影片
以上资料只供参考，请与餐厅确认详情
好耐冇出去食野了，牛腩牛肚夠腍入味鬆化好味，而且放得好靚，肉丸好正，肉丸味濃喜歡這質感，忍不住買半斤回家嘆，凍檸茶好難得飲到甘好飲，茶味濃及甜度檸檬適中，好好飲，湯底腩汁重配合埋河粉，值得推介
继续阅读
第一次寫食評，非因美味，也非因味道惡劣，而是因爲服務實在讓人大失所望。外賣牛肚河，只看面頭，係牛肚河冇錯吖，結果一倒落湯到撩兩撩，河粉就只得啱啱面頭見到嗰兩條，其餘全部都係米線，實在唔知係比錯左，還是河粉賣完了，想濫竽充數，但如果賣完了，照道理是否會係落單、付款嘅時候講？然而並沒有。無論是哪一種情況，都非常讓人失望。第一次光顧此店，但想不到第一次就會有這種不好的體驗，而想必這將會是本人最後一次光顧。
继续阅读
一向都好少寫食評，去批評一間食店，但呢間嘢啲服務態度真係差到爆，所以已經好少堂食，但外賣都出事，成日加咗人錢但係就冇加食品落去，已經唔係第一次加錢要紫菜，但外賣返到去又係無比，都唔係第一次漏加，已經試過好幾次比錯嘢，比漏嘢，打電話例牌無人聽，啲伙記態度又差，唯一可以讚係收銀幾有禮貌，但成日錢照加，嘢就唔畀，唔會再幫襯囉！其實已經好耐冇幫襯，隔咗咁耐睇下佢有冇改善，結果又係咁，打咁長段野都係希望唔好再有人比佢呃！
继续阅读
今日喺秀茂坪街市食復興，見到一個着黃色衫長頭髮(後面好似set咗頭咁)既阿姐,佢態度認真差，講真你喺街市度開得嘅預咗係多呢啲叔叔伯伯，我見到個伯伯入嚟嗌嘢食，係老人家，個伯伯就係嗌咗菜心講多咗幾句菜心菜心，呢個阿姐喺間舖頭度大大聲嘩你究竟要幾多碟菜心啊？係咁不斷菜心菜心，你嗌咁多我驚我舖頭冇咁多俾你！真心有冇搞錯，人哋都係入嚟俾錢食嘢㗎！將心比己如果你屋企人係咁樣喺出面俾錢食嘢仲要咁樣俾人講你會點？檢討吓啦你
继续阅读
呢間粉麵店係街市，平時都見幾多人買，今次嗌咗兩個2餸麵。牛腩牛肚麵 呢碗既牛腩同牛肚都幾夠，好似一路食都一路有咁，牛腩好食又重牛味，牛肚就略嫌有小小韌。另一碗就叫咗牛腩雲吞河，牛腩個份量係ok既，雲吞得2粒真係有啲失望。個人認為雙拼既話，雲吞應該都要3粒喇。不過雲吞係好食既，如果嗌單拼雲吞唔知有幾多粒呢。其實之前係呢間嗌咗牛腩牛丸河，一樣係得2粒，覺得真係有啲少。下次都係嗌翻腩肚河，份量就最足。
继续阅读