忠記粥品 (人和悅大廈)

营业中

休息中

想食忠記既粥好耐，今日試下佢地既生滾滑雞粥，中午食晏時間人都好多，門口都是等外賣的人已經電話落打，去到都等5分鐘左右，頭尾都成15分鐘。😆😆 不過食完都覺得值得餐牌在門口，大家可以睇清楚先叫我就叫左個生滾滑雞粥，加個即蒸肉片腸粉。食左一半先記得影相😝$32真係抵食，雞好滑，粥夠哂味👍🏻👍🏻唔想只食一個粥，我仲加左個即蒸肉片腸粉：肉片係幾滑，睇得出有心，肉片都多加埋鼓油既腸粉都好好食😋😋

叫咗三餸湯飯已經要等成半個鐘拎到返嚟嘅嘢又錯嘅打電話問佢點解冇唔知喎你問事頭婆啦依家好多野都無返貨冇既唔緊要係咪應該打電話話俾個客聽冇芥菜都係冇一個啫叫三餸有一個冇都唔係好多我可唔可以比三份一錢丫

見到天冷冷，諗住叫個素湯飯暖下身好多蔬菜都無貨，但老闆補左其他蔬菜給我都好足料下！但最幣無落鹽，係廚師唔記得落定不嬲佢地嘅湯飯都係唔興落鹽剩係俾咗一包細豉油落完都冇味好難食

店鋪沒有人，店外有幾個等緊外賣，我只是叫一個炒米粉以為應該唔洗等好耐，點知得等左20分鐘都未有，以後唔會光顧以間分店，浪費時間。店舖有幾個阿姐，但無人收錢。等既時候真係好想唔要$13就走🤬🤬

我嗌咗個粥加窩旦外賣，去到鋪頭已經問有無加窩旦，戴眼鏡又話有，我打開個蓋，又話沉咗底，見佢答甘快甘肯定，就信錯咗佢，返到發現根本無，打去話搵番佢同佢無咗旦叫佢退番錢，竟然同我講喺個底到熟咗，我連旦白都搵唔到。最後食都底都無

今日腸胃不適，外賣點了滑牛粥，炸兩，1245去取，1240到達，示意店員有得取未，未有，那就等一陣，門外不太多人，想應該不會太耐1300先去問一問店員，未有再等1310,再追，巳經很久，而且其他等外賣的人也散去，巳經是新一批的客人在等待……1317, 我的号碼是002,但我看到006的巳經放在枱上待取，取貨時間是1315!忍無可忍，終於要强力投訴，才開始煲粥底！又發覺炸兩冇粉皮，才開始蒸！你們是不想做生意，請早開聲！

未試過粥舖食野等咁耐！嗌左豆漿炸兩等左好耐都未到，淨係掛住整啲外賣單，過左廿分鐘見唔對路，追一追個阿叔有冇落單，佢先斟杯豆漿黎。又再等左十分鐘，遲過我黎果個都食緊碟炸兩再搵第二個阿姐先幫我追

三送湯麵由湯底開始已經睇到佢地有heart唔係用一般味精湯底係用左杞子，紅棗熬旣鮮甜濃郁作為熱愛食各種內臟旣人類簡左平時比較少有旣豬腰同豬心豬腰新鮮滑嫩又唔腥好好食如果平時都中意食內臟旣一定要嗌！豬心就比較普通個別有d韌同難咬三個送旣份量都好多食得好滿足唔中意公仔麵底旣都可以簡湯飯相信都會好正另外仲嗌左南瓜肉碎粥個人覺得南瓜粥又係必食旣佢旣南瓜係多到足夠令成碗粥都變晒南瓜色比起白粥底香好多配咩送都好食忠記通常多人嗌粥我食咁多次都冇聽過人嗌湯麵/湯飯但其實湯麵真係隱藏美食黎未食過旣可以一試

🌈忠記粥品👾由細到大都好鍾意食呢啲港式嘅粥品由第一次，老竇帶我去食艇仔粥另外再加炸兩，成為我每次游完水必定用嚟暖身嘅佳品🥰🥰🥰今日行過銅鑼灣行過呢間忠記粥品於是就入去試吓啦雙拼粥，都唔貴嘅嗌左個艇仔豬紅粥再加埋我最愛嘅炸兩👾豬紅艇仔粥 $21✨粥底本身都好棉襪同埋唔算太鹹所以粥嘅口感幾好不過魷魚鬚同埋豬皮唔夠脆 唔夠爽同埋米粉底唔夠多不過整體來講都幾好而且豬紅都俾得好夠咬落去都有「漿」着啲牙嘅感覺👾炸兩 $12✨個炸兩真係唔係好得好似擺咗好耐咁油炸鬼部份已經林晒腸粉部份又唔夠熱整體來講唔出色

