彤 (已搬遷) 新店位置

老公出糧天， 帶我到高級餐廳品嘗日本菜，原來銀座38 樓上有間性價比甚高的日本餐廳！這日我們點了分別：平目魚薄切 $460空運到港的刺身類果然有水準，我平時好少遇到好味的平目魚刺身，今次有使我喜出望外的感覺，真心好味又新鮮，薄切下食多數塊都唔覺！極上吉列豬扒 $320油脂留香，肉質鮮嫩，老公特別讚不絕口！佢話係佢食過最好味的吉列豬扒呢！如此高質素價錢都合理的高級餐廳，下次一定再到幫襯！期望疫情快過可和一班朋友一齊食呢！

我好耐冇番「家鄉」日本，但在香港我終於可第一次品嘗使我好像在日本時的Omakase! 說真香港開日式Omakase餐廳越來越多，但呢間真正比到我有日本時的感覺！餐廳食材由日本🇯🇵直送到港，而且裝潢餐廳環境充滿日式簡約風！餐廳在十多樓，望出去可以見到尖沙咀美景，寫意得很！銀雪魚西京燒 魚肉十分鮮甜，美味可口！刺身拼盤 有齊北海道馬糞海膽、拖羅、北海道鮮帶子魷魚、金木錭等等矜貴食材，吸引度極高！雜錦天婦羅 完全沒有油膩感，炸到外脆內軟，仍能保持鮮味！

昨天是我的最愛媽咪生日，我媽咪一向新潮，普通酒樓野食當然滿足唔到她，由於她好鍾意日本菜， 我經朋友介紹下知道尖沙咀開咗間高質素日本餐廳，所以帶她慶生日🎂 我們都覺得裝潢非常之有日本特色， 店員又親善有禮，環境都算寛濶， 從窗外欣賞一下尖沙咀美景都不錯！我們午餐時段簡單叫了極上吉列豬扒 同 壽司拼盤，非常之有驚喜， 吉列豬扒呢炸到剛剛好，外脆內軟，依然保存到肉汁鮮嫩，非常滋味！ 壽司拼盤方面，壽司我特別喜愛黑牡丹蝦 ，用牡丹蝦嘅蝦膏，再溝黑松露和少少豉油，牡丹蝦十分新鮮彈牙，好想食多碟啊！

近來疫情第五波，大家心情都好緊張，我自己都係，都留家好耐，男朋友知我心情悶悶不樂的，所以帶我到一間日本新餐廳放鬆一下心情，好感動啊！佢一向知道我喜歡日本菜的，這間日本餐廳開張不久，位置係尖沙咀好方便，而且下午茶時段更有優惠，所以到幫襯一下，我們都很有驚喜，這是高質的「壽司廚師發辦 (壽司十件) 」！套餐價只需$499 可以品嘗到十件不同壽司🍣 ！我特別真心鍾意其中的新鮮帶子 ，肥美可口！鮮蝦壽司同樣吸引，一口咬下鮮甜不得了！還有蟹柳壽司、各種魚刺身都水準好好！這個價錢可以享受廚師發辦，以解未能到日本的心癮,性價比好高啊！彤地址: 尖沙咀山林道38號銀座38 18樓