心飴 (已結業)

向來不是甜品迷不會專誠到處去找來吃,但偶爾一試也無防.始終對西式那些來來去去也是糖+牛油+朱古力的重量級甜點興趣不大。這天出發到紅館前見尚有時間,不想到處逛便來了這裡.西瓜椰汁西米露----和平常吃到的有點不同,看見西瓜粒是浮面而不是沉底.因為用攪拌機把椰汁拌勻故質感是呈泡沫狀,吃起來是比一般的滑.並不像一般糖水舖般連椰漿花奶也懶得攪勻的做法.棉棉冰----冰花刨得夠薄,味道略人工化一點.但這食品本身不就應是這樣的嗎？出品真的很差嗎？起碼這次試的兩款也不是。更多文字分享http://pandamenhk.blogspot.com

都幾多人 ,我地坐走廊位 不過冇所謂 都係搵個地方吹水叫左芒果西米撈同心太軟一落枱(我):唔該依個咩黎嫁(店員):你地叫左咩(我):芒果西米撈(店員):依個就係啦(我):唔同樣既係少左士多啤梨同圖片只供參考$28食個少西米少芒果一d都唔值之後再黎心太軟做咩比舊泥膠我細細舊心太軟還可以 但d彩色糖霜勁大陸雪糕叫綠茶 冇綠茶味 要同心飴講:88如果見到黃X藍會同佢講:都係唱歌同拍劇算la

嗰晚開完會，一行六人諗住食少少野，有人話王祖藍有份開嘅甜品店喺附近，於是就去左試下。入到去打開menu，好多野食都貼左label無得揀。最後我地叫左四樣野Share，D野食其實無話嘩一聲好好味不過未至於難食到要即刻賣單。不過D職員好似發緊夢咁，送錯野食黎，送錯我地嘅野食去隔離檯，無俾餐具等等..最激氣嘅事就係賣單嗰時，我地比左四個毫子，佢話唔收毫子。其實除非顧客比多過法定數目嘅毫子，否則店舖係無權唔收。不過收錢都係一個職員仔，唔通同佢講法律咩！本來都諗住算數唔好刁難人，但係個職員D態度極度惡劣："我地唔收喎，呢度寫左架喇喎！唔收呀！"最後有人摷返個一蚊換返嗰四個毫子，不過食甜品係求開心，遇到咁嘅職員心情即刻差過食之前！我一定會同所有我認識嘅人分享呢個不快嘅經歷！

其實一早由開業至今已經好想黎呢度試一試架啦！皆因我係一個超級甜品迷，尤其最鍾意就係食心太軟架啦一開始已經見到各大雜誌既訪問，當然可能係名星效應啦終於到左今日，因為剛好去完朋友飲宴，呢度正正就係間離所以做就左我今晚終於可一嘗呢度既甜品啦我同男朋友２人，點了焦糖布甸＆心太軟配云尼拿雪糕一點完之後焦糖布甸己立即送上和男友立即試試，點知一食落口，凍既～其實我地大家都以為係熱既，但諗深一層佢又無寫熱定凍呀所以都唔係佢地問題，係我地無問清楚jei ^^雖然係凍既布甸，但估唔到又幾好味喎每一啖都有好濃濃既蛋味同男友一人一口，好快就吃完了食完之後等了一下，主角登場了，我的心太軟到啦立即和男友一起替它開刀，ｈｅｈｅ立即界開了一下，ｗｏｗ，ｄ朱古力就立即澎湃地湧出來了朱古力味濃郁，我愛它不是特濃那種朱古力，配上了云尼拿雪糕，一口心太軟一口雪糕簡直甜在心頭，美味極致！但當我回家後看見大家的食評都不太好或許我只是試了這２款甜品，說真的真是ｏｋ啊！所以站在這２款甜品我也覺得美味的立場這次我還是會給笑面的！希望下次再來試其他甜品的時候也能給我這種感覺吧！＾＾

