到淋晒，每條都掛到滿滿嘅湯汁，讚岐烏冬果然係冇得輸💓✨總括嚟講，味道ok、份量夠多，比起「皇室宴會廳」嗰d雜扒餐抵食好多，而且又冇「火箭餐廳」咁多人，呢度都係個唔錯嘅選擇🫶🏻⚠️套餐已包16安士汽水，+$5可升級至20安士，咁先夠飲😚⚠️有奇妙處處通卡可根據會員級別(銀/金/白金)分別享有87/82/75折優惠㗎✌🏻評分(最多5粒⭐️，✨為0.5）❣️味道：⭐️⭐️⭐️✨❣️環境：⭐️⭐️⭐️❣️服務：⭐️⭐️⭐️✨❣️賣相：⭐️⭐️⭐️✨❣️CP值：⭐️⭐️⭐️⭐️📍大嶼山香港迪士尼樂園明日世界區🩷❤️🧡💛💚🩵💙💜🩷❤️🧡💛💚🩵💙
继续阅读
迪士尼的日式料理🌸鰻魚滑蛋珍珠飯配麵豉湯 $140⭐️⭐️⭐️⭐️ ☆鰻魚嫩滑，夠入味。滑蛋算滑，不會太老。珍珠飯偏硬，鰻魚汁不算太鹹，甜度適中跟餐的麵豉湯鹹度適中，內有螺旋藻及豆腐粒🌸芝麻雞翼 $58 (跟餐加配$48)⭐️⭐️⭐️☆☆夠脆，入味，不算太油膩但墊底的紫菜靭都咬不開=======詳情=======彗星餐廳地址：香港迪士尼明日世界內=================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #香港好去處 #香港美食 #美食 #迪士尼 #香港迪士尼樂園 #彗星餐廳 #迪士尼美食 #雞翼 #雞翼控 #鰻魚 #鰻魚飯 #日式
继续阅读
當日係星期一七點左右，本身諗住去食火箭餐廳（炸雞薯條），奈何火箭餐廳大排長龍，唯有去火箭餐廳對面嘅彗星餐廳食飯😩 7:10去到都頗多人，要排大概10分鐘，而且餐廳唔係好多位，如果遲少少去都幾難搵位🥲-炸豬扒肉燥珍珠飯套餐🤯有兩大塊炸豬扒，但豬扒偏薄，有少少乾，食落去成浸生粉味，而且冇乜調味🤮 個肉燥多汁但得好少肉碎，有少少失望-喺迪士尼食嘢鬼係理所當然，但食物質素真係有待改善，下次都係穩穩陣陣去火箭餐廳食炸雞算🥱🥱
继续阅读