御火鍋 (已結業)

自從泰國食完鱷魚宴之後，一直都好懷念，香港好難食到~~琴晚屋企人介紹黎食 御火鍋 ... 我無念過香港都可以食到甘新鮮既鱷魚~所以御火鍋成為我開Openrice之後，第一編寫既食評講反琴晚呢餐飯，我未試過影甘多相，哈哈.... 人未食機先食...我琴晚仲一路食一路推介比D 朋友!!雖然，我媽咪未食過鱷魚內臟 (聽落可能好嘔心) 但係我同佢講，食左真係好寶身，而且鱷魚尾膠仲正過花膠tim~ 另外我仲有叫D 丸同埋嚮寧，都好新鮮好好食....不過無影 最後，叫左個好似好滋潤既 甜湯試下*我會再反轉頭食嫁!!!!!!* 最初仲以為都幾貴...但原來都係2百幾蚊每個人...又真係幾抵食既~

和舊同學聚，打邊爐慢慢傾最好不過！訂了位不用等！叫了「椰子雞湯底」非常鮮甜，服務員先每人勺了一碗湯，之後佢再加雞湯先碌其他食物。「安格斯牛肉」、「黑豚肉」和「手打丸」都值得推介！我地仲叫了$198半打生蠔！當晚是澳州smoky bay! 我覺得海水味濃左少少！我地叫了好多野食，7個人要$2000。不過坐得耐服，幾個鐘無人趕，服務態度良好！同朋友傾聚舊啱曬！

提前兩日book好枱。10個好友聚會，來試朋友推薦嘅御火鍋。來之前已知道呢間出名食鱷魚火鍋。坐低觀望四方，有各種鱷魚擺設，小電視裡不斷播放人工養殖鱷魚的宣傳片。食鱷魚？其實心裡有點怪怪的。。。因為人數多，又想試多啲野。我哋叫咗兩個不同湯底來試。一個系朋友推薦嘅呢間出名嘅番石榴蘋果雪梨煲鱷魚尾膠，另一個系椰子雞湯。侍應也不時會過來推薦一些飲品或食物，即使我哋唔接受也唔會態度差。。首先上湯底，每人一碗湯。兩種湯都鮮甜好飲，回味無窮。（因為太好飲，我事後忍唔住系屋企嘗試煲了番石榴蘋果雪梨豬骨湯 & 椰子雞湯～從此本家食譜多咗兩種住家湯選擇） 每人一碗飲完後，加水再煲，開始打邊爐～所有材料都好新鮮，加上鮮味湯底，真係好滿足！啲侍應服務好好，又風趣。真係朋友聚會打邊爐嘅好選擇！

材料敷衍了事, d丸完全唔彈牙，炸腐皮好明顯一係返炸，一係ｄ油唔新鮮. 草菇直頭有 d 苦嘅! 只有羊片 同美國桶蠔可以接受. 服務好唔好就見人見智, 因為佢都會應你, 但係肯唔肯幫你做又係一件事, 如果佢好忙嘅我會理解, 但係當晚成場只有寥寥3張枱, 我見佢地簡直隱沒咗喺黑暗入面( 因為現場環境勁黑,佢地仲要著黑衫, 實在好難發現佢地喺边) , 最勤力只係幫你倒飲品囉 , 唔係點會話咁快就飲完要再叫呢!

今晚和朋友一行5人 (2男4女) 到御火鍋打邊爐。門面感覺不是太似火鍋店，反而有點似按摩店，哈哈！落到地庫，座位與座位之間很闊落，裝修亦給人有高格調的感覺，不似平時去開的火鍋店。這裡以鱷魚骨湯底為主打，但怕其他人未必太喜歡鱷魚，想著試胡椒豬肚包雞湯底，或者藥膳雞湯，不過不是已經售罄，就是沒有大鍋選擇 (因為我們是6個人，所以要選大鍋)。結果，在沒有什麼選擇下，我們選了滋補藥膳鱷魚骨湯底。這裡的湯底是先供喝，之後才打邊爐，湯底應該是真材實料吧？很美味......自由調製打邊爐豉油醬料，雖然調味料不是太多，只有6種，但是平時最常選的調味料，所以已經足夠，而且載調味料的器皿很整潔，加分！至於打邊爐料，最特別是有鱷魚部位提供，不過我們沒有order，我們只是order平時一貫的打邊爐料，而價錢和出面其他的火鍋店差不多，沒有比想像中貴。本人覺得當晚羊肉比起牛肉好食，因為牛肉不是太有牛味。其他配料就普普通通，不過要一讚這裡的service，可能不是太多客人的關係，每一檯都有一位侍應照顧著，很好。最後，送上生果盤，這裡果然是sell賣相，連碟 & 叉也很精緻......橙亦切得很有心思。埋單每人$2

