德興食坊 (振華會) (已結業)

相信大多人都知道德興振華會一向以火鍋經營為主，但因為近排內部裝修嘅關係，暫時以粵菜經營。今次得朋友介紹，所以同屋企人去試一試！本來以為打邊爐先有房坐= = 我問過喇 就算係2-3人等等都會有房坐！呢度嘅菜色都係以家常便飯為主，買相同味道都唔差！^^加上價錢同一般餐廳都差唔多 都算OK抵食！大家不防試一試^^蒜片牛柳粒真係整得好好味！唔會話炒得太「UN」，加上有埋蒜片 好香！涼瓜炆倉魚都唔錯 個汁整得幾好 其實我本身唔中意苦瓜嘅...但佢唔會炆到條魚太苦 仲接受到所有唔食苦瓜嘅人 都不防試下！^^炸子雞啲皮好脆 肉唔會太「鞋」芝士大蝦伊麵真係好正 芝士味好重！同埋啲蝦真係好大隻XD波羅生炒骨味道適中 唔會太酸薑蔥魚雲煲 啲魚雲唔會太濕 乾乾地 幾好味沙爹牛肉粉絲煲 牛肉冇炆得老 不過我本身嘛嘛地食身得辣 所以算得個煲辣左啲 不過試下都OK

呢晚收工, 同男友仔約左 2 個朋友仔去食飯...朋友仔 suggest 去呢度打邊爐~真係聽都未聽過, 而且反正未試過, 一於就呢度啦 book 好枱 7 點半, 雖然我地遲到...但係佢都好好人打電話黎問我地使唔使 hold 因為呢度係會員制, 所以一定要其中一人係會員先可以去...不過就算唔係都唔緊要架, 第 1 次黎如果無人既 member, 佢就係比張 member form 你填 (求其一人就 ok)然後就會有張 member card 比你嚕 計晒所有醬介等等, 每位只需 $13x (醬料任玩, 而且不限時任食耶~)** 不過野飲另計的 **先揀湯底, 再剔紙仔, 我地要左...湯底: 番茄蟹鍋 - 清清的香香的番茄味, 蟹味食唔到, 蟹肉亦麻麻~火鍋料都唔少架...記憶中有食呢 D 野....午餐肉 / 芝士腸 / 木耳 / 花膠仔 / 海帶札 / 肥牛 / 魚皮餃 / 墨魚滑 / 牛肉滑 / 炸魚皮 / 豬頸肉 / 帶子片花支片 / 冬瓜 / 涼瓜 / 粟米 / 鮮腐竹 / 魚雲......etc佢地每次上既火鍋料都係得細細碟, 樣樣少少唔夠再叫, 唔使浪費, 讚讚

日式蟹湯牛筋眼、肥牛、四色丸、帶子、花膠、蝦片牛肉(送)、粟米、芝士腸、包芯丸、墨魚滑、南瓜、冰豆腐辛辣麵鱔、腐皮、炸腐竹合共$258.00去完（歷史博物館）睇《漢代貴族生活》，知吓古代上等人嘅習性，好有趣，十元好抵睇夜晚氣溫急降，打邊爐最好，搵任食嗰隻暖吓肚要咗日式蟹做湯底，蟹都有鮮甜味牛筋眼最有肉味，有嚼勁肥牛冇肉味，唔食唔係損失，送嗰碟反而最好食，有肉味四色丸嘅牛丸有花椒粉，好惹味帶子似‘流’嘢，食落似雪藏蟹柳味花膠似豬皮蝦片即係蝦餅切片，冇特別鱔唔腥，爽口最尾整個辛辣麵包底，貪個麵冇咁而淋呢度純綷過吓打邊爐瘾

