御藏 (已結業)

今日去左北角附近開會，午餐時間又唔知食咩好甘岩見到附近開左間新的日式便當外賣，就去幫襯下啦叫左一份三文魚腩同埋甜蝦的刺身。三文腩勁肥美，片片都好厚身，入口好重的三文魚油的味道，幾有咬口，肉質結實甜蝦就大大隻，味道好鮮甜，而且肉質唔會好腍滋滋，証明都好新鮮下！另外叫左一份刺身丼，帶子都好厚身，肉質算唔錯。三文魚就冇腩咁肥，但係都算厚身同埋新鮮。略略覺得飯比較細，唔係好夠我飽！咖喱炸豬排便當都唔錯，咖喱味道唔會好似平時的日式咖喱咁甜，味道幾香。豬扒雖然係外賣，但係食個時都重係脆竹，算係難得！

呢間野開左唔算太耐，見佢係國都廣場樓下嗰個位置，好細間，其實睇落都唔多靚仔，行過都唔想幫襯。今次係因為想試下個UberEATS 所以就揀左呢間價位ok嘅試下。叫左個89蚊嘅便當，有大概8款中選2款，8款中有鯖魚，有漢堡扒，有南瓜薯餅，牛肉蔬菜等等可以揀兩樣。另外再配個加州卷。我就揀咗南瓜薯餅同埋牛肉炒蔬菜。牛肉炒蔬菜裏個味道都幾好，另外仲有翠玉瓜，洋蔥同埋椰菜做配菜，下邊嗰個飯係用珍珠米飯。份量大概有正常食飯嘅一碗半左右。另外仲配左一塊薯餅。個薯餅攞到過嚟嗰陣時候都仲係好熱，外層仲脆，好味。另外就叫咗個三文魚甘蝦壽司飯，果份量都幾大，三文魚刺身有大概六片，好肥美。甘蝦就有四隻，好甘甜，都幾好食，認真估唔到。講真如果唔係有呢個新程式，我就真係唔會入去食，但今次試完之後發現佢嘅質素都唔錯，下次自己都會行入去買，係一個幾好嘅選擇。好小外賣有甘嘅質素，仲有就係送貨時間，整個過程15分鐘唔使，仲要係食飯嘅繁忙時間，抵讚！

見到新開食肆梗係揾個機會試下啦！主打西日式外賣專門店，有壽司亦有炒飯類場內都有幾個堂食位置，不過係bar 枱個種，叫左個秘製豬頸肉飯，等候左十幾分鐘，都有5,6位等緊，其間亦有人打電話叫外賣，最好預先打電話再自取會節省等侯時間150以上可送貨。打開盒飯真係極失望，雖然40蚊有杯汽水送但舊豬頸肉真係燶過舊炭，底面都係燶ge！切得勁厚身，硬到完全咬唔到！點解甘樣都可以俾客？我已經唔係繁忙時段買員工真係好馬虎，而且等候其間見到佢地處理食材都唔會戴手套，重要整個開放式廚房俾人見到甘唔衛生，真係影響食慾

1舊花之戀要25蚊呢度有5舊都只不過係70蚊比起出面真係平啲雖然魚生夠曬新鮮但係師傅手勢麻麻地有一舊花之戀好少飯三文魚被師父揸得太勁失去咗魚生應有彈性亦破壞咗啲魚味三文魚真係非常厚切但係真係厚咗少少海膽算係過到關但係攞嚟做花之戀好似唔係好夾葱吞拿魚腩就夾啲帶子做花之戀好似都係唔夾要分開食先食到箇中味道