御品千の味刺身壽司專門店 (美居中心)

营业中

休息中

疫情持續，好多餐廳已經唔開，見到呢間日本餐廳依然堅持繼續營業...午餐/晚餐 價錢好抵食，仲跟埋飲品「壽司冷麵餐」冷麵加入麻醬好香口，仲配5款唔同嘅壽司 「火炙壽司餐」小朋友唔食生野，火炙壽司就最合適，加埋軍艦足料，有齊十款，大滿足「燒鯖魚定食」燒到金黃嘅鯖魚，外皮香脆，吱幾滴鮮檸檬汁 同 醬汁，更好味。定食仲有沙律同螺肉「加州反卷」加上沙律醬嘅加州反卷，大大件...就算唔點豉油wasabi, 一樣好味「玉子壽司」甜甜嘅玉子壽司好味，原來係自家製滿$300仲有得送外賣，用料新鮮，下次可以試下其他款式壽司

無論好天落雨幾凍幾熱我對日本餐熱誠都系無變過 再Encore 知道而加千之味order夠$300起就可以送貨 之前開party都系叫開佢地 而加二個人喺屋企都要叫一次🤝😋😋佢地三文魚腩刺身真系厚切 仲叫左胡麻蟹子沙律 滿滿蟹子每一啖都卜卜聲🥗軟殼蟹反卷 送到嚟軟殼蟹仲系好脆口咖火炙芝士鰻魚壽司🍣火炙芝士熟蝦壽司🍣帶子/鰻魚/北寄貝/甜蝦壽司最方便系Whatsapp落單 預返時間就可以有得食🥰有埋乾冰包裝維持返刺身溫度 價錢性價比都系好合理好親民

又食又食又食😆 千の味呢間壽司好食，價錢合理💕 連朋友都想一食再食😋 以下係我個人推介！🎈三文魚腩壽司 $20🎈左口魚邊壽司 $20🎈特大赤蝦嘉司 $32🎈火炙壽司拼盤 $118✨佢哋嘅火炙壽司最吸引🤤 有火炙三文魚、火炙黑椒三文魚、火炙芝士三文魚、火炙三文魚腩、火炙芝士熟蝦、火炙芝士鰻魚、火炙左口魚邊、火炙芝士帶子脂香馥郁，款式豐富🥰 正呀！大推🙌🏻

Supper Moment💫 Sushi Time🍣🥢..夜猛猛口痕想食壽司🍣❓外帶回家當作宵夜既選擇，呢家壽司店已經開到第8間分店😳，而且外賣滿 $300 仲可以免費外送到全港地區，好方便啊啊啊！以後食壽司又有新選擇❤️。l壽司拼盤]l $258三文魚、油甘魚、白身魚、甜蝦、赤蝦、吞拿魚、帶子、墨魚、左口魚、海膽、魚子、吞拿魚蓉、龍蝦沙律、辣味三文魚l壽司]l & l壽司]l $20..壽司配搭種類多：刺身、壽司、軍艦、火炙、卷物、小食、冷麵、盛盒都應有盡有😍。自由配搭，味道可以喔！ 下次再試下其他選擇。

抗疫期間在家都要食好啲！是日放工去咗長沙灣「御品千之味刺身壽司專門店」買外賣壽司返屋企做晚餐顧名思義，餐廳主打日式刺身、壽司、軍艦、火炙壽司及小食等等，午市及晚市亦設有套餐，買滿$300仲可以免費送貨三文魚壽司厚切肥美三文魚刺身配上日本壽司醋米，簡直係絕配！三文魚好新鮮，充滿魚鮮味粟米沙律軍艦飽滿大粒嘅粟米配和風沙律醬，口感爽脆又美味辣味三文魚沙律角切三文魚粒配辣蛋黃醬，味道更豐富，好好食花之卷一客有三件，份量十足嘅花之卷，兩大片三文魚卷住日本珍珠米，啖啖都係三文魚芥末八爪魚八爪魚粒口感爽脆，芥末微辣嗆鼻芝士炸蝦卷吉列炸蝦金黃香脆，爽口彈牙，芝士及蝦肉味濃郁，味道同口感都好豐富呀火炙芝士三文魚經過火炙燒香後的三文魚，肥美油潤，滿口魚油香；伴隨火炙芝士，芝味香濃三文魚忌廉芝士卷充滿光澤的三文魚加上新鮮蟹籽，再夾着忌廉芝士，層次豐富，多咗份芝士香

