影片
营业时间
今日营业
11:00 - 22:00
星期一至四
11:00 - 21:30
星期五至日
11:00 - 22:00
以上资料只供参考，请与餐厅确认详情
食家推介
星期六放工後，約咗朋友喺油塘大本型商場食嘢😋 喺商場行咗一大輪，一齊睇吓有冇想食嘅餐廳😁 最後一齊決定試吓位於商場一樓Pizza Hut推出嘅假日下午茶☺️假日下午茶嘅餐牌其實都有好多選擇☺️我睇咗一陣，最後都係揀咗我最鍾意食嘅經典至尊批😆由於係下午茶時段，所以佢係迷你批😆 我覺得冇問題，因為其實對於我嚟講，一個迷你批嘅份量係啱啱好，唔會覺得唔夠飽或者太飽☺️ 我揀咗厚批，唔使另外加錢☺️ 經典至尊批保持水準，熱辣辣好好食😋🥰👍我加$3轉飲海龍王湯，絕對係一個好選擇😄朋友揀咗千島海鮮迷你批，亦轉咗厚批😆 佢亦加咗$3揀咗飲忌廉蘑菇湯😋 佢都好滿意佢嘅下午茶😄由於我哋比較晏先食下午茶，大約五點幾，所以餐廳整體客人人數唔算太多，唔使等位就可以直接入座☺️ 我哋喺餐廳坐得好舒服，靜靜地放鬆地享受我哋嘅下午茶☺️
继续阅读
其實都已經唔係第一次叫Pizza Hut外賣了，但係呢一次真係極度失望，可以見到餐廳員工真係Hea住咁做。返到屋企一打開個外賣盒薯條和蝴蝶蝦已經四散，跟住見到點解個薯條可以炸到咁白，咬左一啖，又凍又硬又難食，發生咩事。根本就好似過咗浸油就算，完全係唔熟透，連我一個唔識煮飯嘅人都識得睇食物色水，一個做廚房嘅員工點解可以咁求其？蝴蝶蝦勉強可以接受但係無酥脆可言。仲有個肉醬意粉，真係不知所謂，根本就好似冇焗過一樣，意粉上面加啲醬就出餐，兩個根本就完全分開 冇融合同焗過嘅痕跡，重點係啲醬多到每一啖都係超咸，ok無下次！
继续阅读
【116】用家自費分享！Walk In 唔使等，九成滿。7️⃣0️⃣CP值，2023/10/13/五/13:32，平日午餐時間，一人埋單(連加一)$94.60。店在商場內近扶手電梯，好易揾，空間大，坐得舒服，感覺乾淨，招呼友善，QR code落單，應該漏單，pizza好耐先到，催單後好快到，pizza好好味。8️⃣0️⃣午餐D夏威夷風光厚批$56，好脆好好味。6️⃣0️⃣跟餐忌廉雞湯，正常。5️⃣0️⃣跟餐忌亷，正常常。6️⃣0️⃣辣味雞翼2隻$12，好味嘅但係BB size。6️⃣0️⃣凱撒沙律米份$18，正常。
继续阅读
嗰日去咗行街，到咗夜晚夠鐘食晚餐，突然間想食pizza，所以就決定去食下Pizza Hut，因為好耐冇食。Pizza Hut夜晚會提供晚餐套餐，幾個人一齊食都幾抵食，食物質素同埋份量都唔錯。嗰日我哋叫咗個扭扭芝士批，可以喺側邊扭啲芝士出嚟，好得意又好香口，意粉都好好食。
继续阅读
Pizza hut 沙律吧，堂食加$48（晚市先有）食材種類唔係話好多，但選擇都唔少，沙律菜、車厘茄、粟米粒、菠蘿肉、桃肉、啫喱糖。雞肉開始以為會好乾好柴，但食落都ok ，雖然算唔上好幼嫩。煙肉碎就好乾。麵包粒都好香脆，但好似唔係好好放。沙律菜剪細左，難d放碗邊擴大面積。個底要夠穩固，先慢慢疊上去，中間要加d沙律醬可以加強食物間黏附令個沙律更結實。又可以砌積木咁玩下又可以食，幾值得加去食。不過就好似唔覺職員會refill 入面d野，order前最好睇一睇有冇想食既野先。
继续阅读
您可能会有兴趣的...