彩悅餐廳

营业中

休息中

燒味飯唔熱，有人直接拎碟飯俾個燒味師傅換碟熱飯，燒味 正常。溫度：溫 （唔熱），濕度：濕到有汁（忟米咁濕），份量：叉燒 5 粒，蛋 2 塊，葱 1 塊，火腿少量，青椒 1 片，米粉 4 碗仔，上枱速度：落單後 50 秒

餐廳門外右上角偌大隻字標明學生例餐38元, 凡穿校服中學生獲此優惠, 今天帶著要回校補課的女兒到餐廳午膳, 餐廳員工卻說並沒有此優惠, 如果是暑假時間原因, 那就在外標明, 甚至把那張貼撕掉就是, 何必誤導客人！

最近係藍田番工，都差唔多食晒附近啲餐廳，呢間餐廳食物質素好好，坐位好舒服，有好多卡位，價錢都好實惠。一個禮拜都至少食3餐！慣性黎到會叫五香肉丁或者沙嗲牛肉米線，最好食唔係碗麵，而係個餐包！好多餐廳都跟會配多士，但呢間會配餐包真係好特別，個餐包重要係熱辣辣，配埋牛油真係夠晒邪惡！但我真係好中意，重要咁多野食都係40蚊炸食物質素真係唔差，佢每日都會有唔同既平價午餐，質素都好好，每日都有既四寶飯同事食完大讚高質！如果下次好肚餓會試一次

今日經過德田商場 諗住搵間有冷氣嘅餐廳食野 就見到商場地下有間彩悦入去試下 冷氣久坐位闊落 而家疫情其間 同其他餐廳一樣都會先探熱後入座下午茶嘅選擇都好多 有湯分類 炒嘢 同埋燒味類 黑椒牛柳絲炒烏冬 $43粗粒嘅黑椒炒埋洋蔥牛柳烏冬 都幾好味 烏東有口感 每條烏東都沾滿黑椒醬汁 不知不覺就食哂 下午餐份量哩講都算多 珍菌乾燒伊麵 $46去飲就食得多 有冬菇絲草菇絲等等同埋韭黃炒埋一碟 朋友係食素嘅就啱曬仲要係冇蔥 啱曬佢口味坐得舒服就冷氣 嘢食好味 又抵食 茶記嚟講算唔錯

因為住附近所以成日幫襯呢間茶餐廳，每次嚟都係叫常餐🤣食慣左雪菜肉絲通粉或者米線，配火腿奄列同埋餐包，仲有杯嘢飲～今日叫左杯特飲，咸檸檬菜蜜都唔錯👍🏻屋企人叫左碟小菜，欖角炒四季豆，不過比較咸🙈

休閒下午茶去藍田探朋友 帶我去附近食d野呢度嘅下午茶系列選擇都好多黑椒牛柳絲炒烏冬 $43好香黑椒味菜牛柳絲 都好多口感好好唔會太淋乾炒豬扒烏冬$46豬扒大大件 兩份炒烏冬都好出色 食落去唔會好油 黑椒味比較突出杯奶茶都唔錯

好耐冇食過呢間餐廳，一食就知呢度d人幾冇禮貌，服務態度超差，下次唔會再來。一來到已經見到有個侍應對其他客人好冇禮貌，個位客人問點解外賣要加$4，侍應就話：「外賣緊係要加錢架啦！你唔知架咩！」之後，輪到我叫野食，係我身後既兩位阿姐隻耳完全聽唔到人講野，叫左幾次都完全唔回應，只顧在電腦前打字，後來好不容易拎找到個經理，經理又叫另一個侍應，個侍應「哦！」一聲應完就走左，完全冇人幫我落單，真係嬲到想即刻起身走。

難得放假同屋企人去飲下午茶，諗住去食下唔同酒樓，呢間真係史無前例咁差，食煲仔飯食到有粒石仔！仲要炒粉乾到食唔落，d野食真係好差！真係唔知點解仲有人會去食！以後都唔會再去呢間野！

侍應不知所謂，見到人當見唔到，完全冇人諗住搵位比客。侍應個個圍埋一齊傾計，對客禮貌極差，唔係做生意。野食方面都只係好一般，兩樣野加埋，完全冇理由要自己黎呢到食野受苦。德田有更多好既選擇👍🏻

