必勝客 (已結業)

AUG 16, 2009 (SUN) DINNER 日日2人套餐 $149錦繡大會鬆厚普通批一個餡料豐富包括有：辣肉腸、免治牛肉、五香肉粒、意式香腸、火腿、煙肉配香濃茄醬鬆厚批底上面舖滿 6 種餡料絕不稀場，配上濃郁的蕃茄醬，分外野味！不過我最欣賞係個脆脆哋嘅批邊，咬落外脆內軟好好味！意式雞皇飯一個雞皇飯係焗飯嚟嘅，焗得幾香，雞肉味道OK且頗多！燒排骨伴薯角燒豬仔骨無咩味，仲有D雪藏味添！薯角就真係唔係好掂，好似出哂水咁，全部起哂水珠，無人食！蘑菇忌廉雞湯兩客罐頭湯味道，幾濃好多蘑菇 & 雞肉！星期一至五呢個餐仲會免費升級至大批超抵食！不過今日下午去咗飲滿月酒，個個都仲好飽，成9點先食3個人都食唔哂！嘻嘻！

一食完即刻寫食評呀媽諗住叫外賣佢實遲所以6點鐘就叫左..諗住佢9個字先到點知一叫完唔夠十分鐘佢就打黎話出緊車- -個幾字就到- -果然係速遞!!廢話唔多講講下今日食乜東四人套餐:意國森林大批x1吞拿魚煙肉腸螺絲粉x1意式豬扒飯x1法式田螺伴薯蓉x1奉送百事一支有quopon買滿$150送秘製雞搥意國森林大批:外邊好脆卜卜夠熱辣上面d雞肉冇乜肉味仲有d蘑菇焗乾左..雖然賣相冇咁靚不過食落又幾香口而且pizza仍然一貫的油法式田螺伴薯蓉:熱食第一啖很有牛油香薯蓉算幾滑田螺好香不過本人唔愛惜地球開住冷氣食所以吹凍左...但凍左食離奇有陣酸味!!又酸又咸會唔會食到我腸胃炎復發??吞拿魚煙肉腸螺絲粉吞拿幾多不過好碎變左魚鬆個汁係蕃茄汁好對辨螺絲粉夠彈牙唔會焗到林身哂本人幾喜歡不過煙肉腸隱約見到藏有黑椒碎不過食唔出煙肉味得腸味好有趣意式豬扒飯同港式豬扒飯有異曲同工之妙也唯一分別就係豬扒係炸的炸粉厚到食唔到舊豬扒去左邊而且塊豬扒肥到想死咬開得肥膏..我究竟食緊炸豬扒定炸肥膏??又係一個有待查證既<<不解之謎>>飯係炒飯底有少許蛋花可見有幾片洋蔥同青椒青椒苦苦地好有地雷

pizza癮發作突然間想食pizza...諗起上黎都有差唔多半年冇食過pizza...立心打個電話order一個漁港風情薄脆批所謂的漁港風情即係有蟹柳、青椒、洋蔥同吞拿魚碎order差唔多半個鐘就送到黎屋企哥哥一蚊tips都冇收$92一個細批送到黎件pizza依然熱熱的二話不說即刻拎一件黎食芝士唔多~o岩哂我~料尚算多...每一啖都食到海鮮~配上千島醬味道更佳~不過價錢真係貴左d....pizza & chicken都唔駛咁貴....一個人一次食左半個pizza做lunch....~飽哂!

用東亞信用咭，有個大蝦沙律芝脆批套餐。另加＄１５加條蒜蓉包，共＄２００，有：忌廉雞湯兩客；大蝦沙律芝脆大批：好多沙律醬，好膩，味道好當然是一定啦！小食拼盤：星星雞塊－－最好吃！不會過火至乾；海鮮捧捧－－太少料，只為讓人有飽感；金沙骨－－味道一般，沒有驚喜；炸洋蔥皮－－可能真的是皮，硬硬的不好吃！葡國雞皇意粉：沒有想過有這樣的意粉，味道卻好！蒜蓉包：各人皆說從前的比較好味，事實又好像不香！今次４人吃，餘下的份量足夠多１人吃！

