從心素食 (漆咸道南) (已結業)

這家在閣樓的素食餐廳，我認為是在尖沙咀閙市中算是 CP值高的一間。晚上7時許，幾乎滿座。晚上2人套餐，有湯(當晚是松露南瓜湯), 選了腰果松茸，黃耳雜菜煲，煎素餃，還送了糖水。原本是西式的湯用中式做法是幾得意，少了忌廉，但保持南瓜香味。松茸都幾多，和腰果都幾夾。難得是雖然是炒的菜，但並不油膩，對注重健康的人來說值得加分! 黃耳雜菜煲，味道也ok。最後意外送上糖水，幾貼心!總的來說，中式但不傳統的素菜館，值得推薦。

期等已久，今天終於可以試試從心。早前聽聞從心接手阿善素食，提供多樣化午飯套餐，美味飽足，所以一直想去試試。上個月的某星期五終於有機會去從心吃午餐。有多款套餐選擇，我們點了菠蘿船海鮮炒飯，和喇沙湯金菇肉丸稻庭烏冬。一份要例湯，另一份加$5改意式黑松露南瓜濃湯。兩款湯都好香甜可口。喇沙湯唔算辛辣，有香濃花生味，一般唔食得辣嘅朋友都可以試試，烏冬夠滑，金菇丸爽口，味道美，口感好豐富。菠蘿炒飯好夠鑊氣，菠蘿又新鮮，配料多，個飯仲好夠份量，夠飽足！吃完主食還有腰果露，夠熱夠香濃。大滿足。吃完不會口乾，添加物唔算多。鑽

個人本來不大喜歡吃素肉，但素刺身倒是新鮮玩意，所以趁着和食肉獸朋友吃飯，便挑了從心素食。每次在這裏經過，都看見它的壽司便當賣相精緻，一直都很想試試，終於有機會了很興奮！！從心素食壽司拼盤一共6件壽司，8件刺身，118元，偏貴。玉子壽司、牛油果壽司、腐皮壽司味道平平，朋友也不禁揶揄「不就是平日一般壽司店看到的東西嗎」加上飯團用泰國米，絕對不是日本壽司飯，很奇怪的感覺。很多人推介刺身，誠然，用蒟蒻做的房包片和三文魚刺身很特別，但是我也覺得它不值這個價錢最後2人埋單155，包了茶芥，服務費，不知道那裏來的$30多反正就是不推介，試了一次就足夠啦

同友人們說了許久去食素食，終於有機會八個人一齊去食。環境、座位及服務不錯，整體算係舒適。古法藥膳蒸猴頭菇，幾入味，咸道適中。南瓜蓉粟米粥，唔稀，味道唔甜，飲落暖一暖胃，唔錯。呢盤上菜我地都好興奮，吸引我地均舉起手機影相，比平常壽司拼盤還要多，178元有以上咁多款，幾特別。味道不錯，部分壽司口感相似，這道幾特別。芝麻准山餅，喜歡食准山嘅朋友都覺得好味，油了小小。蜜汁紅槽肉，幾甜，「肉」質感不俗。素食新嘗試算是淺嘗，8個人都飽，希望日後再試不同素食。每人大概百多元。

連續幾日大雨連場，星期五終於停雨，當然要相約愛妻出外晚膳啦，一心諗住去食潮州嘢，點知潮州食店隔黎開咗間素菜館，愛妻馬上改變主意，又話潮州嘢重口味，素食健康………一輪疲勞轟炸，唯有就範。可能係星期五啦，食客特別多，環境幾嘈雜。我地被安排咗一個4人位，冷氣唔多夠，侍應遞上前菜，係愛妻最唔鍾意食嘅車厘茄，佢即刻話唔要，侍應竟然無黑面。食物選擇比想像中多，中、西、日、韓樣樣有，唔想用腦又可以揀二人餐。愛妻睇咗差不多10分鐘，終於點咗以下食物:1. 籠仔蒸田園餃子菜肉蒸餃，饀不知是什麼菜，深色的菜，一口可以食一件，要趁熱食。2. 芒果吉列卷日式芒果壽司，芒果比較薄，飯團比較大，內有日式菜圃、酸菜，再加上一片仿肉，有甜，酸及咸味混合一起。3.燒汁酥皮牛肉卷一上台已經聞到非常濃郁的牛油香味，八粒仿牛肉卷小巧精緻，酥皮香鬆似义燒酥，內裏有小粒粒仿肉，肉汁甜美，以為是真肉。4. 台式鹵肉醬刀削麵素食店刀削麵比較少見，所以試下，麵軟硬適中，湯不太咸，鹵肉相信是酸菜，有少少薑味。整體不過不失，重口味兼食肉獸的我，間中食吓素菜、不是太難受，反而有一種清新的新鮮感。飯後，侍應送上兩碗海帶綠豆沙作為甜品，應該是免