德朗甜品

营业中

休息中

街坊經過附近就選了這裏吃糖水，進入是一度自動門，裏面感覺昏暗，沒有鋪地磚的。一行二人分別叫了綠豆沙及腐竹糖水，後者加了一隻蛋。腐竹糖水的蓮子有少少硬，但整體也屬於合格。感覺舖頭的主打是水果系列，芒果非常大隻。我們坐了大半小時，沒有壓力，今次晚上的入座率大概是20%，洗手間需要外出的。就價格而言，定價就是普普通通，下單是使用二維碼的，也算是清清楚楚。附近的糖水選擇不多，如果有需要還是有機會再來的，如果有單車要泊在外面，還是能夠看到。

外賣芒果西米露第一次揸車去試下新店(唔知開左幾耐)落單個陣個男店員講野太斯文聽左2次先聽到佢講咩門外拎外賣 正準備離開 發現無匙羹回頭問女店員：「噫 點解會無匙羹嘅？」(當時女店員同2位女性朋友傾緊計)女店員 回覆 ：「匙羹要加錢」本人反問：「點解落單時 唔講聲？」然後我正打算離開 女店員隔離既女性朋友好幫忙地串客：「一向都要加錢架啦」 本人即時停下腳步回應：「加錢唔緊要呀，重點係咪落單時應該要講聲呢？」 店舖是否需要加強一下員工落單程序，妥善同客人溝通好呢？見新店，專登揸車黎試下，第一次黎就講到客人一定會知道店既規矩？？店員朋友好幫倒忙地趕客食左2啖 結論係：糖水過濃 濃於本身芒果味 食既只係芒果色既超甜糖水西米露 芒果略酸 品質有待改善

#九龍城德朗甜品 傳統港式甜品店！同朋友係啟德Airside食完晚餐，想食啲甜野，機緣巧合就搵到呢間禾稈冚珍珠嘅屋邨糖水舖，人均港幣$36。🍰藍莓芝士蛋糕呢款cheese cake偏黃色，同我以前食開嘅好唔同，不過味道又出奇地濃郁，唔會好膩，下次再食會encore！🥚腐竹雞蛋白果薏米係一款幾香港地道嘅傳統中式糖水，每款料老闆都俾到好足，樣樣加埋無論口感、味道都幾好食，暖暖哋比想像中好食。📸同場額外我嗌嘅藍莓芝士蛋糕菜單上面係有一兜藍莓，嚟到先發現得一粒🫐，不過呢個cheese cake係我目前食過數一數二味道濃郁好味嘅，所以唔緊要😂#香港美食 #香港foodie #九龍城美食 #晴朗商場地下 #德朗甜品

食左佢地個拿破崙，好酥脆。屋邨甜品店黎講算係有翻咁上下份量。價錢適中，份量都同樣，可以係深夜或者夜晚同朋友吹水既時候既落腳地！而佢地個紫米露，口感綿密、搭配鮮奶，都幾香甜，以屋邨甜品店加依個價錢，可以話係一道美味又健康既甜品選擇。同埋佢地出餐都幾快，雖然人手唔多，有埋外賣紙，有電話call，好貼心，咁就可以早d打過去，然後就拎走外賣，翻屋企嘆。🐝 味道：7/10環境：8/10整體分數：7/10🍊Flavor for Today | 今天的味道 | 🐝「還在煩惱今天的味道」What’s the flavour Today ⠀⠀⠀🍽Food | 🍀 Lifestyle | ✈️ Travel

啟德附近真係冇乜提供甜食嘅舖頭要去到啟晴邨仲要係得一間獨市糖水舖不過呢間糖水舖有好多款式選擇餐牌入面無論中/西/特色/季節性/凍嘅熱嘅甜品都有絕對可以滿足你嘅甜品慾望！✨芒果四重奏有芒果雪糕/芒果布甸/芒果肉/芒果爆珠/芒果汁芒果肉算新鮮嘅/酸酸甜甜好滋味/加埋啲芒果雪糕/增加口感同層次感仲有芒果布甸/正常嘢/係上面個藍色cream有啲怪怪地/好似要食色素咁真係好適合夏天食！🥢德朗甜品 (九龍城)🇭🇰九龍城沐翠街晴朗商場地下B005號舖