以往一向等到發傻都話黎緊黎緊，已經出發咗，只係三四個街口，但係都要成個幾鐘頭，今次真係出乎意外地準時在預期中時間還早到，值得一讚！而且個外賣速遞姐姐，好有禮貌！大家都想食pizza，所以order咗一個『星期一至四的$123套餐』享用，網上order滿$130還有一客瑞士雞翼送tim，好低呀！我們揀選左：美式風情大芝脆批（轉芝脆批另加$16）~ 餡料包括：辣肉腸、粟米、免治牛肉，配上濃香茄醬，味道唔錯。吞拿魚火腿螺絲粉~ 好乾且燶燶地tim，味道怪怪咁，剩咗大半盒無人願意食。蘑菇忌廉雞湯~ 嘩！好似漿糊咁，唔係唔係應該係似煮餸落得太多生粉的獻汁。瑞士雞翼~ D醬汁好香好入味，肉質仲好嫩滑，好好味！不過以前麵食會跟【半條蒜蓉飽】而家無咗，好可惜，單order一份要$21呀！佢地D蒜蓉飽有好濃的蒜蓉味架，鍾意食蒜蓉的必試！

有朋友上０黎屋企坐，響商場接過佢之後，大家行去大排檔（買佢想食０既糭）途中經過ｐｉｚｚａｈｕｔ，佢就轉口太話想食ｐ，提議買外賣上屋企食。本來想外賣速遞的，落單姐姐話自取的話某幾張信用咭有９折，咁就選左自取（哈）今日係假期好在仲有餐叫，２個人食就叫了一個‘一至日套餐’＄１４５－加勒比海ｐｉｚｚａ（我地攤凍左少少，味道ｏｋ）－菠菜雞皇意粉（以為好難食，估唔到咁好食，我食左大半盒）－焗田螺薯蓉（麻麻地，薯蓉ｏｋ，不過ｄ田螺黑黑的一舊，味道有ｄ膠味咁）－２罐百事朋友要儲單成為會員，於是叫多個併盤＄４０－魚圈ｘ４（又係攤凍左，林左變相唔係幾好食）－雞翼ｘ４（凍左都好好食，好入味）－腸仔ｘ４９折後埋單＄１６６．５０

今日係family day，一家人冇出街，於是叫外賣速遞。用HSBC有優惠套餐，所以就叫咗呢個。佢有五款食品，每款亦提供兩樣任擇其一。我地要咗：拿玻里烤肉腸變心芝脆批意式千層肉醬闊麵蜜汁烤雞全翼香草麵包條蘑菇忌廉雞湯先講個批，特別在芝心部份係用肉腸，唔係芝士，唔鍾意食芝士嘅人都可以食，不過Ｄ腸有Ｄ羶味，唔知係咪用牛肉做嘅呢？個批比較乾，可能醬汁少咗Ｄ啦，Ｄ餡料祇有肉粒\紅椒絲\菠蘿同烤肉條，Ｄ肉條好似火腿，冇乜特別。個闊麵細細個，有薯蓉同茄醬，都OK喇，最好味都係蜜汁雞翼，家人一致認同，麵包條幾香脆，点埋附送嘅蒜蓉茄醬都幾好味，個忌廉湯就杰撻撻，好以糊仔咁，飲到打冷震。不過價錢就真係好抵囉，祇不過183元，凈叫小食都要啦，個批差唔多係送咁，都可以試得過嘅。

大除夕叫咗外賣,但係材料又少咗,汁好似冇咁.淡都死.我阿媽話楢麵包檔都好味過它.講真又好似係.但個pizza要$118.同埋我用aig咭,有個買大批送普通批,不過個普通批好似細過平時的普通批好多.蒜茸包又有蒜茸味.唯一係千層闊條麵ok

試咗個鰻魚批，唔好味，pizza hut啲新批次次都唔好味，下次唔會再試。外賣星期一至四套餐又加價，由$116->$119->$123，上次叫都已經冇咗條「算」蓉包，越嚟越貴...

外賣速遞送黎屋企, 第一啖咬落去覺得好正, 好過KFC 0個0的, 但食食下就覺得有D腥味, 我諗係雪藏味0卦, 所以扣左分. 不過都食得出有芝士味.