忠輝燒鵝專門店

营业中

休息中

新年流流 聽朋友講呢間都幾好食啲燒味飯 屋企人去到落單個陣叫佢多蔥油 佢竟然話：「咁多要求 自己返屋企斬啊嘛」 態度勁差超無禮貌 唔知平時有咩怨氣要發洩係啲客人身上 因為事後行走緊個時先聽返屋企人講呢件事 如果當下我聽到 一定唔會比錢 直接走人 個位啊叔 麻煩比返少少禮貌 係OPANRICE見到既留言唔係剩得我一個 可能好多人都比佢咁樣對待過但無特登上網講 今時今日咁既服務態度點得架？我諗應該都係打工仔唔會係老闆 咁無要求難怪做打工仔啦！

份量係多既，質素都 ok既，但想問葱油好貴嗎？我雖然叫叉肉飯但已好有禮貌講聲唔該加葱油，返到去打開係冇既！我平時間中會去買，5次有4次都冇加？！最初我以為細聲你地聽漏，但之後幾次你地有認我加"葱" 架喎！你地幫我打埋膠袋既結，我又多數手拿東西又費事咁老土係你面前打番開黎 check 啫，我唔介意加錢但你地唔好敷衍我好喎，一係你當面跟我講無得加，食燒味飯我覺得加葱油正好多～算啦，我下次行遠D去街市果檔買，雖然質數比你地差小小但人地價錢又平你地一截，起碼人地有認真聽我講加葱油！🤷🏻‍♂️

這家燒味店在區內好受歡迎，食飯時間都大排長龍。店內有多款燒味可供選擇，單併飯只售28元，雙併飯售價30元。我點了燒腩仔及貴妃雞的雙併飯，送了一包柑桔檸檬的紙包飲品。飯盒塞得滿滿的，毫不吝嗇。燒腩仔肥瘦均勻，貴妃雞好滑，配上惹味的薑葱油。

超級差，一打開，見到啲叉燒。。。哇，白雪雪，又乾又柴，完全無燒過，一啲味都無。。。。。都唔知自己食緊乜啲紅色既叉燒邊得紅色，完全無味，係乜味都無！！！！！幫襯過咁多一次，未試過咁差，廚房似轉左人，完全唔掂啊。啲叉燒斬到一忽忽，又乙啲飯又乾，蔥油唔香。。。。。啲雞又瘦又無肉，啲肉好乾，無豉油味，無雞味，點解成盒飯會難食成咁，無一樣係食得落，唉。。。。。。。。雖然係$28，係平但真係完全不值！好唔掂啊！

今日路经又新街，見到忠輝燒味，諗住好耐冇食，就試一下，買舊义燒比個仔食一吓。一去就叫個斬义燒阿哥比舊林啲嘅义燒，一時不留神冇睇清楚就比錢走人，點知返到屋企至知道條友比啲白肉义燒比我，係唔係玩野？又瘦又柴皮啲义燒比我，叫人點食呀？仲比我個仔寸，忠咩輝，咩出名燒味，連求其一間公屋街市燒味劏都不如，我同佢講都128蚊一斤架，我嗰仔就話啲义燒仲衰過义燒飯盒嗰啲。千其唔好買比嫲嫲食，食鬼難嫲嫲副假牙你就大檸樂。所以，再忠實嘅客都頂唔住要X佢。冇下次幫襯。完。

