德福歡敘 (已結業)

住得算近，但又未黎過，原本諗住試下呢度，以為佢係比較特別既小菜館，點知只係再普通不過既酒樓! 環境只算一般，空間算大，但格局不太突出，o係呢區黎講，呢個價格我預計d裝潢會比較好一點。最先坐落張布有污積，要求換一張如是，換多一次先ok點，真的未進餐已打了折扣。食物方面，選擇不多，價錢算比較貴，一來不太餓，二來找不到見到個名就想食既送，所以叫左三送一湯1) 賽螃蟹($65): 碟頭幾大，睇落用料算可以，有蝦、瑤柱同蛋白，但食落比較油，原來蛋白裡面有d魚膠，唔係咁夾，食落算係比其他地方失色!(2) 醬皇石班煲($70): 熱熱上，有點鑊氣，不過用料普通，有豆腐同火腩，好有大排檔感覺。食落幾濃郁，但不夠精緻!(3) 招牌酸甜炸雞($65): 好大碟，好似食十人套餐咁大。個汁味道唔錯，d雞件炸得好脆，幾嫩，食唔晒要打包tim!(4) 粟米魚肚羹($65): 味道適中，用料算合格，但整體好普通，應該係大家o係屋企好容易整到既水平!總括黎講，如果幾個黎食就唔值得再去喇，d野除左大之外就無咩可取。

雖因此價錢略貴，但服務同食品都物有所值，環境比起一般酒樓無咁嘈雜。我食過…泰式食品，如炒金邊粉、青加喱雞等，好味。上湯浸莧菜、一碗雞，GOOD。最好味的是千層糕，好軟，勁正！

今日中午跟其餘幾位同事去飲茶，已經訂左位都等左四個字先有位俾我地．有位時就即刻填下表，快快快！唔知係唔係人多攪到好忙既關係，ｄmanager，waiter，waitress，傳菜人都兜兜轉行黎行去，上菜好慢．我就食左哩ｄ野：蝦餃一粒，燒賣一粒，冬菇粟米餅一件，菠蘿义燒包一個，蝦腸粉少許，籮白糕半件，蠔油菜心兩三條，鳳爪一件；仲有其他我唔食既野：金錢肚，牛柏葉，义燒包，流沙奶黃包，好肥既排骨，牛肉球，菜肉餃．我第一次食菠蘿义燒包，唔係好覺”流”，皮薄餡多，幾好味；冬菇粟米餅，食完好口乾，一般．我要多謝一位B同事請我地食飯．

今日Lunch o係度飲茶.整體o黎講.o係佢地裝修o左之後水準真係好o左好多~我耐唔耐都會o黎o既.點心整體o黎講好OK.比美心好食.但價錢亦比美心貴.都o黎得過o既.

九記地鐵站樓下, 極之就腳, 雖因此價錢略貴, 但服務同食品都物有所值. 伙記斟茶斟得密, 點心小炒有特色. 酒樓亦有卡位, 欣賞.環境比起一般酒樓無咁嘈雜, 煙區分隔得絕密, 空氣通爽清新, 就連茶客質素都高, 多數係白領或樓上德福民. 貴係貴少少, 但飲餐開心茶, 係值得. 去過數次, 細心觀察部長與伙計間之工作及溝通, 佢酒樓管理/制度的確係有質素, 實為他人榜樣.

