影片
港铁香港大学站 B1 出口, 步行约2分钟
继续阅读
营业时间
今日营业
12:00 - 15:00
18:00 - 20:30
星期一至六
12:00 - 15:00
18:00 - 20:30
星期日
全日休息
以上资料只供参考，请与餐厅确认详情
啱啱入HKU Year 1嘅時候已經有friend帶我去食嗰時得一間「彩aya」沾麵店，特別在麵底有限定味道🍜例如胡椒、柚子等事隔四年，發現佢開埋湯拉麵店專賣四款拉麵，主打雞白湯底▶️ 雞白湯慢煮雞胸、豚叉燒+溏心蛋拉麵 ($90)泡系雞白湯底奶白色，味道濃郁又creamy🤤唔會過鹹，飲多幾啖都得豚叉燒超薄身，肥瘦交集🐷味道正常有驚喜係慢煮雞胸❗️四厚片粉嫩雞胸入口軟腍，做到啱啱熟食過咁多唔同雞胸，呢個可以話係世一拉麵全自家製，可選小麥或柚子味鍾意食硬麵嘅我揀咗Al dente見到一粒粒小麥粒，口感上就冇特別不過本身麵質幼身得來夠煙韌有咬口👍🏻索湯耐都唔會淋，好好食～面頭有炸牛蒡，記得要即刻食先會脆口原隻溏心蛋一篤就爆漿🥚蛋黃晶瑩剔透超入味，完美～另外仲有紫菜同海帶作配襯▶️ W雙頭湯 (雞白湯+櫻花蝦、鰹魚)瀨戶內海廣島蠔+新鮮蜆+豚叉燒+溏心蛋 ($95)湯底金黃色，混入兩款湯頭，味道較複雜而有層次冇雞白湯creamy但帶鮮甜味瀨戶內海廣島蠔同蜆肉極新鮮，明顯唔係雪藏貨🦪揀咗柚子麵，真係黃色架！味道上唔太食得出，幸好碗邊提供柚子味Wasabi搭配埋咁食就好重柚子清新酸甜味🍋仲會有啲辛辣，相當特別-由湯底、拉麵至配料都超用心製作，全自家製💯作為食客深深感受到背後落嘅功夫可以同喺日本食嘅雞白湯拉麵媲美，甚至更好食大推慢煮雞胸同溏心蛋！環境比較扣分🥲大多為四至六人枱，預咗同人搭枱店舖由兩人運行，一個煮、一個落單上菜收銀，所以等候時間偏耐趕時間未必適合，不過慢工出細貨，我覺得值得等🫶🏻性價比唔錯，中環食碗連鎖店雞白湯拉麵要$120，呢度唔使$100 (無加一)完全係HKU學生福利😌作為本土HKU人一定要畢業前食過「彩」拉麵～
继续阅读
想試呢間好耐㗎喇，今晚終於有機會過黎試下，好在早左過黎，7pm前過黎都似乎唔洗排隊等位朋友未到，店員好親切提示話不如等你朋友到左先幫你地整，拉麵凍左無咁好食㗎（真係好貼心呀！）我地叫左：1）雙湯頭（雞白湯、櫻花蝦、鰹魚湯底）配瀨戶內海廣島蠔+新鮮蜆肉+豚叉燒+溏心蛋拉麵 $95揀左麵條韌度為適中，因為第一次黎試，想試個正常硬度。湯頭好濃厚，「結」身，證明足料足火候，飲落非常鮮甜，有肉鮮味同魚鮮味，粒蠔漲卜卜、新鮮！豚叉燒係薄切，非常好，因為咁樣食唔膩口！雞肉塊大小厚薄適中，肉質唔會「鞋」，整體非常好！呢碗雖然係餐牌中最貴，但性價比超級高！因為有海鮮、又係雙湯頭，第一次黎揀佢一定掂！2）雞白湯慢煮雞胸、豚叉燒、溏心蛋 （轉左柚子麵） $90呢個麵底係柚子麵更好食，清新！加入新鮮柚皮，麵條充滿柚子香👍🏽👍🏽👍🏽呢款拉麵還加有柚子胡椒芥末，同拉麵一齊食，唔太辣，可減拉麵膩感，讚！兩碗都上面加左新鮮炸牛蒡，店員建議唔好浸湯食，咁樣就雙重口感！無加一服務費，好似日本咁提供冰水，有冰水吧自助斟，店員親切有禮，拉麵係老闆娘親自主理，咁QC應該好好多😆😆😆