千之味係多地方都有分店, 今日咁岩係長沙灣附近收工, 見到好多人係到等壽司🍣好似好受歡迎咁ෆ̈ 我又襯熱鬧試下佢先(・ω・ ) ----* ⭐️⭐️⭐️甜蝦刺身----* ⭐️⭐️⭐️火灸左口魚邊壽司----* ⭐️⭐️⭐️帶子壽司----* ⭐️⭐️⭐️親子花卷----* ⭐️⭐️ 三文魚腩壽司----* ⭐️⭐️北寄貝壽司----* ⭐️⭐️劍魚腩壽司----* ⭐️⭐️油甘魚壽司🎏甜蝦刺身蝦肉粉嫩💓 肉質細綿粘口, 味道甘甜滋味 大推⭐️⭐️⭐️🎏左口魚邊肉質細嫩,經火炙後把油份逼出, 入口充滿甘香油脂(●︎´▽︎`●︎)油脂滲到米飯中,又香又好吃 ~~🎏帶子望落肉色有光澤, 帶子肉紋理清晰, 食落鮮甜有彈性同爽口 ~~ 🎏親子花卷即係三文魚子花之戀🥰 三文魚子咸香鮮味, 一口吃掉混合沙律醬, 三文魚和醋飯🍣 為呢一餐作一個完美的句號🍵以外賣壽司店黎講: 呢間既刺身🐟壽司🍣都好新鮮肥美🥰價錢合理, 而且買滿$300 仲有送貨服務✿︎又多一個晚餐選擇 ¨̮♡︎：：：：：：：：：：：：：✿︎ #日本菜 #長沙灣 御品千の味刺身壽司專門店 (美居中心) (長沙灣)長沙灣福榮街218號美居中心地下64號舖#hkfoodblog #長沙灣日本菜 #長

無堂食的日子就係食外賣好在屋企附近有間壽司店每次放工經過都見到唔少人排隊💛火炙盛盒火炙芝士三文魚壽司 火炙三文魚腩壽司 火炙芝士熟蝦壽司火炙芝士鰻魚壽司 火炙左口魚壽司 每樣各5件，火炙算明顯的，以及美食要等待，真係同你逐件甘燒，三文魚最肥美甘香，芝士系列食落微甜，又夾到三文魚。左口魚入口甚有魚香，油香豐富，鰻魚又唔算好腥，炙燒過仲好甘香。熟蝦夠大隻，加埋芝士無甘單調。蟹柳玉子燒嫩滑的蛋卷，即叫即製，卷蛋外邊微微焦香，厚身，微甜有蛋香，面層鋪上蟹柳絲，粒粒的蟹子一點也不吝嗇，甚有口感。外賣自取都算快，包裝都好穩固，非常滿意

有時放工晏左，攰攰地唸唔到食咩嘅話，買外賣壽司都係唔錯嘅選擇～呢間多分店，最好係我公司附近都有😆方便夠近！🥢食物🥢🍣壽司三文魚腩$20: 識食一定要三文魚腩夠新鮮肥美。帶子$35: 好大粒，咬落去口感豐腴😋吉列炸蝦卷$38: 雖然凍咗，但係炸蝦都係脆，炸醬唔厚！特大赤蝦壽司$32: 好大隻，好新鮮，肉質爽彈三文魚子軍艦$48: 多到滿瀉唔嗇淡淡海鮮咸香。火灸海膽$53: 鮮甜唔腥👍🏻除左壽司，仲有魚生丼飯/鰻魚飯/牛肉飯等….都幾多選擇，下次再試吓其他款式先😌

就嚟到聖誕節啦 開聖誕party梗係要食壽司啦 見到平時啲連鎖餐廳壽司都唔平 所以就特登搵咗一間轉係做外賣壽司嘅店呢一間餐廳除咗有壽司之外亦都有啲丼飯 價錢唔算好貴 去到舖頭仲見到佢都有幾間分店 呢度咁大盒再包埋一盒刺身都只係$400左右 刺身尤其係三文魚特別厚身 食落去都幾新鮮 唔會有未解凍嘅情況 而帶子亦都大大隻咁 個人認為佢嘅卷物 最好食 我嗌左佢哋嘅鰻魚忌廉芝士卷 啲忌廉芝士同鰻魚好夾 而且食落去又唔會覺得好滯 而炸蝦卷都唔錯 炸蝦唔會好乾身以外賣嘅話佢哋比嘅豉油圖Wasabi都好足！