之前睇左報紙介紹係尖咀有間專食鱷魚既火鍋店,就即刻好想去試下.因為本人最鐘意食D 古怪野,今日終於約齊D FD, 一行4人去打大鱷!個地點比較難搵D, 係K11個邊行左成10分鐘先搵到...(原來係以前鳳凰吧個度~~). 地方唔算大,不過新裝修,整體都好乾淨. 入到去見到有個鱷魚櫃,放左好多條假鱷魚,有隻仲訓左係度..勁攪笑..跟住就開始叫野食.黎到一定要試晒D鱷魚LA .叫左鱷魚脷, 鱷魚肚,鱷魚肉,鱷魚腸,鱷魚潤.湯底就叫左個生果鱷魚尾膠湯, 跟住叫左個牛併盤食.口感: 最正係碟腸,超爽 , 平時食過D 雞/鵝腸唔同. 鱷魚肚: 一般,無咩特別,可以唔食. ,鱷魚潤:估唔到...會甜甜地...得意 牛併盤: 超正,牛味勁重.. 甜品:試左個鱷0膏: 好"金"香,有D似"龜0膏" 整體好食,下次可以再黎

Wandered in on a Sunday night after having made a reservation,Upon entry you are greeted and guided to your table, and the restaurant is decorated in basically black and silver with warm hints of dark gold.Big round tables with electronic plates (though ours was broken so they brought us a gas one), and some bench seats on the side, they also have private rooms.The restaurant specialises in Crocodile meat, we did not have any but it looked promising.We ordered a beef platter, various vegetables,

見到有豬肚包雞湯底, 所以黎幫櫬嚇, 竟然好食過深圳固D好多，湯甜而且胡椒味很濃。深圳食豬肚雞好多時都吾系包住， 就算包住都吾否呢家咁掂。雖然好多鱷魚野食，但冇試到, 原因有女人吾敢食。牛肉OK，花樣幾多。但系最正系個響鈴，泊得住杭州酒家。

涼涼地最岩去打下邊爐,路過見新開張唔駛等位就去試下啦~入內新裝修環境ok, 冇咩人, 但每枱都好近如果多人可能較嘈! 湯底鮮果鱷魚尾膠湯 (OK)牛肉拼盤（一般,沒有牛味）鱷魚腸 (友人話幾爽口)　鱷魚肉 (好似豬肉)仲有叫左其他普通火鍋配料 (冇特別)遲來友人家人做海味店話真鱷魚肉唔平架wo...好多係時見到平野會係巨蜥肉, 聽到即刻有d驚 諗諗下就算係真鱷魚肉都一定係冰鮮啦,加上可能間野冇咩人食物不太新鮮...所以一次就夠了

上星期有朋友約我去打邊爐,古古惑惑咁話包我地未食過,去到見到仲以為係普通火鍋無咩咁特別,原來內有乾坤,係食鱷魚架!! 我份人都幾鍾意試新野架其實...首先講下個環境先啦,都幾舒服,而且服務都唔錯,同朋友叙下舊傾計都唔怕嘈...之前去過一d任食火鍋,野食選擇又唔多唔新鮮,最弊係嘈到根本傾唔到計,各自各食完就埋單閃人。 d湯底都幾特別下架,唔同一般既清湯,沙爹湯,麻辣湯底。我地今次試左個胡椒豬肚雞湯併鮮果鱷尾湯,兩個都幾好,好夠味,個鮮果湯底都幾得意,酸酸甜甜咁幾開胃。聽講鱷魚仲係一樣好健康既食材,仲可以防癌tim呀!!下次試埋佢其他既鱷魚湯底補補先 由於在座咁多位都係愛食牛之人,所以就叫左個雜錦牛肉併盤,貪佢咩都有嘛,而且仲好新鮮好有牛味。你知啦,好多地方既牛肉得個樣架咋,完全無牛味架!! 好,下次可以試埋個澳洲和牛!! 話明係鱷魚邊爐,除左個鱷魚湯底之外,仲試左個鱷魚腸。係,你無聽錯,唔係一般火鍋配料既鵝腸雞腸,而係鱷魚腸!!勁呢? 佢好爽口,無咩腥味,仲好似無咁肥wor... 野生竹笙好新鮮同爽口,值得叫 仲叫左個鱷魚蒸飯,好香冬菇味,唔怕膩同埋鱷魚肉質感好得意,唔似一般魚肉。而且

比朋友拉左落呢間新火鍋店, 一落去覺得裝修情調吾似一般的火鍋店。後來朋友告知是以鱷魚主題為特式, 又幾過隱。湯底是絕對的驚喜， 點了兩個湯底,胡椒豬肚雞，同埋鮮果鱷魚尾湯底, 香到隔離抬聞到都話要點。服務員推薦先喝湯後打邊爐, 但就算喝完湯，加左湯， 湯底仍然正。牛肉拼盤是一個驚喜， 真系咩都有, 有和牛、手切肥牛,牛舌心,蹦砂腩，全都系靚料,冇投訴！第一次試鱷魚肉同鱷魚腸， 有驚喜， 好食過鵝腸。