又是中學同學聚會日子,今日有6個人,原本以為同學會帶bb女出來,所以訂了間房.點知最後bb無出現.不過,訂房都有好處,唔會太嘈,只是間房真的有點兒細小啊首先黎一個大混醬,然後再劃紙.送的牛肉無乜牛味,反為自己劃的牛肉幾有味.牛根眼:好有牛味,超好味鴕鳥肉:幾滑又夠甜味,叫了幾碟;四寶丸:自己手打的,雖然細細粒味道不錯之餘還很彈牙.魚麵:可以自唧唧,幾好玩,只是味道麻麻地烏冬:廉價貨式,超粉唔滑都算仲要勁鞋.豆腐:唔夠滑又無味蟹柳:無味的花腸仔:味道古古怪怪又硬硬的,叫了一次便沒有再叫墨魚滑l墨魚味唔重,麻麻地菜肉雲吞:雲吞皮太厚,要好耐時間先可以淥熟竹庶水:唔會煲得太甜,味道ok價錢:129(包加一湯底,醬汁),飲品汽水18元3罐可樂.竹庶水22元(多謝加一服務費)服務:想服務員出現時就無出現唔想出現的時候就出現,因為用gas爐關係,有要換氣的心理準備.個別服務員無乜記性,有漏單情況

~~~lee到係朋友介紹,之後就幾鐘意黎啦,因為出面d任食都無咩好擇,而且又唔好食,又要限時間,,但d到就好好多..係個房細d.所以都叫朋友唔好帶太大嘅袋.~~我地由8點食到12幾先走.LEE度除咗間房細咗D之外,真係好適合一班朋友聚會,因為自己一間房,又可以食煙,又有自己廁所,又有電視,唔限您食到幾點.而且您可以BOOK上午打牌,之後晚上打邊爐又得.,lee個笑係比個環境..服務就9流~~不過如果您唔介意坐唔坐房的話,可以坐出個個大廳.就可以減$10*******另外一提議係餐廳負責人:請改善各員工嘅服務態度,因為全部房都得一至2個人睇,叫十幾次先黎,連想加水,比紙.叫野飲,同加d醬都叫十9幾次.d員工黎到就態度差,反駁我地嘅order..幾次啦.又話lee又話路,都唔知係味服務我地,連我地叫個湯底,已經手取住個餐牌,手指指住個湯底,叫9xx號啦.我個朋友係佢正正隔離位,佢(女)都話叫咩no,我要個名呀,我朋友指住張相向住佢,就話要lee個呀,佢都要叫即係咩je,您講個湯名出黎啦..咁我朋友就講,佢就話得啦,走啦,,之後我地叫上生日蛋糕,佢話您地張枱咁多野點擺呀,喂,係好多牒,不過無

小弟都係第一次上呢間 德興食坊 打邊爐之前都係睇呢個網既介紹嘩..... 去之前見到樓下講佢 service 好差 , 所以早有心理準備 ,點知 原來同樓下講既 完全唔一樣 !!!! (我冇收佢地錢, 唔係 hardsell)一上到去 帶位 都好nice 丫 果陣around 7 pm 都唔係太多人阿姐見到我有件褸放起椅背, 已經拎椅套出黎 (講真我打左邊爐好多次 都冇呢d svc)之後佢就拎左一大盤"混醬"俾我 叫我自己慢慢混 haha張任食紙好多 choice , 不過蝦就要 30蚊 10隻 , 冇得任食 (我呢個蝦王只係叫左一碟) 俾左張單阿姐 佢地好快手就入單 唔夠 5分鐘d 食物已經放哂起檯面 ! 好快手 仲送左一碟手切肥牛 飲品冇得任飲 就叫左 3罐 Coke $15食食下 我自己加"滾水"啦 費事叫"加水"點知 阿姐話你出聲嘛 ! 有得 "加湯" 平時都係加水 ..... 呢度有"加湯" 真係唔錯 由於 入房要加 10蚊 我朋友揀左起大廳 我地由 7點 睇 TV 睇到9點幾 阿姐話冇限時 , 任你幾點走 不過我地見到出面都幾多人排隊 就埋單啦 總