星期六中午去飲茶, 等了差不多半小時就有位唔算耐, 入到去一坐低就會放碟前茶(碎豬肉炒四季豆), 看一看價錢$10唔算平, 之後點了牛肉腸, 鳳爪, 春卷, 尤魚牛栢葉生菜, 總括來講呢間野既食物味道都唔錯, 但好奇怪d點心食完得番隻吉碟d侍應行過見到都唔會收, 張枱又唔係大, 到後來d食物o黎晒唔夠放, 要叫人佢地先會收野, 服務麻麻

約了同事到德福晚飯，原本打算到稻香吃火窩,但太多人而且比較貴。見附近有間叫德福歡敘，格局及裝修也很清雅大方，而且逢星期五六日，晚上八時後入座，火窩料有半價(一般火窩料由$32至$48,半价後變成十多廿蚊碟,比起稻香低食,例如美國肥牛及蝦,半价後約$16-18),湯底也是約$68,我們叫了胡椒猪肚湯,味道OK,豬肚也很多.其他火窩料就一般，肥牛麻麻地，可能將价就貨啦.我比較欣賞這間裹衛生環境乾淨,食得放心。如果想在九龍灣食火窩，又想經濟些.這裡可以一試.我們５個女仔食了約18-20碟及有飲汽水,埋單$485.00,每人約100.

上星期一行四男仕去火煱, 成枱 材料加3枝大啤, @$101/head!!認真抵食!!!

一行八人黎呢度食lunch,都幾抵食,叫左唔少點心,每人都係夾番四十幾蚊,而d食物係唔差既,平過同一商場既美心酒樓。點心係用點心紙order既,d野都黎得幾快,唔使等好耐,另外都會有d人久唔久經過,推介一些特色點心。裝修左之後,呢度環境好左好多,雅致左。我想推介呢度既菠蘿包,因為係”名符其實”既菠蘿包,外表睇同普通菠蘿包無分別,但係原來係有菠蘿做餡既,都幾得意,一碟有三個,細細個。

吃過次火鍋, 胡椒豬肚湯底幾好味,D豬肚都好好食. 食物方面,帶子,蝦丸,墨魚丸和水餃都很好,其他都OK. 價錢都幾抵.

而家星期一至五8:00後去打邊爐碟碟$12蚊，湯底每款$38好抵，好過食任飲任食火鍋，而家仲裝修過，環境好過以前好多，有卡位坐，仲改埋名叫"德福雅敊",吾再叫德福大酒樓啦!^V^

早幾日同男朋友黎左呢度打邊爐, 都幾平喎. 碟碟都係廿二蚊, 湯底就梗係另計啦. 之前都有0係度飲茶, 都ok啦. 而家裝修過, 環境都唔錯, 有別於一般中式酒家. 而且仲有d卡位. 不過晚飯時間都唔係太多人, 打邊爐0既就更小, 好似得我地一檯添. 我同男朋友正想點食物0既時候, 發現價錢唔係碟碟都係廿二蚊. 於是就搵個人問清楚. 點不知問左一個乜都唔知0既人. 我男朋友問佢, 佢話我都唔知, 跟住閃左去. 咁都得?　除左呢位人兄, 其他侍應都ok. 叫左一個蕃茄薯仔湯底, 好清. 清到冇乜味添. 食物就好一般, 唔太特別. 最好味就係鱔, 好大塊, 好新鮮. 正~~ 最唔得係個薏米冬瓜水, 都唔知係咩味, 怪味. 唔好飲. 埋單二百幾蚊, 差唔多啦. 味道就一般. 不過下次會叫小菜, 好多人都係食小菜. 好似冬瓜盅, 雞...

用紙仔點完點心後, 要等一段頗長的時間才有點心送到, 而且紙仔的點心選擇唔係太多, 比較好味的都係蝦餃, 燒賣這些招牌貨, 總括來講, 環境比較迫, 食物質素和服務都只是普通, 抵唔抵食只係見人見智

我飲過茶又食過晚飯﹐都幾好呀﹐可能食晚飯多數有人請﹐<br>又試過晚宴都okga,D 碟頭都幾足分量﹐最鍾意係佛跳牆﹐<br>真係好足料。至於飲茶﹐雖然大﹐中﹐小﹐一律價錢﹐但好似無咩選擇﹐比較小點心車推過﹐但味道都唔係好差o者!!!

All Big, Med, Small - Dim Sum at $12 . Best price! BUT, taste is not up to standard!!