必勝客

营业中

休息中

打完針肚餓行咗去望一望跟住佢話打卡有七折跟住就嘗試叫黎食叫咗個二人餐芝士誘惑上面好濃郁嘅芝士下邊有蕃茄底薄脆批忌廉雞湯鍾意飲忌廉嘅朋友唔好錯過鮮甜美味忌廉夠晒濃郁香蒜肉絲意粉蒜味十足，意粉軟硬適中，材料豐富千層肉醬闊麵肉醬超多，淡淡滋味最後價錢方面稍為有少少昂貴

平日午市唔駛等 東涌呢間都有差不多20枱Lunch set有好多選擇（唔記得影menu）都有10多個餐可以揀 其中有3個係pizza一個餐包餐湯、主食同飲品餐湯可揀雜菜湯/蘑菇忌廉雞湯，揀左雞湯，好足料😍😍😍成碗蘑菇同埋雞～主食叫左至尊批🥰🥰可以揀厚批、薄批、燕麥批未食過燕麥批🤔🤔 唔知咩嚟架添一個人4小件，岩岩好好足料！勁多芝士、洋蔥、茄汁、雞肉、青椒～辣肉腸😬😬正呀～～～好滿足呀，因為平時一個人唔可以食到成個Pizza

屋企人俾咗幾張pizza hut 🍕優惠券我，話係佢上次「食幾多送幾多promotion」，滿50、送$50、滿$100、送$100如此類推。但條款細則係滿$200先至最多可以扣減$50。第一次嚟到東涌Pizza Hut，環境乾淨舒適，一行二人吾洗諗就叫二人餐。👩🏽‍🤝‍👨🏼點芝扭扭批2人套餐• 蘑菇忌廉雞湯 ：例牌同中學時代食一樣，忌廉湯非常濃稠，呈一舊舊狀態😍例牌罐頭嘢呀，無咩特別，得幾粒蘑菇。• 蜜糖芥末醬煙肉瘋薯條🍟：薯條炸得都脆身，吾算太油膩，配上蜜糖芥末醬酸酸甜甜幾滋味，但略嫌芥末醬份量少，吾夠喉。• 拿破崙雞肉煙肉意粉🍝：蕃茄味好濃烈，意粉過冷河過得足，好有咬口，雞肉嫩滑，好味😋• 餐飲2杯： 正常普通凍奶茶🥤，茶味唔太出，一般• 點芝扭扭批普通批1個（可選1款美式燒烤醬/松露龍蝦醬)：芝士批必定做到拉絲效果，上菜時熱辣辣，外脆內軟，其實似食緊芝士味麵包🥯，帶點煙煙韌韌。中間薄餅餡料有帶子、蟹柳、青瓜、蕃茄，足料不錯，不過食幾舊已經好飽。松露味幾香，龍蝦醬食得出用上龍蝦蝦膏熬製，味道突出。• 凡惠顧任何單點點芝扭扭批或其套餐即可免費獲贈威尼斯迷你批一客#但所謂嘅威尼斯迷你

適逢假期，相信個個都唔想留係屋煮野食，所有今次叫咗pizzahut個二人餐加埋啲積分換下其他野食，就算係二人餐都夠曬3個人食！我地叫左個超級至尊批，肉醬意粉，格格脆薯，另外用積分換左個薯蓉同蒜茸包。首先講下個批先，雖然係外賣，但送到過嚟仲有微暖，pizza底仲係好脆，配料都好充足，整體唔錯。而格薯脆就軟左小小，雞翼辣辣地幾好味。肉醬意粉味道岩岩好，唔會太喊，而且有好多肉醬，整體意粉唔會太乾。而煙肉薯蓉同蒜茸包都不過不失，唔錯既。

今日要歡送一位同事，大家夾份攪個小型歡送會，與一個同事去訂薄餅，去到問店員可唔可以早啲訂，在預計取貨前先焗，男經理非常nice話當然無問題，今日閒日仲做緊個好抵嘅優惠，外賣自取嘅，大批買一送一，又建議我哋加小食（都係好抵）準時去到就攞到薄餅🤨大批買一送一（$98）只可指定款式，硬皮紙盒企理，到食嘅時候已唔熱，不過又無走樣已不錯，辣肉腸：賣相不錯，厚批批邊無夾其他野（其實自己覺得Pizza Hut玩批邊玩到有點走火入魔，已脫離左我對薄餅嘅認知）辣肉腸凍咗較硬，鹹味亦太濃，完全食唔到腸肉腸以外嘅味道，厚批薄餅餅底有飽肚感，連芝士或茄醬味都搶晒！一般意式風情：無食白汁煙肉薯蓉（半價$23）無影相😔都無食呢樣三樣食物再減$40，只係$169仲想點？包裝企理，店員有禮又helpful，幫客人行一步加分！派對必備😙

係星期六日，或者公眾假期叫Pizza Hut係真係幾貴嘅。始終無左啲超值套餐揀，但佢出餐嘅時間又比其他快。試左新出嘅批，雖然凍左，但味道都唔錯，仲有肉丸同雞翼薯格。

星期日遲起床，簡簡單單吃個早餐，來到陪住成長的Pizza-Hut。一直最喜歡吃Pizza-Hut的至尊海鮮厚底批，海鮮料及豐富，每一塊一定會有一隻大蝦，配上特定的調味醬，用力咬下去，很有小時候吃pizza的感覺。好味！