呢間粥品都算連鎖大型店，好似銅鑼灣、灣仔都有分店，朋友喉嚨痛想食清清地，就諗起呢一間粥店。·我自己就食咗牛肉粥、蘿蔔糕、腸粉，諗住清清地就實無死～·由於晏晝都幾多人買外賣嘅關係，都等咗成10分鐘先有得食。睇落正常發揮，識落就比普通其他粥鋪差。個牛肉粥食落好多味精， 基本上食咗一兩啖已經要食其他小食中和返個味精感，呢個做法應該係焗住叫你買杯豆漿解渴🥱我哋冇叫嘢飲基本上食咗半碗粥就食唔到落去。·腸粉係布拉腸粉，都幾滑㗎，豉油就偏鹹。可惜$12係齋腸粉價，其他地區可能已經送幾粒蝦米同蔥。·至於蘿蔔糕就一樣係配料比較少，蒸蘿蔔糕來講味精/胡椒味比較重，配料同樣相對刻薄，只係食到粉漿同蘿蔔嘅質感。個人比較喜歡蘿蔔糕食到淡淡絲，不過呢碟又冇。·整體來講，價錢雖然平但係師傅真係太重手，食完午餐基本上成個晏晝都keep住飲水，個喉嚨仍然好頸渴😿另外，姐姐走單嘅情況都幾頻密，佢唔記得咗朋友最重要嗰個炸兩🤡呢個要大大扣分～👋🏻-牛肉粥｜$19蘿蔔糕｜$12腸粉｜$12-忠記粥品軒尼詩道432至436號地下-

今日下午茶去左食忠記粥品。🙂好中意食粥既我叫左一個南瓜瘦肉粥。🤩佢既粥係新鮮即叫即煮👍🏻，所以上到檯仲係熱騰騰🔥。佢既餸係粥底，所以一定要由底撈起😙。佢既粥好足料，撈一撈就成碗變曬橙色，全部都係南瓜肉😋，而下面仲有好多瘦肉😍。佢既粥好甜好滑🤤，唔會好水，反而係好濃郁，仲要好綿滑😛，正😎！佢既南瓜瘦肉粥只係賣 21 蚊，性價超高🥳，其他油器都好平😄。可惜個碗粥太大😂，食完已經食唔落油器，下次再試😗！

假日屋企嘅早餐總係會同平日有啲唔同。平日食開嘅炸兩、牛脷酥、咸煎餅攞到返屋企可能會林哂，但係呢間嘅就出其地新鮮同脆卜卜。呢間係灣仔嘅忠記，佢嘅炸兩、牛脷穌同咸煎餅都好鬆脆，好新鮮。咬入口外脆內軟，鬆脆可口。實在是值得一試！早餐諗唔到食咩都可以試下

走過鵝頸橋底，見久違的粥鋪，回味一下！進店，港式粥麵鋪格局，牆上見這店每月一天贈粥給長者活動，推看餐牌，粥品款式不少，當中有較少見而健康的粥，如南瓜粥、粟米紅蘿蔔粥...... 個人首選南瓜瘦肉粥，粥稠度適中，材料十足，南瓜肉的清甜，配上軟棉的粥，好食！腸粉即叫即整，試了蝦米蒸腸粉，蝦米有鮮味，口感不錯，可惜粉皮比較粗，不太滑，整體一般吧！豆漿甜度適中，豆味不太突出，一般而已！這鋪主打粥品不錯，可以一試！

放飯時間，一行3人，去食粥。就係見之前有人話嘛嘛地，所以要去試。可能人多，樓面啲呀姐有啲亂。成日上錯單。又多外賣。但煮粥個幾位見又唔係太忙。都幾 hea 吓。唔講咁多，入題吧。1）艇仔粥 ／ 皮蛋瘦 ／ 豬紅艇仔粥艇仔粥 － 夠料，夠味， 夠熱。啲碎肉係熟，其他料都熟。係冇落花生。皮蛋瘦 － 夠熱，都算多皮蛋同廋肉。豬紅艇仔粥 - 夠熱，夠熟， 豬紅冇生味。過得去。2）炸兩 ／ 蒸蘿蔔糕炸兩 － 都幾大碟，油條唔算淋，都有啲脆。皮夠薄。都ok啦。係唔熱啫。蒸蘿蔔糕 － 都幾大塊，但唔熱。變咗失色。整體嚟講，又唔係其他講到咁差。想食粥可以返兜。仲有見佢有湯飯同麵。價錢又唔貴。銅鑼灣喎。

最近來過幾次食粥，第一次叫魚腩魚嘴 （$36），第二次南瓜粟米瘦肉（$24），第三次魚片艇仔（$22），都相當滿意。呢度啲粥選擇多，有生滾粥也有現成煮好的，配料多樣化，有不太常見的南瓜、魷魚、豬紅、甚至鮑魚，當然比較大路的魚腩、豬肝、滑牛等也應有盡有，而且可任意配搭。食過幾款總括來說呢度啲粥十分足料而且高質，即使係瘦肉都有鮮甜味而且鬆軟一啲都唔嚡，粥底夠綿唔會太稀或太杰，仲有非常欣賞佢味道自然，清淡得來一點不寡，健康又美味。除咗粥之外仲有湯飯/麵、各式腸粉、蒸蘿蔔糕、炒麵、油菜等等，適合不同口味。感覺呢度性價比高，放工想快快食個晚餐呢度會係個好選擇，以後一定會再光顧。