得利尚點

营业中

休息中

有電視看，真好！燒賣是恐怖的來了，看一粒燒賣裏面藏有一條長長的黑髮！還好這是第一粒！但咬到別人的頭髮感覺真的很差！衛生整潔清潔乾淨是做餐廳的最基本！然後我告訴waiter ，她卻一句也沒說的收走了這籠燒賣，然後叫我轉其他食物。普通十分普通不軟，過鹹，皮太硬不好吃！不好吃！服務態度又差環境又惡劣！食物又不乾淨！原本我叫了一個下午茶套餐配凍檸茶，可是因為沒有餃子所以下午茶套餐不能供應， 卻送上了凍檸茶，然後收了我單點的價錢，說不能退！請問有這樣的道理嗎？真討厭！如果你不能供應下午茶套餐，就可以跟我說明啊，我可以考慮點不點凍檸茶！這真的太過份了！所以我真的非常佩服在用餐的顧客！可以接受這種服務態度和食物質素！希望各位打食評的人都可以對得住自己良心哦！

2人飲茶真係冇咩選擇，去普通茶樓又多人又難搵位！黎到「得利尚點」就解決晒！去到唔使等位，價錢相當公道，叫左3樣野食，分別係「豉椒排骨煲仔飯」$58，「得利哈哈笑」$22，「山竹牛肉」$19！抵食！煲仔飯份量多，2人share剛好！另外個點心其實係雙併黎：蝦餃燒賣，岩晒我地每款都試到！唔使叫2籠點心甘多！最後一個山竹牛肉，冇咩特別，大大粒，都算足料既！茶位好似係一個人$3，沒有加一的！現場所見都好多街坊來食！

以前經過，見到都好想帶嫲嫲黎食今日一試樣樣都好味，好多🐟揀👍侍應好好笑容😊又幫我哋介紹我嫲嫲多口，又講嘢唔正，搵佢哋傾計，佢哋都去好耐心👍👍👍正正正

要搵抵食既野 黎荃灣真係冇得輸! 黎左一次得利尚點 我已經中意左呢間茶餐廳😍首先佢選擇極多 由一般沙嗲牛麵、炸雞脾、碟頭飯 到點心、煲仔飯都有 仲要係又平又好食既 下午茶餐牌如下 但散叫餐牌有成十幾頁的其次就係佢杯奶茶真係好好飲，令到身為 #每日都要飲港式奶茶協會 主席既我極度興奮 大家下次去既時候見到我喺度飲奶茶唔洗覺得太驚訝ok?最後就係價錢真係好平 喺呢個食個三文治都十零蚊起跳既年代 你會喺度搵到價值$20既好味兼飽肚既盅頭飯 你話係路唔係路 以下係眼見枱枱都有叫既點心拼盤 可自選5款點心 我叫左蝦餃+燒賣+腐皮卷+叉燒包+牛肉球既組合。講真食前對茶記既點心冇乜期望，但點知又做得幾出色咼！蝦餃咬落彈牙，而且皮算薄。燒賣夠多餡，唔會係成舊淋左既麵粉咁。腐皮卷亦好足料，熱辣辣咁食好好味！

今晚同阿囡撐枱腳，去咗熊貓酒店上海餐館。裝修雅致，卡位舒適，燈光柔和。點了一個二人餐頭盤係雞絲粉皮 - 醒胃芝麻醬、青瓜絲同爽滑彈牙的粉皮極有口感，非常適合的前菜！粟米豆腐羹 - 蛋花均勻、粟米份量足。小籠包 - 熱辣辣，即叫即蒸，湯汁夠味唔油，皮薄一些更好。賽螃蟹 - 非常考火候同功夫的一道菜，蛋白唔太老又唔會太水，配白飯一流！津白肉絲炒年糕 - 年糕太厚，口感過實唔黏韌，幸好津白肉絲搭夠。甜品 - 有驚喜，桂花糕好清香，紅棗味濃；椰汁糕好爽甜。

