彼之丘

营业中

休息中

經常坐巴士會經過皇后大道西上嘅呢間 外面望落好文青 好有心思嘅cafe見到網上有介紹呢間小店 一對八十後情侶熱愛熱狗 辭職開熱狗店 所以特登來試試呢個充滿熱誠嘅熱狗今次試嘅係最普通嘅芝士熱狗餐麵包是人手每天製作的 好用心 的確唔同嘉頓果的 呢個食落係軟熟 熱狗腸唔錯 唔會好咸 但芝士略唔夠 可以濃多少少不過最想講嘅係熱辣辣嘅日本南瓜薯餅！ 好好食！！ 食落係外脆內綿嘅南瓜蓉 好香好足料下次會試下其他 好似巴東牛肉 同炒黑松露蛋好吸引咁

There are so many options to choose from, I was amazed to see the different kinds of hot dogs. I tried the beef ones, yum! The staff was very kind and friendly.The most delicious hot dog I've ever eaten! The flavour are so good! Make sure you get a flesh fruit tea. It's a perfect match for the hotdog flavour. Very unique!!

真係好味到要專登上黎寫食評！一間令我食過之後會令我心思思想再食既店！唔係黎開interview都唔會專登黎搵食，我點既食日式炒麵配黑豚肉熱狗，超級好味，炒麵係醬油炒既日式拉麵黎，加埋黑豚肉同少少椰菜味道同個包好夾！ 朋友食既係水煮蛋配豬扒熱狗，佢都覺得相當有水準！淨係個包麵都已經好好味，食完係會飽到肚果種！熱狗材料份量好足夠，食完好滿足！仲有野飲都係超好味，好飲過好多珍奶專門店，今次叫左宇治紅豆 & 黑糖珍珠厚鮮奶，真係飲完一杯想再要多杯，材料十足，味道同甜道都剛剛好，堅正！因為太好味，食完時佢地都關門了，我膽粗粗問老闆可唔可以淨買包等我可以第二日做早餐，原來真係可以，單包$13，咁既水準真心覺得唔貴，買完超開心超滿意咁離開！呢間店雖然喺西營盤，但好近地鐵站，出站過行幾步過條馬路道到，有時間一定一定會再返黎幫襯！

看了網上的宣傳，特意去試一下這個熱狗店。自家經營小店舖。應該多多支持💪西營盤沒有這種小食店，所以希望他可以一直經營下去！我已經幫襯左幾次。麵包軟熟、有咬口，好好味！😊可惜每次食完都好口渴🤢，懷疑落了比較重的味精或者調味料🤔？食完之後真係10分10分頸渴...🤨至於飲品：每次的水準參差，茶味不香，有時候珍珠會煮得過熟，有點太軟林林。希望他們會改善，如果不用味精，改用其他健康的調味料，肯定更受歡迎，希望他們不斷改善，做得更好👍

西營盤開咗間新嘅日式熱狗店 店舖內的位置不太多，有一張高枱及 兩張圓枱 熱狗嘅麵包非常新鮮，佢係用自製麵包分別叫咗2個SET，SET3 - 熱溶芝士匈牙利辣腸熱狗（配鐵板薯條），SET8-日式炸雞（配日本煙肉薯餅）SET3 - 熱溶芝士匈牙利辣腸熱狗芝士非常creamy同佢有黏身嘅口感～鐵板薯條- 味道正常 SET8-日式炸雞同想像中有出入，因為佢嘅係雞粒放入麵包入面，好難一口咬落去，食到個質感 日本煙肉薯餅- 味道OK, 正正常常 

之前有唔少朋友話好食，因為聞說面包非拎貨，係手制，做熱狗做到咁有邊誠意，梗係要幫襯下～叫左佢地1號（即係最多人叫，應該無死系列）既熱門之選，即係普通芝士珍寶腸熱狗，大約等左5分鐘唔洗，熱辣辣既熱狗同薯條送到！薯條剛炸好，勁熱！加分！個熱狗好軟熟，甜甜地！再加一分，但傳說中既拉芝士（無呢個效果），扣一分！但杯伯爵茶又幾好飲，又加一分😆呢個價錢，咁有誠意，絕對會歸入返桌系列～即時上網睇佢有送貨⋯不過有點小貴（經外賣平台計）

熱溶芝士匈牙利辣腸熱狗 💲49（套餐）巴東咖哩牛肉熱狗 💲58（套餐）手炒黑糖珍珠厚鮮奶 💲22（加配價）巨峰葡萄梳打 💲17（加配價）套餐可配鐵板薯條或日本煙肉菠菜薯餅及飲品🍟🍹✅ 咖哩牛肉熱狗既想法新奇有趣🤩 雖然我地食唔出佢寫既咁多款材料 但係味道都係相當唔錯 值得一試👍🏻❔ 墨西哥辣芝士差咁少少辣同芝士味 反而辣椒有一種梅乾既甜味 令我不禁懷疑自己既味覺🤔❔鮮奶唔厚 而黑糖味似日本傳統既黑糖 珍珠就比較軟身🌝❔ 巨峰梳打都係太普通 等於道地紙包巨峰果汁+雪碧🥤👅Taste：3/5💰CP值：3/5🙋🏻‍♂️Service：3.5/5👁‍🗨Stylishness：3/5