今晚收工後小妹去左公司附近嘅千之味買外賣番屋企食, 外賣店提供多款日本菜, 有刺身, 小食, 壽司, 丼飯, 小妹點左兩個晚市套餐🍱同一盒刺身, 落好單之後等左10分鐘就有得拎! 🌟五品刺身🐟刺身分別有三文魚🐟, 甜蝦🦐, 油甘魚, 帶子同墨魚🦑, 件件都好厚切, 肥味鮮甜 🌟生薑汁豚肉飯🐖🍚一打開就聞到好香生薑汁味, 豚肉份量幾多, 半肥半瘦, 相當好餸飯!🌟照燒雞扒飯🐔🍚雞扒大大件, 上面沾滿燒汁, 口感軟腍入味

最近真係好掛住日本，一諗唔到食咩就揀壽司。今日過咗嚟呢度外賣自取去朋友屋企食見到門面有啲魚生飯，我覺得個吞拿魚蓉飯好吸引，不過眼闊肚窄唯有捨棄佢套餐好抵，可惜我個friend食得好少嘢，所以唯有散叫三文魚蟹子沙律，蟹子份量都算多然後有個大意嘅驚喜，就係我一直以為嗌緊蟹子size沙律，諗住撈醬嘅時候發現原來有三文魚而且都唔少三文魚刺身五片，$58黎講算厚身，識落都好新解同埋好有厚感壽司我地叫咗三文魚壽司、帶子、左口魚、花之戀、三文魚忌廉芝士卷三文魚忌廉芝士卷正，佢入面塞咗舊芝士，好濃郁火灸芝士鰻魚壽司，好多燒鰻魚汁，好惹味。吞拿魚蓉軍艦，好多好蓉，好軟綿綿

今日放工係公司附近見到呢間日式料理外賣店就決定入去買外賣返去慰勞下自己同屋企人選擇非常多，有晚餐丼飯，亦有壽司，刺身，軍艦，小食，沙律，拼盤等三文魚腩刺身刺身好肥美，厚切令口感好好一d都唔腥，好新鮮點少少豉油食已經好夠味火炙壽司有火炙黑椒三文魚，黑椒味好出，同三文魚好夾火炙芝士鰻魚同火炙芝士帶子都因為芝士令成個味道提升左一個層次，好惹味火炙左口魚，入口即融，火喉剛好吞拿魚蓉飯滿滿既吞拿魚蓉，好足料撈飯食真係好滿足

呢間壽司店喺香港已經有好多間分店，仲有越開越多嘅趨勢，今日返屋企之前買啲外賣試吓先😊選擇好多，價錢好合理，即叫即做，今次試壽司同埋沙律，下次先再試吓佢哋嘅刺身😋返到屋企打開，賣相都好靚，排列好整齊，有25件壽司🍣，都好豐富，沙律超多蟹籽，真係睇到都開心🥳肥美嘅北寄貝和三文魚🍣，飽滿又多油脂，真係好靚，花之戀嘅賣相更加吸引😎蟹子壽司，甜蝦壽司更加係我嘅至愛，極力推薦甜蝦壽司，新鮮又鮮甜，冇得頂👍🏻仲有一讚嘅就係包裝得好整齊，又方便，下次開party都一定要幫襯佢，正😍

成日見呢間咁多人讚，分店又愈開愈多，就試下啦點知完全唔掂🥲🥲🥲啲刺身全部冇味🤷🏻‍♀️️‼️————————-三文魚腩：食落完全唔甘香，係完全食唔到三文魚味！！！真係前所未有！赤貝：大塊，但好腥蝦：冇味🥲帶子：唔係原粒，切薄左，都係冇味（食開嗰間只係$14/件，係原粒大大粒又厚身又鮮甜，呢間$35/2件，但質素仲差啲😓）龍蝦沙律：不過不失—————————-‼️舊飯最怪！好甜‼️每件壽司淨係食到甜味😂真係特別👍🏻—————————-等得耐唔緊要，但等得耐又唔好食嗰下真心sad🥲留返比其他fans食啦😅少個人買你地又唔洗等咁耐👍🏻🙏🏻

早兩天到朋友家裡聚會，大家打算叫外賣，但係又唔知食乜好，其中一位朋友提議這家壽司，佢話好好食，初時都擔心保温問題，不過店舖好好，熱食凍食分咗兩大個保温袋，凍食又放咗好多冰在裡面，所以送到來都保存到適合温度。👍👍👍壽司真係好好味，好少會覺得壽司有味，佢哋真係有比心機做，味道很豐富。熱食也很出色，蒜香三文魚帶子炒飯好惹味，值得推介。😋😋😋😋😋食物質素整體都很好，外賣包裝都很細心，會再光顧。👍👍👍