最近因為疫情的關係，很多人都改變了他們的飲食習慣，開始更頻繁地點外賣。其中，雞肉飯是許多人的首選之一，因為它不僅美味，而且又營養豐富。今天我就要分享一下我對於雞肉飯外賣的成癖。首先，我必須強調的是，要選擇一個好的外賣店。好的外賣店會使用新鮮的材料，並且確保他們的菜式味道正宗。如果你找到了一家好的外賣店，你就可以放心點餐。當你點了雞肉飯之後，外賣店通常會為你提供一個方便的包裝盒，讓你可以方便地攜帶和食用。這個包裝盒的重量通常很輕，但是它非常堅固，可以確保你的食物不會損壞或洩漏。當你打開包裝盒時，你會發現雞肉飯的香氣已經飄散出來了。你可以看到大量的米飯和一塊塊肉，顏色看起來非常誘人。雞肉飯的味道通常非常香濃，而且非常多汁，因為醬汁已經滲透到了米飯和雞肉之中。當你開始享用雞肉飯時，你會發現這是一道非常美味的菜式。米飯非常軟糯，而且與肉類的味道完美結合在一起。肉類非常鮮嫩，口感十分豐富。如果你選擇一家好的外賣店，你甚至可以吃到一些額外的配菜，例如蔬菜或者豆腐，這些可以增加菜式的口感和營養價值。

係元朗又新街必食燒味飯推介.佢哋依度燒味 飯盒雙拼只係$28元.單拼飯$26元.四寶飯有兩種（腩仔四寶飯/燒鵝四寳飯）$35元.份量勁足.味道唔錯.絕對低食.唔會好似別處俾你啲頭頭尾尾.斬出嚟嘅部位.我每次入元朗覓食都會外帶回家.因為每次行過.都見到啲燒味好靚掛咗出嚟廚窗.見到好多街坊都會幫襯.佢哋嘅飯盒還有一盒紙包飲品送. 廿零$30蚊多包埋飲品去邊度搵.所以被吸引住！今日我又買咗兩盒.燒鵝四寶飯/腩仔四寶飯.兩個四寶飯好吸睛！🚶🏻‍♂️👉📌忠輝燒鵝專門店 (元朗)元朗又新街27-29J號建威大廈地下6號舖

忠輝燒鵝專門店 ｜ 元朗依間忠輝燒味係我no. 1 之選 （ 屯元天）因為無論佢既各式各樣燒味 / 燒味飯都係一樣好出色 份量又多燒味飯既話基本上份量一定可以分二餐食都仲得平時如果燒味飯 我必叫四寶飯😋😋😋😋不過今日年三十晚 要做節所以專登預早小小打去留定d燒味今次叫左二款燒味豉油雞🐥🐥🐥肉質好嫩，仲好彈牙 小小老既成份都冇 啖啖都充滿肉汁味😋😋必選另一個叫左 燒腩仔不過今日大時大節佢加左小小價都唔算話太貴燒腩仔就算擺左幾個鐘都係好脆 唔會話太肥😋😋😋

每次行過都有人龍排緊隊買飯，今日好彩竟然唔使排😆燒味飯單拼$26雙拼$28，叫咗腩仔拼叉燒$30，一打開個飯盒嗰陣嚇親，多到我以為自己買咗盒淨餸🤯 叉燒味道同口感都一般般，腩仔唔會太肥反而唔錯，白飯唔會煮得太淋🍚 呢個份量真係一個人唔會食得晒，好努力先食晒啲肉，下次一定要叫少飯😵 飯盒全部都會跟一盒嘢飲，抵食👍🏻值得一提嘅係呢間燒味檔啲師傅好有禮貌，又好好笑容💯 最緊要係找錢唔會找到成手油😆 價錢平服務又好，抵佢多人幫襯嘅😎

夜晚唔知食咩好。行行下見呢間開咁耐，未食過。就試下。望到28蚊雙拼飯簡直眼前一亮。平成咁～真心唔會有任何期望入得口、填得飽個肚就算。收錢同袋飯盒個師傅好有禮貌。（真係好少有。）竟然仲送包裝飲品。買完滿心歡喜，但內心都勸自己咪開心得咁早。始終自己只俾左28蚊。人地要舖租人工貨錢。返到屋企一開O晒咀⋯⋯咁靚既？（食過先知。）食左真係俾晒Like…佢無論價錢質素都好過好多酒樓。雞係滑既。（我麻麻地食雞。叫雞都係只為薑蓉。但佢有本事會令我想再食。而且我同師傅講多薑蓉佢真係有俾多我。好開心。）好成咁～～呢間我一定會成日再幫襯。