兩位阿嫂生日，生日 gathering 當然要攪得有聲有色，選了德興食坊打邊爐，為的是這裡有獨立房間，玩都可以玩得放一點 一開始便是混醬時間，總之乜都加便沒可能失手，我喜歡先加各類醬料，再加豉油，試味可以後再加生熟蒜、辣椒、芫茜等，最後落丁點魚露。湯底分別點了皮蛋芫茜及鯊魚骨，味道沒有特別之處，主要都是看食材質素吧!附送的所謂手切牛肉沒有驚喜，只是普通貨色，反而美國肥牛一食便停唔到口，是任食火鍋中少見的靚肥牛 其他一般火鍋必備的雞肉、羊肉、豬頸肉、芝士腸、菜，種類齊全亦具水準， 唯一失望的是奶皇飽，皮厚餡少，似食了一團粉落肚，點心方面遠遠不及原創的有骨氣了!本來一邊食火鍋，一邊睇電視支持下馬賽幾開心的，但侍應的服務態度真的令我大開眼界，不知怎的，目光呆滯，沒掛著一點笑容，語調涼薄，口面望向西 最頂癮係其中一個傳菜阿姐，一邊放低肥牛，一邊再三"叮囑"我地唔好浪費食物，什至唔可以食剩一條菜 難道阿姐們無睇過劉華廣告??? 立即美食背脊骨落，換來滿肚是氣! 食物再好，環境再好又怎樣，今時今日這樣的態度真的令人卻步!!! 另外，既然這店明明主打火鍋，房內竟然仍是用上舊式 gas 爐，結果

環境-由雀房變成邊爐房,可以request要有獨立洗手間嘅房,有埋電視睇架夠晒私隱價錢-平到不得了幾什蚊任食,又有房重想點最緊要係有得混醬把唔好食嘅野帶反啲味道

已經不是首次光顧這店，我們再重臨"舊地"的原因簡單不過~店內設有獨立房間，房間內有獨立洗手間，還有一部40吋(?)左右的LCD電視，再加上這裡還可以XX，所以朋友都對此店情有獨鍾。這裡的火鍋食物及不上灣仔分店的多，但是也相差不遠﹔花膠仔、牛筋片、炸魚肚等食物質素都中規中矩，啤酒價錢更加超值，雖然味道一般但勝在價錢便宜。能夠有頗獨立的空間而如此收費，朋友聚會絕對適合在這裡舉行。如果想安排坐進房間，記緊要預先致電留座啊。(因為DC沒電，所以沒有拍照.......)

有獨立既房間,又可以睇tv 呀!! 幾好呀!!食物包括花膠仔，帶子等貴價食物, 肥牛, 墨魚滑, 牛筋肉, 豬頸肉、醬爆丸、芝士腸、蟹柳、唐生菜、娃娃菜、生根、雞片、雲吞、秀珍姑, 又有我既至愛, 鱔片,觬魚,蝦丸,牛丸,四寶丸,豬潤,雞子,公仔麵,水餃,奶皇包, 小籠包

五人火鍋晚餐, 獨立房間, 自成一角, 唔會比人騷擾, 有電視有廁所9 點前位位$73, 揀左冬瓜盅做湯底+送碟牛肉$80一開始俾成大兜醬料我地揀, 辣椒芫茜香?麻醬乜都有選擇齊全冬瓜盅好清甜, 湯好飲任點既火鍋配料最正係有花膠, 係其他地方未見過同埋有海帶, 又係未見過叫左兩支喜力, 兩渣庶水職員態度好好, 值得嘉許, 但效率就差左少少, 要自己出去?人加水但個廁所就真係窄左d, 女仔入去都難, 何況男仔埋單total $749, 平均每人$150, 個人覺得$130 會好少少

