影片
食家推介
位处新墟大排档附近，店舖不大，有几张枱，感觉像一般清吧。黎到当然唔可以错过德国咸猪手，块皮好脆，而猪手肉亦系带有浓浓既午餐肉味，好香浓，味道唔错。配上旁边既酸菜消下滞，更开胃。
继续阅读
有日忽然想食德国野，就行到入商场既德国餐厅，一掀开餐牌就，香港地食餐饭都真系唔平啊！好彩，突然醒起屯门有DAS BIER，叫做价钱贴地少少既德国菜，咁就行过去睇下，竟然见到门口有个两人餐餐牌~只要8点半后入座，价钱就系$360，需另加一。先黎两杯德国啤酒，我唔系好识品评，因为我唔好酒的，不过因为够冻，饮落唔太苦。之前就上左一份墨西哥脆片，配辣蕃茄酱。个脆片唔系就咁系薯片袋倒出黎架，有炸过，不过略嫌油左少少，如果有用纸巾索一索油会好食啲。冇耐就上左德国肠拼盆，不得不赞有芝士𠮶条肠劲好食入面有流心芝士超juicy，咬落先知有芝士，超惊喜其他肠都好有水准，条条都多汁，唔会煎到干哂。重头戏黎啦～大大只咸猪手，由于炸过，表皮好脆，而猪手系煎好左，但并无偷工减料，肉质弹牙，食落阵阵咸香，食腻左食返少少酸菜，又可以再战伴碟既薯仔沙律都好好食。不过呢个二人餐太大份，两个人系绝对食唔哂建议大家可以自备外卖盒打包
继续阅读
前几晚同男朋友上网见到呢间德国餐厅就决定去试吓，我哋揸车嚟而餐厅外面就有停车位，超级方便！因为我哋book咗位嘅关系，唔使等位就入得啦嗌咗咸猪手同拼盘share食，嘢食不过不失啦，不过现场气氛好好，我哋食嘅时候系八点，咁啱有live band 跟住啲人生日又会一齐唱生日歌，非常过瘾！印象不错，决定下次会再嚟！
继续阅读
难得今日放假嚟咗屯门揾朋友, 食饱饭, 话早唔早话迟唔迟, 揾个地方饮返杯。🍻呢间德国餐厅店面细细, 入面只得几张枱, 最啱人少少模下酒杯底。嚟得呢度当然系饮德国啤酒啦, 拎起drink menu 以为有好多选择.... 点知好多款都贴住售罄(相信系长期都冇供应), 实在有啲失望最后叫咗杯Weisser Hirsch, 麦味香浓得嚟带有温和果香味, 好易入口。饮酒又点少得佐酒小食呢。呢款墨西哥薄饼我都系第一次食, 两块超薄墨西哥薄饼, 表面烘至干身微㶶, 中间夹住一层浓厚嘅半溶芝士。芝士仲混合咗葱花, 风味倍增。 薄饼皮食落唔系香脆果type, 而系边位微脆之余整体烟韧, 口感一流。
继续阅读
Menu得2只德国生啤(1黑1白)，2只都卖晒，又冇其他德国支装啤，作为一间德国餐厅冇德国啤，同鱼柳包冇左鱼柳冇分别另外Waiter 态度恶劣，一walk-in入到去就问有冇booking，我话冇，跟住佢就话得返个几钟就last order，好似唔想做生意想赶客咁，而得返一张4人枱我冇booking又比我坐，不明白问有冇booking的逻辑所在，都是想为难客人Waiter不想做可考虑转工或再培训，政府刚宣布免费重考DSE地点唔就脚但价钱跟另外那德国餐厅大集团差不多，平平租金肯定比大商场平一大截，有时真系想支持下小店都唔得贴钱买难受希望店东好好反省
继续阅读