元朗喺我最鍾意去覓食嘅地方.呢度食店多.包羅萬有.不論任何國家嘅文化菜式.講得出都有.耐唔耐我都會入嚟元朗走一轉.本人喜歡新派嘅食物或者懷舊老店食物.街邊流動咸蛋黃綠豆豬肉糉.成記豬扒飯.添記炭燒限量燒豬肉.還有佢哋嘅生熟地烏卒卒湯.通通都是我最鍾意地度美食.呢日我又同家人一齊入嚟元朗區覓食.整日喺元朗區大街小巷穿插.食完蠔餅.再到又新街覓食再到雞地C3食意粉.今天各人都食得很飽.返回又新街正當準備離別之際.又見到忠輝燒臘飯店.門口又排著長龍隊.呢間嘢.之前都有來賣佢哋白雲鳳爪.好好食.依家已經唔見有得賣.真係好想念佢哋嘅白雲鳳爪！我都唔好執輸.買番盒燒腩仔四寶飯.回家再繼續美食佳餚！

元朗呢間燒味店 繁忙時段長期排長龍佢哋既燒味份量真係好重手😂$35🤩就可以食到燒鵝四寶飯或者乳豬四寶飯而其他單拼飯$26 雙拼飯 $28 全部都係大份夾抵食 💛💛💛 燒鵝四寶飯 連湯/紙包飲品 $35一打開盒飯 簡直可以用滿到瀉嚟形容裏面有燒鵝、油雞、紅腸、鹹蛋咁抵食真係邊到搵😆😆💛燒鵝髀叉燒飯 連湯/紙包飲品 $108燒鵝髀既關係 個外賣盒係大盒啲我諗咁先可以放得落咁大隻燒鵝髀😆燒鵝肉肥瘦勻稱 皮薄酥脆 咬落口皮脆肉嫩配上酸梅醬酸味溫和開胃 可中和油膩感叉燒略為偏瘦 肉質偏實肉💛 忠輝燒鵝專門店📍元朗又新街27-29J號建威大廈地下6號舖📍元朗俊賢坊28號安基大廈地下12A號鋪

今日排隊，要肥叉雞飯，打開個盒，叉燒係橙色，衰過瘦肉，一點肥都冇，跟住隻雞，唔係脾，唔係翼，係頭頭尾尾果d黎，骨多過肉，其實28蚊，唔係貴，但俾d咁既質素就真係唔得掂，記得有一次，叫叉鴨，變左叉飯，隻鴨唔知去左邊。其實唔係得忠輝$28，好多燒味店都做緊呢個價，希望大家去其他地方試下。最後都係去隔離果間20蚊雙餸飯，無野飲都唔緊要，希望忠輝見到呢片文章，叫師傅唔好咁求其，生意好都唔好hea做，唔該哂！

家住元朗次次行過忠輝都唔知點解咁多人大熱天時都要排隊今日見人少少試下先$35沙薑雞飯雞脾嫩滑有雞味抵食收錢哥哥仲好有禮貌***********食埋隔離阿玉豆腐花

我相信大家有時都會想食下燒味,但係好多燒味鋪都冇表態或者係藍店。 今日就食咗一間元朗嘅黃燒味店。首先,佢嘅價錢相當平民化,一盒普通嘅雙拼飯,連紙包嘢飲都唔使40蚊。份量都算多,真係大件夾抵食。我今次食咗佢個招牌燒鵝飯都只係50蚊,平過一般燒鵝店。味道方面,佢啲燒鵝肥瘦適中,唔會有太多脂肪,又唔會冇乜口感。鐘意食燒鵝嘅朋友,可以試下。唯一我覺得不足既地方係,佢地只做外賣,冇得堂食,對唔喺附近住或者返工既朋友真係有啲唔方便。