继续阅读
而家喺香港食碗拉麵越嚟越貴🥴但喺未有得去日本嘅時候 間唔中都會口痕想食下🤣呢間拉麵最平嘅$70 最貴都唔過百 喺香港嚟講算系中等價錢啦但最緊要都系佢好冇食🤣佢哋都幾特別 唔單止系軟硬度 仲可以揀麵底分別有小麥同柚子 我哋兩款都試晒🤪店家話佢哋嘅麵條系由自家日本師傅製作😚感覺好有心思 而家好多拉麵舖都唔會咁做連日本過江龍都冇乜邊間有做而佢哋有呢樣抵讚🤭👍🏿軟硬度就揀咗硬麵 因為史努比影得相嚟差唔多架啦😂👍🏿特濃雞白湯雞豚叉燒拉麵 $90呢碗系柚子麵 碗邊加配少少柚子胡椒店家話食食下可以加少少食 但唔好撈湯~柚子麵就咁食真系食到啲柚子嘅清香😙亦都帶啲柚皮嘅味道 幾得意🤭軟硬度好啱史努比口味 有咬口麵條唔算好粗 但未至於幼 掛湯能力屬中等配搭濃郁而唔油膩嘅雞白湯底味道唔會過鹹😚但如果用幼身麵條應該更掛湯更濃稠🤪食到咁上下加少少柚子胡椒刺激下味蕾 柚子味系有嘅 不過史努比唔系咁鍾意😂配料非常豐富 叉燒軟淋有肉味 唔會好肥膩 系瘦叉燒嚟~😆最impress到史努比嘅系佢哋嘅慢煮雞胸!滑到好似雞髀咁😳但冇雞髀咁油 有雞味之如仲要有啲爽口添 食落完全唔覺greasy🥰連平時唔鍾意食雞胸嘅媽媽👩🏻都話佢好好食!仲有就系拉麵不可或缺嘅溏心蛋流心程度系史努比鍾意嘅😆用嘅蛋都幾靚 睇蛋黃顏色都見到🤭食落有蛋香 蛋白部分有淡淡嘅酒甜味~紫菜有啲細塊😂特別在於佢刻咗舖頭名味道: 8.5/10 (媽媽👩🏻比9分🤪)性價比: 8/10👍🏿W雙湯頭瀨戶內海廣島蠔+豚叉燒 $95呢款湯底店家話系新出嘅 混合海鮮同雞白湯湯底比啱先嗰款更濃郁 雞混合櫻花蝦及鰹魚出嚟嘅效果幾特別 雖然唔去到好鮮甜 但都有啲甜味 似海鮮嗰種 除咗鰹魚味之外仲有啲蠔嘅甜味🤪估計有mix少少廣島蠔落去個湯度🤭見有人話佢腥 但史努比又唔覺喎🤔媽媽👩🏻都好鍾意 佢最後清晒啲湯😂麵條就揀咗小麥麵 有麥香但唔會太搶由於佢湯底濃味啲 所以呢個麵粗幼度嘅掛湯能力配合湯頭嘅濃稠度就啱啱好啦~啖啖都充滿湯底嘅精華🤭On top有啲炸牛蒡絲(兩碗都有)店家提到話唔好浸落個湯度食落薄而香脆 唔會話好淋油👍🏿呢款麵除咗有塊叉燒之外 仲有幾隻蜆同兩隻廣島蠔如果你都好似史努比咁系蠔嘅忠實fans你一定要試下!