手作烘焙麵包是賣點，麵包是自家製，絕非連鎖店可比。 店內所有包類出品也是即點即做，只須略等一會就有得食， 問題係坐位不多，最好搵左位先。 試了吞拿魚沙律包，餡料頗豐富 ， 一啖咬落去錎多到BID 晒出黎， 吞拿魚味道新鮮, 無腥味， 麵包入口軟熟可口，自家製果然不同。  粗薯條超脆口有質感 , 有著香， 好吃 ！ 加$25 紅豆宇治抹茶，相當大杯， 所以要SHARE 飲， 抹茶尙算夠味，紅豆甜糯份量足，但冰太多要速飲完。 

Purchased the $58 beef rendang set with fries and a soda water. Very tasty. The beef was very tender and a little spicy. The bun was fresh as they make them on the premises. The fries were steak cut and tasty. I would say a small portion but you’re only paying 6 bucks more for fries and a drink on the set option. Given this is their most expensive meal on the whole a very reasonably priced place. Definitely return. The other side option of Japanese potato cake I will definitely go for next time.

I was in Sai Ying Pun doing a bit of Chinese New Year exploring and was looking for a place to eat. I came across something called BakeOut. A small hot sandwich shop with a kitchen that you can see in the back. It appeared they also made their own bread as I saw someone kneading away.Menu is in English and Chinese. There is no 10% service charge and mostly geared for take away though you can eat there. They serve various hot sandwiches in a hot dog bun that is made to order. You can add a small

今日經過西營盤入去試下呢個手工麵包三文治叫左一客 黑松露炒蛋口味麵包好好味，軟軟的，咬落有口感黑松露很配蛋，味道剛剛好，好惹味包裝都不會令人食得好狼狽我外賣一邊行一邊食，都無跌過落地呢個包裝設計值得一讚！餐係包薯條或薯餅+飲品我揀左薯條，薯條即炸，熱辣辣，薯條真材實料，好香薯味，少鹽👍👍連飲品共$40多元算抵食，一定會再幫襯！老闆娘同老闆都好有禮貌，但唯一缺點係關得太晚，開11點，有時想當早餐食都唔得～

芝士黑松露炒蛋熱狗 (套餐價$44) + 金桔檸檬綠 ($17)評分：7/10.🌭西營盤新開熱狗店🌭 見到店主夫婦親自介紹麵包係自己焗嘅 😆 就覺得一定要去支持吓，話晒自己整麵包其實工序超繁複，分分鐘每日都要勁早起身等麵團發酵同埋焗 😥 所以佢地麵包嘅質感同其他舖頭唔同，明顯軟熟好多，冇咁煙韌 🤗 唔知點講令我諗起丹麥餅店啲包 😃 主打熱狗嘅小店 menu 上面大約有十款唔同款式嘅熱狗，大部分都偏向走日式路線，店主推介炸雞扒、炒麵同埋巴東牛肉 🤤 其實全部都幾吸引但最後決定試吓冇咁 heavy 嘅款式先 😗 黑松露蛋嘅味道香濃，但雞蛋略嫌太鹹，而且比較碎。如果可以更嫩滑就好喇，另外芝士亦比較單薄，味道比較薄弱套餐可以跟配薯餅或者薯條，我就揀咗薯餅。即叫即炸，到手時真係熱辣辣 😍 非常香脆!!! 好食喔。跟餐飲品可以(-$10)，有奶茶果茶等等選擇。檸檬好清甜，似青檸嘅影子

The best hot dogs and bacon and egg roll I’ve had in a long time!! The bread is baked fresh daily and is perfect combination of fluffy and crispy. I also tried the spinach croquette - excellent 👌Visited 4 times already that’s how tasty it is! My only wish would be if they did a pizza roll — pizza sauce, cheese and salami and it would be a hit with that incredible bread!!!

今日坐叮叮返屋企，咁啱家人喺”果籽”見到Bakeout報導，有自家製麵包🥖咁就去試下買外賣返屋企食兩個大人加兩個小朋友一共order左3個set，巴東牛肉，炸魚，牛油果呑拿魚自家製包好軟熟3款都好好食巴東牛肉 - 好香，肉又嫩，份量十足炸魚 - 好似係鱈魚柳，好有魚味牛油果呑拿魚 - 有驚喜波菜薯餅 - 一啲都唔油膩薯條係粗薯條🍟 小朋友最愛炸魚同呑拿魚三文治飲品都幾多選擇，唔會好甜絕對推介我先生話要試哂其他包

知道西營盤近日開了間新熱狗店，行過幾次都無幫襯，今日睇返佢地門口的電子菜單先知原來唔係淨係得熱狗，仲有炒面，炸雞炸魚，豬扒包. 今次叫左個黑松露炒蛋，真心好味，個黑松露味啱啱好 ，個麵包香好軟，蛋夠滑。望下menu原來佢地自家焗包，所以食倒係同出面d熱狗包唔同，香港好少有熱狗店係自家焗包，呢間小店食物用心制作，價錢唔貴，值得支持。跟餐有炸薯條或薯餅, 薯條一食就知係即炸，熱辣辣外趣內軟. 叫左杯珍珠奶茶，係好飲嘅，夠茶味啲奶都滑。 Overall 唔錯，員工好有禮貌同笑容，去個時仲會同我哋講拜拜。