好失望lor 那天放左學, 同朋友在尖東想找一家甜品店食下野. 想起, 王祖藍好像在這裡也開了一家甜品台.. 於是, 就找找看, 去嘗試一下lor. 其實只是看餐牌 (門口)都覺得他的甜品比其他的行家貴.. 不過, 和朋友商量之後, 都覺得, 可能他的會與別不同. 老實說, 也是之前看過不少介紹說ok好的... 入地去, 已被那"百萬"裝修嚇了一跳.......不是吧.........簡陋之極... 連"是正"既感覺都無.. 都算了, 入面2個小女生侍應, 服務都無.... 和朋友坐下, 選來選去... 也發現... 他的"貴價"甜品..比 一般的細.. 物無所值... 好了, 好了.. 唯有選一些大路野來食啦. 好勒. 點左個"香蕉船"... 同apple pie.. 點知都等左好耐下... 個c fu 同佢個朋友係禁傾.係禁傾... 我都等都有d 火時, 終於送來了!!!!!!!! 下!!!!!!!!!!!!!!!!!! 點解3個雪榚球都唔係球來既.. 得半個... 完全不是一個ball型.... 那一刻真係好嬲lor. 傾傾傾... 掛住同人傾計, 弄了什麼出來給我???

上星期五同朋友在尖東吃完晚飯後，一行數人去了王祖籃開的甜品店-「心飴」吃甜品。這間甜品店絕對係「名氣大、甜品差」。我同朋友叫了4款甜品，但4款甜品除了賣相不吸引，味道都不合格。一個字「差」。1.心太軟: 蛋糕中的朱古力漿好像凝結了一樣，很緩慢地流出來。雖然朱古力味道不夠香濃，但已是4款甜品中最好的一個。2.朱古力慕絲: 朱古力味道不夠香濃，慕絲質地偏硬。慕絲應有的軟和滑完全欠缺。3.焦糖布丁: 完全沒有焦糖味道，布丁質地偏硬，好似吃緊咖啡凍。4.蘋果千層酥伴雪糕: 這款甜品可算是最差的一個。首先賣相與餐牌的相片相差很遠，最有趣的是此蘋果千層酥 完全沒有蘋果 ，那些千層酥又不酥脆可口。最恐怖是唔知點解要係蘋果千層酥伴雪糕淋上緑色的糖漿，真係九唔搭八。

到隧道口搭車前想食d甜野先返去，呢到又未試過，剛好。睇云個餐牌，都唔知要咩好，有個特別既好似叫心太硬，問店員係咩，原來係金莎加咖啡雪糕，興趣不大。最後都係要左個心太軟，原先都想要個腐竹糖水，不過見隔離枱個賣相麻麻地，轉左要個蜂蜜菊花茶。蜂蜜菊花茶，幾甜下，唔係蜜糖既甜，睇黎要跟涼茶鋪學下野。心太軟，等左差唔多十分鐘，一筆落去d朱古力都流得幾棚拜下，是不錯的，朱古力味濃郁唔係苦果隻，面頭就硬左d，有點焗過龍，整體普通。d野幾大路下，當然糖水鋪黎黎去去都係果d野，不過有一兩款撚手都值得d客返轉頭幫襯，好似一品齋個腐竹糖水，簡直經典。如果心太軟係呢到既自信作，我無言。

這次幫襯經歷,有點迀廻.和朋友仔吃完晚飯,想繼續吃甜品.去到五代同糖,被門口那圍了一重又一重的人群嚇倒,最少要等二十張檯.對面的沛公,等位情況同樣恐怖.想起心飴,就向尖東進發,誰知,門口的人數,有過之而無不及,要等十張檯.唯有等.被安排坐走廊位,感覺突兀,但既來之則安之.三個人點了兩客甜品分享. 蘋果撻配綠茶雪糕蘋果撻扁扁方方一塊,味道幾好,脆得來味濃.如果溫度稍熱,味道可能會更好.綠茶雪糕味道幾好,幾滑,但不知何解,似煎茶多過綠茶.三心兩意三樣都份量的骰-法式焦糖吉士:甜度適中,雞蛋味濃郁.-木糠布甸:是軟身的那種,算滑,味淡.-豆腐芝士布甸:味道有點曖昧,淡中帶酸.猜估是以紙包奶製.總體來說只是普普通通.服務一般,廚房......講真,可以再企理一點.一試無妨,但未必有下次了.

