影片
以上资料只供参考，请与餐厅确认详情
今日我朋友收到coupon后，谂住试下哩间餐厅，点知餐厅话唔比用话，28号先用得??? 吓，张coupon无写几时先开始用㖞? 老实同得大啤酒牌子合作，竟然唔承认coupon? 不如你唔好同啤酒公司合作啦。最后有叫散叫德国火焰猪手，面果浸肉做得好鞋，内里先正常，5蚊鸡只鸡直头烧㶶晒沙律，三文鱼意粉正常，乳猪唔错。因为怀疑铺头赶收工，8点半唔比叫饮品，9点系咁收碟，系咁赶你走。真心无下次。
继续阅读
因为朋友生日，所以都想喺大家就脚嘅天水围揾间好少少嘅餐厅食饭，呢间睇落食西餐、环境OK就入咗去试一试。我哋入去嘅时候8:10pm，个Staff已经即刻催我哋用QR code入单，话8:30截单，咁我当然问一句佢哋几点关门考虑够唔够时间食，佢就话9:30关门。我觉得都ok啊够时间食，就继续落单。咁啲嘢食8:30-40陆续嚟齐，食物味道系冇问题嘅。正当你谂住可以好地地食返餐饭，佢9:00突然间熄音乐，我心谂咁早熄音乐赶客，然之后冇几耐个Staff就拎住部信用卡机同埋张单过嚟好西咁话要埋数关门，叫我哋埋单同埋问我哋使唔使外卖盒打包拎走。我呆咗，即刻问：「你哋唔系话9:30关门？」佢就话：「其实系9:30前，因为听日餐厅我地休息，所以今日我哋都想早啲搞掂啲嘢走」我听完心谂：哗咁都得，明明讲好咗9:30，而家因为赶收工，所以转口话9:30前，咁样赶人走。讲真如果你一开始同我讲9:00就闩门我就唔会喺度食嘢，我以前都系做饮食，所以我从来都唔会阻人收工夹硬食，但今次完全系个员工嘅职业操守问题，赶收工大晒，钟意几点关门就几点关门，个样摆到明话我哋阻佢哋收工。香港饮食就系比呢啲咁嘅服务工作态度累死。其实我哋已经食得好快，佢赶我哋走嘅时候我哋都已经差唔多食晒，我就话不如你俾我哋食埋先，因为都已经食得7788，9:08我哋已经食完走。咁餐饭食得梗系唔开心啦，好似俾钱买难受，真系宁愿食谭仔好过，起码人哋话几点关门就几点关门。之后出门口睇佢都冇写准确嘅关门时间，大家去食嘅时候真系要小心啲，因为你永远都唔知道佢几点关门赶你走
继续阅读
我近排lunch饭堂就系Wetland嘅德国餐厅！佢嘅lunch Menu好抵食😋食物质素又高👍🏻😆值得推荐比大家！入到去环境好企理干净阔落～落地大玻璃望住对面消防局，小朋友超级钟意睇消防车🤣餐厅亦有BB凳同儿童餐具非常友善！装修点少得德国餐厅元素！蓝白色格仔布枱同埋木水桶嘅酒庄～彷佛身处于德国餐厅里面🩵职员有礼貌！已经成为熟客打成一片～美食⭐️⭐️⭐️⭐️⭐️牛扒意粉（可选择薯菜同米饭）hkd76牛扒好大块✅冇根！呢个价钱仲可以选择成熟度👍🏻我拣咗五成熟啱啱好😋小朋友钟意佢哋嘅酱汁捞饭👍🏻仲可以拣多汁添😍份量超级足我同小朋友食都好够饱！
继续阅读
离谱，睇到有set dinner 6-70蚊就试下 (未计加一)餐牌吸引入去结果全部嘢都系白灼呢个牛扒薄到呢！仲衰过大家乐 茶餐厅招牌既猪手白灼的无味猪扒 都系白灼的 又鞋又靭特价鸡翼鸡锤 黑到甘都俾人食 粟米汤加$10 全部都系渣 真系冇人会再去第二次☹️ 隔离茶餐厅好过
继续阅读
首先，是日餐汤+$10系蘑菇汤，好水，系水加蘑菇榨汁，应该冇落盐，冇味道！其次，主菜系德国白猪手配薯菜，猪手好多毛！薯菜都好少！成份都唔够热！然后，甜品+$8，系一口cheese cake。系仲未退冰嘅cheese cake! 切都切唔开，硬过我条命！餐厅环境方面，因为门面得店员一个人，斟茶递水，收嘢，上菜，收钱都系佢。每次有人一食完嘢，佢都推车出嚟，好大声咁收拾，铁刀铁叉好大声！冇咩环境气氛可言。点餐系扫QR code，斟水基本上只系入嚟时，比一杯水你，无咩服务。但要收10%服务费。总结而言，可一不可再，不推介呢间餐厅。
继续阅读