德興火鍋海鮮酒家 (已結業)

兩年前, 第一次黎呢度, 我同D朋友好滿意. 之後打邊爐都黎呢度. 可惜, 近一年的水準跌得好緊要......但早幾日再黎($280三位), 又回復水準......希望佢地keep住啦!

係lor...佢寫五十五就話啫...感覺上好似俾佢cheat咁..食物普通啦，不過又真係幾多選擇既~~好多人, 好逼, 上'菜'好好好慢...直頭好似入左去深圳割菜咁、去屠塲'湯'牛咁....

前晚去呢度打邊爐。入去之前喺樓下見到呢間好似幾好，$55位，任飲任食，諗住一大班人可以坐耐ｄ，所以決定去呢間。十幾個人坐埋一齊幾迫吓。每位送一碟帶子、珊瑚蚌、蝦，同埋送汽水或三文魚，ｄ打邊爐配料有好多選擇。ｄ味道一般啦，以魚皮最好味，但係魚皮餃有ｄｄ怪味，同平時食o個ｄ有ｄ唔同。埋單o個時要九十幾蚊，使唔使咁貴呀！人o地一般都係七十幾八十蚊，都唔知係咪星期日收貴ｄ！食完返到屋企唔舒服，之後仲肚痾。到第二日又肚痛，又痾多次！都唔知食滯o左定係ｄ食物唔乾淨！除咗我，有個friend都唔舒服，可能呢間o野真係有ｄ問題！

個場好迫,好多人, 不過香港地, 差不多啦..食物都係打邊爐一般有的料..都算幾好...不過坐得不舒適...服務同衛生都過得去啦...不過不是35位...仲要加湯底錢...醬油錢...茶錢....花生前菜錢...埋單每位成80....同廣合差好遠...

我跟朋友在此食過無數次旺角區火鍋店當中這裡款式多及新鮮我們喜歡晚上9:30後來因為9:30後是特價時段酸梅湯,竹蔗水是任飲如叫幾支啤酒,加一都是90元左右還可坐到3:00am打烊食得熱鬧..開心..

火鍋材料都算多，仲一人送一碟小海鮮（有帶子、蝦同珊瑚蚌），魚皮特別好味，而且會因人數而俾份量，所以唔會食剩好多或者唔夠，埋單一人約七、八十蚊，唔算貴

呢間食火鍋都唔錯,材料比其他酒樓的好,但他們切的象拔蚌實在太厚,唔夠爽脆.....伙記雖沒甚禮貌但都有效率.

D 料唔夠新鮮都算啦.....D 亞叔(伙記) 重要串到飛起!!! 旺角火鍋店多的是...做乜要俾110 蚊(1 位) 去食D 酸o既金菇重要俾人串叫"唔好食o羅!" 先?! 難道真係犯賤?! 定係全世界得返依間火鍋店呀?!<br>總之一句講哂- 以後無幫襯...請都唔去!!!<br>你地都唔好咁傻去貼錢買難受啦!!!

以旺角的火鍋酒家來說, 這一間算是乾淨企理了. 食品選擇多, 質數也不俗, 尤其是珊瑚蚌, 好味!! 三五知己聚腳之選.