不小心到了十点还没吃饭,想吃的店关门了,剩下的不知道吃啥,但又不想饿肚子,遇到这家店还开着就来吃了。其实一开始没有抱什么希望,只觉得吃饱就行,等甜品上来的时候意外的好吃!椰汁西米露很香甜,西米非常Q,不会太过软烂,我还加了一份仙草在里边儿,仙草也很好吃。草莓芭菲的酸酸甜甜草莓冰淇淋我好喜欢,整体也很不错。下次还会再来的

屋邨甜品店，但質素唔錯，店舖有做下午茶老人家優惠$10館指定甜品，所以，都好支持呢間小店😊我同鄰居最欣賞的甜品係～👑棗皇糕我真係覺得好好食，質地煙韌，口感重質，甜量適中，熱食超級好食。第二最愛～檸檬愛玉甜甜地，酸酸地，質地有適量口感，好滑好清甜，夏天食真係好好味😋第三最愛～蛋白杏仁茶一如以往的好味😋質地順滑，蛋白足量，最喜歡佢唔算太甜的感覺第四最愛～楊之甘露芒果唔太酸，感覺上真係用新鮮芒果製作。

一間超級難食嘅甜品舖。叫咗芒果拿破崙切餅，叫嘅時候已經問個女仔係咪新鮮，係咪脆，佢答我係，結果上到枱，絕對唔係拿破崙切餅，攞三條喺超級市場買嘅酥餅，仲要係唔新鮮唔脆，只係喺上面節一啲好難食嘅吉士，加一個全部都係冰嘅益力過多雪糕球，然後就扮拿破崙切餅，仲要買$65 ，超級中伏，簡直離晒大譜。另外叫咗一個Oreo窩夫，又係難食到嘔，仲要$59 ，塊窩夫又乾又冇味，佢自家製嘅紫薯雪糕亦非常難食。從來未食過一間咁難食嘅甜品店，可能佢嘅什麼台灣甜品好食，但係千萬唔好叫西式甜品，不過我去過一次，以後唔會再幫襯。

食完晚飯🍚梗係要去食碗糖水啦🤩🤩🤩去返我哋嘅地頭啟德，唯一一間嘅糖水舖Dessert Country食返碗芋圓糖水先😋星期五夜晚去食糖水通常都比較多人，不過好好彩，仲有一張兩人枱🙏🏼☺️唔使睇餐牌啦！喺呢度我淨係嗌一樣嘢㗎咋，就係招牌綜合芋圓！🍡🟡⚪️招牌綜合芋圓🟣🟠- 荳腐花、黑糖珍珠、紫薯西米、芋圓、雲尼拿雪糕 -招牌綜合芋圓真係我食過最好食嘅芋圓糖水，自從我兩年幾前搬入去啟德，我叫咗呢個糖水起碼30次以上😅😅😅因為佢啲芋圓真係好新鮮，唔硬，煙靭度啱啱好😍😍😍加埋佢其他配料：黑糖珍珠➕紫薯西米，撈埋落個豆腐花度一齊食真係口感滿分😍😍😍最重要係佢用Mövenpick雲呢拿味雪糕，當佢個雪糕溶溶地變咗個湯底，連埋豆腐花真係好好食😋🍫朱古力心太軟🍰- 制作需時15分鐘 -朱古力心太軟係我男朋友第二次食㗎喇，上次食完之後今次佢又嗌😅😅😅因為佢話好好食😂😂😂佢個朱古力心太軟真係新鮮焗，落單之後真係要15分鐘先食到⏲🤪不過真係要讚一讚佢，一拎到嚟真係好香噴噴朱古力味，熱辣辣，用個匙羹撳吓佢，啲朱古力熔岩真係會湧出嚟🤣🤣🤣熱辣辣嘅朱古力心太軟加埋凍冰冰嘅雲呢拿Mövenpick雪糕夾埋一齊食好正🤩🤩

