必勝客

营业中

休息中

當我購買e個餐同淨係我講可以外賣，但我已經即時表示我要堂食，又唔同我講個餐絕對唔可以堂食就幫我落左單，出餐起初我見佢用外賣盒，我仲以為佢落錯咗外賣同堂食姐，之後佢先嚟同我講返呢個兩個餐係只做外賣嘅，咁我算啦，喺度食埋先走囉，最多我自己清理返嘅啫，點之有第二個走出嚟同我講E個餐咪同你講左唔可以堂食囉，語氣即係要即刻趕我走，如果絕對唔可以喺度食嘅，就一早同我講啦，我咪嗌過第二個餐囉，唔係買完出哩餐先同我講，仲要趕我走，我的是第一個反應係咩態度呀而家，到底有冇服務態度嘅訓練，有冇基本對答客人嘅技巧？跟住我就問佢哋當值嘅經理話要攞呢個職員嘅Staff Number同埋全名要投訴，跟住個經理呢就好似傻下傻下咁樣又唔想講咁樣，最後咪即係淨係俾個簡稱俾我，仲話佢全間鋪得呢個同事係咁樣稱呼嘅。而家係因為一開始冇表明清楚呢個餐係唔可以堂食，係一定一定唔可以堂食，仲要最後趕人走，如果貴公司覺得趕人走，係一場誤會嘅，你哋全間公司嘅服務態度都好有問題，成個training部都好有問題，仲要話趕人走個係資深同事，佢應該要重新由新入行學起咩叫服務同溝通技巧，當時你哋嗰場又唔係爆大把位，好心嘅俾我哋食埋，最多同我哋

呢個四芝士pizza 好味係好味大時大節等外賣我知唔會快小妹係用app訂app話等90分鐘後可到指定分店自取外賣小妹就早左10-15分鐘到問下職員話未有 唔緊要等到佢指定時間再問 職員都話未有 都唔緊要 我等多15分鐘⋯30分鐘⋯都係話未有 前後講緊等左2個鐘有啲客等緊自取外賣已經躁底緊有啲等到唔耐煩要求退錢我完全感受到佢地既躁 因為我都等到躁躁地終於⋯比我等到2個半鐘頭先拎到個pizza2個半鐘 真係等太耐 外賣自取⋯加上見walk in都快過我用app訂質疑係咪按訂單次序出貨其實有好多更好既競爭對手可以選擇下次大時大節 唔會再幫襯pizza hut太失望⋯⋯⋯

餐廳：Pizza Hut (屯門)地區：屯門地址：屯門屯門鄉事會路2A號 H.A.N.D.S S區3樓S-320B舖日期：11/10/2020 時間：11:00人數：3人等位：(外賣等咗約20分鐘）價錢：$70 + 6700 yuu積分最近近儲咗啲yuu 積分，所以拎咗去換pizza hut嘅嘢食，5000分換咗個至尊必勝批（普通批）、1700分換咗個意式雞皇飯，由於佢要先買一樣野先可以換，我就再加咗份千層肉醬闊麵。個至尊必勝批唔錯幾好食，正常水準；意式雞皇飯就雖然啲汁同雞都幾好食，但啲飯太爛；而要比錢嘅千層肉醬闊麵反而最麻麻😅可能唔太岩我哋口味。

疫情下，多左叫外賣，Pizza Hut應該好多人叫，尤其新年期間。一朝早就order定，set好7pm到，所以無遲到，一開始肚餓就有得食，幾好！好少食pizza薄批，原來真係唔得㗎，人地薄批脆架嘛，佢靭架！食佢既話都係港式厚批好啲！意粉都係咁啦，乾乾到，佢既貨色，無驚喜。

唔知點解由細到大，覺得去食披薩一定要去pizza hut，雖然都知道佢嘅披薩未必係最正宗，但已經食慣咗佢嘅厚批。同埋佢哋成日都有啲期間限定嘅披薩款式。由於屋企人話好耐冇食過芝心批，而咁啱又見到pizza hut新出嘅海鮮鬆厚批，噉就要去試試啦。是次揀咗喺屯門hands嘅分店。呢間鋪頭特別在佢係完全自助，包括自己出去落單，仲要自己出去拎餐湯飲品同埋餐具。可能我冇乜留意，但真係比較少見呢種經營方式嘅pizza hut。不過好在煮菜佢哋都會有職員送餐，同埋呢種鋪頭嘅優點就係不收加一。今次叫咗個四人餐，包括餐湯，蒜香肉絲意粉，葡汁雞皇焗飯，葡汁焗時蔬，仲有雞翼腸仔。相信呢幾樣嘢都唔需要我多介紹喇。唯一要講就係香辣雞翼依舊都係好香好辣好好食，仲有腸仔十分脆皮。接下來到今日嘅主角，超必海鮮鬆厚批。先講講個批邊，批邊面頭有啲芝士脆粒，係幾唔錯嘅。當然今次批邊都有芝心，但係個批邊芝士就撈埋啲茄汁，茄汁感覺有啲over，搞到批邊有啲酸。不過如果你話都鍾意食蕃茄嘅話，噉就可以試試嘅。至於披薩中間嘅餡料就係海鮮批，用上千島醬。好係好在佢都加咗d蜜桃，食落去感覺好fresh，同頭先好酸嘅批邊有對比，叫做係可以