肚子餓，來個簡餐。章魚肉餅飯配例湯。例湯是蕃茄薯仔豬排骨湯，是家的味道。再來肉餅飯，超香口，不油膩也彈牙，配甜豉油一絕。唯一要改善的地方是要等候多時。等了二十多分鐘飯才到。

荃灣多嘢食就係人都知，行行吓突然肚餓，路過荃薈，一間大快活，一間點心茶餐廳，就揀咗點心茶餐廳。入到去下午茶選擇好多，但都係鍾情點心，我就點左個點心下午茶。一籠五件任揀，仲要包野飲，都係29大元。最後我揀咗蝦餃一粒，燒賣一粒，叉燒包一個，牛肉一粒，腐皮卷一條。杯熱檸水。蝦餃-皮薄料靚，肉質彈牙，好過好多連鎖茶樓！燒賣-出奇好味，再唔係去茶樓食開嘅單一種味道叉燒包-軟綿，味道適中。牛肉-香軟Q彈腐皮卷-雖然係油炸，但係一滴油都冇，鬆香脆，口感一流食物嘅味道唔係我哋一般係茶樓嘅模板，唔似係大lot買返嚟自己煮嗰啲，跟住問吓樓面個女人（我估嗰個係老闆娘），佢好溫柔咁答我：「姐姐仔你真係識食，我哋啲嘢全部香港製造，唔係大陸買返嚟。」老實講一籠裏邊有蒸又炸，人工錢都係返到。仲要送野飲，個人認為非常抵食同好食。

係荃灣咁耐，都唔知有間點心舖係道。咪入去試吓，舖頭好企理好光猛。買咗個鳳爪排骨飯/油菜/老火湯。鳳爪排骨飯比酒樓好食好多。最好飲個湯，無味精。下次可以再試埋其他點心。

推介一間本人試過的食店，得利D排骨飯好好味，肥廋比例剛剛好，又吾痴牙，飯又好味。加上得利的牛肉球比我有一種眼前一亮的感覺，食落去牛肉味道非常凸出，肉汁又多。配上排骨飯一起，超正享受

其實我好少去呢頭，咁啱約朋友食晏，佢話試下呢間。我點了一丁麵餐，29蚊兩餸麵黎講算好抵食！另外點左一籠蝦餃同朋友share，18蚊有4粒，入面d蝦大大隻。另外朋友叫左個咸魚肉餅飯，水準唔錯，食到我地都好飽。不過好少黎呢頭，如果有機會會想試試其他盅頭飯！

。經過荃薈商場發覺得利尚點招牌幾吸引,於事入去ㄧ試,落單㸃了過鳯爪排骨飯,牛肉同燒賣,當排骨飯到加多個袐制醬油,食落去感覺排骨很鲜,鳳爪有别其它店的,很有質感,值得ㄧ試,牛肉加喼汁食落去好味,燒賣好食都冇朋友,不妨ㄧ試,值得回味

老實說，算係一間都幾無誠意既餐廳，幾食水深，質素麻麻其實兜盅頭飯好普通，單點＄26係唔值既。排骨都叫幾好既，雖然食落口無咩味，但有點離譜既係啲鳳爪，無味嘅😱想點喎？鳳爪無味係件好難食既事嚟咁最令我無奈同覺得食水深既係，有個唔知道係老闆定員工既人，極力推介加＄13，升級成一個set🙄話會飽啲，咁我就順攤地加左＄13啦，最可笑嘅事係，加左＄13之後，仲要同我講：凍飲再要另外加＄3😳😳下？？最後無計啦，見天氣咁熱，強烈需要飲凍飲消暑，所以最後死死氣地加左$16出去了然後，就如大家見到嘅圖中一樣，得果幾條生菜再加一杯淡到似水嘅凍華田😞超熱愛飲凍飲嘅我，即使試過飲無味嘅檸檬茶我都照飲晒，但係，圖中呢杯凍華田堅係淡味得太太太太太過份啦！！！98%係水😭絕對係我呢個夏天以來第一次飲唔晒既一杯凍飲😠😠因為都幾大杯水下，咁就額外收咗我＄16啦😀😀心諗，憑咩？仲有啊，乜原來加左幾條菜我就會食得飽架啦😒🖕🏻加埋要成$42，唔甘心但雞翼都算唔錯既，雖然睇落好深色咁，但其實除左啲外皮外，啲雞翼肉係無咩味的呢可惜，同埋有啲乾鞋，但勝在夠熱騰騰上枱食，可惜仍然是太貴了，性價比略為不合理呢