店家話佢用咗最靚嘅牛奶蠔雖然望落size唔系話好大 但都唔系細🤣食落果然冇令史努比失望非常creamy 仲好夠肥美🤤抵讚😚蜆肉亦都好鮮甜~味道: 8.5/10性價比: 8/10*不設加一服務費*Overall史努比同媽媽👩🏻都好滿意🥰兩碗麵都好夠熱出晒煙 冬天食完會好暖身好正但而家夏天😂小店冷氣唔系好夠 媽媽👩🏻食到出晒汗😅史努比怕凍唔怕熱 一滴汗都冇就話冇所謂啫🤣但對怕熱嘅人可能有啲唔系咁friendly)Btw小店嘅design好特別😂日本拉麵但裝修系中式嘅feel史努比就唔系咁識欣賞啦🙈不過好食就乜都冇所謂啦🤪但建議小店開大少少個冷氣😂如果唔系怕熱嘅朋友會食得好辛苦服務方面雖然唔系話非常周到水呢啲要自助但店家好細心咁向每位客人都簡單咁介紹佢哋嘅拉麵 例如系有咩材料呀 最佳食法等隔離枱好似唔食蠔佢就介紹其他~比人嘅感覺都唔錯😚整體評分：味道: 8.5/10環境: 6.5/10服務: 7.3/10衛生: 7.6/10抵食: 8/10
继续阅读
屈地街這個小巷裡雖然位置遍避, 但裡面都有些小餐廳, 而彩麵就是最有特色的一間 😊 一條小巷內有兩間彩麵, 一間主打日式傳統拉麵, 另一間則賣日式沾麵, 今次就來試試拉麵。餐牌非常簡單, 只有三款拉麵和幾款小食可供選擇。麵底除了原味, 還有柚子味, 會加入柚子皮, 感覺應該蠻清新的, 不過我們並沒有選擇 😝 另跟一般拉麵店一樣拉麵可以選擇軟, 中, 硬三種硬度。雞白湯慢煮雞胸 • 豚叉燒 $90濃雞白湯呈奶白色, 廚師用長時間熬製而成, 加上利用沖泡沫咖啡的技巧打出泡沫, 令雞湯口感更加幼滑 😚 雞湯味道濃郁但並非死咸, 充滿雞鮮味, 絕不油膩, 絕冇味精添加 😉 雞肉嫩滑, 用真空底溫慢煮, 味道有點像煙燻鴨胸, 豚叉燒呈粉紅色, 薄薄一片肉質爽口, 還有炸了的牛蒡灑在拉麵上, 要趁未浸淋前吃, 仍然非常脆炸! 溏芯蛋有輕微煙燻味, 雞蛋黃有流心效果, 入口嫩滑, 蛋香味濃 ☺️瀨戶內海廣島蠔豚叉燒 $95大概是最近新推出的菜餚, 由於要確保食材新鮮, 店鋪沒有買入太多貨, 所以數限有限, 剛好我點了最後一碗 😆雙頭湯底, 雞白湯外加入鯉魚湯和櫻花蝦, 湯底含非常濃厚的海鮮味, 口感上淨雞白湯相對滑, 朋友覺得有點腥, 出名對腥味, 泥味跟海水味敏感的我卻感受不到 🫢 蜆肉十分鮮甜, 另外還有兩隻很迷你的廣島蠔, 喜歡與否全建基於你是否喜歡吃海鮮 🙂店鋪比較細小, 環境一般, 空調不夠, 而且人手不足, 所以不要期待店員有多少時間去好好招待你 😅 不過拉麵湯底認真不錯, 可以試試。
继续阅读
雙湯頭搭配超級濃郁，雞白湯濃香加櫻花蝦、鏗魚的鮮香交織，回味無窮。配料方面 (食材新鮮)瀨戶內海的廣島蠔鮮味，肉質鮮嫩；蜆肉，令到湯頭好重海鮮味；豚肉叉燒好軟嫩，肉香都好重；溏心蛋既流心只為錦上添花。位置都幾難揾，要係屈地街大街轉入小巷，人均不用$100，係座位逼啲，店員都幾熱情，感受到用心煮出黎既拉麵。#日式餐廳 #日式料理 #拉麵 #雞白湯拉麵 #雞白湯 #灣仔 #灣仔美食 #高性價比 #foodie #foodiehk
继续阅读