呢種號碼取餐牌通常都係係快餐店見到，我都係第一次喺Pizza Hut度見到。相信大部份人去親Pizza Hut都係坐低落單，但其實佢仲有一種分店係自助落單，自己拎餐具，只有食物部份係店員送上嚟。呢種分店嘅好處第一，價錢比較便宜，晚市套餐只係需要$48起，已經有湯，主菜，同埋親人。比起平時嘅Pizza Hut分店度，一個意粉已經$60 ，性價比真係平高好多。另外因為佢係自助落單，佢係唔需要加一服務費嘅，所以真係比平時平好多不過佢全部都係用膠同即棄餐具，比較唔到，可能係因為店員比較少嘅關係，減少成本吧

颱風來襲，今早陪長老去儲糧，儲糧前要先儲飽個胃，一於去H.A.N.D的Pizza Hut。一去到類似美食廣場，流程如下：先搵位，排隊點餐，比流動鐘仔你，歸位。午餐跟有忌廉雞湯或凍/熱的檸茶/水、凍/熱的咖啡或奶茶。 長老決定食香蒜肉絲意粉$46上枱係好香，有黑椒肉絲粒、火腿絲、磨菇片 同青豆加紅蘿蔔粒。蒜味好香。夠熱。但味道欠奉。我要肉醬闊麵$56睇圖好吸引呀！一上枱 忍唔住嘩嘩一定一定係幻覺嚟!我終於試到肉醬蒸闊麵條一試難忘。如果想試下肉醬蒸闊麵就要黎試下啦。佢既食具一半係即棄食具，可以免洗對一間餐廳來講十分重要，不過唔夠環保。結賬$102。

今日去友愛邨搵兩個好耐冇見嘅朋友 本身相約一起飲茶 但係唔知點解今日茶樓超多人所以去咗隔籬pizza Hut 講真pizzahut真係少食佢有午餐選擇 我哋嗌咗一個pizza迷你批 一個香蒜肉絲意粉同埋一個飯個pizza好似乾咗少少 意粉同埋飯就很不錯可能平時比較少食啦 食落又ok喎 我哋坐咗成個幾兩個鐘 傾下計 感覺都不錯

今日去開友愛邨附近 一個人食飯 咁就去咗附近嘅pizza Hut 貪佢唔使等位 又有我最鍾意食嘅pizza想講嘅係依家可能係細鋪頭 價錢係平啲嘅 叫咗超級夏威夷芝心批 迷你批 都係61蚊 我係會員仲有九折 配番罐冰凍可樂

pizza hut又出新批啦！今次堡壘批有兩隻味，烤肉同海鮮，我地揀左海鮮試下😋由於太肚餓既關係，我地食先過部相機，所以冇影到相🤧🤧不過佢同餐牌上面個樣都好似既！個批有蟹柳，係幾好食既蟹柳🦀有蜆，蜜桃，車厘茄，呑拿魚，可惜冇蝦😢😢堡壘批特別在餅皮有波菜忌廉芝士餡，食落唔太漏，都幾好食，幾有芝士味，冇乜波菜味，餅皮又比平時脆～辣味雞翼大大隻，焗得滑溜，辣味啱啱好，惹味唔太鹹。薯格太淋了香蒜肉絲意粉好香蒜味，正！白汁煙肉薯蓉，好滑又夠味👍🏻整體黎講都係好食既，新批值得一試👍🏻

在早幾天晚上約9點，點了晚餐「海鮮闊條麵」餐，內有忌廉湯+甜品，發覺餐內的份量及配料比以往食開的愈來愈少。另外，這裡的店鋪在門口告示牌寫明是晚上11點關門，但不明白，為何服務員好似趕收工約咗人咁，未到9點半也收起了放在外給客自取的凍水及熱水壼及用具，希望該店能有改善，相信這店會有好大的進步空間。

下午茶時段點了這個是超級夏威夷pizza， 似乎焗過頭了，看來pizza huts 技術需要再提升，出爐外貌明顯燶了，但職員沒有主動更換，對pizza huts 極度失望

I finished work late today so I went into the mall to look for something to eat. It smell so good when I walked pass Pizza Hut so I went in and got a quick dinner. I got the chicken rice with Portuguese sauce. It looked delicious. Not only the food was hot but the plate was very hot as well. I was quite happy with that. There was lots of sauce😍. The chicken were in strips which was easy to put in the mouth. They were tender and juicy. The capsicum tasted so sweet and crunchy! I loved it. The sau

今日晏晝去左友愛同表姐食飯，表姐話表姐開左間好搞野既PIZZA HUT，就食PIZZA啦!點搞野法呢?呢間PIZZA HUT係自己搵位，自己出去買野食，好似FOOD COURT咁架，所以佢既價錢都相對地平。我地睇個餐牌，一般套餐都係$40-60蚊，已經包左一個飯/意粉，一個湯一個甜品，仲要唔使加一，真係好平!我同表姐叫左2個餐一齊食，漢堡肉醬意粉&燴葡汁雞皇飯。漢堡肉醬意粉: 份量唔小，其實同普通PIZZA HUT份量是一樣的。但係普通PIZZA HUT唔見呢個意粉!不過個意粉得一塊漢堡，我就覺得太少，漢堡既肉質幾嫩，唔係硬身的!至於肉醬，份量都算適中，個汁甜甜地幾開胃，撈埋D意粉度幾好味!燴葡汁雞皇飯:我係PIZZA HUT最中意食呢個飯，雞肉都有5,6件，最值得讚既係個葡汁，黎到已經聞到好香，宜家咸同甜各佔一半，味道岩岩好，雖然個葡汁COVER晒成個飯，但係食落又唔覺得好膩。不過少少唔好既地方就係D飯太濕，落得太多水黎煲飯，D飯差唔多好似糊仔咁囉!呢間PIZZA HUT咁抵，下次要帶埋老公黎先得啦!