24
2
4
| 餐厅: | 彩薈軒 (iSQUARE國際廣場) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
附加资料
港鐵尖沙咀站H出口
营业时间
今日营业
11:30 - 16:00
18:00 - 23:00
星期一至日
11:30 - 16:00
18:00 - 23:00
以上资料只供参考，请与餐厅确认详情
下午見客，見仲有大把時間，嘆一中盅兩件時間就啱啱好彩薈軒出名好坐，地方寬躺，連帶超大落地玻璃，十分開揚，枱和枱之間有一定距離，唔會搞到好似搭枱咁。我們是衝著 $1 籠蝦餃而來 只要用手機點餐就可以$1 食到特點「彩福蝦餃王 」一籠四粒，蝦餃皮略帶煙韌包着爽口彈牙蝦仁，確系新鮮好味。還有得奬點心像真度十足的黑天鵝🦢 一口咬下原來是炸芋角，網狀形炸皮十分酥脆，包著芋頭粒和豬肉粒，略帶鹹蛋黃鹹香，吃落也不會一口都係油。元粒瑤柱魚翅湯餃$57瑤柱原粒上，魚翅也不少，絕對真材實料，對得住這個價錢，湯餃皮很滑，湯底也鮮甜好味，值得一試。鮮薑汁雞包仔$33依家有得食雞包仔嘅酒樓唔多，所以見到一定會點。拎上手熱辣辣，外皮相當軟熟，吃得出薑汁味道，餡料有蝦、鷄肉，馅可以多啲就更好。牛肉腸粉$38腸粉皮夠曬滑，但系厚左啲，牛肉比例較少 ，小小失望。我就留返quota比甜品原個椰皇燉燕窩$57 一人獨享，一開蓋已經被燕窩絲吸引著，燉奶相當嫩滑，一呷已經直入嘴巴內，微甜嘅燉蛋以燕窩襯托，一個人食晒都唔會覺得溜，夠哂滋潤。
继续阅读
因為朋友係會員嘅緣故有食滿300減$100嘅優惠才來。見佢哋點環境好似唔錯，所以嚟光顧啦。我們當天11:30到，冇人等位，裏面都都唔多客.而門口待應便講只有90分鐘用餐. 當時都有少少打退堂鼓，因為飲茶係想傾吓偈嘆吓點心.如果得90分鐘真係好趕.拎咗飛之後發現窗口有位望海景,正常反應想坐。個侍應話你們已經有位啦。我們問個侍應俾唔俾我哋轉枱，佢話留咗位,我哋無奈照坐原位.大約坐咗5分鐘左右見到有枱賣單，所以我哋再要求換枱.個經理都接受所以在呢段時間我哋就用咗大約10-15分鐘時間去等執枱洗杯揀點心。點心一到我哋已經開始儘趕去食啦。首先講點心係唔掂，有一個點心叫魚肚鮮竹卷裏面個餡唔知入邊包啲乜嘢，𡁻不開，直程係難食到想嘔.因為要湊夠$300才有呢個優惠，所以我哋又再嗌多幾個點心。當食緊途中個女部長很不禮貌語氣：走嚟話：你哋夠鐘啦要埋單！我同個部長講可唔可以再加個甜品？佢登大隻眼同我講：你哋已經夠晒鐘冇得嗌！嘩，我俾錢仲要受罪？比生意你地仲甘惡？（一種好唔尊重客人兼責備客人個態度，完全唔休做）！當時佢已經唔理我啦，直接攞張單去要我哋俾錢，但個枱面第二輪點心都係食緊㗎！我哋就戇居居咁係咁搏命吞落肚，跟住佢都收埋晒我們啲筷子。我心好不服為何飲餐茶要咁受罪所以同我個女人理論。我話我搬枱等埋點心都用咗25分鐘之後再叫第二輪，90分鐘你覺得我坐幾耐啊？之後佢就話你慢慢坐啦，冇問題㗎照坐啦，我話我唔會嚟㗎啦，冇下次！咁嘅態度唔使再幫襯㗎啦！之後同經理反應，我同佢講為何你同事態度咁差。我話由搬枱直至點心到都用咗唔少時間，所以我只係想俾多少少時間食埋點心，而非惡死騰騰咁叫我哋即刻埋單掛！呢個男仔經理係極品😠，佢話搬枱係你嘅事唔關我哋事！我話你同事態度唔得，又點計？佢冇出聲！咁樣同個客講嘢，唔怪得成間酒樓啲侍應唔理客啦！因為有咁嘅上司！總結：點心唔得👎服務態度惡劣。氹你入會扮俾$100一張coupon。但條件係要有$300才可以減$100.即係你每個月都要用$300以上去養呢班人仲有機會要自己受氣！我都同朋友講，唔好心軟再買呢啲優惠啦！在此提醒大家，不要被佢氹！不值得光顧呢間酒樓！在尖沙咀仲有好多選擇！
继续阅读
外國親戚番黎香港最鐘意就係飲茶☕️ 週末擇咗尖沙咀isquare商場 25樓彩薈軒，係屬於彩褔集團。雖然安排坐到窗邊但今日天色好差，白濛濛一片， 就連對面灣仔會展中心都白到近乎睇唔到 🥲 浪費晒個維港海景🥲 Qr code落單 🕒 上菜速度都快，用餐時間限 90分鐘，全程冇催過我哋，可以慢慢坐慢慢食食！點心賣相同味道都好好，大家都好滿意，另外仲叫咗一個套餐好抵食（唔記得影相），有齊菜×炒飯×燒腩仔×豆腐煲，個炒飯真心好食，個個都讚👍
继续阅读
提前预定了i square楼上这家餐馆早茶，说实话环境确实不错，窗口位可以观海景，东西味道也还不错，但是…服务和卫生让我们大失所望……！首先说说服务，我们9:45到，餐厅前台告知10点才能入，我们有个推着轮椅90几岁的老人家，本想着会适当照顾，对不起，没有！然后结账半天没人来，我自己走去账台买单，服务员很不耐烦的说，你们坐回去（此时其他人已经离开），态度之差令我费解，买单叫不到人，我们就必须坐着干等浪费时间，然后等你来吗？岂有此理！其次说说卫生，筷子那些摸上去黏糊糊的，有2个人的餐盘上粘着没洗干净的东西。叫服务员换，也没见服务员有任何抱歉的言语，好像很正常似的！总之，再好的环境没有好的服务有什么用！不会再去…
继续阅读
十一人一起來這兒吃晚飯，結果一肚氣。首先，叫了十一個餸，結果只落得8個餸！最奇怪係佢只同你講沒有片皮鴨，張單應該還有10樣，再仔細看了一會兒，原來發現少了一個特價的雞和一個菜。跟著想加回半隻鵝，結果又話賣晒…當時只是晚上七時十分，一間這麼大的酒樓…我向侍應說…雞鴨鵝也沒有…她便說，還有雞（沒有特價的一款），最後也無奈地點了雞，另外，叫了四個白飯，侍應又唔知點解只落了3個，這樣的服務質素，連合格也說不上！
继续阅读
您可能会有兴趣的...