微笑咖啡室 (已搬遷) 新店位置

難得兩公婆一齊放假，咖啡窩轉左手之後都冇再去過，就趁今日閒日人少少去食過late lunch🍴 大概3:30去到，叫咗一個黑椒汁西冷牛扒配意粉、一個日式吉列豬扒蛋包飯、配兩杯即磨咖啡。兩杯咖啡首先上枱，味道尚可。之後兩份主食同時上枱，日式吉列咖喱豬扒蛋包飯味道偏甜，豬扒味道還可而且厚身，日式咖喱汁唔夠濃，咖喱汁上面配上一pat類似豬扒醬，溝埋咖喱汁味道我就唔識欣賞。滑蛋係嫩的，成碟最好就係滑蛋。黑椒汁西冷牛扒先出事，切起上嚟好難切已經知道應該食唔到，食入口超級韌，肉無牛味又韌，要吐渣根本食唔到。意粉個質地我係幾喜歡嘅，黑椒汁好一般。應該冇下次

餐廳已經轉左手，但依然係等接機前既waiting area - 揸車入機場只需10分鐘。食物種類唔多，都係普通港式茶餐廳野食（出前一丁､炸雞翼、炸薯條）呢次去唔同嘅係覺得轉左手之後 食物賣相好咗，有d西餐feel. 不變既係新舊老闆都一樣有人情味，好多去開既已經係熟客仔渣車既朋友仔 與其入機場食貴野 又唔特別好食，時間充足的話不妨去坐坐。餐廳有indoor and outdoor，outdoor 都幾舒服🚬☕️，不過都有d蚊

週末叫食物熊貓🐼，碌過見到有最愛的吉列豬扒咖喱蛋包飯🍛，叫多個鰻魚汁牛肉炒飯🐮，三個字整好，一個字送到，半個鐘唔洗就有得食。👍🏻👍🏻👍🏻雖然外送上門，但口感質素同堂食一樣，份量足夠，兩成年人食兩份都有食剩。豬扒略硬可接受，炒蛋不會乾身，咖哩汁香，加入大量蘿蔔、薯仔、蔬菜，撈飯食好好味。😋鰻魚汁牛肉炒飯乾濕適中，味道剛好不會太咸太淡，還以為送到上門會焗濕。外送黎講屬意外驚喜，價錢合理，會再幫襯。😋

第一次入東涌馬灣村微笑咖啡屋，原來呢間咖啡屋雖然細細間，但都好多人來飲咖啡同食野。今次食左好多款唔同既餐，雖然係咖啡屋，真係估唔到食物既款式有咁多款。1. 慢煮秘制咖喱牛腩配飯咖喱味道好好，牛腩也燜得好入味👍🏻👍🏻👍🏻👍🏻2. 日式咖喱吉列豬排配滑蛋珍珠米飯又係咖喱不過係日式，都係好好味，豬排好脆，珍珠米好香好好味👍🏻👍🏻👍🏻👍🏻3. 印尼炒飯（豬肉/雞肉）呢個好正，有半生熟太陽蛋撈勻，好香好有口感，本人好鍾意食的一款之一👍🏻👍🏻👍🏻👍🏻👍🏻4.椰香葡汁雞飯椰香超正，而且雞好滑，好味👍🏻👍🏻👍🏻👍🏻5. 即炒辣茄蓉柔腸意粉意粉來講，呢個辣辣地有驚喜，因為真係好開胃，所以亦係我好鍾意食之一👍🏻👍🏻👍🏻👍🏻👍🏻6. 煎蛋免治牛肉醬意粉肉醬特別多，濃味，而且撈完蛋之後又係勁好味，我鍾意食之一👍🏻👍🏻👍🏻👍🏻👍🏻7. 牛肉漢堡同炸魚漢堡大大分，牛肉肉汁夠香，炸魚夠脆，好好味的漢堡👍🏻👍🏻👍🏻👍🏻8.玫瑰鮮奶咖啡☕️呢杯咖啡厲害，倒入玫瑰花露，整杯咖啡玫瑰花味，超級適合女生，好正好有特色👍🏻👍🏻👍🏻👍🏻👍🏻9. 海鹽焦糖咖啡屬於凍飲，大大杯，係抵飲既👍🏻👍🏻👍🏻👍🏻住東涌的朋友不妨入馬灣村微笑咖啡

我住東涌多年，認為這是東涌性價比最高的西餐廳，這𥚃與一般茶餐廳的食物味道是明顯不同，而且與老闆言談中得知原來老闆之前是酒店的廚師，自己創業並將酒店西廚手藝用在它的菜單食品之中，第一次試已經發現與一般港式茶餐廳的食物不同，而價錢與一般茶餐廳相約。 位置雖然偏遠，在北大嶼山醫院對面的馬灣村，即是東涌炮台附近，如果來到東涌是值得一試，推薦試一下beef burger，卡邦尼意粉，免治肉醬飯，而他們原來是叫smile cafe。

煙肉卡邦尼意粉汁多，口感幾好，份量算多。另外日式吉豬都個蛋做得幾好，豬排唔太油口感實正，值得一試。大廚有耐性服務態度幾好。室外亦可以帶狗狗🐶去吃飯，方便吃完飯再同狗狗散步

住東涌的人都知道東涌區既餐廳唔多，好食既西餐廳就更少，今日俾我發現左間新開小店有高質西餐，仲有正咖啡飲！！Very Nice！！（杯咖啡一黎到好快俾我飲晒，唔記得左影相😆）不得不提店員們既親切招待，個感覺就好似去左親友屋企食飯咁窩心。“Good food + Friendly Staff”👍🏻👍🏻👍🏻 We will come again for sure！☺️ 下次試下食午餐or下午茶。。Please keep up the good work! 小店加油啊💪🏻💪🏻💪🏻

聽聞轉了新老闆，就去試一試。果然有驚喜。下午茶點了雞翼薯條，豬扒包，咸牛肉蛋治，各樣都出奇好味，雞翼脆口有肉汁，薯條鮮脆，豬扒包鬆脆，咸牛肉蛋夠厚。今天再去試午餐，叫了肉醬蛋飯及卡邦尼意粉，肉醬是童年時食過的味道，卡邦尼也出色好味。以後會繼續支持的。重有晚市提供，至啱我呢d(冇飯）師奶，以後又多一個飯堂了。

放假偶然也會和家人去東涌逛一逛，今日沒有去東薈城幫襯連鎖餐廳，反而黎左呢間小店，故且看看有沒有什麼驚喜！入去店內覺得好乾淨企理，未食野都已經加左分。店長推介了咖哩豬扒飯，我另外再加多個黑椒牛扒意粉和屋企人Share。1、咖哩豬排飯賣相不錯，不用多加解釋。我第一時間試試飯面上的炒蛋，試完一口接著一口，我想講跟我在佐敦吃到的那間出名炒蛋不相伯仲。底下的豬扒夠厚，飯底用珍珠米，吃得出店長在製作過程下了心思。2、黑椒牛扒意粉相對咖哩豬扒飯，黑椒牛扒意粉明顯地不是Sell賣相，但服務員上菜時我的眼睛被牛扒的份量吸引著，真係好大塊！黑椒汁調得幾好，牛扒大塊之餘有肉汁，不是用鬆肉粉製作的一般貨色。要多謝朋友的推介，果然是很有心思的小店，絕對值得翻單。