德昌魚蛋粉

营业中

休息中

據聞德昌的魚蛋是人手打造的，所以吃魚蛋粉, 在云云粉麵店中,要選她的魚蛋粉,魚味濃,又弹口。但我今次叫左個雲吞麵。麵比一般的滑而且幼，雲吞也很足料。我同事就叫左魚蛋粉和炸魚皮，魚皮炸得很脆，我同事曾做飲食生意，他也吃得出魚蛋是人手打造的。順帶一題這裡的辣椒油是很辣的,不要落太多。

七月中旬•晴繼續掃附近的早餐。是日來到這魚蛋粉專門店，在香港經營食肆就是這樣子，那怕你是什麼專門店，不做埋早餐及下午茶，那維到皮費？要了個「豆豆A餐」，吞拿魚多士加上炒蛋及茄豆，豐富。炒蛋不算滑，還好也不乾身。其實我想吃多士，這件多士不熱，但還好是脆脆的，加上茄豆及吞拿魚醬，都好吃。咖啡奶味重，下次要叫少奶。

夜晚唔知食乜好，見腸胃唔太舒服，清清地食碗魚蛋粉啦區內最出名都算係呢間記得剛開幕個時幾好食，今日再戰！叫了一個魚蛋粗一個魚蛋幼收錢時竟找少了＄10佢都即刻道歉俾番岩錢我有冇搞錯？！好彩我醒目3粒魚蛋3牌魚片麵算爽口魚蛋都爽口彈牙又唔會太假但係最大獲係無味！乜味都冇！魚片比較好少少 叫做有啲魚味湯底，好淡，同當年完全冇得比以前好記得係白色嫁個湯底而家呢個，我相機QUALITY係差都睇到你個湯底好濁！一間魚蛋專門店都可以造到D魚蛋咁兩個字講曬，失望！！！

「香港美食100強」結果是，辣魚蛋能夠成為全港特色美食第二名，自然有它的道理，試問有那位香港人未食過魚蛋？ 又或者會問什麼是魚蛋呢？如果第一名的雞蛋仔是皇，順理成章第二名的魚蛋是后吧？ 而它亦是我之最愛，曾經試過天后的分店，但因家住北角，所以常常幫襯北角的 德昌魚蛋粉 皇后 自家秘方配製的魚蛋、魚片可以堂食，又可以外賣，每次到來都是例牌一道 魚蛋粉魚蛋內像注滿空氣一樣，入口十分鬆軟細膩滋糯，而且非常爽口彈牙和鮮甜，吮一啖滑溜溜的河粉， 百吃不厭的滋味在心頭 魚蛋魚餃雙拼用鯪魚蓉加入麵粉製成薄薄的水晶魚皮，加上餡料再包成餃子狀的魚餃，是姐姐必選之物，口感和食味也不錯，爽滑香甜，可惜份量並不多，但姐姐也挺大方地割愛讓我吃兩粒蠔油芥蘭用煮過麵含鹼性的水灼出來的芥蘭，特別靑翠、腍軟好吃，配對的蠔油已變得不再重要了 這裡地方不大，總是擠滿來覓食和放下十元八塊歇歇腳的人，繁忙時段要等位，好多時候還要搭枱，但不知怎的它就是有著一股攝人的魅力，讓人一試難忘，心思思又再回來

每次去完長途旅程,回港的航機上,總是想著要吃魚蛋粉, 而云云粉麵店中,最愛就是德昌的魚蛋粉,魚味濃,又弹口,河粉又比一般的滑而且幼, 通常我都會落魚露,加多枝cream soda,才$30 ,已是滿足的一餐了,不得不提,此處的辣椒油是很辣的,不要落得太多!

原本今晚想喺北角買餸煮飯，不過天氣太熱，最後就諗住喺附近求其食一餐算，不過真係冇諗過咁難食！魚旦米 ($20) 湯同魚旦都好腥，要落好多胡椒粉先食到凍齋啡 ($14) 走甜，不過冇走到仲要好甜朋友叫左以下套餐： 豉油雞脾通粉 凍咖啡 ($24) 通粉D湯=水加豉油仲要叫伙計寫單明明喺你面前執台望望你不過唔幫你落單，要叫另一個先得，唉！我一定唔會食下一次，貴得黎又唔好食！