今次是第二次去吃的！之前去過一次覺得D野都ok但今次真係好過分>n<我男朋友叫左份腐竹白果糖水碗中，有半碗都係白果，咁點食先？之後我叫待應幫我地換過碗，個個待應話依家好忙，好多生意，仲叫我地張d白果自己筆出黎就得，但問題係，張d白果筆出黎，碗糖水就得反半碗，咁姐係貨不對版啦！之後個位串到爆的待應幫我地換過碗，仲眼睥睥我囉！真係超唔掂！以後不會再去的！

今晚去完科學館睇展覽之後，九點幾十點想搵宵夜食。咁啱見到呢間甜品舖出面排左咁多人，又有咁多明星相同雜誌訪問，諗住好味啦，就入去試下，點知把鬼火！我和朋友2人叫左白果腐竹蛋，石磨芝麻糊同鹽燒雞翼。白果腐竹蛋超甜，勁浠，隻蛋係凍既！芝麻糊無味又浠，根本同用粉開水一樣！雞翼有雪味，又乾又鞋！總括黎講，完全無誠意，超唔掂，冇下次！

相片黑咗啲，請勿見怪！今晚同阿琪食完晚飯好似都唔夠飽咁，所以我提議去食糖水，咁啱我手袋又有張心飴o既印花卡，諗都唔諗就行去可能時間尚早，所以唔多人。打開餐牌都算幾多款式，不過我都係揀我至愛o既朱古力~heehee~我揀咗E1朱古力雪花冰──可以配自選三款配料2. 棉花糖5. 杏仁片6. 蜜紅豆嘩~~order完好快到我眼前，好大碟呀！好彩頭先餐飯食得唔算好飽朱古力味好重，唔會係偷功減料搞到淡晒。棉花糖係我至愛；杏仁片夠晒脆；蜜紅豆又有咬口。有機會我一定會再去試多次

路過時間尚早吃個甜品先回家，希望一天工作有個完美結束，點之...點了心太軟，應該係即焗等了都幾耐，甜品一來到，覺得份量都偏細。味道方面，做到流心，不過心太軟的外層好難吃。雪糕要了云喱那，無味的。$42，唔值。不推介別人去。

1. This is my second time to come to this shop 2. When u eat $50, u can have a chop3. I Love 朱古力的棉花冰, 蘋果撻4. I order 三心兩意, Good!!!

每次經過這裡都嚷著要進去，不過這條街的美食數之不盡，所以每次她都被遺忘了。今次終於為她「留肚」，跟男友一起開餐吧！我知道這裡出名「心太硬」，不過價值太貴，所以點了一款沒有店長推介的甜品：$25 新加坡白XX (因為個名好怪，怪到令人難記下來)另一個是朱古力的棉花冰，有三款免費材料任君選擇還有一碟$18 四粒的章魚小丸子 新加坡白XX材料用蛋白打成，所以沒有味道不過配以下層帶有忌廉的朱古力醬，兩者配合非常**這個甜品的份量比較袖珍，大食的朋友要考慮清楚了 朱古力的棉花冰朱古力的味道都頗濃不過口感還是元朗的「棉棉冰」較佳 章魚小丸子這碟小丸子的等候時間最久，我還跟男朋友笑言，她們會不會到街邊外賣小丸子來頂替呢？不過，這碟小丸子實在令人有意想不到的驚喜外皮很脆，而且章魚很彈牙，確實是用心之作！

11月13日（星期六）晚，是夜紅魔鬼的賽事開賽的時間較早（一般稱為早場），為免和家人爭電視睇，還是和女友出去位於尖沙咀的“主場”觀看賽事。是夜女友精神欠佳，心情有點低落，為了給女友打打氣，遂提議先去吃甜品，甜魔女友聽到之後精神為之一振，女友一向很怕喝奶茶或咖啡之類的提神飲品，相信今後可用甜品代替。以往陪女友乘過海巴士都會途經此店，已留意了一段時間，於是趁這個機會來試試。我們由入坐到自己拿檯上的餐牌來看，都沒有人理會過，若非要落單，相信也很難驚動正正坐在我們對面、埋頭苦惱地盤算著甚麼的老闆。我點了特濃焦糖布甸，原以為是熱的，來到時竟然是凍的，即是預先弄好雪起而不是即叫即焗的。這也算了，但我和女友吃完整碗後都覺得，不要說特濃，就連焦糖味也沒有，祇是普通的蛋白布甸而已；由於真的是即叫即做，所以女友點的心花怒放蘋果撻伴雪糕要等上十分鐘以上才有得吃，但問題亦由此而生。將薄薄的酥皮把蘋果粒包成花束狀再焗，蘋果撻理應是熱的，不過我們吃的時候已經涼了，更談不上是暖，套用某食友的說話，酥皮是很難弄得難食的，蘋果粒亦沒有特別，伴碟的紅荳雪糕也是一般貨色，有點過硬又不夠軟滑，反而色彩繽紛的忌廉汁頗香甜，較為