由細到大都至愛食白汁焗飯或焗意粉。今日難得唔跑步╮(￣▽￣"")╭ 偷懶，即刻想食焗嘢。行去大家樂，諗住食焗海鮮飯(又)，點知大家樂又話制作中，唯有行番轉頭去Pizza Hut。一邊行一邊打電話去叫外賣，因為我知道要等20分鐘。其實Pizza Hut係我心目中第一首選，只係lunch食$67，又好似太貴。其實單叫一個寬條麵都$80，所以食個餐係抵嘅。賣相唔錢，睇落有啲乾。其實撈下，就發覺都唔係太乾，不過份量就肯定比單叫嘅細，但依然夠食( ´▽` )ﾉ啲海鮮配料好足，有蝦仔蟹柳魷魚同魚塊，白汁味濃。其實味道咁多年都冇變，同我讀中學時一樣，充滿兒時感情回憶。薯格同腸仔冇咩特別，可能因為我眼中只有寬條麵吧 😅

We went to Tung Chung for shopping in the outlet shopping mall and found that there is not so many choice for dinner around that area. So we came to Pizza hut and I love the Sopei soup here Its very fresh and yummy because it started to make when we orderedThe pizza with cheese was good too , we ordered a set for 2 persons but we can’t finish it all, I think the set could be done by 3-4 people.

去friend 屋企house warming，點少得叫pizza hut！夠方便，唔洗煩！Pizza Hut 🍕經常都有新款批，今期就係點芝扭扭批！揀左海鮮配料🍤，批邊造型係一粒粒，可以徒手成粒撕黎食，芝士心其實無咩特別，芝士味都無咩，好淡下，好似平時d芝心批仲好味d添😂有少少失望...同埋批中間既部份無預先切開，批底要自己用刀切開黎食。咁岩我地屋企食就無咩問題，但如果係街食呀，野餐呀，就麻煩d。同埋批底好薄好軟身，攞起既時候d海鮮跌晒落黎，要逐粒執番😂😂其實唔只我，個個fd都係一攞起d餸就跌晒落黎🙈整體黎講，個批其實一般，純粹係扭扭批個 gimmick幾得意，但味道其實普通🤷🏻‍♀️Pizza set 以外我地叫左隻烤雞，雞肉有d鞋，味道普通，唔特別。

突然想食pizzahut,就叫外賣送黎，講真而家pizzahut真係貴左好多下，但pizza都ok既！keep到水準！就算食唔哂都鐘意叫大批！因好味d,叫左個二人大批餐，有一個大批一個飯/意粉，一個小食，兩個雞湯，但想轉其他款咩都要加錢，最後埋單要270蚊意式風情加芝心批，好味！我女基本只食批邊！加芝心無咁單調！所以推介加錢都要加芝心肉醬意粉係咸左少少，但都好味既！仲要肉幾多下！好飽肚，我女食左兩碗仔呀最失策係le個加左十蚊既芝士菠菜，佢唔知係咪畀錯長通粉我，下低係長通粉黎，勁難食，你見d生粉仲未溶哂咁，同以前食既忌廉芝士菠菜爭左幾條街！成盒掉左！side哂錢呀le樣真係唔嬲既！唔係鐘意食都唔加錢叫、但點知黎d咁既野雞湯無特別，一貫幾好味而等送黎都差唔多一小時，都預左、所以想食要早少少叫

今日去咗東涌東薈城嗰邊整野 整完都差唔多11點 諗住食埋個lunch先至出去市區 本來打算食茶餐廳 但行埋過去街市果邊都諗唔到食邊間 之後又折返返過去地鐵站 望到有Pizza Hut 諗諗吓趁未係繁忙時間 所以決定去食個悠閒lunch 入到去 可能時間尚早關係未有太多人 望下menu 其實只有一款選擇係$49大多數都要$69至$79起 自己就叫咗一個肉醬意粉 包埋餐湯飲品 我就再加雞翼2隻等左15至20分鐘左右就有得食 熱辣辣 加咗勁多芝士粉 都幾好食 我反而唯一覺得佢就係醬汁比較多 仲帶少少酸 如果較啱份量就啱啱好 雞翼都偏辣 但明顯係新鮮焗出嚟 都好好食食到尾聲開始人流越來越多 所以都趕快食晒讓返張枱出來

We ordered a large italian delight pizza. The large size had exactly the same amount of topping as the regular sized one the next table had. They simply added a big ring of crust with no additional toppings. in addition to this, the chicken used was chicken ham and not real chicken pieces. at $179 + 10% service charge I can buy 2 large pizzas with real chicken for that price in Australia. Not recommended.

很久沒有去，原來食物味道好左，服務質素就一般啦，環境都吾錯，坐落都幾舒適，但係抬頭一望，哇，乜個天花冷氣位咁污糟，即刻打晒折扣，食肆吾可以忽略呢啲細節喎，希望可以改善下。

假日遊東涌，食餐 pizza hut 都有世外桃園 feel 。 從窗口位望出去，你睇幾 good 😎餐廳內環境都唔噃！😘叫個二人餐唔使煩惱。紅白餐湯各一，各有各好味小食叫左葡汁焗蔬菜，焗到老老地。仲有無敵的肉醬意粉，真心好味。Pizza 係普通size 厚批，一貫水準。由於係 member 關係，pizza hut 都食遍好多間，每間味道都 keep 到咁上下，唔會有什麼差馳。唯一唔同係環境及服務可以有比較。點解要寫食評呢？第一係要讚佢環境正！第二係想佢改善吓衛生，你睇隻匙羹幾污糟，黏左粒懷疑西瓜核.......第三係D員工節奏比較 hea ，明明大把位剩，明明大把人排隊，又硬係唔放人入去，唔知攪乜。