今天行經荃灣荃薈商場，發現這間得利尚點，從門外看到其餐牌，有點心和下午茶餐，於是走入去。由於是以快餐形式，於門口購票後，然後到櫃台領取食物。雖然有下午茶，但與茶餐廳的無異，故點來好幾點心，件為今日的午餐。醬汁鳳爪似乎很久沒吃過，今次點來，回味一下。醬汁與平時食開沒有太大分別，是與豉汁味道分別不大，只是覺得鳳爪卻是爽口的，沒有半點軟腍，而且偏向硬身的。潮州粉果是一向多饀料的，只是這個粉果卻沒有花生和馬蹄，而肉碎卻是較為黏黐的，但味道是可以的。很久沒食過糯米卷，一於要食番一籠。糯米卷麵包厚度適中，糯米柔糯，但稍為偏向硬了一點，但問題不大。鮮竹牛肉較為可取，可以食到酒樓般的水準，內裡的蒽花和牛肉比例合適，而且味道不俗。加上呢汁，可提升牛肉的鮮味。熱奶茶乃今餐的餐飯，具有茶香和醇厚，與茶記奶茶一致，不錯。點心來說，可以有進步空間。

我係沙咀道做嘢嘅，經常都要去中銀，早排去過荃薈附近嘅得利包點，見佢裝修特別所以就入去蛇一蛇飲杯嘢兼食個tea，價錢質素不過不失啦…並唔難食，十零廿蚊唔好要求咁高。早兩日又入去蛇一蛇，叫咗個排骨飯，哈。。食咗幾啖發覺啲排骨味道ok喎，入口好爽唔會霉，又唔油，唔錯，抵食，下次蛇一蛇嘅首選

上星期跟老媽行經這裡, 被門外的餐牌美食吸引, 可惜趕時間入內品嚐, 今天特意再來。店內裝潢走型格路線, 原木檯加椅子, 富原始味道, 看落也環保。亦有玩味重一點的角落安頓好老媽便去買食物, 精選套餐、盅頭飯及點心任君選擇。點了2個點心加一個精選套餐B, 我豈有此理, 精選套餐明明寫住可配米粉/米線/麵/飯, 我要米粉, 收銀說沒有, 那麵吧, 收銀說也沒有, 只有飯, 吓 我問收銀現在才5.30PM, 什麼也沒有? 不可叫廚房再煮嗎? 她只說沒有, 算! 又明明寫住飲品是即磨咖啡或茶, 我要即磨咖啡, 收銀說是普通咖啡, 不是即磨咖啡, 我問她, 那為什麼餐牌要寫即磨咖啡呢? 她只是笑而不答, 假如我不是安頓好老媽, 我即時走人, 頭也不回, 真係火都黎埋, 擺明欺騙顧客! 難道他們不知商品條例己實行中嗎?叉燒包 ($12)雖然話 $12 好平, 但無諗過差成咁, 包硬到呢? 連平時吃什麼也吃得津津有味,絕少投訴的老媽也忍不住問了一句 : 無言! 超市/凍肉賣 $12/六個的, 比這裡的好食幾倍。鮮竹卷 ($16)我會加多個字落名, 鮮竹膠卷, 腐皮又乾又硬, 同膠片無分別, 好難