本來一心想同mammy+仔仔嚟呢度試吓佢地啲魚旦粉既, 點知就一肚火......事源當日下午茶時間, 我推住bb車, 一踏入門口, 有個阿姐就話:"bb車唔入得嚟!!!", 咁我知啲位窄, 咁我就話我會摺埋架bb車, then 坐底咗, bb車已收, 諗住叫嘢食, 點知有個阿叔埋嚟講:"你架bb車阻住人wow......"我+mammy即刻講:"都阻唔到人行, 坐近門口個男人重阻啦, 人地坐到咁, 你地又唔話佢......" 呢間嘢擺明蝦我地啲女人+小朋友囉!!! 咁我地走, 無响度食.我覺得極之無理, 我去過咁多地方食嘢, 有更多茶餐廳啲位窄過呢間, 都比我拎bb車入去囉, 個阿姐第一句就話bb車唔入得, 我真係覺得好bull shit我次次去啲窄地方食嘢, 我都會摺埋架bb車, 咁呢啲係大家一人讓一步囉!!! 我真係未試過未食先走......奉勸大家, 如果唔想一肚氣既話, 就唔好幫襯呢間啲態度真係好差, 極差

食過天后,九龍城同埋北角呢幾間,普遍黎講,九龍城係首選,跟著到北角,點左碗魚蛋河粉,價錢合理,魚蛋睇得出用心製造,魚味濃,好彈口,直情可以當乒乓球咁玩,正,而d河粉就一般,唔係好特別!當大家想唔到去邊度食粉面,可以黎呢間試下

魚蛋粉周街都係，但有幾多間係整得好食既呢？冇乜。呢晚我幫襯既呢間魚蛋粉就唔錯，佢個河超滑，從未食過咁滑的河，ｄ魚蛋魚片就相對失色，唔算話勁彈牙，但ｄ河好味，價錢又唔貴就算啦。

六月廿二‧炎熱正餐吃不飽，唯有靠宵夜了，還好，這裡未收檔，可以吃碗魚蛋粉。這裡以魚蛋作招牌的，魚片及魚蛋都是其拿手菜，應不會差。吃起來爽彈，有魚味之餘，當然也有「師傅座鎮」，而湯底也當然有點假味。最欣賞的反而是河粉，幼身且薄，看起來半透明的，吃起來爽滑帶粉香，是全碗粉的精要所在。要走了，放下廿蚊，經濟抵食，最緊要的還是吃得飽飽的，感覺不錯。

人地成日話，一日三餐中，最重要既就係早餐，所以今日特別去左德昌。雖然佢係主打魚蛋粉既，但佢既早餐都真係幾多元化。有麥皮、有扒、有粉麵、多士咁。個炒蛋真係好正，好香好滑。雞扒好入味，個皮又香又脆。凍檸茶有少少澀，但勝在夠大杯。奶茶都幾香及滑，但都係新釗記正d。坐就坐得麻麻地舒服，不過冷氣好夠凍!!正!!

因為趕時間醫肚, 所以食碗魚旦牛腩河頂肚~說實在的, 真係冇咩特別, 所謂著名魚旦, 唔覺有什麼非常特別, 可能自己好耐冇食過啦~牛腩都好稔, 都OK~ 最特別, 令我有點喜出望外的係有兩舊蘿蔔, 小小心意, 唔成敬意, 蘿蔔幾好食wor~

2008年12月5號 - 下午1點左右今日是我第一次試德昌。 成日行過, 但是沒有去過食。 都幾奇怪wor。看到他們有個20蚊自選餐 (米粉, 通粉或公仔麵+奶茶)。 想試試。 結果揀左腸蛋公仔麵+奶茶。 先來個奶茶先。 飲了一啖就即刻覺得好好飲。 沖得好好。 無幾耐之後個麵來了。 試試先。 Um。 個麵煮得好好。 不太林。 但是個蛋煮的不太好la。 不但肥膩。 而食果時就爛的。 不太滿意。 最後2條腸都好好吃。環境方面就OK。 店鋪不是好大。 而我來到的時候已經好多人。 需要搭抬。 不過不緊要la。 最重要舒服。 德昌給了我一個舒服的環境。

昨天返學前來了一試，人都幾多。好多人都叫魚蛋粉。店內貼出了一張2001年美食之最大賞之獎狀，所以期望都幾高。此店魚蛋粉賣18蚊，魚片三塊，魚蛋三粒。我覺得魚片好味過魚蛋。魚蛋沒有魚味。河粉普通，不過，湯內味精都算多，喝了兩口已經不想喝下去。18元不算貴，不過真係無咩特別。不會向親友推介。

流感的高峰期, 都是不堪一擊,倒卧床上, 吃藥前到這裡買一碗雲吞粉外賣以2個盒上, 雖有點不環保, 但是對湯粉來說, 分盒是好事. $20旳雲吞粉分量真不少, 粉質幼滑, 湯底味精多了點, 雲吞都不錯, 蝦不多但是皮滑得很, 可惜病榻床上始終不是味兒.....