屋村甜品店嚟計，德朗依間的確難得有水準，食品多選擇多款式，有傳統中式糖水紅綠豆沙一定有，另外又有新派口味例如益力多爆珠，中式甜品棗泥糕、糖不甩…..西式甜品布甸、窩夫、心太軟…..打開餐牌的確係花多眼亂……😊冬天最愛蛋白杏仁茶😌近排天氣熱就揀凍野，涼粉西米露、台式仙草，而榴連小丸子雪糕就最鍾意，一球榴連蓉一球雪糕，入口軟滑陣陣榴連香🥰如果嗰日返工好忙好忙，就會特別想入去坐吓食啲甜嘢開心吓減減壓

對於不是住在附近的客人來說，這裏真的很不就腳，而且沒有delivery，今次因為約了住在麗晶花園的朋友才能一試想試很久的芋圓甜品芋圓一號有芋圓，仙草，紅豆，黑糖水晶和紫薯雪糕。芋圓煙韌亦帶有食材本身的味道，仙草嫩滑，紅豆蓉不會太甜，配合爽彈的黑糖水晶，整體來說口感不錯，值得一題是紫薯雪糕，自家製的，雪糕中有爽口的紫薯，頗特別，喜歡它整碗味道不會太甜，吃完不會有很漏的感覺。下次如果有機會再來，會想試一試榴槤甜品和土司

由於本人幾鐘意食芋圓係屋企附近又無乜糖水舖有賣芋圓突然發現啟晴果邊有間幾高質既小店有賣入面甜品種類好多但就偏貴左少少叫左芋圓4號，紅豆沙芝麻糊同糖不甩全部都好滿意芋圓果碗有連埋紫薯雪糕，好好食但希望可以比多d芋圓而d芋圓就無太子果間咁好食lu而紅豆沙芝麻糊亦都好夠味，真材實料糖不甩亦唔會食到好滯，甜度剛好細細粒岩岩到一啖一粒員工禮貌食物好快就到環境乾淨企理係同朋友吹水既好地方算係啟德九龍灣範圍唯一比較有質素既糖水舖突然興起想食下都係一個唔錯既選擇

星期日天氣好熱無意中被呢間小店下午茶餐牌吸引工40蚊可享朱古力棉花糖窩夫及一杯芒果爽非常抵食！窩夫非常飽肚又好味然而飲品略嫌較甜 較小芒果味但性價比一流坐得舒服😊

仙草樂園 $43唔係第一次食呢度嘅甜品，中式甜品價錢比較公道，但係其他甜品嘅價錢偏貴😖😖雖然甜品質素係唔錯，但係以屋村甜品舖來講，性價比偏低。不過，偶爾食一次都係唔錯嘅選擇～今次食咗個新出嘅仙草樂園，一向食開中式甜品嘅我覺得普普通通。仙草、椰果、小丸子、脆脆，各樣野分開食其實唔錯，但係呢個組合加埋一齊沒有加成的作用，唔係太明🤔🤦🏻‍♀️外賣自取九五折，但係外賣要加一蚊，即係冇減過…

正月十五，中國情人節，放工後決定跟女朋友周圍行下，吃甜品，賞圓月，共渡第一個中國情人節。放工好像不太肚子餓，於是去了甜品鋪吃甜品，點了1）朱古力香蕉窩夫$47 （9/10）賣相精美，窩夫外脆內軟，而且窩夫跟外面的不同，有著濃厚的蛋味，加上香蕉，朱古力雪糕，薄荷朱古力，脆爆珠珠，整體配合很好，份量也非常足夠。2）朱古力心太軟($58) （9/10）這個心太軟製作需時，卻是慢工出細活，暖笠笠的，甫切開，心太軟內的朱古力醬便慢慢地流出，一咬下去，味道驚為天下，配合雲尼拿雪糕，一冷一熱，冷熱交融的感覺像是升天。想不到這裡也有出色的甜品鋪，真是一個小驚喜。日期：2021.2.26