本來...個朋友仔係熟客...佢又講得咁好......我地就上左黎打個邊邊....價錢公道...野食ok...仲有間房...幾好呀...但係...我地竟然遇到離奇的對待...首先...我地叫阿姐幫我地加多兩個位...佢竟然好惡咁問返我地"你地究竟有幾多人?"我地就答佢暫時加多兩個先...佢就竟然鬧我地..叫我地講明有幾多人...其實都幾莫名其妙....我地話再有人就再加囉...因為佢地都係人頭計嫁啦...之後....未完.....食到中途...同一個阿姐入黎加水....佢加到鴛鴦鍋變成同一個鍋...我地好禮貌地叫佢唔駛加咁多...佢無理我地...咁我地都算啦...加左啦...都無辦法啦...如是者...第二次....我地就再叫佢唔好加咁多水啦...佢都係扮聽唔到...我地再講多次...都係有禮貌地講...佢竟然...好惡咁...鬧我地....叫我地唔駛咁大聲同佢講野....之後仲叫我地唔好似住自己靚...睇佢唔起...(下刪數十句...)坦白講...自問唔該前唔該後...出黎食野但求高興...我地絕對唔會睇人唔起...或者駛人唔駛本囉....但係今次有此遭遇...真係好唔高興囉...再

雖然地下是舊一點，第一次係樓下有點不知所措，但放擔一點上去喇，第一次雖然唔係好慣係雀房打邊爐，但當你嘗試過2個人係一間雀房入面，睇住電視，然後食住新鮮好味既火鍋食物，服務人員亦好有禮貌及殷勤的招待，但又可以享受2個人靜靜既氣氛，當你試過，肯定會再三回味呢，因為不限時間，可以慢慢食，傾下計，唔會趕你走。火鍋最重要是湯底及食物是否新鮮同多選擇，這些對我離講好滿意，湯底很濃郁，食物多亦新鮮，包括花膠仔，帶子等貴價食物。服務員大部份都幾好，唔會食到一肚氣。我覺得一間有誠意既食店，應該得到讚賞及支持，尖東的德興酒樓都一樣。環境會好一點，但沒有包房。

由佢個廣告一出街開始, 好多服務行業既從業員都話多得佢唔少.而家d人要求係高左, 但係只要你既服務水準一樣高左,駛乜怕?同牛小子兩個人原先想去尖東德興,點知9點後先有位,見佢同一集團,咁就黎呢間喇,要搵呢間野最緊要眼利,因為好易走過頭,其實佢係一出MTR 行幾步就到,報紙檔兩步路喇舊式大廈舊式電梯,其實呢到前身係振華會, 所以入面會有房仔提供,由於而家已經禁煙關係,唔會一陣煙味兩個人坐張細檯,仲有兩個位可以放野,阿姐仲提你不如兩個人一齊平排坐,咁就可以一齊睇電視任點任食都係大路野,湯底有大路皮蛋、紅蟹、沙嗲、鯊魚骨豆腐等6款選擇,結果要左鯊魚骨豆腐,入面都幾足料送個碟既手切肥牛肉味OK,任點既肥牛亦都唔錯,唔會話似出面d任食咁成片都係肥膏, 帶子有驚喜,彈牙冇雪味, encore 再encore,墨魚滑亦都彈牙,阿姨仲好好人幫你整落鍋.其餘仲點左牛筋肉、豬頸肉、醬爆丸、芝士腸、蟹柳、唐生菜、娃娃菜、生根、雞片、雲吞、秀珍姑等等, 食物都叫新鮮其他冇叫既見有鱔片,觬魚,蝦丸,牛丸,四寶丸,豬潤,雞子,公仔麵,水餃等約5/60款醬料方面$ 5/位All you can choose, 麻醬

唔記得提下: 有醬料車, 有多款醬料, 見到有蒜蓉, 蔥粒, 沙嗲等, 但order 每位加收$5, 不然只有豉油