鮑汁雞粒炆飯在上世紀90年代末期至2000年代初, 在酒樓曾經是常見的! 而自己亦是幾喜歡食鮑汁雞粒炆飯!!不過近年已甚少在酒樓見到它的足跡！ 而記憶中食過最好味的鮑汁雞粒炆飯是在彩晶軒食的! 不過現時彩晶軒飲茶而見不到它的足跡！今天在這近似茶餐廳級的食店重遇鮑汁雞粒炆飯!! 其實這食店在同一商場的三樓亦有經營酒樓!! 說實在, 它的鮑汁雞粒炆飯蚊得過火了一點, 這使飯身比乾身!! 若然炆的火喉好, 鮑汁在飯身仍未乾, 味道會更濃更好食!! Anyway, 佢都蚊得算合格, 最重要的是只收58元, 十分抵食!! 十幾年前在彩晶軒叫一個鮑汁雞粒炆飯要108元!!!至於其實餸菜, 雖然沒有太大驚喜, 但水準合格,而且份量十分!5個不用300元就食過飽飽了！抵

呢間野真係不知所謂食既野還好企收銀外賣落單個阿嬸黑口黑面唔緊要 態度唔好我都唔理你落單10次8次都落錯落少冇心做求求其不如咪返工去拎綜援啦成個德田咁多選擇再幫襯真係把能樓上咁大間酒樓 樓下咁大間餐廳樹大必有枯枝 我係老闆咁樣比人倒米我炒左佢九年

昨天起床,諗住落街食個午餐去到彩x餐廳。一埋位沒人理會都不再講。點了個午餐價值45蚊燒味雙拚飯-油雞分啼飯油雞只有4小件雞翼尖菜心只有半條菜心頭退返去換,燒味佬還要有說話聽: 小又嫌小。食到一肚氣,想唔到開係屋村既餐廳都咁搵笨實。沒有下次,大家也不要幫親

中午食個價值45蚊既燒味雙拚飯,油雞分啼飯。。。油雞只有4小件雞翼尖。。退返去換,燒味佬還要大大聲說: 小又嫌小。菜心只有菜心頭1舊。。沒有下次。。大家都唔好幫親

昨天我到那裏吃午餐，不用等便能坐下。 我們叫了一個雙丸米丶一個雞扒湯烏冬和一個豬扒湯河，雙丸米味道ok，米粉分量比一般大;雞扒烏冬的雞扒味道還可以，伹烏冬又酸又硬，非常難吃，而且—點配菜也沒有=_=;豬扒湯河味道尚可。

今天晚上，我和男友去這間餐廳吃晚餐，晚上7點幾，餐廳完全不用等位便能入座，我們坐了4人卡位。環境方便，餐廳乾淨企理，4人卡位完全不需搭枱，環境十分舒適。我們叫了西芹炒雞柳，什菌炒豬頸肉和菠蘿咕嚕肉。小菜套餐送例湯，另外我叫了凍檸茶。味道方面，西芹炒雞柳完全淡而無味！雞柳好像完全沒有落調味料！雞柳有雪藏味，十分難吃！而且什菌都淡而無味！什菌炒豬頸肉方面，豬頸肉不像泰式的豬頸肉，它有點像肉片，而且份量很小，反而翠玉瓜有很多，豬頸肉口感不錯，不過有點肥。菠蘿咕嚕肉方面，3個小菜中最美味的便是這個，咕嚕肉酸酸甜甜味道不錯，不過咕嚕肉內有些肥膏，有點難咬。例湯方面，例湯有點油，但至少不是味精湯，例湯幾好喝。凍檸茶方面，凍檸茶果然少冰，而且不會酸，味道錯。價錢方面，小菜有套餐，$118叫2人套餐，包2個小菜+2個例湯+2個白飯，飲品半價。西芹炒雞柳和什菌豬頸肉是套餐，另外菠蘿咕嚕肉$52，凍檸茶$7，2人總共吃了$177，價錢中等。總結來說，這間餐廳環境乾淨，但小菜味道一般，而且不便宜，飲品味道不錯。